Hebreos 10:20 - Kaqchikel Santo Domingo (Xenacoj)

²⁰ Porque rikꞌin ri rukamik ri Jesús, xujeq jun kꞌakꞌakꞌ y kꞌaslik bꞌey chiqawech. Atoq xken rijaꞌ, ri pimilej kꞌul jachayon rupan rachoch ri Dios xretzetej, y xel pa kaꞌiꞌ, y wokami maneq ndiqꞌato qabꞌey chin ngojbꞌeqaqa chuwech ri Dios.

နောက်ထပ်ဗားရှင်းများ

Kaqchikel Santa Maria de Jesus

²⁰ Can xujak ri jun cꞌacꞌacꞌ y cꞌaslic bꞌay chakavach, antok jajaꞌ xcon choch ri cruz. Xkꞌachꞌitaj pa nicꞌaj y caꞌyeꞌ xiel ri tziak ri choj cha jachuon-ve rupan ri templo. Mareꞌ vacame man jun chic nikꞌato kabꞌiey chi nkubꞌaka cꞌa riqꞌuin ri Dios.

Kaqchiquel Bible

²⁰ Kan xujeq-wi k'a jun k'ak'a' bey chiqawech ri richin k'aslen, chirij apo ri tasbel rupan ri rachoch ri Dios, ri oj ruch'aron rik'in rija' ri ojer kan. Re' xuben rik'in ri ruch'akul ri xutej poqon chuwech ri cruz.

Kaqchikel Central Guatemala

²⁰ Can xujek-vi c'a jun c'ac'a' bey chikavech, bey ri richin c'aslen; tok rija' xquen (xcom) chuvech ri cruz. Y tok xquen (xcom), ri tziek ri tz'apeyon richin ri parte richin ri rachoch ri Dios ri Más Santo'ilej, xel pa ca'i'. Y ri' nuk'alajirisaj chikavech chi vacami man jun nik'aton kichin richin yojjel-apo c'a riq'uin ri Dios.

Re C'ac'a Testamento pa Kach'abal

²⁰ Tak re Jesús xcom cho cruz, xujak jun c'ac'a bey chakavach, y re bey re' ja re bey chin c'aslen. Y tak reja' xcom, re utzulaj tziak re anchok cha tason-va rupan re rachoch re Dios xel ca'e' y riq'uin re' xjakataj ruchi' re lugar nibex Santísimo cha. Y re' xusekresaj chakavach che vocame c'o modo yojoc-apo riq'uin re Dios y man jun nik'ato kachin.

Kaqchikel Western Solola

²⁰ Can xujek wi c'a jun c'ac'ac' bey chkawech, bey ri riche (rixin) c'aslen; tek Riya' xcom chuwech ri cruz. Xretzetej (xtzeretej) c'a pa ca'i' ri tziek ri achoj riq'ui jachon wi ri nimalaj Lok'olaj lugar chiri' pa rachoch ri Dios. Y ri' nuk'alajsaj chkawech chi wacami majun nik'ato kiche (kixin) riche (rixin) chi yojjel apo c'a riq'ui ri Dios.

Hebreos 10:20 ပူးပေါင်းရင်းမြစ်များ

San Juan 14:6

Y ri Jesús xubꞌij: Ja riyin ri bꞌey, ja riyin ri qetzij y ja riyin ri kꞌaslen, nixta jun nditiker ndeqaqa apeꞌ kꞌo ri Tataꞌaj Dios, si ma ngirutaqij ta riyin.

San Juan 10:9

Ja riyin ri tzꞌapiꞌ chin kikoral ri enukarneꞌl, y ri ndok pe chupan re tzꞌapiꞌ reꞌ, kin ndikolotej wi. Y achel ri karneꞌl ma ndikixibꞌij ta kiꞌ chin ngeꞌel-ngeꞌok pa koral y ndikil kiway, keriꞌ kikꞌaslen ri nginikitaqij.

Hebreos 9:3

Y chirij apu ri rukan kꞌul ri jachayon rupan rachoch ri Dios, kꞌo apu ri kꞌojlibꞌel ndibꞌix más loqꞌolej chare.

Hebreos 9:8

Y rikꞌin ri keriꞌ ndibꞌanatej chupan ri aj rochꞌulew rachoch ri Dios, ri Espíritu Santo nduqꞌalajrisaj chi mientras kꞌa kꞌo ri aj rochꞌulew rachoch ri Dios, kꞌajani tijaqeꞌ ri bꞌey chin ngeꞌok ri wineq chupan ri kꞌojlibꞌel más loqꞌolej apeꞌ kꞌo ri Dios.

Hebreos 6:19

Y ri qoyobꞌen chi nduyaꞌ kin achel jun yuqubꞌel chin ri qánima ri roj ruximon kaw, achel jun ancla yoꞌon qa pa yaꞌ ri ndubꞌen chare jun barco chi xe jun apeꞌ ndikꞌojeꞌ pariꞌ ri yaꞌ. Ri qoyobꞌen ndubꞌen chaqe chi achel roj qꞌaxneq chi apu jukꞌan chin ri pimilej kꞌul ri tzꞌapiyon ruchiꞌ ri kꞌojlibꞌel más loqꞌolej chin ri aj chikaj rachoch ri Dios.

San Juan 10:7

Ri Jesús xubꞌij chuqaꞌ: Kin qetzij nibꞌij chiwa: Ja riyin ri tzꞌapiꞌ chin ri koral apeꞌ ngeꞌel-ngeꞌok ri karneꞌl.

1 Juan 4:2

Y jareꞌ ri rubꞌeyal chin ndiwetamaj achike ri ukꞌuan roma ri Espíritu Santo: Ri ndibꞌiꞌin chi ri Jesucristo xuqaqa chochꞌulew y xkꞌojeꞌ ru-cuerpo achel qa-cuerpo roj wineq, qꞌalej chi rikꞌin ri Dios pataneq ri ndubꞌij.

1 Pedro 3:18

Tikꞌuxlaꞌaj chi ri Cristo xe jumbꞌey xkꞌatzin xken chin xutaj ri qamak. Rijaꞌ nixta jun mak rubꞌanun, y xuqꞌasaj kꞌayew qoma roj ri roj aj mak, chin xujeq bꞌey chiqawech chin kꞌo cheꞌel ngojok rikꞌin ri Dios. Ri aj rochꞌulew ru-cuerpo ri Cristo xken, pero ri ru-espíritu kin kꞌes wi.

1 Timoteo 3:16

Y kin qetzij chi santienta reqalen ri qataqin, ri ewan pe rubꞌeyal ojer kan, pero wokami qꞌalajrisan chiqawech roma ri Dios pa ruwiꞌ ri Cristo. Y jareꞌ ri rukꞌuꞌx: Ri Cristo xqꞌalajrisex chiqawech rikꞌin jun cuerpo achel qa-cuerpo roj wineq. Xqꞌalajrisex chiqawech roma ri Espíritu Santo chi kin chojmilej ri rukꞌaslen. Xtzꞌetetej koma ángeles. Xyoꞌox utzulej rutzijol chake ri ma israelitas ta, Xtaqix koma wineq chochꞌulew, Xukꞌuꞌex e y xkꞌan ruwech chikaj rikꞌin nimalej ruqꞌij.

San Lucas 23:45

Ri qꞌij qꞌequꞌ xubꞌen qa ruwech y ri kꞌul jachayon rupan rachoch ri Dios, xretzetej pa nikꞌaj.

Marcos 15:38

Ri kꞌul jachayon rupan rachoch ri Dios, xel pa kaꞌiꞌ, xretzetej pe pariꞌ y xukꞌis qa hasta pa xulan.

San Mateo 27:51

Y kꞌateꞌ ruwech ri kꞌul jachayon rupan rachoch ri Dios, xel pa kaꞌiꞌ, xretzetej pe pariꞌ y xukꞌis qa hasta pa xulan, xbꞌanatej jun kobꞌraqen y ri nimaꞌq teq abꞌej xepax.

2 Juan 1:7

Porque wokami ekꞌiy ebꞌaneq chochꞌulew, ri ngebꞌiꞌin chi ri Jesucristo atoq xuqaqa chochꞌulew, ma xkꞌojeꞌ ta ru-cuerpo achel qa-cuerpo roj wineq. Ri keriꞌ ngebꞌiꞌin, xa echꞌakatinelaꞌ, y xa ejunan rikꞌin ri jun ri yakatajneq chirij ri Cristo.

Efesios 2:15

Xubꞌen chuqaꞌ chi maneq chik kuchuqꞌaꞌ pa qawiꞌ roj israelitas ri mandamientos y ri jalajaj teq achike ndubꞌij chupan ri ley ri xyoꞌox chare ri Moisés chi tiqabꞌanaꞌ. Xubꞌen jun kꞌakꞌakꞌ tinamit chaqe roj chi israelitas y ma israelitas ta ri xe jun qabꞌanun rikꞌin, y xuyaꞌ uxlanen chiqakajal.