Gálatas 4:9 - Kaqchikel Santo Domingo (Xenacoj)

⁹ Pero wokami rix iwetaman chik ruwech ri Dios, o más utz ndiqabꞌij, chi ri Dios retaman iwech rix. Y roma keriꞌ, ¿achike roma ndiwojoꞌ ndiyaꞌ chik iwiꞌ chuxeꞌ ruchuqꞌaꞌ aj rochꞌulew costumbres ri xa maneq kuchuqꞌaꞌ chin ngixkikal y ma jun keqalen?

နောက်ထပ်ဗားရှင်းများ

Kaqchikel Santa Maria de Jesus

⁹ Pero vacame, ivataꞌn chic roch ri Dios. O más otz niꞌej chi ja ri Dios ri taꞌmayuon chic ivach ixreꞌ. ¿Karruma ixreꞌ ntivajoꞌ ntiyaꞌ can ri Dios y nquixtzalaj-pa chic chupan ri costumbres ri man jun quikalien?

Kaqchiquel Bible

⁹ Jak'a re wakami, kan iwetaman chik ruwech ri Dios. O más utz ninbij chi ja ri Dios ri etamayon chik iwech rix. ¿Achike k'a roma toq rix niwajo' chik nisamajij ri jalajoj ruwech pixa' richin ri ruwach'ulew?

Kaqchikel Central Guatemala

⁹ Jac'a re vacami, can ivetaman chic ruvech ri Dios. O más utz ninbij chi ja ri Dios ri etamayon chic ivech rix. ¿Achique c'a roma tok rix nivajo' nisamajij jun tzij ri xa man tz'aket ta, ni manek ruchuk'a' y man nuq'uen ta pe colotajic chive?

Re C'ac'a Testamento pa Kach'abal

⁹ Jac'a vocame, can itaman chic rach re katzij Dios. O re más otz rubixic, ja che re Dios rutaman chic ivach yex. ¿Anchique roma tak yex nijo' niya' can re Dios y nijo' nitzekelbej re qui-leyes y re qui-costumbres re kavinak xe'c'ue' ajuer can? Xa man nitiquir-ta yixrucol chach re imac.

Kaqchikel Western Solola

⁹ Yac'a re wacami, can iwetaman chic ruwech ri Dios. O más utz nikabij chi ri Dios retaman chic iwech riyix. ¿Achique c'a ruma tek riyix niwajo' yixtzolin chic jun bey chuxe' ri costumbres riche (rixin) re ruwach'ulef ri xa majun quejkalen y ma niquic'om ta pe colotajic chiwe?

Gálatas 4:9 ပူးပေါင်းရင်းမြစ်များ

San Mateo 11:27

Y xubꞌij chuqaꞌ: Nojel rujachon ri Nataꞌ Dios pa nuqꞌaꞌ, y nixta jun etamayon achike qitz méra riyin ri Kꞌajolaxel, xa kin xe ri Tataꞌaj Dios, y nixta jun chuqaꞌ etamayon achike qitz méra ri Tataꞌaj Dios, xa kin xe riyin ri Kꞌajolaxel y ri achoq chake niwojoꞌ niqꞌalajrisaj.

San Lucas 5:38

Romariꞌ, ri kꞌakꞌakꞌ vino ndikꞌatzin ndiyak chupan kꞌakꞌakꞌ teq tzꞌun yakbꞌel vino.

San Juan 10:14

Ja riyin ri utzulej Yuqꞌunel, y wetaman kiwech ri nukarneꞌl y rejeꞌ ketaman nuwech riyin.

San Juan 10:27

Ri nukarneꞌl, ndikakꞌaxaj ri nuchꞌabꞌel y riyin wetaman kiwech, y rejeꞌ nginikoqaj.

San Juan 17:3

Y ri kꞌaslen ma ndikꞌis ta kereꞌ rubꞌeyal: Tiketamaj anoꞌoj rat ri qetzij Dios ri kin xe wi rat jun, y tiketamaj nunoꞌoj riyin ri Jun taqon pe awoma rat chukolik ri atinamit.

Romanos 8:29

Porque rijaꞌ xe jampeꞌ pa nabꞌey kin retaman wi pe kiwech ri eruchaꞌon chin ngeꞌok loqꞌolej achel ri Rukꞌajol, chin keriꞌ ja ri Rukꞌajol ri nimalaꞌtz chikiwech ekꞌiy ruchaqꞌ.

Romanos 8:3

Porque rikꞌin ri xqatij qaqꞌij chin xqabꞌen ri ndubꞌij ri ley ruyoꞌon pe ri Dios, ma xkꞌis ta ruchuqꞌaꞌ ri mak, porque nixta jun wineq nditiker ndubꞌen nojel ri ndubꞌij ri ley, pero ri Dios chin xojrukal xuteq pe ri Rukꞌajol chochꞌulew y xuyaꞌ jun cuerpo chare achel qa-cuerpo roj wineq ri roj aj mak, pero rijaꞌ kin ma aj mak ta, y ri Dios xujech pa kamik chutojik ri qamak y keriꞌ xukꞌis ruchuqꞌaꞌ ri mak.

1 Corintios 13:12

Wokami, kin kꞌa ndimoymot ruwech ndiqatzꞌet nojel, achel ta ngojtzuꞌun chupan jun espejo ndimoyilan ruwech, pero nduqaqa jun qꞌij atoq kin jabꞌel qꞌalej ndiqatzꞌet nojel. Wokami kꞌo nimalej teq etamabꞌel qakꞌoxoman, pero ma nojel ta, pero ri qꞌij riꞌ, xtiqetamaj nojel, achel retaman qawech rijaꞌ.

1 Corintios 15:34

Kixnojin chik jumbꞌey pa rubꞌeyal, y ma tibꞌen chik mak. Keriꞌ nibꞌij chiwa, porque ekꞌo jujun chiꞌikajal ri ma ketaman ta runoꞌoj ri Dios, y ri keriꞌ nibꞌij chiwa, xa chin ngixinkꞌixbꞌisaj jubꞌaꞌ.

1 Corintios 8:3

Pero si jun ndojowan, ri jun riꞌ etaman ruwech roma ri Dios.

2 Corintios 11:20

Y ngeꞌikachꞌ chuqaꞌ ri ngixkiyaꞌ chuxeꞌ kitzij, ri ngewaꞌ chiwij, ri ngixkichꞌakatij, ri nixta jun iweqalen ndikibꞌen y ri ndikitzꞌajilaꞌ iwech.

2 Corintios 4:6

Porque ri Dios ri kereꞌ xubꞌij: Tiyikꞌiyoꞌ pe luz pa qꞌequꞌ, xubꞌen chuqaꞌ chi xyikꞌiyoꞌ pe luz pa qánima, chin keriꞌ roj rikꞌin ri luz riꞌ, ndiqayikꞌaj kánima chꞌaqa chik, chin ndiketamaj ri nimalej ruqꞌij ri Dios ri ndiyikꞌan chupalej ri Jesucristo.

Gálatas 3:3

Xa kin qꞌalej chi rix nakaneq porque ndiwojoꞌ ndeꞌikꞌisaꞌ rikꞌin ri relik iwuchuqꞌaꞌ rix rukꞌuaxik ri kꞌakꞌakꞌ kꞌaslen ri xitzꞌen e rikꞌin ruchuqꞌaꞌ ri Espíritu Santo.

Gálatas 4:3

Keriꞌ chuqaꞌ roj israelitas jumbꞌey kan atoq kꞌajani tiqataqij ri Cristo, xojkꞌojeꞌ chuxeꞌ ruchuqꞌaꞌ ri aj rochꞌulew costumbres.

Efesios 1:17

Nikꞌutuj chare ri Tataꞌaj Dios ri kin nimalej ruqꞌij, ri ru-Dios ri Qajaw Jesucristo, chi tusipaj nojibꞌel pataneq rikꞌin ri Espíritu Santo chiwa y tuqꞌalajrisaj chiwech ri utzulej runoꞌoj chin ndiwetamaj utz-utz achike rijaꞌ.

2 Timoteo 2:19

Pero roj ri kuqul qakꞌuꞌx rikꞌin ri Dios, rubꞌanun chaqe achel jun jay ri jabꞌel utz ri ruxeꞌ. Y chirij ri ruxeꞌ, tzꞌibꞌan kan chi ri Ajaw retaman kiwech ri erichin rijaꞌ. Y tzꞌibꞌan chuqaꞌ chi konojel ri ngebꞌiꞌin chi ja ri Ajaw ri kikolonel, tikiyaꞌ kan rubꞌanik ri ma utz ta.

Hebreos 7:18

Romariꞌ, ri ndubꞌij ri ley pa kiwiꞌ ri sacerdotes eriy-rumam kan ri Leví, xjal e, porque ri ley riꞌ maneq ruchuqꞌaꞌ chin xeruchꞌajchꞌojrisaj ri wineq chuwech ri Dios.

2 Pedro 2:20

Porque ri xekolotej yan pe chuwech ri achikejeꞌ ri ngeseqꞌan kikꞌaslen chochꞌulew, roma xketamaj runoꞌoj ri Qajaw y Qakolonel Jesucristo, si ndikiseqꞌaj chik kiꞌ jumbꞌey chupan, y ngekꞌojeꞌ chik chuxeꞌ ruchuqꞌaꞌ ri itzel kꞌaslen riꞌ, xa más itzel ndubꞌen qa ri kikꞌaslen ke chuwech ri rubꞌanun nabꞌey.

1 Juan 5:20

Qetaman chuqaꞌ chi ri Rukꞌajol ri Dios xuqaqa chochꞌulew, y xuyaꞌ etamabꞌel chaqe chin ndiqetamaj runoꞌoj ri qetzij Dios. Y roj xe jun qabꞌanun rikꞌin ri qetzij Dios, porque xe jun qabꞌanun rikꞌin ri Jesucristo ri Rukꞌajol. Ja rijaꞌ ri qetzij Dios, y ja rijaꞌ ri ndiyoꞌon ri kꞌaslen ma ndikꞌis ta.