Filipenses 4:9 - Kaqchikel Santo Domingo (Xenacoj)

⁹ Y nojel ri tijonik nuyoꞌon chiwa, nojel ri xiwakꞌaxaj chi yin xinbꞌij, y nojel ri xitzꞌet chi yin xinbꞌen, nojel riꞌ tibꞌanaꞌ. Si keriꞌ xtibꞌen, ri Dios ri ndiyoꞌon uxlanen pa qánima kin xtikꞌojeꞌ iwikꞌin.

နောက်ထပ်ဗားရှင်းများ

Kaqchikel Santa Maria de Jesus

⁹ Can ja ri xivatamaj, ri xinimaj, ri xivaxaj y ri xitzꞌat viqꞌuin, jareꞌ tibꞌanaꞌ. Y ri Dios ri niyoꞌn paz, can xticꞌujieꞌ iviqꞌuin.

Kaqchiquel Bible

⁹ Kan ja ri xiwetamaj, ri xik'ul, ri xiwak'axaj y ri xitz'et chuwij yin kan jari' k'a tibana'. Y wi keri' xtiben, ri Dios ri niya'on ri uxlanen, kan xtik'oje-wi iwik'in.

Kaqchikel Central Guatemala

⁹ Can jac'a ri xivetamaj, ri xic'ul, ri xivac'axaj y ri xitz'et viq'uin, jari' ri tibana'. Y ri Dios ri niyo'on ri uxlanen, can xtic'oje-vi iviq'uin.

Re C'ac'a Testamento pa Kach'abal

⁹ Y re xitamaj, re xic'ul, re xic'axaj y re xitz'at viq'uin, jare' re tibana'. Y re Dios re nibano chiva che re ivánma otz nuna', can xtic'ue-va iviq'uin.

Kaqchikel Western Solola

⁹ Can ya c'a ri xiwetamaj, ri xic'ul, ri xiwac'axaj y ri xitz'et wuq'ui, ya c'a ri' ri tibana'. Y ri Dios ri niya'o ri uxlanibel c'u'x, can xtic'oje' wi iwuq'ui.

Filipenses 4:9 ပူးပေါင်းရင်းမြစ်များ

Santiago 1:22

Pero ma xe tiwakꞌaxaj ri utzulej teq tzij tzijon chiwa, xa kin tibꞌanaꞌ pa ikꞌaslen ri ndubꞌij, porque si ma ke ta riꞌ ndibꞌen, xa iyon chiwech ndichꞌakatij qa iwiꞌ.

Filipenses 3:17

Hermanos, junan iwánima tiwoqaj rij ri nukꞌaslen, y tiyaꞌ utz-utz cuenta chare rubꞌeyal kikꞌaslen ri kikꞌuan jun kꞌaslen achel qakꞌutun kan roj chiwech.

2 Pedro 1:10

Romariꞌ, hermanos, roma rix oyon y rix chaꞌon roma ri Dios, titijaꞌ iqꞌij chi kin ta ngekꞌiyer nojel re utzulej teq noꞌoj reꞌ pa ikꞌaslen, porque si keriꞌ ndibꞌen, ma jumbꞌey ndiwil jun roma ndiyaꞌ kan ri Dios.

San Juan 13:17

Si rix xikꞌoxomaj utz-utz nojel reꞌ, y si ngeꞌibꞌen, kin jabꞌel roꞌiqꞌij ndikꞌojeꞌ.

Filipenses 4:7

Si keriꞌ xtibꞌen, ri uxlanen ri nduyaꞌ ri Dios kin xtikꞌojeꞌ pa iwánima, y ri uxlanen riꞌ más nim chuwech ri janipeꞌ nditiker ndunojij jun wineq. Y ri uxlanen riꞌ kin xtuchajij ri iwánima y ri achike ngeꞌinojij, roma xe jun ibꞌanun rikꞌin ri Cristo Jesús.

Romanos 16:20

Xa jubꞌaꞌ chik tiempo ndirajoꞌ chi ri Dios ri ndiyoꞌon uxlanen pa qánima, ndubꞌen chare ri Satanás chi ndikꞌojeꞌ chuxeꞌ iwaqen. Ri favor ri nduyaꞌ ri Qajaw Jesús kin ta xtikꞌojeꞌ pa iwiꞌ.

2 Corintios 13:11

Hermanos, pa rukꞌisibꞌel nibꞌij chiwa: Tikikot ri iwánima. Titijaꞌ iqꞌij chin nditzꞌaqatisaj ri kꞌajani titzꞌaqet pa ikꞌaslen, tibꞌochilaꞌ iwiꞌ chiwech, jun ruwech iwánima tibꞌanaꞌ y man ta jun oyowal chiꞌikajal. Y ri Dios ri tzꞌan ndojowan y ndiyoꞌon uxlanen kin xtikꞌojeꞌ pa iwánima.

San Lucas 6:46

Ri Jesús xubꞌij chuqaꞌ: ¿Achike roma ndibꞌij Ajaw, Ajaw chuwa, y xa ma ndibꞌen ta ri nibꞌij riyin chiwa?

San Mateo 28:20

Keꞌitijoj chin ndikinimaj nojel ri nu-mandamientos, y kin qetzij nibꞌij chiwa, chi riyin qꞌij-qꞌij yinkꞌo iwikꞌin, hasta pa rukꞌisibꞌel qꞌij chin re tiempo rojkꞌo.

San Mateo 7:21

Ma konojel ta ri ngebꞌiꞌin Ajaw, Ajaw chuwa, xkeꞌok chupan ri aj chikaj reino, xa kin xe wi ri ngebꞌanun ri rurayibꞌel ri Nataꞌ Dios kꞌo chikaj.

2 Tesalonicenses 3:4

Y roj kuqul qakꞌuꞌx rikꞌin ri Ajaw chi rix rutoꞌon y xkixrutoꞌ más apu chiqawech chin ndibꞌen ri ndiqabꞌen mandar chiwa.

1 Tesalonicenses 1:6

Y xe jampeꞌ xikꞌen qa pa iwánima ri utzulej teq tzij riꞌ, iqꞌasan pe santienta kꞌayew pa kiqꞌaꞌ wineq, pero ri Espíritu Santo ruyoꞌon pe pa iwánima chi ngixkikot. Y romariꞌ ri rukꞌuaxik ri ikꞌaslen, ja achel nukꞌaslen riyin y achel rukꞌaslen ri Ajaw.

1 Tesalonicenses 5:23

Y ri Dios ri ndiyoꞌon uxlanen pa iwánima, kin ta xtuchꞌajchꞌojrisaj chi nojel ri ikꞌaslen. Y kin ta jumul xtuchajij ri i-espíritu, ri iwánima y ri i-cuerpo, chin nixta jun itzel ndilitej pa ikꞌaslen chupan ri qꞌij atoq nduqaqa chik jumbꞌey ri Qajaw Jesucristo.

Romanos 15:33

Y ri Dios ri ndiyoꞌon uxlanen pa qánima, kin ta xtikꞌojeꞌ iwikꞌin rix iwonojel. Amén.

San Juan 2:5

Y ri ruteꞌ ri Jesús kereꞌ xubꞌij chake ri ngejachon pa kꞌulubꞌik: Tibꞌanaꞌ nojel ri xtubꞌij rijaꞌ chiwa.

San Lucas 8:21

Pero ri Jesús xubꞌij chake: Ri eꞌokuneq nteꞌ y nchaqꞌ, ja ri ngeꞌakꞌaxan y ndikibꞌen ri ndubꞌij ri rutzij ri Dios.

1 Tesalonicenses 2:14

Porque rix hermanos aj Tesalónica, roma xitaqij ri Cristo Jesús, xiqꞌasaj kꞌayew pa kiqꞌaꞌ ri iwinaqul, achel xkiqꞌasaj ri hermanos ri kitaqin ri Cristo Jesús pa rochꞌulew Judea, porque xetzeqlebꞌex chin xbꞌan itzel chake koma ri kiwinaqul israelitas.

1 Corintios 10:31

Romariꞌ, si ngojwaꞌ, si ndiqatij qayaꞌ o achike na jun chik ndiqabꞌen, tiqabꞌanaꞌ chin ndiqayaꞌ ruqꞌij ri Dios.

Hechos 9:6

Pero wokami kayakatej, katok apu pa tinamit, y chiriꞌ ndibꞌix chawa achike ndikꞌatzin chi ndabꞌen.

2 Timoteo 4:22

Kin ta xtikꞌojeꞌ ri Ajaw Jesucristo pa awánima. Kin ta xtikꞌojeꞌ chuqaꞌ ru-favor ri Dios iwikꞌin rix iwonojel.

1 Corintios 14:33

Keriꞌ nibꞌij chiwa, porque ri qa-Dios, ma jun achike ndubꞌen ri ma pa rubꞌeyal ta, rijaꞌ jun Dios ri ndiyoꞌon uxlanen chiqakajal roj ri qataqin. Nibꞌij chiwa, chi rix ndikꞌatzin ndibꞌen chuqaꞌ achel ndikibꞌen ri hermanos ri ndikimal kiꞌ pa rubꞌiꞌ ri Ajaw pa chꞌaqa chik tinamit:

San Juan 15:14

Y rix, rix wachibꞌil si ndibꞌen ri nibꞌij chiwa.

1 Juan 3:22

Y ri Dios nduyaꞌ pe chaqe nojel ri achike ndiqakꞌutuj chare, porque ndiqabꞌen ri ndubꞌij ri ru-mandamientos y ndiqabꞌanalaꞌ chuqaꞌ ri ndiqaꞌ chuwech.

San Mateo 1:23

Tiyaꞌ kꞌa cuenta chare chi ri xten ndiroyobꞌej qa akꞌual, maske kꞌajani tikꞌojeꞌ rikꞌin achi Y jun chꞌuti ral alaꞌ ndikꞌojeꞌ. Ri akꞌual riꞌ ndubꞌiniꞌaj Emanuel, y riꞌ ndubꞌij tzij: Dios kꞌo chiqakajal.

1 Corintios 4:16

Romariꞌ, nikꞌutuj chiwa chi tiwoqaj ri nibꞌen riyin pa nukꞌaslen.