Gálatas 5:13 - Kaqchikel Santo Domingo (Xenacoj)

¹³ Rix hermanos, rix oyon roma ri Dios chin xixel libres, pero ma roma ta rix libres, utz ta chi ndibꞌanalaꞌ ri itzel teq rayinik chin ri i-cuerpo. Pa rukꞌexel riꞌ, titolaꞌ iwiꞌ chiwech roma ndiwojoꞌ iwiꞌ.

နောက်ထပ်ဗားရှင်းများ

Kaqchikel Santa Maria de Jesus

¹³ Ruma ixreꞌ hermanos, ja ri Dios ri xayuon ivichin chi xixrucol-pa chuxieꞌ ri ley. Can ix libre chic. Can ix libre chi ntivajo-iviꞌ y ntitola-iviꞌ. Pero man ruma ta chi ix libre chic, rumareꞌ ja ri ntirayij ixreꞌ jareꞌ ri ntiꞌan, man quireꞌ ta.

Kaqchiquel Bible

¹³ Roma rix wach'alal, kan ja ri Dios ri xixoyon, richin xixrukol-pe chuxe' ri pixa'. Jak'a man roma ta ix totajineq chik, roma ta ri' ja ta ri nirayij rix ja ta ri' ri niben. Pa ruk'exel ri' nik'atzin richin niwajowala' y nitola-iwi',

Kaqchikel Central Guatemala

¹³ Roma rix vach'alal can ja ri Dios ri xixoyon, richin xixrucol-pe chuxe' ri ley. Can ix libre chic c'a. Can ix libre vi richin nivajovala' y nitola-ivi'. Pero man roma ta c'a ri ix libre chic, roma ta ri' ja ta ri nirayij rix ja ta ri' ri niben.

Re C'ac'a Testamento pa Kach'abal

¹³ Roma yex hermanos, can ja re Dios re xixvayon, chin xixrucol-pa chuxe' re ley. Mare' vocame can yix libres chic. Can yix libre-va chin nijo-ivi' y nitola-ivi'. Pero man tinojij che xa roma yix libres chic, mare' can nijo' niban xabanchique banabal re nirayij.

Kaqchikel Western Solola

¹³ Ruma riyix wach'alal can ya ri Dios ri xixsiq'uin (xixoyon), riche (rixin) chi xixrucol pe chuxe' ri ley. Pero ma xixcolotej ta pe riche (rixin) chi niben ri xa ya ri nirayij ka riyix. Ma que ta ri'. Riyix xixcolotej pe riche (rixin) chi can titola' iwi' riq'ui ajowabel.

Gálatas 5:13 ပူးပေါင်းရင်းမြစ်များ

1 Pedro 2:16

Rix, rix libre chik, pero ma tikusaj ri libertad riꞌ chin ndibꞌen mak. Xa kin pa ruqꞌaꞌ ri Dios tijachaꞌ ri ikꞌaslen y tibꞌanaꞌ ri ndirajoꞌ rijaꞌ.

1 Corintios 9:19

Y roma nixta jun achoq chin nikꞌutuj nutoꞌik, nixta jun achoq ikꞌin yin ximil, y riꞌ rubꞌanun chuwa chi kꞌo cheꞌel yin okuneq samajel kichin konojel, chin keriꞌ más ekꞌiy ndikitaqij ri Cristo.

1 Corintios 8:9

Pero titzꞌetaꞌ chi ri achike ndikꞌux ma tubꞌen chi ndikil jun achike roma ndikiyaꞌ kan ri Dios ri hermanos ri kꞌajani ok ruchuqꞌaꞌ kánima rikꞌin rijaꞌ.

Gálatas 5:14

Porque ri ley xyoꞌox chare ri Moisés, ndubꞌij: Kaꞌawojoꞌ ri wineq achel ndawojoꞌ awiꞌ rat. Keriꞌ ndubꞌij ri ley. Y si rat ndanimaj re jun mandamiento reꞌ, kin ndabꞌen nojel ri ndubꞌij chupan ri ley.

Efesios 5:21

Tinimaj iwiꞌ chiwech, roma kin kꞌo ruqꞌij ri Cristo pa iwech.

Gálatas 6:2

Titolaꞌ iwiꞌ chukꞌuaxik ri kꞌayew ndiqꞌasaj ri kin eꞌachel al teq eqaꞌ keriꞌ, porque si keriꞌ ndibꞌen, kin ndibꞌen ri ndubꞌij ri ley ruyoꞌon kan ri Cristo ri ndubꞌij chi tiqajoꞌ qiꞌ chiqawech.

Judas 1:4

Porque chilaqꞌel xeꞌok chiꞌikajal wineq ri maneq Dios pa kiwech ri tzꞌibꞌan chi kan pa kiwiꞌ chi ndiyoꞌox castigo chake. Ri wineq riꞌ ndikikusaj ru-favor ri qa-Dios chin ndikikꞌuaj jun kꞌaslen ri nduyaꞌ kꞌixbꞌel palej, y ndikibꞌij chi ri Jesucristo ma ja ta rijaꞌ ri Ajaw pa ruwiꞌ nojel.

2 Pedro 2:19

Ndikibꞌij chake chi ngekelesaj pa ruqꞌaꞌ ri ma ndiyoꞌon ta qꞌij chake chi ndikibꞌen ri ndurayij ri ki-cuerpo, pero ri ngebꞌiꞌin keriꞌ ma ndikinaꞌ ta kiꞌ chi ekꞌo chuxeꞌ ruchuqꞌaꞌ ri itzel teq achike ndikirayij. Keriꞌ nibꞌij, porque atoq jun wineq kꞌo chuxeꞌ ruchuqꞌaꞌ jun itzel rayinik, kin pa ruqꞌaꞌ ri rayinik riꞌ kꞌo wi.

2 Corintios 4:5

Porque atoq ngeqatijoj ri wineq, ma ja ta ri qakꞌaslen roj ndiqatzijoj. Ri ndiqatzijoj, ja ri Jesucristo ri Ajaw pa ruwiꞌ nojel. Roj xa roj ok samajelaꞌ iwichin rix, roma ndiqabꞌen rusamaj ri Jesús chiꞌikajal.

Hechos 20:35

Rikꞌin nojel ri xinbꞌen pa nukꞌaslen, xinkꞌut chiwech chi ndikꞌatzin ngojsamej chin ngeqatoꞌ ri ndikiqꞌasaj kꞌayew. Tikꞌuxlaꞌaj ri tzij ri xubꞌij kan ri Ajaw Jesús: Más jabꞌel roruqꞌij ri ndiyoꞌon jun achike, ke chuwech ri ndiyoꞌox jun achike chare. Keriꞌ rubꞌiꞌin kan, xchajeꞌ ri Pablo.

Gálatas 5:22

Pero atoq jun ukꞌuan rukꞌaslen roma ri Espíritu Santo, kereꞌ ndiqꞌalajin pa rukꞌaslen: Ndojowan, ndikikot, kꞌo uxlanen pa ránima, ma ndikꞌo ta rukꞌuꞌx ndiroyobꞌej jun achike, utz runoꞌoj chake ri wineq, utz ndubꞌen chake ri wineq, kin ndubꞌen ri ndubꞌij,

San Lucas 4:18

Ri Espíritu chin ri Ajaw kꞌo pa nuwiꞌ, Roma yin ruchaꞌon Chin niqꞌalajrisaj ri utzulej teq tzij chin kolotajik chake ri maneq ok kichajin, Yin rutaqon pe chuqaꞌ chin ngenwelesaj ri wineq pa ruqꞌaꞌ ri itzel, Yin taqon chuqaꞌ chin nibꞌen chake ri wineq esoqꞌ chi ngetzuꞌun Y yin taqon chin ngeꞌel libre ri etzꞌamon,

Gálatas 4:22

Porque chiriꞌ ndubꞌij chi ri Abraham xekꞌojeꞌ kaꞌiꞌ rukꞌajol. Jun rukꞌajol xalex chiruqꞌaꞌ ri Agar ri loqꞌon samajel chin chirachoch ri Abraham, y ri jun chik rukꞌajol xalex chiruqꞌaꞌ ri qitz rixjayil rubꞌiniꞌan Sara ri kin libre wi.

1 Tesalonicenses 1:3

porque atoq ndiqabꞌen orar chuwech ri Qatataꞌ Dios, jumul ndiqakꞌuxlaꞌaj ri samaj ibꞌanun pe roma kuqul ikꞌuꞌx rikꞌin ri Ajaw y chi ngixsamej chikitoꞌik chꞌaqa chik roma ngixojowan, y chi kin ndikachꞌ ri kꞌayew ndiqꞌasaj roma iwoyobꞌen ri Qajaw Jesucristo.

2 Corintios 12:15

Riyin rikꞌin nojel wánima nikusaj ri nuchajin y hasta niyaꞌ wiꞌ pa samaj chin kꞌo utz ndukꞌen pe chare ri iwánima. Si riyin qꞌij-qꞌij más ndikꞌiy pa wánima chi ngixinwojoꞌ, ¿pa ruchojmil kami ndibꞌen chi qꞌij-qꞌij más ndikꞌis qa pa iwánima chi nginiwojoꞌ?

2 Corintios 3:17

Porque ri Ajaw riꞌ, ja ri Espíritu y ri wineq ri kꞌo ri Espíritu chin ri Ajaw pa ránima, ma jun achike ndiqꞌato richin chin ndukꞌoxomaj ri ndirajoꞌ ri Dios.

Gálatas 2:4

Ri Tito kin ma xbꞌan ta wi circuncidar, maske ekꞌo jujun achiꞌaꞌ ri xkajoꞌ keriꞌ. Rejeꞌ chilaqꞌel xeꞌok chiqakajal y kiqꞌabꞌan kiꞌ chi e-hermanos, pero xaxe chin ndikinachaj ri ndiqabꞌen roj ri xe jun qabꞌanun rikꞌin ri Cristo Jesús, si ndiqabꞌen o naq ri ndubꞌij ri ley xyoꞌox chare ri Moisés, roma xkajoꞌ xojkiyaꞌ chik chuxeꞌ ruchuqꞌaꞌ ri ley riꞌ.

Gálatas 5:1

Ri Cristo xojrelesaj chuxeꞌ ruchuqꞌaꞌ ri ley xyoꞌox chare ri Moisés chin xojel libre. Roma kꞌa riꞌ, kaw kixpeꞌeꞌ chupan ri libertad riꞌ, y ma tiyaꞌ chik iwiꞌ chuxeꞌ ruchuqꞌaꞌ ri ley riꞌ.

2 Corintios 2:8

Romariꞌ, nikꞌutuj kamelal chiwa, chi tikꞌutuꞌ chik jumbꞌey chuwech chi qetzij ndiwojoꞌ.