Hebreos 11:11 - Kaqchikel Santo Domingo (Xenacoj)

¹¹ Ri Abraham roma kuqul rukꞌuꞌx rikꞌin ri Dios, xyoꞌox uchuqꞌaꞌ pa rubꞌaqil chin xralkꞌualaj jun ralkꞌuaꞌl rikꞌin ri rixjayil Sara, porque xutaqij chi ri Dios ri ma jumbꞌey ndujel ruwech rutzij kin nduyaꞌ wi ri rusujun. Y keriꞌ xbꞌanatej maske ri Abraham rijilej chik y ri Sara ma ndalan ta.

နောက်ထပ်ဗားရှင်းများ

Kaqchikel Santa Maria de Jesus

¹¹ Ri Sara ri raxjayil ri Abraham, can xucukubꞌaꞌ jeꞌ rucꞌuꞌx riqꞌuin ri Dios. Rumareꞌ xunimaj chi ketzij ri xuꞌej ri Dios, xyoꞌx ruchukꞌaꞌ chi xcꞌujieꞌ ral y can xcꞌujieꞌ ri ral, mesque jajaꞌ manak ral alaxnak y xa aviela chic jeꞌ.

Kaqchiquel Bible

¹¹ Roma ri kuqubabel-k'u'x, chuqa' ri Sara ri man alanel ta xuk'ul uchuq'a' richin nalex jun ral. Kan xalex na wi ri ral stape' k'a pa rurijixinen, roma rija' kan xukuquba' ruk'u'x chi ri Dios kan nuben wi ri nusuj.

Kaqchikel Central Guatemala

¹¹ Ri Sara ri rixjayil ri Abraham, can xucukuba' chuka' ruc'u'x riq'uin ri Dios. Ri Dios xubij chi xtic'oje' jun ral, y rija' xunimaj ri xubij ri Dios chire. Y can xalex na vi ri ac'ual riq'uin ri Sara, stape' ri'j chic y man alanel ta.

Re C'ac'a Testamento pa Kach'abal

¹¹ Re Sara re ruxayil re Abraham, can xuban chuka' confiar-ri' riq'uin re Dios. Re Dios xubij che xtic'ue' jun ral, y reja' can xunimaj che quire'. Y astapa' reja' re'j chic y cama-va nalan-ta, pero can xc'ue-va ac'ual riq'uin.

Kaqchikel Western Solola

¹¹ Ri Sara ri rixjayil ri Abraham, ruma chi can rucukuban chuka' ruc'u'x riq'ui ri Dios, rumari' tek can xunimaj wi chi can kitzij ri xubij ri Dios chi riya' xtic'oje' jun ral, y rumari' xuc'ul uchuk'a' riche (rixin) chi xpe alanic chrij. Y can xalex na wi ri ac'al riq'ui ri Sara, astape' riya' can ti ri'j chic y ma alanel ta.

Hebreos 11:11 ပူးပေါင်းရင်းမြစ်များ

Hebreos 10:23

Y roj ri qatzijon chake ri wineq chi qoyobꞌen ri rusujun ri Dios, ma kaꞌiꞌ qakꞌuꞌx tiqabꞌen chiroyobꞌexik, xa kin jumul kuqul qakꞌuꞌx tiqoyobꞌej, porque ri Dios ri sujuyun, ma ndujel ta ruwech rutzij, xa kin ndubꞌen wi ri rubꞌiꞌin.

San Lucas 1:36

Ri awoxpochel Elisabet, ndalex chuqaꞌ jun ral, y maske intéra ixaq chik y xbꞌix chirij chi ma ndalan ta, oxiꞌ chik ikꞌ pariꞌ chin ndalex ral.

Romanos 9:8

Y reꞌ ndubꞌij tzij chi ma konojel ta ri eriy-rumam ri Abraham eqetzij ralkꞌuaꞌl ri Dios, xa kin xe ri echaꞌon roma ri Dios chin ndikil ri rusujun, xaxe rejeꞌ eralkꞌuaꞌl ri Dios.

Gálatas 4:23

Ri ral ri Agar ri loqꞌon samajel, xalex roma ri Abraham y ri Sara xkibꞌen ruwech chi ndikꞌojeꞌ qa ri Abraham rikꞌin ri Agar chin xalex akꞌual chiruqꞌaꞌ ri Agar. Jakꞌa ri jun chik ralkꞌuaꞌl ri Abraham xkꞌojeꞌ chiruqꞌaꞌ ri Sara ri kin libre wi y qitz rixjayil ri Abraham. Ri akꞌual riꞌ xalex roma kin bꞌiꞌin wi pe roma ri Dios chi ndalex.