Filipenses 4:6 - Kaqchikel Santo Domingo (Xenacoj)

⁶ Man ta jun roma ndichꞌujrisaj iwiꞌ, xa kin tiyaꞌ nojel pa ruqꞌaꞌ ri Dios pa oración, tikꞌutuj chare ri achike ndikꞌatzin chiwa, y kixmatioxin chuqaꞌ chare.

နောက်ထပ်ဗားရှင်းများ

Kaqchikel Santa Maria de Jesus

⁶ Man tichꞌujirisaj-iviꞌ chirij chica-na kax, xa tiyaꞌ nojiel pa rukꞌaꞌ ri Dios, y ticꞌutuj cha jajaꞌ ri nicꞌatzin chiva, y man timastaj jeꞌ chi ntiyaꞌ tiox bꞌaꞌ cha.

Kaqchiquel Bible

⁶ Man tisach ik'u'x roma xabachike; xa tiya' pa ruq'a' ri Dios ronojel y tik'utuj chire ri nik'atzin chiwe. Y chuqa' man timestaj yixmatioxin.

Kaqchikel Central Guatemala

⁶ Man tichop pena chirij xabachique, xa tiya' pa ruk'a' ri Dios y tic'utuj chire ri nic'atzin chive, y chuka' man timestaj yixmatioxin.

Re C'ac'a Testamento pa Kach'abal

⁶ Man tiba' ivánma chij xabanchique cosa, xa tiya' pa ruk'a' re Dios y tic'utuj cha re ndoc chiva y chuka' man timistaj yixtioxin.

Kaqchikel Western Solola

⁶ Ma tich'ujirisaj ta iwi' xabachique ta na ri nipe chiwij, xa tiya' pa ruk'a' ri Dios y tic'utuj chare ri nic'atzin chiwe, y chuka' ma quixtane' ta chi niya' matiox chare ri Dios.

Filipenses 4:6 ပူးပေါင်းရင်းမြစ်များ

1 Pedro 5:7

Tiyaꞌ pa ruqꞌaꞌ ri Dios nojel ri kꞌayew ndinaꞌ pa iwánima, porque rijaꞌ kin ngixrubꞌen cuenta.

San Mateo 6:8

Ma tibꞌen achel ndikibꞌen rejeꞌ, porque ri Itataꞌ Dios retaman chik ri achike ndikꞌatzin chiwa, atoq kꞌajani tikꞌutuj chare.

Colosenses 4:2

Tixikꞌaꞌ iwiꞌ chin ndibꞌen orar, kꞌes-kꞌes iwech tibꞌanaꞌ orar y kixmatioxin chare ri Dios.

Efesios 6:18

Rix tikꞌutuj kamelal chare ri Dios y jutaqil tibꞌanaꞌ orar pa ruwiꞌ nojel ri ndiqꞌasaj pa ikꞌaslen, y tiyaꞌ qꞌij chare ri Espíritu Santo chi ndukꞌuaj ibꞌey pa oración. Y chin ndibꞌen keriꞌ, ndikꞌatzin chi rix kꞌes pa ruwiꞌ ri oración y man ta ndikꞌo ikꞌuꞌx chukꞌutuxik ri utz pa kiwiꞌ konojel ri loqꞌolej ralkꞌuaꞌl ri Dios.

Colosenses 3:17

Y nojel ri ndibꞌij y ndibꞌen, tibꞌanaꞌ pa rubꞌiꞌ ri Ajaw Jesús, y pa rubꞌiꞌ chuqaꞌ rijaꞌ kixmatioxin chare ri Qatataꞌ Dios.

San Lucas 18:1

Ri Jesús xutzijoj jun parábola chake ri discípulos chin ndukꞌut chi ndikꞌatzin ndikibꞌen orar jumul y ma tikꞌo kikꞌuꞌx chiroyobꞌexik ri ndikikꞌutuj.

San Lucas 12:22

Y ri Jesús xubꞌij chake ri ru-discípulos: Romariꞌ nibꞌij chiwa: Ma kixel chꞌuꞌj chukanoxik ri ndikꞌatzin chiwa pa ikꞌaslen, ri achike xtikꞌux, nixta kixel chꞌuꞌj chukanoxik tzieq chin ndikusaj.

Colosenses 3:15

Y ri uxlanen ri nduyaꞌ ri Cristo kin ta xtukꞌuaj ri iwánima chiꞌijununal, porque ri Dios xixroyoj chin xe jun iwech ndibꞌen rix iwonojel. Y kixmatioxin chare rijaꞌ.

Efesios 5:20

Y jumul timatioxij nojel chare ri Tataꞌaj Dios pa rubꞌiꞌ ri Qajaw Jesucristo.

San Lucas 10:41

Pero ri Jesús xubꞌij chare: Rat Marta, xe rikꞌin opísa ngabꞌatet y achꞌujrisan awiꞌ pa ruwiꞌ.

San Lucas 18:7

Achike ndibꞌij rix, ¿la ma xkerutoꞌ ta kami ri Dios ri eruchaꞌon, ri chi chaqꞌaꞌ chi paqꞌij ndikikꞌutuj kitoꞌik chare? ¿Kꞌarunaj kami xkerutoꞌ?

San Mateo 10:19

Pero atoq xkixjach pa kiqꞌaꞌ, ma tichꞌujrisaj iwiꞌ chunojixik achike ndibꞌij, nixta achike chi tzij ndikusaj chin ngixchꞌaꞌa apu, porque ja hora riꞌ, ndiyoꞌox pa iwánima ri ndikꞌatzin chi ndibꞌij.

San Lucas 12:29

Romariꞌ rix ma kixel chꞌuꞌj chukanoxik ri achike ndikꞌux y achike nditij.

2 Corintios 1:11

Y keriꞌ ndibꞌanatej si rix ngojitoꞌ pa oración. Si ekꞌiy ngebꞌanun orar qoma, ekꞌiy chuqaꞌ ngematioxin roma ri favor nduyaꞌ ri Dios pa qawiꞌ.

1 Corintios 7:32

Riyin niwojoꞌ chi rix man ta ndiqꞌasaj kꞌayew pa ikꞌaslen. Ri achi kꞌa kꞌo ruyon, más kꞌo cheꞌel ndutij ruqꞌij pa rusamaj ri Ajaw, chin ndubꞌen ri ndiqaꞌ chuwech ri Ajaw.

1 Pedro 4:7

Ri rukꞌisibꞌel chin nojel ri ndajin chochꞌulew nduqaqa yan, romariꞌ titzꞌetaꞌ utz-utz ri ndibꞌen pa ikꞌaslen, y titijaꞌ iqꞌij chi jumul ndibꞌen orar.

San Mateo 13:22

Ekꞌo wineq eꞌachel ri ulew kꞌo kꞌixlej teq qꞌayis chuwech apeꞌ xeqaqa jujun chik semilla. Rejeꞌ ndikakꞌaxaj rutzij ri Dios, pero roma ndibꞌa kánima chirij ri ndikꞌatzin chake qꞌij-qꞌij y chirij aj rochꞌulew bꞌeyomal, riꞌ ndubꞌen chi ndikꞌis qa ri rutzij ri Dios ri xtik pa kánima, y ri tzij riꞌ ma ndiwachin ta pa kikꞌaslen.

1 Corintios 7:21

Si ratkꞌo chuxeꞌ rutzij jun ajaw atoq xatoyox roma ri Dios, ma kabꞌison, pero si ngatiker ngatel chuxeꞌ rutzij ri awajaw, katel.

San Mateo 6:34

Roma kꞌa riꞌ, ma kixel chꞌuꞌj chunojixik ri achike ndukꞌen pe ri chuwaꞌq-kabꞌij, porque nojel teq qꞌij kꞌo kꞌayew ndikikꞌen pe, y ma ndikꞌatzin ta ndimal más kꞌayew chiwij ke chuwech ri ndiqꞌasaj chupan jun qꞌij.

1 Timoteo 2:1

Ngatinpixabꞌaj chi pa ruwiꞌ nojel, takꞌutuꞌ chikiwech ri hermanos chi ndikꞌatzin ndikibꞌen orar koma konojel wineq, chi tikꞌutux chare ri Dios pa ruwiꞌ ri ndikꞌatzin chake, chi tikꞌutux ri ru-favor ri Dios pa kiwiꞌ y timatioxix nojel chare ri Dios,

1 Timoteo 5:5

Pero ri malkaꞌ ixaq ri ma jun roxpochel nditoꞌon richin, royobꞌen rutoꞌik rikꞌin ri Dios y chi chaqꞌaꞌ chi paqꞌij ndubꞌen orar y jumul ndukꞌutuj chare ri Dios ri ndikꞌatzin chare.