Gálatas 5:7 - Kaqchikel Santo Domingo (Xenacoj)

⁷ Rix pa nabꞌey utz bꞌaneq ri ikꞌaslen chuwech ri Dios, pero wokami, ¿achike kꞌa xqasan ijolon chi ma ndiwojoꞌ chi ta ndinimaj ri qetzij?

နောက်ထပ်ဗားရှင်းများ

Kaqchikel Santa Maria de Jesus

⁷ Naꞌay, can otz ix-bꞌanak. ¿Pero chica xbꞌano chiva chi vacame man ntivajoꞌ ta chic ntinimaj ri ketzij?

Kaqchiquel Bible

⁷ Ri pa nabey, kan choj-wi ix beneq. Jak'a re wakami, ¿achike k'a xbanon chiwe chi man niwajo' ta chik ninimaj ri qitzij?

Kaqchikel Central Guatemala

⁷ Ri pa nabey, can choj vi ix benek. ¿Jac'a re vacami, achique c'a xbanon chive chi man nivajo' ta chic ninimaj ri kitzij?

Re C'ac'a Testamento pa Kach'abal

⁷ Nabey, can choj-va yixbinak. Jac'a vocame, ¿anchique xbano chiva che man nijo-ta chic ninimaj re nubij re katzij ch'abal?

Kaqchikel Western Solola

⁷ Ri pa nabey mul, can choj wi yix benak. Yac'a re wacami, ¿achique c'a xbano chiwe chi ma niwajo' ta chic ninimaj ri kitzij?

Gálatas 5:7 ပူးပေါင်းရင်းမြစ်များ

1 Corintios 9:24

Rix iwetaman chi pa jun maratón, konojel ndikitij kiqꞌij chin ndikichꞌek ri premio ndiyoꞌox, pero xaxe jun ri ndichꞌakon richin. Keriꞌ kꞌa chuqaꞌ rix, titijaꞌ iqꞌij chi pa ruchojmil tikꞌuaj ri ikꞌaslen, chin keriꞌ ndichꞌek ri nduyaꞌ ri Dios chiwa chikaj.

Gálatas 3:1

Rix aj rochꞌulew Galacia, xa rix achel nakaneq teq wineq keriꞌ. ¿Achike xchꞌakatin iwichin chin ma nditaqij ta chik ri qetzij? Rix hasta xkꞌut chiwech chin xitzꞌet rikꞌin iwech ri achike rubꞌanik xbꞌan chare ri Jesucristo atoq xkamisex cho cruz.

Hebreos 12:1

Y roma kin ekꞌiy ri ojer teq qatit-qamamaꞌ ri xkikꞌut kan rikꞌin ri kikꞌaslen achike rubꞌeyal ri ndikuqeꞌ qakꞌuꞌx rikꞌin ri Dios, romariꞌ tiqelesaj e pa qakꞌaslen nojel ri ndubꞌen chaqe chi ma ngojan ta, y ri mak ri ndubꞌen chaqe chi ngojtzaq, tiqaxikꞌaꞌ qiꞌ, ma qojkos chin ndeqakꞌisaꞌ ri bꞌey kꞌa kꞌo na chiqawech.

1 Pedro 1:22

Wokami roma iniman ri qetzij, rix ichꞌajchꞌojrisan ri ikꞌaslen chin ngeꞌiwojoꞌ ri hermanos rikꞌin nojel iwánima. Romariꞌ, rikꞌin chꞌajchꞌaj iwánima santienta tiwojoꞌ iwiꞌ chiwech.

2 Corintios 10:5

Ndiqakꞌis ruqꞌij nojel aj rochꞌulew nojibꞌel ri yakatajneq ri ma nduyaꞌ ta qꞌij chi ndetamex runoꞌoj ri Dios, y nojel nojibꞌel ngeqayaꞌ chuxeꞌ rutzij ri Cristo, chin tinimex rutzij rijaꞌ.

Romanos 2:8

Pero kin xtiqaqa royowal chikij ri jumul xe rejeꞌ ndikinaꞌ chi kꞌo keqalen y ma ndikinimaj ta ri qetzij chin ta ndikiyaꞌ kan ri itzel teq noꞌoj ngetajin rikꞌin.

San Mateo 13:21

Pero ri rutzij ri Dios ma ndibꞌa ta qa ruxeꞌ pa kánima, porque ri kánima achel abꞌej, y romariꞌ xa jubꞌaꞌ teq qꞌij ngekikot y atoq nduqaqa jun kꞌayew pa kikꞌaslen, o ngetzeqlebꞌex chin ndibꞌan itzel chake roma koqan rutzij ri Dios, kin ja paqiꞌ ndikiyaꞌ kan ri Dios.

2 Tesalonicenses 1:8

Chupan ri qꞌij riꞌ, nduyaꞌ castigo chake konojel ri ma xkajoꞌ ta xketamaj runoꞌoj ri Dios, y ma xkinimaj ta ri ndubꞌij ri utzulej teq tzij chin kolotajik ri ndichꞌaꞌa pa ruwiꞌ ri Qajaw Jesús.

Romanos 6:17

Jumbꞌey kan xixkꞌojeꞌ chuxeꞌ ruchuqꞌaꞌ ri mak, pero matiox chare ri Dios, wokami rikꞌin nojel iwánima iniman ri tijonik ri yoꞌon kan chiwa.

Hebreos 5:9

Y roma xubꞌen nojel ri achike roma xtaq pe chochꞌulew, rijaꞌ xok Kolonel ri nduyaꞌ kolotajik chin jumul chake konojel ri ngeniman richin.

Romanos 16:26

pero chupan re tiempo rojkꞌo, xqꞌalajrisex chiqawech. Y achel kiqꞌalajrisan kan ri profetas chi kꞌo jun qꞌij ndibꞌanatej, y achel chuqaꞌ rubꞌanun kan mandar ri Dios ri kin jumul kꞌo, roj ndiqayaꞌ rutzijol chake ri jalajaj kiwech wineq chochꞌulew chi tikitaqij ri Jesucristo y tikinimaj rutzij.

Romanos 15:18

Porque riyin ma nikowij ta wiꞌ chin ngichꞌaꞌa pa ruwiꞌ jun chik achike, xa kin xe pa ruwiꞌ ri rubꞌanun ri Cristo chinuqꞌaꞌ atoq ngichꞌaꞌa y ngisamej pa rubꞌiꞌ, samaj ri nibꞌen chikikajal ri ma israelitas ta chin ndikinimaj rijaꞌ.

Romanos 10:16

Pero ma konojel ta kitaqin ri utzulej teq tzij chin kolotajik, achel ndubꞌij ri tzꞌibꞌan kan roma ri profeta Isaías: Ajaw, ¿kꞌo kami xetaqin ri qabꞌiꞌin pe pa abꞌiꞌ? Keriꞌ tzꞌibꞌan kan.

Hebreos 11:8

Ri Abraham roma kuqul rukꞌuꞌx rikꞌin ri Dios, kin xniman atoq xoyox roma ri Dios, chin xbꞌa pa jun lugar ri ndusipaj ri Dios chare. Y xutzꞌen bꞌey, maske ma retaman ta apeꞌ ndibꞌa wi.

Hechos 6:7

Y ri rutzij ri Dios bꞌaneq más rutzijol, y qꞌij-qꞌij pa tinamit Jerusalén ngekꞌiyer más ri kitaqin ri Ajaw, y ekꞌiy chuqaꞌ sacerdotes israelitas ngeniman chuwech ri Dios roma ndikitaqij ri Jesús.

Gálatas 2:2

Xibꞌa e pa tinamit Jerusalén roma ri Dios xuqꞌalajrisaj chinuwech chi ndikꞌatzin ngibꞌa e, y xaxe kikꞌin ri kꞌo kiqꞌij pa kiwech ri hermanos xinmal wiꞌ y xinqꞌasaj chikiwech ri achike rubꞌixik nibꞌen chare ri utzulej teq tzij chin kolotajik ri nutzijon chake ri ma israelitas ta, porque ma kꞌateꞌ xa ma pa rubꞌeyal ta ri nutzijon y romariꞌ xtiqasex reqalen ri samaj nubꞌanun.

Gálatas 5:10

Pero riyin kuqul nukꞌuꞌx rikꞌin ri Ajaw, chi rix ma xtijel ta ri ndinojij pa ruwiꞌ ri qetzij. Pero ri ndisuqꞌu inoꞌoj, maske achike na chi wineq, kꞌo na jun qꞌij ndiqaqa pa ruwiꞌ ri castigo ri nduyaꞌ ri Dios.