Gálatas 3:1 - Kaqchikel Santo Domingo (Xenacoj)

¹ Rix aj rochꞌulew Galacia, xa rix achel nakaneq teq wineq keriꞌ. ¿Achike xchꞌakatin iwichin chin ma nditaqij ta chik ri qetzij? Rix hasta xkꞌut chiwech chin xitzꞌet rikꞌin iwech ri achike rubꞌanik xbꞌan chare ri Jesucristo atoq xkamisex cho cruz.

နောက်ထပ်ဗားရှင်းများ

Kaqchikel Santa Maria de Jesus

¹ Hermanos aj-Galacia, ¿karruma can ix-nacanak y rumareꞌ xixꞌan engañar y vacame man ntinimaj ta chic ri ketzij? Ojreꞌ kaꞌeꞌn can jaꞌal chiva chi ri Jesucristo xcon choch cruz pa ka-cuenta.

Kaqchiquel Bible

¹ Wach'alal aj-Galacia, ¿achike k'a roma man yixch'obon ta? ¿O xa k'o banayon itz chiwij, richin man ninimaj ta ri qitzij, toq xa kan qabin kan chiwe chi ri Jesucristo xken qoma roj?

Kaqchikel Central Guatemala

¹ Vach'alal aj-Galacia, ¿achique c'a roma man yixch'obon ta jebel? ¿Y achique c'a roma tok ix k'olotajinek y man ninimaj ta ri kitzij? Tok xa can kabin can chive chi ri Jesucristo xquen (xcom) chuva ri cruz koma.

Re C'ac'a Testamento pa Kach'abal

¹ Hermanos aj-Galacia, ¿anchique roma man ninojij-ta jabal? ¿Y anchique roma yixk'olotajnak y man ninimaj-ta re katzij ch'abal? Y xa kabin chic chiva che re Jesucristo xcom cho cruz koma yoj.

Kaqchikel Western Solola

¹ Wach'alal aj Galacia, ¿achique c'a ruma ma yixch'obon ta jabel? ¿Y achique c'a xixk'olo rumari' tek ma ninimaj ta ri kas kitzij? Tek xa can k'alajsan chic jabel chiwech ri achique rubanic xban chare ri Jesucristo tek xcom chuwech ri cruz kuma.

Gálatas 3:1 ပူးပေါင်းရင်းမြစ်များ

2 Corintios 11:3

Pero nuxibꞌin wiꞌ chi achel ri kumetz xkaney ma xkaney xubꞌen chin xuchꞌakatij ri Eva ojer kan, keriꞌ chuqaꞌ xkixchꞌakatix rix chin xtiyaꞌ qꞌij chare ri itzel chi xtujel ri inojibꞌal y ma rikꞌin chi ta chꞌajchꞌaj ikꞌaslen, nixta rikꞌin nojel iwánima xtiwoqaj ri Cristo.

Apocalipsis 2:20

Pero kꞌo achike ndabꞌen ri ma ndiqaꞌ ta chinuwech, chi ayoꞌon qꞌij chare ri jun ixaq rubꞌiniꞌan Jezabel, ri ndubꞌij chi kꞌo ruqꞌalajrisan ri Dios chare, y xa ma qetzij ta. Rijaꞌ ngerutijoj y ngerutaqchiꞌij ri nusamajelaꞌ chin ndikikꞌamalaꞌ qa kiꞌ xa achoq na ikꞌin chin ndikibꞌen mak, y ngerutaqchiꞌij chuqaꞌ chin ndikikꞌux ri rikil sujun chikiwech tiox.

Gálatas 1:6

Riyin ndisach nukꞌuꞌx chiwij, porque ja yan paqiꞌ ndiwoqaj jun chik tijonik ri pa itzij ndukꞌen pe kolotajik chiwa y xa ndiyaꞌ kan ri Dios ri xoyon iwichin roma ri favor nduyaꞌ ri Cristo.

1 Pedro 4:17

Roma ja tiempo chik chi ri Dios nduqꞌet tzij pa kiwiꞌ ri wineq, pero ri nabꞌey keriꞌ ndibꞌan chaqe, ja roj ri qataqin rijaꞌ, chin ndichojmirisex ri qakꞌaslen. Y si ndiqꞌat tzij nabꞌey pa qawiꞌ roj ri qataqin chik, tinojij na kꞌa janipeꞌ chi castigo ndiyoꞌox chake ri ma ndikinimaj ta ri utzulej teq tzij chin kolotajik ri nduyaꞌ ri Dios.

2 Pedro 2:18

Atoq ngechꞌaꞌa, ngekibꞌilaꞌ tzij chin ndikinimrisalaꞌ kiꞌ, pero ri ndikibꞌilaꞌ, xa nixta jun rubꞌeyal. Rejeꞌ ngekibꞌochilaꞌ ri kꞌa jubꞌaꞌ qꞌij kekolotej pe chikikajal ri wineq ri sachineq rubꞌey ri Dios chikiwech, y ndikibꞌilaꞌ chake chi ma tikijekꞌ kiꞌ chuwech ri ndiqaꞌ chikiwech y tikibꞌanalaꞌ xa achike na ri ndurayij ri ki-cuerpo.

Hebreos 11:8

Ri Abraham roma kuqul rukꞌuꞌx rikꞌin ri Dios, kin xniman atoq xoyox roma ri Dios, chin xbꞌa pa jun lugar ri ndusipaj ri Dios chare. Y xutzꞌen bꞌey, maske ma retaman ta apeꞌ ndibꞌa wi.

Efesios 4:14

Chin keriꞌ, ma roj chi ta achel ri ma ekꞌiyineq ta pa kikꞌaslen chiraqen ri Dios. Porque rejeꞌ xa achike na ndikitaqij, y ngeꞌukꞌuꞌex roma jalajaj teq tijonik ri ma eqetzij ta ri ngekiyaꞌ achiꞌaꞌ ri kin ketaman ndikikanoj rubꞌeyal chin ngechꞌakatin.

Gálatas 4:9

Pero wokami rix iwetaman chik ruwech ri Dios, o más utz ndiqabꞌij, chi ri Dios retaman iwech rix. Y roma keriꞌ, ¿achike roma ndiwojoꞌ ndiyaꞌ chik iwiꞌ chuxeꞌ ruchuqꞌaꞌ aj rochꞌulew costumbres ri xa maneq kuchuqꞌaꞌ chin ngixkikal y ma jun keqalen?

Gálatas 3:3

Xa kin qꞌalej chi rix nakaneq porque ndiwojoꞌ ndeꞌikꞌisaꞌ rikꞌin ri relik iwuchuqꞌaꞌ rix rukꞌuaxik ri kꞌakꞌakꞌ kꞌaslen ri xitzꞌen e rikꞌin ruchuqꞌaꞌ ri Espíritu Santo.

1 Pedro 1:22

Wokami roma iniman ri qetzij, rix ichꞌajchꞌojrisan ri ikꞌaslen chin ngeꞌiwojoꞌ ri hermanos rikꞌin nojel iwánima. Romariꞌ, rikꞌin chꞌajchꞌaj iwánima santienta tiwojoꞌ iwiꞌ chiwech.

Hebreos 5:9

Y roma xubꞌen nojel ri achike roma xtaq pe chochꞌulew, rijaꞌ xok Kolonel ri nduyaꞌ kolotajik chin jumul chake konojel ri ngeniman richin.

Efesios 5:15

Romariꞌ, titzꞌetaꞌ utz-utz ri ndibꞌanalaꞌ pa ikꞌaslen. Ma tibꞌen achel ndikibꞌen ri wineq ri xetal ngetajiyaj rikꞌin, xa kin tikusaj ri utzulej inojibꞌal chin ndibꞌen nojel.

1 Timoteo 6:4

xa ruyon chuwech nim ndunaꞌ y ma jun rukꞌoxoman pa ruwiꞌ ri ngerubꞌilaꞌ. Xa kin ndiqaꞌ chuwech ndutaqꞌ kiwech wineq pa ruwiꞌ tzij ri ma jun utz ndukꞌen pe, tzij ri xa ndukꞌen pe chi ri wineq itzel ndikinaꞌ roma utz kibꞌanun chꞌaqa chik, ndukꞌen pe chuqaꞌ oyowal, ndukꞌen pe chi ri wineq ngechꞌaꞌa itzel chirij jun chik, ndukꞌen pe chi ndinojix itzel teq achike chirij jun chik,

Gálatas 2:14

Atoq xintzꞌet chi ma kikꞌuan ta ri kikꞌaslen achel ri qetzij ri ndubꞌij ri utzulej teq tzij chin kolotajik, chikiwech konojel xinbꞌij chare ri Cefas: Rat, rat israelita, y akꞌuan akꞌaslen achel man ta rat israelita keriꞌ. Si keriꞌ ndabꞌen rat, ¿achike roma ndabꞌen chake ri ma israelitas ta chi ndikikꞌuaj kikꞌaslen achel ri israelitas? xichajeꞌ chare.

1 Corintios 11:26

Y nojel mul atoq ndikꞌux ri kaxlan wey y nditij ri vino, ja ri rukamik ri Ajaw Jesucristo ndikꞌuxlaꞌaj, hasta tuqaqa chi na jumbꞌey.

1 Corintios 2:2

Riyin atoq kꞌajani kibꞌeqaqa chiꞌikajal, xinyaꞌ pa wánima chi ma jun chik achike más netzijoj chiwa, xa kin xe ri Jesucristo y ri rukamik cho cruz.

Romanos 6:17

Jumbꞌey kan xixkꞌojeꞌ chuxeꞌ ruchuqꞌaꞌ ri mak, pero matiox chare ri Dios, wokami rikꞌin nojel iwánima iniman ri tijonik ri yoꞌon kan chiwa.

Romanos 2:8

Pero kin xtiqaqa royowal chikij ri jumul xe rejeꞌ ndikinaꞌ chi kꞌo keqalen y ma ndikinimaj ta ri qetzij chin ta ndikiyaꞌ kan ri itzel teq noꞌoj ngetajin rikꞌin.

Hechos 6:7

Y ri rutzij ri Dios bꞌaneq más rutzijol, y qꞌij-qꞌij pa tinamit Jerusalén ngekꞌiyer más ri kitaqin ri Ajaw, y ekꞌiy chuqaꞌ sacerdotes israelitas ngeniman chuwech ri Dios roma ndikitaqij ri Jesús.

Apocalipsis 18:3

Porque ri jalajaj kiwech wineq ekꞌo chochꞌulew Xkiqꞌabꞌarisaj kiꞌ chupan ri rumak xubꞌen. Keriꞌ chuqaꞌ xkibꞌen ri reyes chin ri rochꞌulew Xkikꞌamalaꞌ qa kiꞌ rikꞌin chin xkibꞌen mak, Y ri ngekꞌayin, Xebꞌeyomer rikꞌin ri rukꞌisik méra xubꞌen roma xulaqꞌ xa achike na ndurayilaꞌ, xchajeꞌ ri ángel.

2 Tesalonicenses 1:8

Chupan ri qꞌij riꞌ, nduyaꞌ castigo chake konojel ri ma xkajoꞌ ta xketamaj runoꞌoj ri Dios, y ma xkinimaj ta ri ndubꞌij ri utzulej teq tzij chin kolotajik ri ndichꞌaꞌa pa ruwiꞌ ri Qajaw Jesús.

Efesios 3:8

Y riyin maske maneq ok weqalen ke chuwech ri más maneq ok ruqꞌij chikikajal ri loqꞌolej rutinamit rijaꞌ, chuwa riyin yoꞌon ri favor chi nitzijoj chake ri ma israelitas ta ri utzulej teq tzij chin kolotajik ri kin jun bꞌeyomal rukꞌamon pe ri Cristo, jun bꞌeyomal ri ma ngojtiker ta ndiqakꞌoxomaj janipeꞌ reqalen.

2 Corintios 10:5

Ndiqakꞌis ruqꞌij nojel aj rochꞌulew nojibꞌel ri yakatajneq ri ma nduyaꞌ ta qꞌij chi ndetamex runoꞌoj ri Dios, y nojel nojibꞌel ngeqayaꞌ chuxeꞌ rutzij ri Cristo, chin tinimex rutzij rijaꞌ.

Romanos 10:16

Pero ma konojel ta kitaqin ri utzulej teq tzij chin kolotajik, achel ndubꞌij ri tzꞌibꞌan kan roma ri profeta Isaías: Ajaw, ¿kꞌo kami xetaqin ri qabꞌiꞌin pe pa abꞌiꞌ? Keriꞌ tzꞌibꞌan kan.

San Lucas 24:25

Ri Jesús xubꞌij chake: Rix xa achel rix yawaꞌ, porque cuesta nditaqij nojel ri kibꞌiꞌin kan ri profetas.

San Mateo 24:24

Porque ngebꞌeqꞌalajin pe wineq ri ndikiqꞌabꞌaj kiꞌ chi etaqon pe roma ri Dios chukolik ri rutinamit, y chuqaꞌ wineq ri ndikiqꞌabꞌaj kiꞌ chi e-profetas, y ngekibꞌanalaꞌ nimalej teq achike ri nixta jumbꞌey etzꞌeton y milagros, chin ngekichꞌakatij wineq, y xa ta ngetiker, hasta ngekichꞌakatij ri echaꞌon roma ri Dios.

San Mateo 7:26

Pero ri ndakꞌaxan ri tzij ngitajin chubꞌixik y ma ndubꞌen ta ri nibꞌij chare, nijunumaj rikꞌin jun achi ri ma ndikaney ta runoꞌoj, ri pariꞌ sanayiꞌ xupabꞌaꞌ ri rachoch.

Hechos 16:6

Ri Espíritu Santo ma xuyaꞌ ta qꞌij chake ri Pablo y ri erachibꞌilan chin ta xkitzijoj ri rutzij ri Dios pa rochꞌulew Asia, romariꞌ rejeꞌ xeꞌeqꞌax pa rochꞌulew Frigia y pa rochꞌulew Galacia.

Gálatas 1:2

Riyin y konojel ri hermanos ri ekꞌo wikꞌin, ndiqateq e ruxunaqil iwech rix ri ralkꞌuaꞌl ri Dios ri ndimal iwiꞌ pa rubꞌiꞌ, ri rixkꞌo pa teq tinamit chin ri rochꞌulew Galacia.

Gálatas 5:11

Hermanos, ekꞌo ngebꞌiꞌin chi riyin kꞌa nitzijoj chake ri wineq chi ndikꞌatzin ndikibꞌen circuncidar kiꞌ chin ma jun kimak ndikeqalej chuwech ri Dios. Xa ta qetzij chi keriꞌ nitzijoj, ri nuwinaqul israelitas man ta nginkitzeqlebꞌej chin ndikibꞌen itzel chuwa y man ta chik itzel ndikinaꞌ chare rutzijoxik ri rukamik ri Cristo cho cruz ri niyaꞌ riyin.