Gálatas 4:8 - Kaqchikel Santo Domingo (Xenacoj)

⁸ Jumbꞌey kan, atoq kꞌajani tiwetamaj runoꞌoj ri Dios, rix xiyal rubꞌanik kisamaj ri ma eqetzij ta dioses chin xiyaꞌ kiqꞌij.

နောက်ထပ်ဗားရှင်းများ

Kaqchikel Santa Maria de Jesus

⁸ Y ojier can, antok majaꞌ tivatamaj roch ri Dios, ixreꞌ xiꞌan servir ri dioses ri xa man i-ketzij ta.

Kaqchiquel Bible

⁸ Y toq rubanon kan, toq k'a man jani tiwetamaj ruwech ri Dios, rix xa ja ri ch'aqa' chik dios ri xe'isamajij, ri xa man e qitzij dios ta.

Kaqchikel Central Guatemala

⁸ Y tok rubanon can, tok c'a man jani tivetamaj ruvech ri Dios, rix xa ja ri ch'aka' chic dios ri xe'isamajij, ri xa man e dios ta.

Re C'ac'a Testamento pa Kach'abal

⁸ Rubanon can, tak c'amaje-na titamaj rach re Dios, yex xa ja re nic'aj chic dios re man je katzij-ta dios camas xiya' quik'ij y xiban re quisamaj.

Kaqchikel Western Solola

⁸ Y tek rubanon ca, tek c'a ma jane tiwetamaj ruwech ri Dios, riyix xiya' quik'ij nic'aj chic dioses ri xa ma kitzij ta chi ye dios.

Gálatas 4:8 ပူးပေါင်းရင်းမြစ်များ

San Juan 1:10

Kin xuqaqa chochꞌulew, y ja rijaꞌ ri xkusex roma ri Dios chin xubꞌen ri rochꞌulew, pero ri wineq ma xketamaj ta achike rijaꞌ.

Hechos 14:12

Y ri wineq xkibꞌij dios Zeus chare ri Bernabé, y chare ri Pablo xkibꞌij dios Hermes, porque ja ri Pablo ri ndichꞌaꞌa chake.

Hechos 17:23

Porque atoq xineqꞌax y xintzꞌet apeꞌ ndiyaꞌ kiqꞌij ri i-dioses, xintzꞌet jun altar apeꞌ kereꞌ tzꞌibꞌan: Re altar reꞌ chin ri Dios ri ma qetaman ta ruwech. Keriꞌ ri xintzꞌet. Ri Dios riꞌ ri ndiyaꞌ ruqꞌij rix, maske ma iwetaman ta ruwech, jariꞌ ri niyaꞌ rutzijol chiwa wokami.

Romanos 1:23

Rejeꞌ xkiyaꞌ kan rokacheq chuwech ri nimalej ruqꞌij Dios ri jumul kꞌo rukꞌaslen, chin xekiyalaꞌ kiqꞌij kachibꞌel wineq ri xa ngeken, kachibꞌel aj xikꞌ teq chikap, chikap kajkej kaqen y kumatziꞌ teq chikap, y xa xkibꞌen kitiox chake.

Romanos 1:28

Y roma xkichaꞌ chi ma ndikiyaꞌ ta pa cuenta ri ketaman pa ruwiꞌ ri Dios, ri Dios xerujech chupan ri itzel teq achike ndikinojilaꞌ chin ndikibꞌanalaꞌ ri ma utz ta chin ndibꞌan.

1 Corintios 1:21

Porque ri Dios roma ri santienta nojibꞌel ruchajin, kin rubꞌanun chik ruwech chi ri wineq ma roma ta ri aj rochꞌulew nojibꞌel kichajin xtiketamaj achike rijaꞌ. Xa kin xqaꞌ chuwech chi roma rutzijoxik rukamik ri Cristo cho cruz ngerukal ri wineq ri ngetaqin richin, maske chake chꞌaqa, ri tzij riꞌ xa chꞌujulej teq tzij.

1 Corintios 12:2

Rix iwetaman chi atoq kꞌajani titaqij ri Ajaw, achel ta tzꞌapin iwech xixukꞌuꞌex chin xiyaꞌ kiqꞌij tiox ri xa ma ngechꞌaꞌa ta, achel ndikibꞌen ri esachineq.

1 Corintios 8:4

Roma kꞌa riꞌ, pa ruwiꞌ rukꞌuxik ri sujun chikiwech tiox, roj qetaman chi jun tiox maneq rukꞌaslen, y kin qetaman chi xe jun Dios kꞌo y maneq chik jun.

Gálatas 4:3

Keriꞌ chuqaꞌ roj israelitas jumbꞌey kan atoq kꞌajani tiqataqij ri Cristo, xojkꞌojeꞌ chuxeꞌ ruchuqꞌaꞌ ri aj rochꞌulew costumbres.

Efesios 4:18

Ri wineq riꞌ xqꞌeqꞌumer qa kinojibꞌal, maneq kiqꞌaꞌ chare ri kꞌaslen nduyaꞌ ri Dios, porque ma ndikajoꞌ ta ndiketamaj ri qetzij, roma kikowirisan ri kánima.

1 Tesalonicenses 1:9

Porque ri ngeyoꞌon utzulej itzijol rix ndikitzijoj chuqaꞌ chi atoq xojbꞌeqaqa pa itinamit, rix xikꞌen apu utz-utz qawech. Ndikitzijoj chuqaꞌ chi xeꞌiyaꞌ kan ri tiox y xitaqij ri qetzij y Kꞌaslik Dios chin ndiyaꞌ ruqꞌij y ndibꞌen ri rusamaj,

1 Tesalonicenses 4:5

Ma tiyaꞌ qꞌij chi ngixukꞌuꞌex roma ri itzel teq rayinik chin ri cuerpo, achel ndikibꞌen ri wineq ma ketaman ta ruwech ri Dios.

2 Tesalonicenses 1:8

Chupan ri qꞌij riꞌ, nduyaꞌ castigo chake konojel ri ma xkajoꞌ ta xketamaj runoꞌoj ri Dios, y ma xkinimaj ta ri ndubꞌij ri utzulej teq tzij chin kolotajik ri ndichꞌaꞌa pa ruwiꞌ ri Qajaw Jesús.

1 Pedro 4:3

Rix jumbꞌey kan, kꞌiy tiempo xikꞌuaj jun kꞌaslen achel kikꞌaslen ri wineq ma kitaqin ta ri Dios. Ma xixtiker ta xiqꞌet iwiꞌ chuwech ri ma utz ta ndurayij ri i-cuerpo, kin xbꞌa iwánima chirij itzel teq rayinik, xeꞌibꞌen nimaqꞌij apeꞌ xixwayilaꞌ y xiqꞌabꞌarisaj iwiꞌ, santienta awariénta xitijlaꞌ, y xiyalaꞌ kiqꞌij tiox ri kin ndimulu rukꞌuꞌx ri Dios rikꞌin.

1 Juan 3:1

Tiyaꞌ cuenta chare chi ri Tataꞌaj Dios santienta ngojrajoꞌ roma hasta ndubꞌij ralkꞌuaꞌl chaqe, y kin qetzij wi chi roj ralkꞌuaꞌl. Y ri wineq ma ndikiyaꞌ ta pa cuenta chi roj ralkꞌuaꞌl, roma ma ketaman ta runoꞌoj rijaꞌ.