Filipenses 4:7 - Kaqchikel Santo Domingo (Xenacoj)

⁷ Si keriꞌ xtibꞌen, ri uxlanen ri nduyaꞌ ri Dios kin xtikꞌojeꞌ pa iwánima, y ri uxlanen riꞌ más nim chuwech ri janipeꞌ nditiker ndunojij jun wineq. Y ri uxlanen riꞌ kin xtuchajij ri iwánima y ri achike ngeꞌinojij, roma xe jun ibꞌanun rikꞌin ri Cristo Jesús.

နောက်ထပ်ဗားရှင်းများ

Kaqchikel Santa Maria de Jesus

⁷ Xa quireꞌ xtiꞌan, ri paz ri nipa riqꞌuin ri Dios xticꞌujieꞌ riqꞌuin ivánima; y ri paz reꞌ can xtuchajij ri ivánima y xquixrutoꞌ riqꞌuin ri ntiꞌan pensar. Quireꞌ xtuꞌon chiva ruma joꞌc jun ibꞌanun riqꞌuin ri Jesucristo. Y ri paz reꞌ man xtiꞌka ta pa kaveꞌ otz (man xtakaꞌan ta entender otz), ruma can nem ri samaj nuꞌon.

Kaqchiquel Bible

⁷ Wi keri' xtiben, ri uxlanen ri nipe rik'in ri Dios kan xtik'oje' pan iwánima. Y ri uxlanen ri' janila nim richin niq'ax chikiwech ri winaqi'. Y roma rix kan jun iwech ibanon rik'in ri Cristo, roma ri' kan xtuchajij ri iwánima y xkixruto' chuwech ri ch'obonik ri yepe iwik'in.

Kaqchikel Central Guatemala

⁷ Vi queri' xtiben, ri uxlanen ri nipe riq'uin ri Dios xtic'oje' pan ivánima; y ri uxlanen ri' can xtuchajij ri ivánima y xquixruto' chuvech ri ch'obonic ri yepe iviq'uin. Queri' xtuben chive roma jun ibanon riq'uin ri Cristo Jesáus. Y ri uxlanen ri' can man xtik'ax ta vi chikavech jebel, roma can janíla nim ri samaj nuben.

Re C'ac'a Testamento pa Kach'abal

⁷ Vo xa quire' xtiban, re Dios xtuban cha re ivánma che otz xtuna'. Vo xa quire' xtuna' re ivánma, can xquixruto' chin che man xquixmacun-ta y chin che man niya-ta pa cuenta re andex re man pa rubiyal-ta ye'nojij. Quire' xtuban chiva roma jun ibanon riq'uin re Cristo Jesús. Y tak re ivánma camas otz c'o, can man xtak'ax-ta pan ive' re andex che samaj nuban roma camas nem.

Kaqchikel Western Solola

⁷ Wi queri' xtiben, ri uxlanibel c'u'x ri nuya' ri Dios xtic'oje' pa tak iwánima; y ri uxlanibel c'u'x ri' can xtuchajij wi ri iwánima y xquixruto' riq'ui ri nich'ob. Queri' xtuben chiwe ruma xa jun chic ibanon riq'ui ri Cristo Jesús. Y ri uxlanibel c'u'x ri' can ma xkojcowin ta nikach'ob, ruma can sibilaj nim ri samaj ri nuben.

Filipenses 4:7 ပူးပေါင်းရင်းမြစ်များ

San Juan 14:27

Riyin niyaꞌ kan uxlanen pa iwánima, achel ri uxlanen kꞌo pa wánima riyin, y ri uxlanen niyaꞌ kan pa iwánima, ma ngetiker ta ndikiyaꞌ ri wineq. Ma tichꞌujrisaj iwiꞌ, y ma tixibꞌij iwiꞌ.

2 Tesalonicenses 3:16

Ri Ajaw ri nduyaꞌ uxlanen, kin ja ta kꞌa rijaꞌ ndiyoꞌon uxlanen jumul pa iwánima chupan nojel ri ndiqꞌasaj pa ikꞌaslen. Kin ta xtikꞌojeꞌ ri Ajaw chiꞌikajal rix iwonojel.

Colosenses 3:15

Y ri uxlanen ri nduyaꞌ ri Cristo kin ta xtukꞌuaj ri iwánima chiꞌijununal, porque ri Dios xixroyoj chin xe jun iwech ndibꞌen rix iwonojel. Y kixmatioxin chare rijaꞌ.

Gálatas 5:22

Pero atoq jun ukꞌuan rukꞌaslen roma ri Espíritu Santo, kereꞌ ndiqꞌalajin pa rukꞌaslen: Ndojowan, ndikikot, kꞌo uxlanen pa ránima, ma ndikꞌo ta rukꞌuꞌx ndiroyobꞌej jun achike, utz runoꞌoj chake ri wineq, utz ndubꞌen chake ri wineq, kin ndubꞌen ri ndubꞌij,

Romanos 15:13

Y ri Dios ri nditoꞌon kichin ri wineq chin ndikoyobꞌej ri rusujun kan, kin ta xtubꞌen chiwa chi ngixkikot y kin ta xtuyaꞌ chuqaꞌ uxlanen pa iwánima roma itaqin rijaꞌ. Y keriꞌ rikꞌin ri ruchuqꞌaꞌ ri Espíritu Santo, rix rikꞌin nojel iwánima ndiwoyobꞌej ri rusujun kan ri Dios.

San Juan 16:33

Y nojel reꞌ nibꞌij kan chiwa, chin keriꞌ rix, roma xe jun ibꞌanun wikꞌin, ndiwil uxlanen chin ri iwánima. Chochꞌulew ndiqꞌasaj kꞌayew, pero ma tixibꞌij iwiꞌ, porque riyin xitiker yan pa ruqꞌaꞌ nojel reꞌ.

Romanos 8:6

Ri bꞌaneq kánima chirij ri itzel teq rayinik, kamik ndukꞌen pe chake, jakꞌa ri bꞌaneq kánima chirij ri ndirajoꞌ ri Espíritu Santo, uxlanen ndukꞌen pe pa kánima y ndukꞌen pe chuqaꞌ ri kꞌaslen ma ndikꞌis ta.

Romanos 5:1

Romariꞌ, roj ri nixta jun qamak qeqalen chuwech ri Dios roma qataqin ri rubꞌiꞌin pe, maneq chik achike jachayon qawech rikꞌin rijaꞌ, roma ri xubꞌen ri Qajaw Jesucristo pa qakꞌexel.

Efesios 3:19

Y keriꞌ ndikꞌoxomaj janipeꞌ ngixrajoꞌ ri Cristo, maske ri rajowabꞌel rijaꞌ más nim ke chuwech ri ngojtiker ndiqakꞌoxomaj. Keriꞌ nikꞌutuj pa iwiꞌ chare ri Tataꞌaj Dios, chin keriꞌ ri inoꞌoj rix nderubꞌanaꞌ achel ri utzulej runoꞌoj rijaꞌ.

Romanos 14:17

Porque rukꞌuꞌx ri utz chi ndiqabꞌen roj ri rojkꞌo pa ru-reino ri Dios, ma ja ta ri achike ndiqakꞌux o ndiqatij, xa kin ja ri ndiqakꞌuaj jun chojmilej kꞌaslen, ri ndikꞌojeꞌ uxlanen chiqakajal kikꞌin konojel, y ri ngojkikot roma kꞌo ri Espíritu Santo pa qánima.

Apocalipsis 1:4

Riyin Juan nitzꞌibꞌaj re wuj reꞌ chiwa rix hermanos, ri rix wuquꞌ bꞌotzaj ralkꞌuaꞌl ri Dios, ri ndimal iwiꞌ pa rubꞌiꞌ rijaꞌ pa teq itinamit chin ri rochꞌulew Asia. Ri Dios kin ta xtuyaꞌ ru-favor pa iwiꞌ y xtuyaꞌ chuqaꞌ uxlanen pa iwánima. Rijaꞌ kin xixkꞌo wi pe, kꞌo wokami y kin xtuqaqa wi. Keriꞌ chuqaꞌ ri wuquꞌ teq espíritu ekꞌo apu chuwech ri qa-Dios ri tzꞌuyul pa ru-trono, kin ta xtikiyaꞌ favor pa iwiꞌ y xtikiyaꞌ chuqaꞌ uxlanen pa iwánima.

San Lucas 1:79

Ri Jun riꞌ nduqaqa chin nduruyikꞌaj kikꞌaslen Ri ekꞌo pa qꞌequꞌ y chuxeꞌ ruchuqꞌaꞌ ri kamik, Y nduqaqa chuqaꞌ chin ndukꞌuaj bꞌey chiqawech Chin ndiqil uxlanen pa qánima, xchajeꞌ ri Zacarías.

2 Corintios 13:11

Hermanos, pa rukꞌisibꞌel nibꞌij chiwa: Tikikot ri iwánima. Titijaꞌ iqꞌij chin nditzꞌaqatisaj ri kꞌajani titzꞌaqet pa ikꞌaslen, tibꞌochilaꞌ iwiꞌ chiwech, jun ruwech iwánima tibꞌanaꞌ y man ta jun oyowal chiꞌikajal. Y ri Dios ri tzꞌan ndojowan y ndiyoꞌon uxlanen kin xtikꞌojeꞌ pa iwánima.

San Lucas 2:14

¡Kin tiyoꞌox ruqꞌij ri nimalej Dios chikaj! ¡Y chochꞌulew tikꞌojeꞌ uxlanen pa kánima ri wineq ri kꞌo ri favor nduyaꞌ ri Dios pa kiwiꞌ!

Filipenses 4:9

Y nojel ri tijonik nuyoꞌon chiwa, nojel ri xiwakꞌaxaj chi yin xinbꞌij, y nojel ri xitzꞌet chi yin xinbꞌen, nojel riꞌ tibꞌanaꞌ. Si keriꞌ xtibꞌen, ri Dios ri ndiyoꞌon uxlanen pa qánima kin xtikꞌojeꞌ iwikꞌin.

Romanos 1:7

Nitzꞌibꞌaj e re wuj reꞌ chiwa rix iwonojel hermanos ri rixkꞌo pa tinamit Roma, ri tzꞌan ngixojowex roma ri Dios, y rix oyon chin ngixok loqꞌolej teq ralkꞌuaꞌl. Ri Qatataꞌ Dios y ri Qajaw Jesucristo kin ta xtikiyaꞌ ki-favor pa iwiꞌ y xtikiyaꞌ chuqaꞌ uxlanen pa iwánima.

Hebreos 13:20

Ri Dios ri ndiyoꞌon uxlanen pa qánima, ja rijaꞌ ri xkꞌastajbꞌan pe chikikajal ri animaꞌiꞌ ri Nimalej Qayuqꞌunel ri roj rukarneꞌl, y riꞌ ja ri Qajaw Jesús ri xbꞌiyin rukikꞌel chin xkꞌachaj ri pacto ri kin chin jumul.

Apocalipsis 2:17

¡Ri ndirajoꞌ ndukꞌoxomaj, tukꞌoxomaj ri ndubꞌij ri Espíritu Santo chake ri bꞌotzaj teq ralkꞌuaꞌl ri Dios! Ri xtitiker ndubꞌen ri nubꞌiꞌin kan, niyaꞌ chare jubꞌaꞌ chin ri maná ewan kan chi ndukꞌux, y niyaꞌ chuqaꞌ chare jun chꞌuti seq abꞌej apeꞌ tzꞌibꞌan jun kꞌakꞌakꞌ bꞌiꞌaj. Xa kin xe ri achoq chare niyaꞌ ndiretamaj ri bꞌiꞌaj riꞌ, y ma jun chik.

Judas 1:1

Riyin Judas, rusamajel ri Jesucristo y qachaqꞌ-qanimal qiꞌ rikꞌin ri Santiago, niteq e ruxunaqil iwech rix ri rix oyon roma ri Tataꞌaj Dios ri kin ngixrajoꞌ, y rix chajin chuqaꞌ chin ngixjach chare ri Jesucristo atoq nduqaqa chik.

Filipenses 1:2

Ri Qatataꞌ Dios y ri Ajaw Jesucristo, kin ta xtikiyaꞌ ki-favor pa iwiꞌ y xtikiyaꞌ chuqaꞌ uxlanen pa iwánima.

2 Corintios 10:5

Ndiqakꞌis ruqꞌij nojel aj rochꞌulew nojibꞌel ri yakatajneq ri ma nduyaꞌ ta qꞌij chi ndetamex runoꞌoj ri Dios, y nojel nojibꞌel ngeqayaꞌ chuxeꞌ rutzij ri Cristo, chin tinimex rutzij rijaꞌ.

Filipenses 1:1

Riyin Pablo y ri hermano Timoteo rusamajelaꞌ ri Cristo Jesús, ndiqatzꞌibꞌaj e re wuj reꞌ chiwa rix ri loqꞌolej rutinamit ri Dios ri rixkꞌo pa tinamit Filipos, ri xe jun ibꞌanun rikꞌin ri Cristo Jesús y chiwa chuqaꞌ rix ri ukꞌuey bꞌey chikiwech ri hermanos, y chiwa rix ri rix diáconos.

Filipenses 4:19

Y ri nu-Dios ri kin nimalej rubꞌeyomal, kin xtuyaꞌ nojel ri ndikꞌatzin chiwa rix ri xe jun ibꞌanun rikꞌin ri Cristo Jesús.

Filipenses 4:21

Tiyaꞌ ruxunaqil kiwech konojel ri loqꞌolej hermanos ri xe jun kibꞌanun rikꞌin ri Cristo Jesús. Ri hermanos ekꞌo wikꞌin waweꞌ ndikiteq chuqaꞌ ruxunaqil iwech rix.