Hebreos 1:14 - Kaqchikel Santo Domingo (Xenacoj)

¹⁴ Porque konojel ri ángeles xa erusamajelaꞌ ri Dios y e-espíritus ri ngeruteq chikitoꞌik ri wineq ri achoq chake nduyaꞌ ri kolotajik.

နောက်ထပ်ဗားရှင်းများ

Kaqchikel Santa Maria de Jesus

¹⁴ Ri ángeles can i-espíritu y i-rusamajiel ri Dios. Y ijejeꞌ ncaꞌrutak ri Dios chi ncaꞌquitoꞌ ri i-choꞌn chi ncaꞌcolotaj.

Kaqchiquel Bible

¹⁴ Ri ángel ri' choj e rusamajela' ri Dios y ja rije' ri yetaq roma ri Dios richin yekito' ri xkekolotej.

Kaqchikel Central Guatemala

¹⁴ Ri ángeles can choj c'a e rusamajela' ri Dios. Y je rije' ri yetak roma ri Dios richin yequito' ri e colotajinek.

Re C'ac'a Testamento pa Kach'abal

¹⁴ Re ángeles xa je espíritu y je rusamajela' re Dios. Y ja reje' re ye'tak roma re Dios chin ye'quito' re xque'colotaj chach re quimac.

Kaqchikel Western Solola

¹⁴ Ri ángeles can ye espíritu y ye rusamajel ri Dios. Y can yetak wi ruma ri Dios riche (rixin) chi yequito' ri winek ri yatajnek chique chi xtiquil na ri colotajic.

Hebreos 1:14 ပူးပေါင်းရင်းမြစ်များ

San Mateo 18:10

Titijaꞌ iqꞌij chi ma tibꞌen chake re chꞌuteq wíta re yin kitaqin chi nixta jun keqalen. Porque nibꞌij chiwa chi ri ki-ángeles rejeꞌ jumul ekꞌo apu chuwech ri Nataꞌ chikaj.

Hechos 27:23

Porque ixqꞌeq xukꞌut riꞌ jun ángel chinuwech taqon pe roma ri Wajaw Dios ri achoq samaj nibꞌen,

Hechos 5:19

Pero chupan ri jun tokoqꞌaꞌ riꞌ, jun ángel chin ri Ajaw xujeq ruchiꞌ ri cheꞌ chikiwech ri apóstoles y xerelesaj e, y kereꞌ xubꞌij chake:

Hechos 12:7

Kꞌateꞌ ruwech xuqꞌalajrisaj riꞌ jun ángel chin ri Ajaw y xyikꞌan jun luz pa cheꞌ apeꞌ tzꞌapel ri Pedro. Ri ángel xukuyukaꞌ apu xerukꞌalkꞌaꞌx ri Pedro chin xukꞌasoj y xubꞌij chare: ¡Kayakatej paqiꞌ! xchajeꞌ. Ja atoq riꞌ ri cadenas ri achoq ikꞌin ximon ruqꞌaꞌ ri Pedro xetzaq e.

San Lucas 1:19

Ri ángel xubꞌij chare: Ja riyin ri Gabriel ri yinkꞌo chuwech ri Dios chin ngiruteq apejeꞌ na, y wokami yin taqon pe chin nuyaꞌ qa re utzulej tzij reꞌ chawa chi ndikꞌojeꞌ jun awalkꞌuaꞌl.

San Mateo 1:20

Pero atoq kꞌaja ndunojilaꞌ nojel reꞌ, jun ángel chin ri Ajaw xuqꞌalajrisaj riꞌ chuwech pa rachikꞌ y xubꞌij chare: José, rukꞌajol ri David, ma taxibꞌij awiꞌ ndakꞌen ri María chin ndok awixjayil, porque ri akꞌual royobꞌen, riꞌ rusamaj ri Espíritu Santo.

San Lucas 16:22

Kꞌo jun qꞌij xken ri Lázaro y xukꞌuꞌex koma ri ángeles apeꞌ kꞌo ri Abraham. Xken chuqaꞌ ri bꞌeyon y xbꞌemuq.

Hechos 12:23

Pa jumel ruwech jun ángel chin ri Ajaw xubꞌen chi xqaqa jun yabꞌil pa ruwiꞌ ri Herodes, y ri Herodes xkꞌux koma jut y jariꞌ xok chare chi xken. Jariꞌ ri castigo xyoꞌox chare, porque xrajoꞌ xujunumaj riꞌ rikꞌin ri Dios, roma utz xunaꞌ chi ri wineq xkibꞌij chi rijaꞌ jun dios.

San Lucas 2:9

Y xukꞌut kꞌa riꞌ jun ángel chikiwech, y ri nimalej ruqꞌij ri Ajaw xyikꞌan pa ruwiꞌ ri apeꞌ ekꞌo, y ri yuqꞌunelaꞌ santienta xkixibꞌij kiꞌ.

San Lucas 2:13

Y kꞌateꞌ ruwech rikꞌin ri ángel xeqꞌalajin pe santienta ángeles ri ndikiyaꞌ ruqꞌij ri Dios y ndikibꞌilaꞌ:

San Mateo 2:13

Atoq xebꞌa yan ri achiꞌaꞌ nimalej kinojibꞌal, jun ru-ángel ri Ajaw xuqꞌalajrisaj riꞌ pa rachikꞌ ri José, y kereꞌ xubꞌij chare: Kayakatej, takꞌuaj ri chꞌuti akꞌual y ri ruteꞌ y kixanimej. Kixbꞌiyin pa rochꞌulew Egipto, y kixkꞌojeꞌ chiriꞌ hasta kꞌa xtinbꞌij na chawa, porque ri rey Herodes yaméra nduteq rukanoxik ri akꞌual chin ndukamisaj.

Tito 3:7

Y ri Dios xubꞌen keriꞌ chin nixta jun qamak ndiqeqalej chuwech roma ri favor ruyoꞌon chaqe, chin keriꞌ ndok qichin ri utzulej kꞌaslen ma ndikꞌis ta ri qoyobꞌen rikꞌin nojel qánima.

Apocalipsis 5:6

Y atoq xitzuꞌun apu apeꞌ kꞌo ri trono, pa kinikꞌajal ri kajiꞌ kꞌo kikꞌaslen y ri 24 rijilej teq achiꞌaꞌ, xintzꞌet jun Alaj Karneꞌl peꞌel apu chiriꞌ, y ndiqꞌalajin chi altíra sokotajneq roma ri kamik xuqꞌasaj. Xintzꞌet chi kꞌo wuquꞌ rukꞌaꞌ y wuquꞌ runaqꞌ teq ruwech, y riꞌ ja ri wuquꞌ teq espíritu chin ri Dios etaqon chuwech nojel ri rochꞌulew.

1 Pedro 1:12

Pero ri Dios xuqꞌalajrisaj chake ri profetas chi ri favor ndikitzijoj, ma pa ki-tiempo ta rejeꞌ ndiyoꞌox, xa kꞌa pa i-tiempo rix. Y ja favor riꞌ ri iwakꞌaxan pa kichiꞌ ri ngetzijon ri utzulej teq tzij chin kolotajik, rikꞌin ruchuqꞌaꞌ ri Espíritu Santo taqon pe chikaj. ¡Y hasta ri ángeles chuqaꞌ ndikajoꞌ ndiketamaj rubꞌeyal ri favor riꞌ!

San Mateo 25:34

Y ja atoq riꞌ riyin ri Rey nibꞌij chake ri ekꞌo pa wikiqꞌaꞌ: Kixámpe rix ri kꞌo ru-favor ri Nataꞌ Dios pa iwiꞌ, kixok chupan ri reino bꞌanun ruwech chi ndok iwichin xe jampeꞌ xbꞌan pe ri rochꞌulew roma ri Dios.

Judas 1:14

Ri Henoc kꞌo xuqꞌalajrisaj kan chikij ri wineq riꞌ. Rijaꞌ jun chikikajal ri ruwuq tzaq wineq ri xekꞌojeꞌ chochꞌulew, ri xtzꞌukutej pe rikꞌin ri Adán. Y ri Henoc xubꞌij kan: Tiwakꞌaxaj kꞌa, riyin xintzꞌet chi ri Ajaw pataneq junan kikꞌin miles y miles loqꞌolej teq ru-ángeles,

1 Pedro 1:4

Y ndubꞌen chuqaꞌ chi ndiyoꞌox ri herencia yakon apu chiwa chikaj roma ri Dios. Ri herencia riꞌ ma ndiqꞌey ta, kin jumul chꞌajchꞌaj y ma ndikꞌis ta ruqꞌij.

Hebreos 6:17

Romariꞌ, ri Dios xubꞌen jurar atoq xrajoꞌ xukꞌut utz-utz chikiwech ri ngekochin ri rusujun, chi rijaꞌ ma ndujel ta ruwech rutzij, xa kin nduyaꞌ wi ri rusujun.

2 Tesalonicenses 1:7

Y rix ri ndibꞌan itzel chiwa, ri Dios kin pa ruchojmil ndubꞌen chi nduyaꞌ uxlanen chiwa junan qikꞌin roj chupan ri qꞌij atoq ri Ajaw Jesús nduqꞌalajrisaj riꞌ chikaj chupan ruxaq teq qꞌaqꞌ, achibꞌilan pe koma ri ru-ángeles ri yoꞌon pe nimalej uchuqꞌaꞌ chake.

Filipenses 2:25

Pero ndunaꞌ wánima chi wokami ndikꞌatzin niteq chi apu jumbꞌey iwikꞌin ri hermano Epafrodito, ri itaqon pe chin ngirutoꞌ rikꞌin ri achike ndikꞌatzin chuwa. Rijaꞌ jun hermano ri yin rachibꞌilan chutzijoxik ri utzulej teq tzij chin kolotajik y junan qatijon qaqꞌij ndiqakꞌut chi kin qetzij ri ndubꞌij ri tzij riꞌ, maske ekꞌo wineq ma ndiqaꞌ ta chikiwech.

2 Corintios 9:12

Porque atoq ndiqakꞌuaj ri toꞌonik riꞌ, ma xe ta ngeqatoꞌ ri loqꞌolej teq ralkꞌuaꞌl ri Dios rikꞌin ri ndikꞌatzin chake, xa kin ndubꞌen chuqaꞌ chi santienta ngematioxin chare ri Dios.

Romanos 15:27

Ri hermanos riꞌ xalex pa kánima xkimal ri ofrenda riꞌ, pero kin kꞌas wi chikij chin ngetoꞌon. Porque ri ma israelitas ta xkil ri favor nduyaꞌ ri Dios koma ri israelitas, romariꞌ ndikꞌatzin chuqaꞌ chi rejeꞌ ngekitoꞌ ri israelitas rikꞌin ri ndikꞌatzin chake chin ndikiqꞌasaj ri kikꞌaslen.

Romanos 15:16

chi yin okuneq jun sacerdote rusamajel ri Cristo Jesús chin ngenjech ri ma israelitas ta pa ruqꞌaꞌ ri Dios. Ndikꞌatzin nitzijoj ri utzulej teq tzij chin kolotajik chake, utzulej tzij ri pataneq rikꞌin ri Dios, chin keriꞌ ngeꞌok jun ofrenda ri ndiqaꞌ chuwech rijaꞌ, jun ofrenda chꞌajchꞌojrisan roma ri Espíritu Santo.

Romanos 13:6

Y roma chuqaꞌ riꞌ ndiqataj impuestos, porque ri kꞌo uchuqꞌaꞌ pa kiqꞌaꞌ, erusamajelaꞌ ri Dios, y ja samaj riꞌ ri ndikibꞌen.

Hechos 13:2

Kꞌo jun qꞌij atoq ri hermanos ndikiyaꞌ ruqꞌij ri Ajaw y ndikibꞌen ayunar, ri Espíritu Santo xubꞌij: Ri Bernabé y ri Saulo enuchaꞌon chin ndikibꞌen jun samaj, romariꞌ rix keꞌiyaꞌ chin ndikibꞌen ri samaj achoq roma ewoyon.

Hechos 11:22

Nojel re xbꞌanatej pa tinamit Antioquía, xbꞌeqaqa rutzijol pa kixikin ri ndikimal kiꞌ pa rubꞌiꞌ ri Ajaw pa tinamit Jerusalén. Romariꞌ, xkiteq ri Bernabé pa tinamit Antioquía.

San Lucas 1:23

Atoq xkꞌis ri janipeꞌ qꞌij ndisamej pa rachoch ri Dios, ri Zacarías xel e pa tinamit Jerusalén y xtzolij chirachoch.

San Mateo 24:31

Rikꞌin nimalej ruxulik trompeta, ngenteq ri nu-ángeles chuwech nojel ri rochꞌulew, chin ngebꞌekimoloꞌ ri enuchaꞌon. Y ma jun apeꞌ chuxeꞌ ri kaj ri man ta xkeꞌeqꞌax wi.

San Mateo 13:41

Riyin ri aj chikaj ri xinuꞌalex chiꞌikajal, ngenteq pe ri nu-ángeles chin ndukelesaj pa nu-reino nojel ri ndibꞌanun chake ri wineq chi ndikil jun roma ndikiyaꞌ kan ri Dios y chuqaꞌ konojel ri ngebꞌanun ri ma utz ta.

1 Pedro 3:7

Keriꞌ chuqaꞌ rix achiꞌaꞌ, rikꞌin utzulej noꞌoj tikꞌuaj ri kꞌaslen rikꞌin ri iwixjayil. Tiyaꞌ keqalen, tikꞌuxlaꞌaj chi más jubꞌaꞌ ok kuchuqꞌaꞌ ke chiwech rix, y chi junan kikꞌin rejeꞌ ndikochij ri kꞌaslen ri nduyaꞌ ri Dios chiwa roma ri ru-favor. Keriꞌ tibꞌanaꞌ kikꞌin, chin nixta jun achike ndiqꞌato ri i-oración.

Santiago 2:5

Nu-hermanos ri tzꞌan ngixinwojoꞌ, tiwakꞌaxaj re nibꞌij chiwa: Ri Dios eruchaꞌon ri maneq ok kichajin chochꞌulew chin ndikitaqij rijaꞌ, y riꞌ kin nimalej bꞌeyomal, y eruchaꞌon chuqaꞌ chin ngeꞌok pa ru-reino ri Dios, reino ri sujun chake konojel ri ngeꞌojowan richin.

Hebreos 10:11

Qꞌij-qꞌij ri sacerdotes israelitas epeꞌel ndikibꞌen rusamaj ri Dios y ndikisuj kikikꞌel awej teq chikap chuwech ri Dios, pero ri kikꞌ ri ngekisuj ma nditiker ta ndirelesaj chin jumul ri mak pa kikꞌaslen ri wineq.

Hebreos 8:6

Pero ri Jesús ri más nimalej ruqꞌij qa-Sacerdote, más utzulej samaj yoꞌon chare ke chuwech ri samaj yoꞌon chake ri sacerdotes eriy-rumam kan ri Leví. Y keriꞌ chuqaꞌ ri kꞌakꞌakꞌ pacto ri xubꞌen ri Dios kikꞌin ri wineq, kin más utz chuwech ri pacto kꞌo nabꞌey, porque ja ri Jesús xukusaj chin xubꞌen ri kꞌakꞌakꞌ pacto, y más jabꞌel teq achike ndusuj ri Dios chupan ri pacto riꞌ.

Hebreos 6:12

Ma ndiqajoꞌ ta chi ngixqꞌorayaj, ndiqajoꞌ chi ndiwoqaj kikꞌaslen ri ndok kichin ri rusujun ri Dios porque kiyoꞌon kánima rikꞌin rijaꞌ y ma qꞌaxneq ta kikꞌuꞌx chiroyobꞌexik ri rusujun.

Hebreos 5:9

Y roma xubꞌen nojel ri achike roma xtaq pe chochꞌulew, rijaꞌ xok Kolonel ri nduyaꞌ kolotajik chin jumul chake konojel ri ngeniman richin.

Filipenses 2:17

Porque rix kuqul ikꞌuꞌx rikꞌin ri Dios y romariꞌ ndibꞌen ri rusamaj. Ri keriꞌ ngixtajin rikꞌin, kin achel rix jun ofrenda ri ndiyaꞌ chare rijaꞌ. Y si riyin ngikamisex, ri nukamik ndok rutzꞌaqat ri ofrenda riꞌ, kin achel ri vino rutzꞌaqat ri ofrenda ri ndisujeꞌ cho altar. Y maske xkikamisex, kin xkikikot junan iwikꞌin rix iwonojel, porque rix y riyin ndiqayaꞌ qiꞌ chi ofrenda chare ri Dios.

Efesios 3:6

Y ri ruqꞌalajrisan ri Espíritu Santo jareꞌ: Rix ri ma rix israelitas ta, itaqin ri utzulej teq tzij chin kolotajik, y romariꞌ kꞌo favor ndiyoꞌox chiwa junan qikꞌin roj israelitas, y junan roj okuneq ruwachinel ruqꞌa-raqen ri Cristo y junan chuqaꞌ ndiyoꞌox chaqe ri rusujun ri Dios chi nduyaꞌ, porque xe jun qabꞌanun qonojel rikꞌin ri Cristo Jesús.

Gálatas 3:29

Y si rix richin chik ri Cristo, kin rix riy-rumam kan ri Abraham, y ndok iwichin chuqaꞌ ri bendición sujun chare ri Abraham ojer.

Gálatas 3:9

Romariꞌ, konojel ri ndikitaqij chi ri Dios nduyaꞌ ri rusujun, ndikil ri favor nduyaꞌ ri Dios, achel xril ri Abraham ri xutaqij ri xubꞌij ri Dios chare.

Gálatas 3:7

Romariꞌ, tiwetamaj chi ri qetzij eralkꞌuaꞌl ri Abraham, ja ri ngetaqin chi ri Dios nduyaꞌ ri rusujun.

Romanos 8:17

Y roma roj ralkꞌuaꞌl chik ri Dios, kin nduyaꞌ chaqe ri rusujun kan, y kꞌo ri ruyoꞌon chik chare ri Cristo ri ndiyoꞌox chuqaꞌ chaqe roj. Pero ndikꞌatzin ndiqaqꞌasaj kꞌayew achel rijaꞌ, chin keriꞌ ndikꞌojeꞌ qaqꞌij rikꞌin, chupan ri nimalej ruqꞌij rijaꞌ.

Hechos 16:26

Kꞌateꞌ ruwech, xbꞌanatej jun nim kobꞌraqen, y ri ruxeꞌ ri jay apeꞌ etzꞌapel ri Pablo y ri Silas xselon. Y ja paqiꞌ xejaqatej ri puertas chin ri cheꞌ, y ri cadenas ri achoq chake eximon konojel ri etzꞌapel pa cheꞌ xequpitej.

San Mateo 4:11

Ja atoq riꞌ ri itzel xuyaꞌ kan ri Jesús, y xebꞌeqaqa ángeles apeꞌ kꞌo ri Jesús, y ndikilij.

Marcos 10:17

Atoq ri Jesús xel pe chiriꞌ, juꞌanin xbꞌeqaqa jun achi apeꞌ kꞌo rijaꞌ, xxukeꞌ qa chuwech y kereꞌ xukꞌutuj razón chare: Utzulej tijonel, ¿achike ndikꞌatzin nibꞌen chin ndok wichin ri kꞌaslen ma ndikꞌis ta?

Romanos 11:14

Keriꞌ nibꞌen chin rikꞌin ta riꞌ, ri nuwinaqul israelitas ndikirayij ri ruyoꞌon ri Dios chiwa rix, y ekꞌo ta jujun chikikajal ngekolotej.

1 Corintios 1:21

Porque ri Dios roma ri santienta nojibꞌel ruchajin, kin rubꞌanun chik ruwech chi ri wineq ma roma ta ri aj rochꞌulew nojibꞌel kichajin xtiketamaj achike rijaꞌ. Xa kin xqaꞌ chuwech chi roma rutzijoxik rukamik ri Cristo cho cruz ngerukal ri wineq ri ngetaqin richin, maske chake chꞌaqa, ri tzij riꞌ xa chꞌujulej teq tzij.

Hebreos 2:3

Y romariꞌ, si maneq reqalen xtiqabꞌen chare ri nimalej kolotajik sipan chaqe, ¿achike modo xtiqakal qiꞌ chuwech ri castigo? Re kolotajik reꞌ, ja ri mismo Ajaw Jesús xyoꞌon rutzijol nabꞌey, y ri xeꞌakꞌaxan richin, xkiyaꞌ rutzijol chaqe.

Hebreos 9:28

keriꞌ chuqaꞌ ri Cristo, xe jumbꞌey xkꞌatzin xusuj rukꞌaslen pa kamik chin xkuyutej kimak santienta wineq. Y nduruqꞌalajrisaj chik riꞌ, pero ma chin chi ta ndukuy kimak wineq, xa kin chin ngeturukꞌamaꞌ ri nojel kánima koyobꞌen chi ngerukal.