Hebreos 10:36 - Kaqchikel Santo Domingo (Xenacoj)

³⁶ Keriꞌ nibꞌij chiwa, porque ndikꞌatzin chi qꞌij-qꞌij ngixkochꞌon, chin keriꞌ rikꞌin ri ndibꞌen ri rurayibꞌel ri Dios, ndiyoꞌox chiwa ri sujun kan roma rijaꞌ.

နောက်ထပ်ဗားရှင်းများ

Kaqchikel Santa Maria de Jesus

³⁶ Can ticꞌujieꞌ i-paciencia, chi quireꞌ ntiꞌan ri nrajoꞌ ri Dios, y xa quireꞌ xtiꞌan, can xtiyoꞌx chiva ri ranun prometer ri Dios.

Kaqchiquel Bible

³⁶ Kan nik'atzin k'a chi yixkoch'on, y rik'in ri', rix niben ri rurayibel ri Dios, y nik'ul ri utzil ri rusujun chiwe.

Kaqchikel Central Guatemala

³⁶ Y can nic'atzin c'a chi yixcoch'on, y riq'uin ri', rix niben ri rurayibel ri Dios y xtic'ul ri utzil ri rusujun chive.

Re C'ac'a Testamento pa Kach'abal

³⁶ Y can nic'atzin c'a che yixcoch'on, y roma yixcoch'on, xa riq'uin re' can niban re nurayij re Dios y xtic'ul chuka' re utzil re rusujun chiva.

Kaqchikel Western Solola

³⁶ Ruma can rajawaxic c'a chi yixcoch'on, riche (rixin) chi queri' riyix yixcowin niben ri nrajo' ri Dios, y tek ibanon chic ri nrajo' ri Dios xtic'ul ri utzil ri tzujun (sujun) chiwe.

Hebreos 10:36 ပူးပေါင်းရင်းမြစ်များ

Hebreos 12:1

Y roma kin ekꞌiy ri ojer teq qatit-qamamaꞌ ri xkikꞌut kan rikꞌin ri kikꞌaslen achike rubꞌeyal ri ndikuqeꞌ qakꞌuꞌx rikꞌin ri Dios, romariꞌ tiqelesaj e pa qakꞌaslen nojel ri ndubꞌen chaqe chi ma ngojan ta, y ri mak ri ndubꞌen chaqe chi ngojtzaq, tiqaxikꞌaꞌ qiꞌ, ma qojkos chin ndeqakꞌisaꞌ ri bꞌey kꞌa kꞌo na chiqawech.

1 Corintios 13:7

Ri ndojowan rikꞌin nojel ránima, ndukachꞌ nojel ri itzel ndibꞌan chare, ma chaꞌanin ta ndutaqij chi kꞌo ma utz ta ndajin rikꞌin jun chik, xa kin ndiroyobꞌej chi ri ndubꞌen jun chik, kin pa ruchojmil xtubꞌen chare chuwech ri Dios, y ndukachꞌ ri kꞌayew nduqaqa pa rukꞌaslen.

San Lucas 21:19

Si ma xkixtzolij ta chiwij y jumul xtikachꞌ iwech hasta pa rukꞌisibꞌel, kin xtikolotej ri ikꞌaslen.

Hebreos 6:15

Y keriꞌ ri Abraham ma xkꞌo ta rukꞌuꞌx chiroyobꞌexik ri xsuj chare, y kin xyoꞌox wi chare.

Romanos 2:7

Kin xtuyaꞌ ri kꞌaslen ma ndikꞌis ta chake ri jumul ndikitij kiqꞌij chi ngekibꞌanalaꞌ ri utz. Rejeꞌ ndikibꞌen ri utz porque ndikajoꞌ chi ndikꞌojeꞌ kiqꞌij, ndinimrisex kibꞌiꞌ y ndikil ri kꞌaslen ri maneq ruqꞌaꞌ ri kamik chare.

Apocalipsis 14:12

¡Chireꞌ nditzꞌetetej chi ri eloqꞌolej ralkꞌuaꞌl ri Dios ri kiniman ri ru-mandamientos y ma kiyoꞌon ta kan chi kuqul kikꞌuꞌx rikꞌin ri Jesús, ndikꞌatzin chi ngekochꞌon!

1 Juan 2:17

Y ri wineq ri ngebꞌanun ri ma utz ta chochꞌulew xa kin xkekꞌis, y ngekꞌis chuqaꞌ nojel ri itzel teq kirayinik, pero si jun ndubꞌen pa rukꞌaslen ri rurayibꞌel ri Dios, ndiril ri kꞌaslen ma ndikꞌis ta.

Gálatas 6:9

Roma kꞌa riꞌ, ma qojkos chin ndiqabꞌen ri utz, porque nduqaqa jun qꞌij atoq ndiyoꞌox rajel-rukꞌexel chaqe, si ma ndiqamalij ta kan chi ndiqabꞌen ri utz.

San Mateo 10:22

Y roma yin itaqin, kin itzel xkixtzꞌat koma konojel wineq, pero ri jumul ndukachꞌ ruwech hasta pa rukꞌisibꞌel, kin ndikolotej.

Colosenses 1:11

Ndiqakꞌutuj chi ri Dios rikꞌin ri santienta ruchuqꞌaꞌ ri kin nimalej ruqꞌij, kin ta xtuyaꞌ ruchuqꞌaꞌ ri iwánima, chin keriꞌ jumul kuqul ikꞌuꞌx rikꞌin ri Cristo, y ngixkochꞌon chupan ri kꞌayew ndiqꞌasaj pa ikꞌaslen.

Romanos 8:25

Pero si qoyobꞌen ri kꞌajani tuyaꞌ ri Dios chaqe, kin rikꞌin nojel qánima ndiqoyobꞌej y ma ndikꞌo ta qakꞌuꞌx chiroyobꞌexik.

Hebreos 9:15

Y romariꞌ, ja ri Jesús xkusex chin xbꞌan ri kꞌakꞌakꞌ pacto, chin keriꞌ rikꞌin ri rukamik ngerukal ri wineq chuwech ri mak xkibꞌen atoq xekꞌojeꞌ chuxeꞌ ruchuqꞌaꞌ ri nabꞌey pacto. Y roma chuqaꞌ ri rukamik roj qonojel ri roj oyon roma ri Dios, ndiyoꞌox chaqe ri herencia ri ma ndikꞌis ta, herencia ri rusujun kan rijaꞌ.

Colosenses 3:24

Porque iwetaman chi kꞌo jun qꞌij ri Ajaw nduyaꞌ herencia chiwa, rajel-rukꞌexel ri samaj ndibꞌen. Ma timestaj chi ja ri Cristo ri Rajaw ri samaj ndibꞌen.

Hebreos 13:21

Kin ta ja Dios riꞌ, ndiyoꞌon nojel ri ndikꞌatzin chiwa chin ngixtiker ndibꞌen ri utz pa ikꞌaslen, achel ndirajoꞌ rijaꞌ, y kin ta roma ri Jesucristo, ri Dios ndubꞌen chuqaꞌ chaqe chi ngojtiker ndiqabꞌen ri ndiqaꞌ chuwech. ¡Kin ta ndiyoꞌox nimalej ruqꞌij chin jumul! Amén.

Hebreos 6:12

Ma ndiqajoꞌ ta chi ngixqꞌorayaj, ndiqajoꞌ chi ndiwoqaj kikꞌaslen ri ndok kichin ri rusujun ri Dios porque kiyoꞌon kánima rikꞌin rijaꞌ y ma qꞌaxneq ta kikꞌuꞌx chiroyobꞌexik ri rusujun.

Efesios 6:6

Ma xe ta atoq kꞌo ri iwajaw chiꞌinaqaj utz kixsamej, xe roma ndiwojoꞌ chi utz ngixtzꞌat koma rejeꞌ. Kixsamej kin achel ta rix loqꞌon teq samajelaꞌ chin ri Cristo, tibꞌanaꞌ ri samaj bꞌiꞌin chiwa, achel ndurayij ri Dios chi ndibꞌen.

Romanos 12:2

Ma tibꞌen rix achel ndikibꞌen ri wineq bꞌaneq kánima chirij ri ndusuj ri rochꞌulew, xa kin tiyaꞌ qꞌij chare ri Dios chi tuyaꞌ jun kꞌakꞌakꞌ nojibꞌel chiwa chin ndijalatej ri ikꞌaslen, y keriꞌ ndiwetamaj ri rurayibꞌel ri Dios, rayibꞌel ri kin utz, kin tzꞌaqet y kin ndiqaꞌ chuwech chi ndibꞌan.

San Mateo 24:13

Pero ri ma xtitzolij ta chirij y jumul xtukachꞌ ruwech hasta pa rukꞌisibꞌel, kin xtikolotej.

Apocalipsis 13:10

Chupan teq ri qꞌij riꞌ, si kꞌo jun ri bꞌiꞌin chik pa ruwiꞌ chi ndukꞌuꞌex pa cheꞌ, Pa cheꞌ ndeyoꞌox wi, Si kꞌo jun bꞌiꞌin chik chi ndikamisex rikꞌin espada, Rikꞌin espada ndikamisex. Rikꞌin ri keriꞌ ndibꞌanatej, ndikꞌatzin chi ngekochꞌon ri loqꞌolej ralkꞌuaꞌl ri Dios, y ndikꞌatzin chuqaꞌ chi ma ndikiyaꞌ kan chi kuqul kikꞌuꞌx rikꞌin ri Dios.

1 Pedro 1:9

Porque rikꞌin riꞌ, ndeꞌiwilaꞌ ri achike roma iyoꞌon iwánima rikꞌin ri Ajaw, y riꞌ ja ri ikolotajik.

Hebreos 6:17

Romariꞌ, ri Dios xubꞌen jurar atoq xrajoꞌ xukꞌut utz-utz chikiwech ri ngekochin ri rusujun, chi rijaꞌ ma ndujel ta ruwech rutzij, xa kin nduyaꞌ wi ri rusujun.

Colosenses 4:12

Nduteq ruxunaqil iwech ri hermano Epafras, jun iwinaq rix. Rijaꞌ jun rusamajel ri Cristo Jesús, y kin jumul ndubꞌen orar. Ndukꞌutuj chare ri Dios pa iwiꞌ chi kaw ngixpeꞌeꞌ chiraqen ri Dios y ndikꞌiy utz-utz ri ikꞌaslen chuwech, y chi kin kuqul ikꞌuꞌx iwetaman ndibꞌen ri rurayibꞌel ri Dios.

Hechos 13:22

Pero atoq ri Dios xrelesaj e ri Saúl chi rey, ja ri David xuyaꞌ kan pa rukꞌexel, y kereꞌ xubꞌij pa ruwiꞌ: Riyin nutzꞌeton chi ri David ri rukꞌajol ri Jesé, jun achi ri kin ndikikot wánima rikꞌin. Rijaꞌ xtubꞌen nojel ri nirayij riyin, xchajeꞌ ri Dios.

San Juan 7:17

Si kꞌo jun ndirajoꞌ ndubꞌen ri rurayibꞌel ri Dios, ndukꞌoxomaj si ri tijonik niyaꞌ riyin kin rikꞌin ri Dios pataneq o xa riyin tzꞌukuyun qa.

San Lucas 8:15

Pero ri utzulej ulew apeꞌ xeqaqa jujun chik semilla, ja ri wineq ri ndikakꞌaxaj rutzij ri Dios y rikꞌin utzulej y chꞌajchꞌaj kánima ndikiyaꞌ qꞌij chare chi ndubꞌen qa ruxeꞌ pa kánima. Ri wineq riꞌ jumul ndikitij kiqꞌij chi ngebꞌiyin pa rubꞌey ri Dios y romariꞌ ndiwachin utz-utz ri kikꞌaslen.

San Mateo 21:31

Ri Jesús xubꞌij: ¿Achike kꞌa chikiwech re ekaꞌiꞌ kꞌajolaꞌ reꞌ, ri xbꞌanun ri xrajoꞌ ri kitataꞌ? Rejeꞌ xkibꞌij: Ja ri nabꞌey. Y ri Jesús xubꞌij chake: Kin qetzij nibꞌij chiwa, chi ri moloy teq méra pa rubꞌiꞌ ri rey y ri ixoqiꞌ ri ndikikꞌayilaꞌ kiꞌ chake achiꞌaꞌ, ngenabꞌeyaj chiwech chin ngeꞌok pa ru-reino ri Dios.

San Mateo 12:50

Porque ri ndibꞌanun rurayibꞌel ri Nataꞌ kꞌo chikaj, jariꞌ nchaqꞌ, wanaꞌ y nteꞌ.

San Mateo 7:21

Ma konojel ta ri ngebꞌiꞌin Ajaw, Ajaw chuwa, xkeꞌok chupan ri aj chikaj reino, xa kin xe wi ri ngebꞌanun ri rurayibꞌel ri Nataꞌ Dios kꞌo chikaj.

1 Tesalonicenses 1:3

porque atoq ndiqabꞌen orar chuwech ri Qatataꞌ Dios, jumul ndiqakꞌuxlaꞌaj ri samaj ibꞌanun pe roma kuqul ikꞌuꞌx rikꞌin ri Ajaw y chi ngixsamej chikitoꞌik chꞌaqa chik roma ngixojowan, y chi kin ndikachꞌ ri kꞌayew ndiqꞌasaj roma iwoyobꞌen ri Qajaw Jesucristo.

Hechos 13:36

Kin qetzij wi chi ri David atoq xkꞌojeꞌ chochꞌulew, xerutoꞌ ri wineq achel xrajoꞌ ri Dios, pero xken y xmuq apeꞌ emuqul ri rute-rutataꞌ y kin xqꞌey wi qa ri ru-cuerpo.

Marcos 3:35

Porque achike na ri ndibꞌanun ri rurayibꞌel ri Dios, jariꞌ nchaqꞌ, wanaꞌ y nteꞌ, xchajeꞌ ri Jesús.

Romanos 12:12

Tzꞌan kixkikot chiroyobꞌexik ri favor nduyaꞌ ri Dios. Tikochꞌoꞌ ri kꞌayew ndiqꞌasaj pa ikꞌaslen, y jumul tibꞌanaꞌ orar.

Hebreos 11:39

Y konojel rejeꞌ roma kuqul kikꞌuꞌx rikꞌin ri Dios, xkikot ri Dios kikꞌin roma xeqaꞌ chuwech. Pero ma xuyaꞌ yan ta chake ri rusujun,