Gálatas 6:8 - Kaqchikel Santo Domingo (Xenacoj)

⁸ Si jun wineq ngerubꞌanalaꞌ ri itzel teq rayinik chin ri ru-cuerpo, ri jun riꞌ ndajin rikꞌin jun tikoꞌ ri xa kamik ndukꞌen pe chare. Pero ri ukꞌuan rukꞌaslen roma ri Espíritu Santo, ri jun riꞌ ndajin rikꞌin jun tikoꞌ ri ndukꞌen pe ri kꞌaslen ma ndikꞌis ta chare.

နောက်ထပ်ဗားရှင်းများ

Kaqchikel Santa Maria de Jesus

⁸ Mareꞌ, xa ja ri man otz ta ri nurayij ri ka-cuerpo ri nakaꞌan, jareꞌ xtucꞌuan kichin chupan ri camic. Pero xa nakucꞌuaj ri cꞌaslien ri nrajoꞌ ri Espíritu Santo, xtucꞌam-pa chika ri cꞌaslien ri man xtiqꞌuis ta.

Kaqchiquel Bible

⁸ Roma wi xa ja ri nirayij rix ri ye'ibanala', xa xtiwachij k'a ruk'ayewal chupan ri ik'aslen. Jak'a wi nik'uaj ri k'aslen ri nrajo' ri Loq'olej Espíritu, xtiwachij k'a ri k'aslen ri man jun bey xtik'is.

Kaqchikel Central Guatemala

⁸ Romari', vi xa ja ri nikarayij roj ri xquekabanala', jac'ari' ri xqueq'uison richin ri kac'aslen. Pero vi nikac'uaj ri c'aslen ri nrajo' ri Lok'olej Espíritu, xtuq'uen c'a pe ri c'aslen chike ri can man jun bey xtiq'uis ta.

Re C'ac'a Testamento pa Kach'abal

⁸ Mare', vo xa ja re nakarayij jare' re xque'kabanala', jare' re xque'q'uiso richin re kac'aslen. Pero vo xa nakac'uaj re c'aslen re nrajo' re Espíritu Santo, xtuc'am-pa chuka' re c'aslen re man jun bey xtiq'uis.

Kaqchikel Western Solola

⁸ Rumari', wi xa ya ri itzel tak karaybel ri xquekabanala', xa jun c'aslen riche (rixin) camic ri xtikac'ul. Yac'a wi nikac'uaj ri c'aslen ri nrajo' ri Lok'olaj Espíritu, xtikac'ul c'a ri c'aslen riche (rixin) xtibe k'ij xtibe sek.

Gálatas 6:8 ပူးပေါင်းရင်းမြစ်များ

San Mateo 19:29

Y xa achike na jun ri ruyoꞌon kan rachoch, ruchaqꞌ-runimal, eranaꞌ, rute-rutataꞌ, ralkꞌuaꞌl, o ruxolal woma riyin, kin ndiyoꞌox 100 mul más chare, y ndiyoꞌox chuqaꞌ ri kꞌaslen ma ndikꞌis ta chare.

San Mateo 25:46

Y nibꞌij chuqaꞌ chi re ekꞌo pa nuxakan ngebꞌa chupan ri castigo chin jumul, jakꞌa ri wineq chojmilej kikꞌaslen, ngeꞌok chupan ri kꞌaslen ma ndikꞌis ta.

San Lucas 18:30

kꞌiy rajel-rukꞌexel ndiyoꞌox chare chupan re tiempo rojkꞌo, y chupan ri tiempo más chiqawech apu, kin ndiyoꞌox ri kꞌaslen ma ndikꞌis ta chare.

San Juan 4:14

Pero ri nditijo ri yaꞌ ri niyaꞌ yin chare, ma jumbꞌey chik xtichaqiꞌj ruchiꞌ, porque ri yaꞌ ri niyaꞌ yin kin ndubꞌen chare ri ránima achel jun alaxbꞌel yaꞌ apeꞌ ndichoxin pe ri yaꞌ. Y ri yaꞌ riꞌ ndukꞌuan chupan ri kꞌaslen ma ndikꞌis ta.

San Juan 4:36

Y ri ndisamej chuchꞌupik ri tikoꞌ ndiyoꞌox chare ri rajel ri rusamaj, y ri ruwech ri tikoꞌ ri ndumal ruchiꞌ, riꞌ ja ri wineq ri ndiyoꞌox ri kꞌaslen ma ndikꞌis ta chake, y keriꞌ ri xtikon ri tikoꞌ y ri xchꞌupu ruwech ri tikoꞌ, junan ngekikot.

San Juan 6:27

Titijaꞌ iqꞌij, pero ma xe ta chin ndiwil ri rikil ri xa ndikꞌis. Titijaꞌ iqꞌij chin ndiwil ri rikil iway ri ndiyoꞌon chiwa ri kꞌaslen ma ndikꞌis ta. Y ri rikil wey riꞌ niyaꞌ chiwa riyin ri aj chikaj ri xinuꞌalex chiꞌikajal, roma ja yin ri chaꞌon roma ri Tataꞌaj Dios chin niyaꞌ chiwa.

Romanos 13:14

Xa kin tiyaꞌ qꞌij chare ri Ajaw Jesucristo chi ndisamej pa ikꞌaslen chin keriꞌ ri inoꞌoj ndubꞌen qa achel runoꞌoj rijaꞌ. Ma tibꞌen ruwech chi ndibꞌen ri itzel teq rayinik chin ri i-cuerpo.

Romanos 6:13

Nixta tiyaꞌ ri iqꞌa-iwaqen chin ngeꞌok rusamajibꞌal ri mak chin ngekusex chin ndibꞌan itzel teq achike, xa kin tijachaꞌ iwiꞌ pa ruqꞌaꞌ ri Dios, achel rukꞌulun chi ndikibꞌen ri ekamineq chik chuwech ri mak y kꞌo chik ri kꞌakꞌakꞌ kꞌaslen nduyaꞌ ri Dios kikꞌin. Ri iqꞌa-iwaqen tijachaꞌ pa ruqꞌaꞌ ri Dios chin ngerukusaj chin ndibꞌen ri chaj wi chin ndibꞌan.

Romanos 6:23

Porque ri tojik ndukꞌen pe ri mak, ja ri kamik, jakꞌa ri Dios ndusipaj ri kꞌaslen ma ndikꞌis ta, y riꞌ roma xe jun qabꞌanun rikꞌin ri Qajaw Cristo Jesús.

Romanos 8:11

Y si kꞌo pa iwánima ri Espíritu chin ri Dios ri xkꞌastajbꞌan pe ri Jesús chikikajal ri animaꞌiꞌ, rijaꞌ ri xkꞌastajbꞌan pe ri Cristo, kin xtuyaꞌ chuqaꞌ rukꞌaslen ri i-cuerpo ri xa ndiken wi e, y keriꞌ ndibꞌanatej porque kin pa iwánima kꞌo ri Espíritu chin ri Dios.

Romanos 8:13

Porque si ri ikꞌaslen ukꞌuan roma ri itzel teq rayinik, riꞌ ndukꞌen pe kamik chin jumul chiwa. Pero si rikꞌin ruchuqꞌaꞌ ri Espíritu Santo ndikamisaj ri itzel teq rayinik ngeꞌibꞌanalaꞌ, riꞌ ndukꞌen pe kꞌaslen chin jumul chiwa.

Romanos 8:6

Ri bꞌaneq kánima chirij ri itzel teq rayinik, kamik ndukꞌen pe chake, jakꞌa ri bꞌaneq kánima chirij ri ndirajoꞌ ri Espíritu Santo, uxlanen ndukꞌen pe pa kánima y ndukꞌen pe chuqaꞌ ri kꞌaslen ma ndikꞌis ta.

1 Corintios 15:42

Keriꞌ chuqaꞌ atoq ngekꞌastajbꞌex pe ri animaꞌiꞌ. Xemuq rikꞌin jun cuerpo ri xa ndiqꞌey wi qa, pero atoq ngekꞌastajbꞌex pe, kin rikꞌin yan chik jun cuerpo ri ma ndiqꞌey ta.

Gálatas 6:7

Ma tichꞌakatij qa iwiꞌ iyon. Ri Dios ma jun ndichꞌakatin richin, porque ri achike ndutik jun wineq pa rukꞌaslen, jariꞌ ri nderutzꞌetaꞌ pa rukꞌaslen más apu chuwech.

1 Timoteo 1:16

Pero maske santienta numak, ri Cristo Jesús xujoyowaj nuwech y xukuy numak. Y keriꞌ ndukusaj chi ejemplo ri nukꞌaslen chin ndukꞌut chikiwech ri wineq ri xketaqin richin, chi layaj eroyobꞌen chin ndikiyaꞌ kan ri kimak y ndikiyaꞌ kánima rikꞌin, chin keriꞌ nduyaꞌ ri kꞌaslen ma ndikꞌis ta chake.

Tito 3:7

Y ri Dios xubꞌen keriꞌ chin nixta jun qamak ndiqeqalej chuwech roma ri favor ruyoꞌon chaqe, chin keriꞌ ndok qichin ri utzulej kꞌaslen ma ndikꞌis ta ri qoyobꞌen rikꞌin nojel qánima.

Santiago 3:18

Y ri ndikitij kiqꞌij chi ndikꞌojeꞌ uxlanen pa kánima ri wineq, ngekitoꞌ ri wineq chin ndikikꞌuaj jun chojmilej kꞌaslen ri ndukꞌen pe uxlanen chikikajal konojel.

2 Pedro 2:12

Pero ri itzel teq tijonelaꞌ riꞌ, itzel ngechꞌaꞌa chirij ri nixta ketaman rubꞌeyal. Rejeꞌ xa eꞌachel chikap maneq kinoꞌoj y ndikiyaꞌ kiꞌ chin ngetzꞌan y ngekamisex. Y achel ndikikꞌulwachij ri chikap, keriꞌ chuqaꞌ ndikikꞌulwachij ri tijonelaꞌ riꞌ.

2 Pedro 2:19

Ndikibꞌij chake chi ngekelesaj pa ruqꞌaꞌ ri ma ndiyoꞌon ta qꞌij chake chi ndikibꞌen ri ndurayij ri ki-cuerpo, pero ri ngebꞌiꞌin keriꞌ ma ndikinaꞌ ta kiꞌ chi ekꞌo chuxeꞌ ruchuqꞌaꞌ ri itzel teq achike ndikirayij. Keriꞌ nibꞌij, porque atoq jun wineq kꞌo chuxeꞌ ruchuqꞌaꞌ jun itzel rayinik, kin pa ruqꞌaꞌ ri rayinik riꞌ kꞌo wi.

Judas 1:21

Ma tiwelesaj e iwiꞌ chuxeꞌ rajowabꞌel ri Dios, y tiwoyobꞌej apu ri rujoyowaxik iwech ndubꞌen ri Qajaw Jesucristo chin nduyaꞌ ri kꞌaslen ma ndikꞌis ta chiwa.

Apocalipsis 22:11

Ri ma kikꞌuan ta jun chojmilej kꞌaslen, kꞌa keriꞌ tikibꞌanaꞌ, y ri kikꞌuan jun seqꞌ kꞌaslen, kꞌa keriꞌ tikibꞌanaꞌ chuqaꞌ. Ri kikꞌuan jun chojmilej kꞌaslen, kꞌa keriꞌ tikibꞌanaꞌ, y ri kikꞌuan jun loqꞌolej kꞌaslen, kꞌa keriꞌ tikibꞌanaꞌ.