Gálatas 3:22 - Kaqchikel Santo Domingo (Xenacoj)

²² Pero ri rutzij ri Dios ri tzꞌibꞌan kan ndubꞌij chi konojel wineq eꞌaj mak, chin keriꞌ ndiqꞌalajin chuqaꞌ achike roma ndikꞌatzin chi konojel ndikitaqij ri Jesucristo chin ndiyoꞌox chake ri rusujun kan ri Dios.

နောက်ထပ်ဗားရှင်းများ

Kaqchikel Santa Maria de Jesus

²² Pero ri ruchꞌabꞌal ri Dios ri tzꞌibꞌan can, nuꞌej chi konojiel ojreꞌ oj pecadores; quireꞌ nuꞌej, chi quinojiel ri quiniman ri Jesucristo, niyoꞌx chica ri ranun prometer ri Dios. Y reꞌ niquil ruma quicukubꞌan quicꞌuꞌx riqꞌuin ri Jesucristo.

Kaqchiquel Bible

²² Jak'a ri ruch'abel ri Dios nubij chiqe chi kan qonojel roj winaqi' kan oj aj-maki-wi; richin keri' tiqetamaj chi k'o chi niqakuquba' qak'u'x rik'in ri Jesucristo richin niqak'ul ri rusujun kan ri Dios.

Kaqchikel Central Guatemala

²² Pero ri ruch'abel ri Dios ri tz'ibatel can, nubij chike chi can konojel roj vinek can oj aj-maqui' vi; richin queri' tiketamaj chi c'o chi nikanimaj ri Jesucristo, y nikac'ul ri rusujun can ri Dios. Y nikac'ul xa can xe roma ri nikacukuba' kac'u'x riq'uin ri Jesucristo.

Re C'ac'a Testamento pa Kach'abal

²² Pero re ruch'abal re Dios re tz'iban can nubij chaka, che konojel re yoj vinak can yoj aj-maqui-va. Quire' nubij chin nakatamaj che tiene que nakanimaj re Jesucristo, y nakac'ul re rusujun can re Dios. Y nakac'ul xaxe roma nakaban confiar-ki' riq'uin re Jesucristo.

Kaqchikel Western Solola

²² Yac'a ri ruch'abel ri Dios ri tz'ibatal ca nubij chi can konojel riyoj winek can yoj aj maqui' wi; y queri' nubij riche (rixin) chi quinojel ri ye nimayon riche (rixin) ri Jesucristo, niya'ox (nya') chique ri rutzujun (rusujun) ca ri Dios ruma chi can niquicukuba' quic'u'x riq'ui ri Jesucristo.

Gálatas 3:22 ပူးပေါင်းရင်းမြစ်များ

Romanos 11:32

Keriꞌ nibꞌij, porque ri Dios rubꞌiꞌin chi konojel wineq ma ngeniman ta chuwech, chin keriꞌ ndujoyowaj kiwech konojel.

Hebreos 9:15

Y romariꞌ, ja ri Jesús xkusex chin xbꞌan ri kꞌakꞌakꞌ pacto, chin keriꞌ rikꞌin ri rukamik ngerukal ri wineq chuwech ri mak xkibꞌen atoq xekꞌojeꞌ chuxeꞌ ruchuqꞌaꞌ ri nabꞌey pacto. Y roma chuqaꞌ ri rukamik roj qonojel ri roj oyon roma ri Dios, ndiyoꞌox chaqe ri herencia ri ma ndikꞌis ta, herencia ri rusujun kan rijaꞌ.

Gálatas 3:23

Atoq kꞌajani tiqetamaj chi ndikꞌatzin ndiqataqij ri Jesucristo, ri ley xyoꞌox chare ri Moisés achel ta roj rutzꞌapin roj israelitas pa cheꞌ keriꞌ, y xojkꞌojeꞌ chuxeꞌ ruchuqꞌaꞌ hasta kꞌa xqꞌalajrisex na ri utzulej teq tzij ri achoq ikꞌin xqetamaj chi ndikꞌatzin ndiqataqij ri Cristo.

1 Juan 2:25

Y si jumul xe jun qabꞌanun rikꞌin, kin qichin wi ri kꞌaslen ma ndikꞌis ta ri rusujun kan rijaꞌ chaqe.

San Juan 3:36

Ri nditaqin chi ja ri Rukꞌajol ri Dios ri Kolonel, kꞌo ri kꞌaslen ma ndikꞌis ta rikꞌin. Pero jun ri ma ndunimaj ta ri ndubꞌij ri Rukꞌajol ri Dios, ma ndikꞌojeꞌ ta ri kꞌaslen ma ndikꞌis ta rikꞌin, xa kꞌa keriꞌ kꞌo chuxeꞌ ri nimalej royowal ri Dios.

San Juan 12:46

Ja riyin ri luz ri xinuqaqa chochꞌulew, chin keriꞌ ri nditaqin wichin, ma ndikanej ta pa qꞌequꞌ.

San Juan 5:24

Kin qetzij nibꞌij chiwa chi ri ndakꞌaxan ri tzij nibꞌij y ndutaqij ri taqayon pe wichin, kin kꞌo chik ri kꞌaslen ma ndikꞌis ta rikꞌin. Pa ruwiꞌ rijaꞌ ma ndiqaqa ta ri castigo nduyaꞌ ri Dios, xa kin kolotajneq chi pe chuwech ri kamik y qꞌaxneq chi apu chupan ri kꞌaslen ma ndikꞌis ta.

2 Pedro 3:13

Pero roj ri qataqin ri Ajaw, qoyobꞌen ri kꞌakꞌakꞌ kaj y ri kꞌakꞌakꞌ rochꞌulew ri rusujun kan ri Dios chaqe, ri apeꞌ ndibꞌanatej nojel pa ruchojmil.

2 Pedro 1:4

Nojel riꞌ ruyoꞌon ri Dios chaqe, retal chi ruyoꞌon ri rusujun kan ri kin jabꞌel wi y nimalej reqalen. Y ruyoꞌon nojel riꞌ chaqe, chin keriꞌ rix ri xixanimej yan pe pa ruqꞌaꞌ ri itzel teq rayinik ri ekꞌo chochꞌulew, ndubꞌen qa ri ikꞌaslen achel rukꞌaslen rijaꞌ.

2 Timoteo 1:1

Riyin Pablo ru-apóstol ri Cristo Jesús porque jariꞌ rurayibꞌel ri Dios. Ri Dios xiruchaꞌ chin nitzijoj chi konojel ri xe jun ndikibꞌen rikꞌin ri Cristo Jesús, ndikil ri utzulej kꞌaslen ri ndusuj rijaꞌ.

Gálatas 3:29

Y si rix richin chik ri Cristo, kin rix riy-rumam kan ri Abraham, y ndok iwichin chuqaꞌ ri bendición sujun chare ri Abraham ojer.

Romanos 10:9

Ndubꞌij chi ndikꞌatzin ndabꞌij rikꞌin achiꞌ chi ja ri Jesús ri Awajaw, y ndikꞌatzin chuqaꞌ chi rikꞌin awánima ndataqij chi ri Dios xukꞌastajbꞌaꞌ pe chikikajal ri animaꞌiꞌ. Si keriꞌ ndabꞌen, kin ngakolotej wi.

Romanos 5:12

Rikꞌin ri qabꞌiꞌin pe, ndiqabꞌij chuqaꞌ chi roma jun achi, xok pe ri mak chochꞌulew, y ri mak xukꞌen pe kamik. Ja atoq riꞌ xtzꞌukutej pe chi konojel wineq ngeken, porque konojel ndikibꞌen mak.

Romanos 3:23

porque konojel kibꞌanun mak, y riꞌ rubꞌanun chake chi ma ngeꞌok ta achel ndirajoꞌ ri nimalej ruqꞌij Dios chi ngeꞌok.

Hechos 16:31

Y ri Pablo y ri Silas xkibꞌij: Tataqij ri Ajaw Jesús pa awánima y ngakolotej rat, y keriꞌ chuqaꞌ ri ekꞌo pa awachoch, xechajeꞌ.

San Juan 20:31

Pero ri retal ruchuqꞌaꞌ ri Dios ri xetzꞌibꞌex kan chupan re wuj reꞌ, xetzꞌibꞌex chin nditaqij chi ja ri Jesús ri taqon pe roma ri Dios chukolik ri rutinamit y chi ja rijaꞌ ri Rukꞌajol ri Dios. Y xetzꞌibꞌex chuqaꞌ chin keriꞌ rix ri ngixtaqin, ndikꞌojeꞌ ikꞌaslen rikꞌin rijaꞌ.

San Juan 6:40

Porque ri rurayibꞌel ri Nataꞌ ri taqayon pe wichin, jareꞌ: Konojel ri ndiketamaj achike riyin y nginikitaqij, ndikil ri kꞌaslen ma ndikꞌis ta, y riyin ngenkꞌastajbꞌaꞌ e chikikajal ri animaꞌiꞌ pa rukꞌisibꞌel qꞌij.

Gálatas 3:17

Y ri niwojoꞌ nibꞌij chiwa jareꞌ: Ri Dios xubꞌen jun pacto rikꞌin ri Abraham, y xuyaꞌ rutzij chare chi kin nduyaꞌ wi ri ndusuj. Y ri ley ri xyoꞌox chare ri Moisés 430 junaꞌ más kereꞌ pe, ma xujel ta ri pacto riꞌ, nixta xuyuj ri achike rusujun.

Gálatas 3:14

Keriꞌ xubꞌen ri Cristo, chin keriꞌ ri favor sujun chare ri Abraham roma ri Dios, kin ndiyoꞌox chake ri jalajaj kiwech wineq ma israelitas ta ri ndikitaqij rijaꞌ. Y keriꞌ roj qonojel ri ndiqataqij ri Cristo, ndiyoꞌox pa qánima ri Espíritu Santo ri rusujun ri Dios chi nduyaꞌ.

Marcos 16:16

Ri xtitaqin ri utzulej teq tzij chin kolotajik y xtubꞌen bautizar riꞌ, kin ndikolotej wi. Pero ri castigo ri nduyaꞌ ri Dios ndiqaqa pa ruwiꞌ ri ma xtitaqin ta.

Romanos 3:22

Y ri modo riꞌ ndubꞌij chi ja ri Dios ndibꞌanun chake ri wineq ri ndikitaqij ri Jesucristo chi nixta jun kimak ndikeqalej, y riꞌ chake konojel ri ngetaqin, porque ri Dios junan kiwech ngerutzꞌet konojel,