Gálatas 6:2 - Kaqchikel Santo Domingo (Xenacoj)

² Titolaꞌ iwiꞌ chukꞌuaxik ri kꞌayew ndiqꞌasaj ri kin eꞌachel al teq eqaꞌ keriꞌ, porque si keriꞌ ndibꞌen, kin ndibꞌen ri ndubꞌij ri ley ruyoꞌon kan ri Cristo ri ndubꞌij chi tiqajoꞌ qiꞌ chiqawech.

နောက်ထပ်ဗားရှင်းများ

Kaqchikel Santa Maria de Jesus

² Y xa cꞌo chica ntikꞌasaj y ntinaꞌ chi incheꞌl jun akaꞌn nika chivij, can titola-iviꞌ chi ntivucꞌuaj ri akaꞌn reꞌ. Y riqꞌuin reꞌ, can ntiꞌan ri nuꞌej ri ley richin ri Cristo.

Kaqchiquel Bible

² Kan titola' k'a iwi' chiwech rix. Y rik'in ri', kan niben-wi k'a ri nubij ri pixa' richin ri Cristo.

Kaqchikel Central Guatemala

² Y vi c'o c'a nikac'ulvachila', y can nikana' chi can achi'el jun ejka'n ri nika' chikij, can tikatola' c'a ki' chuc'uaxic re ejka'n re'. Y riq'uin ri', can nikaben-vi c'a ri nubij ri ley richin ri Cristo.

Re C'ac'a Testamento pa Kach'abal

² Y vo xa c'o andex nakac'alvachij pa kac'aslen, y nakana' che ancha'l jun ejka'n re nika chakij, can takatola' c'a-ki' chuc'uaxic. Y riq'uin re quire' nakaban, can nakaban-va re nubij re ley chin re Jesucristo.

Kaqchikel Western Solola

² Y wi c'o ri nikac'ulwachij, y can nikana' c'a chi achi'el jun ejka'n ri nika chikij, can tikatola' c'a ki' chuc'uaxic ri ejka'n ri'. Y riq'ui ri', can nikaben wi c'a ri nubij ri ley riche (rixin) ri Cristo.

Gálatas 6:2 ပူးပေါင်းရင်းမြစ်များ

San Mateo 8:17

Nojel reꞌ xubꞌen, chin xbꞌanatej ri rubꞌiꞌin kan ri profeta Isaías atoq xubꞌij: Ja rijaꞌ xelesan e ri qayabꞌil y ja rijaꞌ xukꞌuan ri qaqꞌaxomal.

San Lucas 11:46

Y ri Jesús xubꞌij chare: ¡Juyo iwech chuqaꞌ rix tijonelaꞌ chin ri ley! Porque ngeꞌiyalaꞌ tijonik ri kin achel al teq eqaꞌ chikij ri wineq, pero rix nixta jun ruwiꞌ iqꞌaꞌ ndiwojoꞌ ndiseloj chin ngeꞌikꞌuaj ri eqaꞌ riꞌ.

San Juan 13:34

Jun kꞌakꞌakꞌ mandamiento niyaꞌ kan chiwa: Tiwojoꞌ iwiꞌ chiwech achel ngixinwojoꞌ riyin, keriꞌ chuqaꞌ tiwojoꞌ iwiꞌ chiwech.

San Juan 15:12

Jareꞌ ri nu-mandamiento: Tiwojoꞌ iwiꞌ chiwech, achel ngixinwojoꞌ riyin.

Romanos 15:1

Romariꞌ, roj ri kꞌo ruchuqꞌaꞌ qánima rikꞌin ri Ajaw, keqakochꞌoꞌ ri hermanos kꞌa maneq ok ruchuqꞌaꞌ kánima, y ma tiqabꞌen xaxe ri ndiqaꞌ chiqawech roj.

Romanos 8:2

Porque ukꞌuan qakꞌaslen roma ri Espíritu Santo ri ndiyoꞌon kꞌaslen, y ja rijaꞌ kꞌisiyon ruqꞌij ruchuqꞌaꞌ ri mak ri xa kamik ndukꞌen pe chaqe. Y riꞌ roma xe jun qabꞌanun rikꞌin ri Cristo Jesús.

1 Corintios 9:21

Jakꞌa atoq yinkꞌo chikikajal ri ma ekꞌo ta chuxeꞌ ri ley xyoꞌox chare ri Moisés, nibꞌen chare ri nukꞌaslen achel ma wetaman ta rubꞌeyal ri ley riꞌ, chin keriꞌ kolopeꞌ xtikitaqij ri Jesús. Pero riꞌ ma ndubꞌij ta tzij chi riyin ma ninimaj ta ri ley ruyoꞌon kan ri Dios, porque riyin kin nibꞌen ri ndubꞌij ri ley ruyoꞌon kan ri Cristo.

Gálatas 6:5

Porque chiqajununal ndikꞌatzin ndiqakꞌuaj ralal ri achike ngeqabꞌanalaꞌ pa qakꞌaslen.

1 Tesalonicenses 5:14

Hermanos, ndiqachilabꞌej chiwa chi keꞌipixabꞌaj ri eqꞌoroy chi kesamej. Keꞌibꞌochiꞌij ri poyineq kikꞌuꞌx, tiyaꞌ ruchuqꞌaꞌ kánima ri maneq ok ruchuqꞌaꞌ kánima rikꞌin ri Ajaw, y keꞌikochꞌolaꞌ konojel.

Santiago 1:25

Pero ri ma ndumestaj ta ri tzij rakꞌaxan pe y jumul ruyoꞌon pa cuenta ri ndubꞌij ri chojmilej teq tzij ri elesayon richin chuxeꞌ ruchuqꞌaꞌ ri mak, y jumul ndutij ruqꞌij ndubꞌen ri ndubꞌij ri utzulej teq tzij riꞌ, ri jun riꞌ kin jabꞌel roruqꞌij rikꞌin nojel ri ndubꞌen pa rukꞌaslen.

Santiago 2:12

Romariꞌ, tichajij iwiꞌ rikꞌin ri ndibꞌij y ri ndibꞌen, porque kin ja ri utzulej teq tzij ri elesayon pe iwichin chuxeꞌ ruchuqꞌaꞌ ri mak, jariꞌ ri xtikusex chiwij chin ndiqꞌat tzij pa iwiꞌ.

Santiago 2:8

Rix kin utz ndibꞌen, si qetzij ndibꞌen cumplir ri ley ruyoꞌon ri Rey Dios, ri tzꞌibꞌan kan chupan ri rutzij y kereꞌ ndubꞌij: Kaꞌawojoꞌ ri wineq achel ndawojoꞌ awiꞌ rat. Keriꞌ tzꞌibꞌan kan.

1 Pedro 2:24

Ri Cristo xreqalej ri qamak pa ru-cuerpo cho cruz, chin keriꞌ ngojken chuwech ri qamak y ndiqakꞌuaj jun chojmilej kꞌaslen. Ri Cristo xsokotej chin keriꞌ roj xojkꞌachꞌojrisex.

2 Pedro 2:21

Xa más ta utz, man ta xketamaj rubꞌeyal ri chojmilej kꞌaslen, ke chuwech xketamaj y ngetzolij chikij y ndikiyaꞌ kan ri loqꞌolej mandamiento xyoꞌox chake.

2 Pedro 3:2

Chin keriꞌ ma timestaj ri kiqꞌalajrisan kan ri loqꞌolej profetas ojer, y ma timestaj chuqaꞌ ri mandamiento pataneq rikꞌin ri Qajaw y Qakolonel Jesucristo, ri kibꞌiꞌin kan ri i-apóstoles chiwa.

1 Juan 4:21

Y jareꞌ ri mandamiento ri ruyoꞌon kan ri Cristo: Ri ndirajoꞌ ri Dios, tirajoꞌ chuqaꞌ ri ru-hermano.