Gálatas 4:6 - Kaqchikel Santo Domingo (Xenacoj)

⁶ Y wokami ke roj ralkꞌuaꞌl chik ri Dios, rijaꞌ xuteq pe ri Espíritu chin ri Rukꞌajol pa qánima. Y ri Espíritu riꞌ ndubꞌij ¡Nataꞌ! chare ri Dios.

နောက်ထပ်ဗားရှင်းများ

Kaqchikel Santa Maria de Jesus

⁶ Y ruma ix ralcꞌual chic ri Dios, ri Dios xutak-pa ri Ru-Espíritu ri Rucꞌajuol riqꞌuin ivánima. Y ri Espíritu Santo ri cꞌo riqꞌuin ivánima, Nataꞌ nichaꞌ cha ri Dios.

Kaqchiquel Bible

⁶ Y richin niq'alajin chi oj-ralk'ual chik ri Dios, rija' xuteq k'a pe ri Loq'olej Espíritu pa taq qánima qonojel. Y ri Loq'olej Espíritu nubij k'a: ¡Nata' yin, nata' yin!, nicha' chire ri Dios.

Kaqchikel Central Guatemala

⁶ Y roma ri oj ralc'ual chic ri Dios, ri Dios xutek c'a pe ri Lok'olej Espíritu pa tak kánima, ri nik'alajirisan ri Ruc'ajol ri Dios chikavech. Y ri Lok'olej Espíritu ri c'o pa tak kánima, Nata', nicha' c'a chire ri Dios.

Re C'ac'a Testamento pa Kach'abal

⁶ Y roma yoj rajc'ual chic re Dios, re Dios xutak-pa re Espíritu Santo chin re Ruc'ajol chin nic'ue' pa tak kánma. Y re Espíritu Santo re c'o pa tak kánma, Nata' nicha' cha re Dios.

Kaqchikel Western Solola

⁶ Y ruma ri yoj ralc'ual chic ri Dios, ri Dios xutek c'a pe ri Lok'olaj Espíritu riche (rixin) ri Ruc'ajol pa tak kánima. Y ri Lok'olaj Espíritu ri c'o pa tak kánima, Nata', nicha' c'a chare ri Dios.

Gálatas 4:6 ပူးပေါင်းရင်းမြစ်များ

Marcos 14:36

Y kereꞌ ndubꞌen orar: Nataꞌ Dios, rat nojel ngatiker ndabꞌen, kanakoloꞌ chuwech ri kꞌayew pataneq pa nuwiꞌ, pero ma tibꞌanatej ri niwojoꞌ yin, xa kin ja ri ndawojoꞌ rat, xchajeꞌ.

San Lucas 11:13

Y si rix ri ma utz ta inoꞌoj iwetaman ndiyaꞌ utzulej teq achike chake ri iwalkꞌuaꞌl, ¡kin más wi retaman ri aj chikaj Tataꞌaj Dios. Rijaꞌ kin xtuyaꞌ pe ri Espíritu Santo chake ri ngekꞌutun chare!

San Lucas 11:2

Ri Jesús xubꞌij chake: Rix atoq ndibꞌen orar, kereꞌ tibꞌij: Qatataꞌ Dios, kin jumul tinimrisex ri loqꞌolej abꞌiꞌ, Kin ta nduqaqa yan ri qꞌij atoq ndabꞌen reinar pa ruwiꞌ nojel.

San Juan 14:16

Y riyin kin xtinkꞌutuj chare ri Tataꞌaj Dios, y rijaꞌ nduteq pe jun chik Bꞌochinel chin ndikꞌojeꞌ jumul iwikꞌin.

San Juan 15:26

Pero atoq nduqaqa ri Bꞌochinel ri niteq pe riyin pa rubꞌiꞌ ri Tataꞌaj Dios, nduruqꞌalajrisaj achike riyin. Y ri Bꞌochinel riꞌ, ja ri Espíritu Santo ri ndiqꞌalajrisan ri qetzij. Rijaꞌ rikꞌin ri Tataꞌaj Dios ndel wi pe.

San Juan 16:7

Pero riyin ja ri qetzij nibꞌij: Chiwa rix más kꞌo utz ndukꞌen pe ri ngibꞌa riyin, porque si ma xkibꞌa ta, ma nduqaqa ta ri Bꞌochinel. Pero si ngibꞌa, niteq pe iwikꞌin.

San Juan 3:34

Porque ri Jun ri taqon pe roma ri Dios, ja ri tzij rakꞌaxan pe rikꞌin ri Dios ndutzijoj, porque ri Dios nduyaꞌ ri Espíritu Santo y ma ndukꞌekꞌej ta nduyaꞌ.

San Juan 7:39

Atoq ri Jesús xubꞌij keriꞌ, xchꞌaꞌa pa ruwiꞌ ri Espíritu Santo, ri xa jubꞌaꞌ chik qꞌij ndirajoꞌ chin ndiyoꞌox pa kánima ri kitaqin ri Jesús. Keriꞌ xubꞌij, porque ri Espíritu Santo kꞌajani tiqape, roma ri Jesús kꞌajani titzolij e chikaj chin ndiqꞌalajin chik ri nimalej ruqꞌij.

Hechos 16:7

Pero atoq xebꞌeqaqa pa rumonjon ri rochꞌulew Misia, xkajoꞌ ta xebꞌa pa rochꞌulew Bitinia, pero ri Espíritu Santo chin ri Jesús ma xuyaꞌ ta qꞌij chake.

Romanos 5:5

Y kin ma xqojkꞌixbꞌisex ta rikꞌin ri keriꞌ qoyobꞌen, porque ri Dios rikꞌin ri Espíritu Santo ri ruyoꞌon pa qánima, rukꞌutun chiqawech chi santienta ngojrajoꞌ.

Romanos 8:9

Pero ma rix ukꞌuan ta roma ri itzel teq rayinik chin ri i-cuerpo, xa kin rix ukꞌuan roma ri Espíritu Santo, porque ri Espíritu Santo chin ri Dios kin kꞌo pa iwánima. Y si jun wineq maneq pa ránima ri Espíritu pataneq rikꞌin ri Cristo, ri jun riꞌ ma richin ta ri Cristo.

1 Corintios 15:45

Achel tzꞌibꞌan kan chupan ri rutzij ri Dios ri ndubꞌij: Ri nabꞌey achi xubꞌiniꞌaj Adán, xyoꞌox rukꞌaslen chochꞌulew, keriꞌ tzꞌibꞌan kan. Pero ri rukꞌisibꞌel Adán, rijaꞌ Espíritu ri ndiyoꞌon kꞌaslen, y riꞌ ja ri Jesucristo.

2 Corintios 1:22

Ja chuqaꞌ rijaꞌ xyoꞌon qetal chi roj richin. Ruyoꞌon ri Espíritu Santo pa qánima, retal chi qetzij chi kꞌo más nduyaꞌ chaqe.

2 Corintios 3:17

Porque ri Ajaw riꞌ, ja ri Espíritu y ri wineq ri kꞌo ri Espíritu chin ri Ajaw pa ránima, ma jun achike ndiqꞌato richin chin ndukꞌoxomaj ri ndirajoꞌ ri Dios.

Efesios 1:13

Keriꞌ chuqaꞌ rix ri ma israelitas ta, atoq xiwakꞌaxaj rutzijol ri qetzij, ri utzulej teq tzij ri rukꞌamon pe kolotajik chiwa, xitaqij ri Cristo, y xe jun xibꞌen rikꞌin, romariꞌ ri Dios xuyaꞌ pe ri Espíritu Santo pa iwánima, achel rubꞌiꞌin kan chi nduyaꞌ. Y ri Espíritu Santo, ja rijaꞌ ri etal chi rix richin ri Dios.

Efesios 2:18

Y roma rukamik ri Cristo cho cruz, kꞌo cheꞌel ngojjel apu chuwech ri Qatataꞌ Dios chi israelitas y ma israelitas ta, y xe jun mismo Espíritu Santo ukꞌuayon qichin roj qonojel chin ngojjel apu chuwech.

Efesios 4:30

Y ma tibꞌen chare ri Espíritu Santo chin ri Dios chi ndibꞌison qa, porque ja ri Espíritu riꞌ, ri etal ruyoꞌon ri Dios pa iwánima chi atoq nduqaqa chik ri Cristo, kin xkixkolotej wi e.

Efesios 6:18

Rix tikꞌutuj kamelal chare ri Dios y jutaqil tibꞌanaꞌ orar pa ruwiꞌ nojel ri ndiqꞌasaj pa ikꞌaslen, y tiyaꞌ qꞌij chare ri Espíritu Santo chi ndukꞌuaj ibꞌey pa oración. Y chin ndibꞌen keriꞌ, ndikꞌatzin chi rix kꞌes pa ruwiꞌ ri oración y man ta ndikꞌo ikꞌuꞌx chukꞌutuxik ri utz pa kiwiꞌ konojel ri loqꞌolej ralkꞌuaꞌl ri Dios.

Filipenses 1:19

porque yin kuqul nukꞌuꞌx chi roma ri oración ndibꞌen rix woma, y roma chuqaꞌ ngirutoꞌ ri Espíritu Santo ri ruyoꞌon ri Jesucristo pa wánima, nginel chuwech nojel ri nukꞌulwachin pa nukꞌaslen wokami,

1 Tesalonicenses 4:8

Romariꞌ, si kꞌo jun ri ma ndirajoꞌ ta ndunimaj re tijonik reꞌ, ma chikiwech ta wineq nduyaꞌ kan roracheq, xa kin chuwech ri Dios ri yoyon pe ri Espíritu Santo pa iwánima.

1 Pedro 1:11

Xkitij kiqꞌij chin xkajoꞌ xketamaj achike ri Cristo y jampeꞌ ndebꞌanatej ri ndubꞌij pe ri Espíritu chin ri Cristo pa kánima, porque ri Espíritu ruqꞌalajrisan chake chi ri Jun ri nduteq pe ri Dios chukolik ri rutinamit kin xtuqꞌasaj wi kꞌayew, y atoq qꞌaxneq chik chupan ri kꞌayew, ngebꞌanatej nimalej teq favores ri ngekꞌutu chi nimalej ruqꞌij.

Judas 1:20

Pero rix ri tzꞌan ngixinwojoꞌ, tikꞌiytisaj ri ikꞌaslen chupan ri loqꞌolej tijonik itaqin, tijonik ri pataneq rikꞌin ri Dios, y tiyaꞌ qꞌij chi ri Espíritu Santo ndukꞌuan iwichin pa oración.

Apocalipsis 19:10

Y riyin xixukeꞌ y xilukeꞌ chin xiyaꞌ ruqꞌij ri xchꞌaꞌa pe chuwa, pero rijaꞌ xubꞌij: ¡Ma ndabꞌen kelaꞌ! Porque chi roj kaꞌiꞌ roj rusamajelaꞌ ri Dios, achel ri chꞌaqa chik a-hermanos ri ma kiyoꞌon ta kan chi ndikiyaꞌ utzulej rutzijol ri Jesús. ¡Ja ri Dios tayaꞌ ruqꞌij! Porque ri ngeyoꞌon utzulej rutzijol ri Jesús, eꞌukꞌuan roma ri Espíritu ri xukꞌuan kichin ri profetas.