Gálatas 6:9 - Kaqchikel Santo Domingo (Xenacoj)

⁹ Roma kꞌa riꞌ, ma qojkos chin ndiqabꞌen ri utz, porque nduqaqa jun qꞌij atoq ndiyoꞌox rajel-rukꞌexel chaqe, si ma ndiqamalij ta kan chi ndiqabꞌen ri utz.

နောက်ထပ်ဗားရှင်းများ

Kaqchikel Santa Maria de Jesus

⁹ Y man kojcuos nakaꞌan ri otz. Ruma xa man nkojtanieꞌ ta chi nakaꞌan ri otz, xtalka ri kꞌij antok xtiyoꞌx rucꞌaxiel chika.

Kaqchiquel Bible

⁹ Roma ri' man k'a qojkos chubanik ri utz, y man niqaya' kan rubanik. Wi keri' xtiqaben-apo, kan xtiqak'ul rajel-ruk'exel toq xtapon ri q'ij.

Kaqchikel Central Guatemala

⁹ Y man c'a kojcos chubanic ri utz. Roma vi man nikaya' ta can rubanic, xtapon c'a ri k'ij tok xtikac'ul rajel-ruq'uexel romare'.

Re C'ac'a Testamento pa Kach'abal

⁹ Y man c'a kojcos chubanic re otz, roma xtapon re k'ij tak xtakac'ul rajal-ruq'uixel, vo xa man xtakaya-ta can rubanic re otz.

Kaqchikel Western Solola

⁹ Rumac'ari' ma kojcos ta chi nikaben utzil. Ruma wi ma xkojtane' ta c'a chi nikaben utzil, xtapon c'a ri k'ij tek xtikac'ul rajel ruq'uexel.

Gálatas 6:9 ပူးပေါင်းရင်းမြစ်များ

San Mateo 10:22

Y roma yin itaqin, kin itzel xkixtzꞌat koma konojel wineq, pero ri jumul ndukachꞌ ruwech hasta pa rukꞌisibꞌel, kin ndikolotej.

San Mateo 24:13

Pero ri ma xtitzolij ta chirij y jumul xtukachꞌ ruwech hasta pa rukꞌisibꞌel, kin xtikolotej.

San Mateo 25:17

Keriꞌ chuqaꞌ xubꞌen ri samajel ri xjach kan kaꞌiꞌ talentos pa ruqꞌaꞌ, kin xuchꞌek chik kaꞌiꞌ talentos pa ruwiꞌ.

San Mateo 9:19

Ri Jesús xyakatej pe y achibꞌilan koma ri ru-discípulos xkoqaj ri achi riꞌ.

Marcos 3:3

Ja atoq riꞌ ri Jesús xubꞌij chare ri achi chaqiꞌj ruqꞌaꞌ: Kateqꞌax pe pa nikꞌaj.

San Lucas 18:1

Ri Jesús xutzijoj jun parábola chake ri discípulos chin ndukꞌut chi ndikꞌatzin ndikibꞌen orar jumul y ma tikꞌo kikꞌuꞌx chiroyobꞌexik ri ndikikꞌutuj.

Romanos 2:7

Kin xtuyaꞌ ri kꞌaslen ma ndikꞌis ta chake ri jumul ndikitij kiqꞌij chi ngekibꞌanalaꞌ ri utz. Rejeꞌ ndikibꞌen ri utz porque ndikajoꞌ chi ndikꞌojeꞌ kiqꞌij, ndinimrisex kibꞌiꞌ y ndikil ri kꞌaslen ri maneq ruqꞌaꞌ ri kamik chare.

1 Corintios 15:58

Roma kꞌa riꞌ, rix nu-hermanos ri tzꞌan ngixinwojoꞌ, nibꞌij kꞌa chiwa: Kixkꞌojeꞌ chupan ri tijonik qakꞌutun kan chiwech, kaw tipabꞌaꞌ iwiꞌ chupan. Ma kixtaneꞌ chi ndibꞌen rusamaj ri Ajaw, porque rix iwetaman chi nojel ri ndibꞌen pa rubꞌiꞌ, ma xe ta keriꞌ xtikꞌis.

2 Corintios 4:1

Romariꞌ, roj roma rujoyowan qawech ri Dios, ma ndiqamalij ta qa qakꞌuꞌx chupan ri samaj ruyoꞌon rijaꞌ chiqaqꞌaꞌ.

2 Corintios 4:16

Romariꞌ, roj ma ndiqamalij ta qa qakꞌuꞌx. Pa rukꞌexel riꞌ, maske ri qa-cuerpo qꞌij-qꞌij ndijar qa, ri qánima qꞌij-qꞌij más utz rubꞌanun pe.

2 Corintios 9:6

Tikꞌuxlaꞌaj re nibꞌij chiwa: Jun tikonel ri jubꞌaꞌ ok semilla ndutik, jubꞌaꞌ ok chuqaꞌ ruwech tikoꞌ ndumal. Ri santienta semilla ndutik, santienta chuqaꞌ ruwech tikoꞌ ndumal.

Efesios 3:13

Romariꞌ nikꞌutuj kamelal chiwa chi ma tipoꞌ ikꞌuꞌx roma ri kꞌayew niqꞌasaj riyin iwoma. Porque ri kꞌayew niqꞌasaj, xa kin chin ndikꞌojeꞌ iqꞌij rix.

2 Tesalonicenses 3:13

Y chiwa rix hermanos, ndiqabꞌij chi ma kixkos ndibꞌen ri utz.

Hebreos 12:3

Romariꞌ, utz-utz tiyaꞌ cuenta chare ri xubꞌen ri Jesús. Rijaꞌ kin xukachꞌ nojel ri kꞌayew xuqꞌasaj pa kiqꞌaꞌ aj mak teq wineq, chin keriꞌ rix ma kixkos y ma tipoꞌ ikꞌuꞌx.

Hebreos 12:5

Y xa imestan ri pixabꞌanik ruyoꞌon ri Dios chupan ri rutzij, pixabꞌanik ri achel nduyaꞌ jun tataꞌatz chare jun ralkꞌuaꞌl. Ri Dios kereꞌ xubꞌij: Walkꞌuaꞌl, ma tabꞌen chi maneq reqalen Ri rukꞌajisaxik awech nibꞌen yin ri Awajaw, Ma tipoꞌ akꞌuꞌx atoq nibꞌij chawa chi ma utz ta ri ngatajin rikꞌin.

Hebreos 3:14

Porque kꞌo chuqaꞌ qaqꞌaꞌ chare ri yoꞌon chik chare ri Cristo, pero ndikꞌatzin chi jumul ndiqayaꞌ qánima rikꞌin hasta pa rukꞌisibꞌel, achel qabꞌanun pe xe jampeꞌ pa nabꞌey.

Hebreos 3:6

Jakꞌa ri Cristo ma relik ta ok rusamajel ri Dios achel ri Moisés. Ri Cristo kin Rukꞌajol wi ri Dios, y jumul ndubꞌen nojel ri ndikꞌatzin pa ruwiꞌ rutinamit ri Dios, y ri tinamit riꞌ ja roj, si qetzij ma ndiqayaꞌ ta kan chi kuqul qakꞌuꞌx rikꞌin y ngojkikot ndiqoyobꞌej ri rusujun kan.

Santiago 5:7

Romariꞌ hermanos, ma tikꞌo ikꞌuꞌx, xa kin rikꞌin nojel iwánima tiwoyobꞌej ri qꞌij atoq ri Ajaw Jesucristo xtuqaqa chik jumbꞌey. Tiyaꞌ cuenta chare chi jun ri ndisamej pa rulew chutikik ru-semilla, ma ndikꞌo ta rukꞌuꞌx ndiroyobꞌej ndiqaqa ri nabꞌey teq jabꞌ y ri rukꞌisibꞌel jabꞌ pa ruwiꞌ ri rutikoꞌ.

1 Pedro 2:15

Porque ri rurayibꞌel ri Dios chiwa, ja ri ndibꞌen ri utz, chin keriꞌ ri wineq ri ma pa ruchojmil ta ngenojin y xetal ngekibꞌilaꞌ tzij chiwij, atoq ndikitzꞌet ri utz ngixtajin rikꞌin, ma jun chik achike xtikibꞌij chiwij.

1 Pedro 3:17

Porque más utz ndiqꞌasaj kꞌayew roma ndibꞌen ri utz, si jariꞌ ri rurayibꞌel ri Dios chi ndiqꞌasaj pa ikꞌaslen, ke chuwech ndiqꞌasaj kꞌayew roma ndibꞌen ri ma utz ta.

1 Pedro 4:19

Roma kꞌa riꞌ, roj ri ndiqaqꞌasaj kꞌayew roma ndiqabꞌen ri rurayibꞌel ri Dios, ma tiqayaꞌ kan chi ndiqabꞌen ri utz y jumul tiqajachaꞌ qánima pa ruqꞌaꞌ ri Dios ri bꞌanayon qichin, y kin ndubꞌen wi ri ndubꞌij.

Apocalipsis 2:17

¡Ri ndirajoꞌ ndukꞌoxomaj, tukꞌoxomaj ri ndubꞌij ri Espíritu Santo chake ri bꞌotzaj teq ralkꞌuaꞌl ri Dios! Ri xtitiker ndubꞌen ri nubꞌiꞌin kan, niyaꞌ chare jubꞌaꞌ chin ri maná ewan kan chi ndukꞌux, y niyaꞌ chuqaꞌ chare jun chꞌuti seq abꞌej apeꞌ tzꞌibꞌan jun kꞌakꞌakꞌ bꞌiꞌaj. Xa kin xe ri achoq chare niyaꞌ ndiretamaj ri bꞌiꞌaj riꞌ, y ma jun chik.

Apocalipsis 2:3

Ma amalin ta kan nuwech, kin akochꞌon ri bꞌanun pe chawa roma yin ataqin y ma poyineq ta akꞌuꞌx.

Apocalipsis 2:7

¡Ri ndirajoꞌ ndukꞌoxomaj, tukꞌoxomaj ri ndubꞌij ri Espíritu Santo chake ri bꞌotzaj teq ralkꞌuaꞌl ri Dios! Chare ri xtitiker ndubꞌen ri nubꞌiꞌin kan, niyaꞌ qꞌij chi ndukꞌux ruwech ri cheꞌ ri nduyaꞌ ri kꞌaslen ma ndikꞌis ta, ri kꞌo pa qꞌusqꞌuj ru-paraíso ri Dios.