Filipenses 4:18 - Kaqchikel Santo Domingo (Xenacoj)

¹⁸ Wokami kꞌo chik wikꞌin nojel ri ndikꞌatzin chuwa, y hasta más chuwech ri ndikꞌatzin chuwa kꞌo wikꞌin roma ri achike xeꞌiteq pe chirij ri hermano Epafrodito. Y ri xiteq pe chuwa, jun ofrenda ndikikot ri Dios rikꞌin y kin ndiqaꞌ chuwech, kin achel jun ofrenda ri ndiporox chuwech rijaꞌ, jun ofrenda ri kin ndijubꞌubꞌ ruxlaꞌ.

နောက်ထပ်ဗားရှင်းများ

Kaqchikel Santa Maria de Jesus

¹⁸ Vacame cꞌo chic nojiel viqꞌuin, ruma ri hermano Epafrodito xalruyaꞌ chuva ri itakuon-pa. Rumareꞌ man jun chic nuꞌon falta chuva, ruma can qꞌuiy ri xitak-pa chuva. Ri xiꞌan viqꞌuin, can jubꞌul ruxlaꞌ choch ri Dios, can nika choch, y xuꞌon recibir.

Kaqchiquel Bible

¹⁸ Yin kan nuk'ulun k'a ronojel ri xiteq-pe rix toq xpe ri qach'alal Epafrodito, y jare' ri retal chi yin xink'ul. Kan pa ruk'iyal chik k'a k'o wik'in, kan man jun chik k'a xtinwajo'. Re sipanik re' kan nijubulin k'a napon chuwech ri Dios, y kan jun sipanik ri kan xk'ul roma ri Dios roma kan xqa' chuwech.

Kaqchikel Central Guatemala

¹⁸ Vacami ronojel chic c'a c'o viq'uin, riq'uin ri xitek-pe rix tok xpe ri kach'alal Epafrodito chuya'ic. Can man jun chic c'a xtinvajo', roma q'uiy ri xinc'ul. Re sipanic re' can nika-vi c'a chuvech ri Dios, y yojtiquir nikabij chi can chire ri Dios xiya-vi, y rija' xuc'ul.

Re C'ac'a Testamento pa Kach'abal

¹⁸ Vocame ronojel chic c'o viq'uin, riq'uin re xitak-pa chij re hermano Epafrodito chin che xuya' chua. Can man jun chic xtinjo', roma q'uiy xinc'ul. Re ofrenda re' can nika-va chach re Dios, y yojtiquir nakabij che can cha re Dios xiya-va, y reja' xuc'ul.

Kaqchikel Western Solola

¹⁸ Can xinc'ul c'a ronojel ri xitek pe riyix chrij ri kach'alal Epafrodito riche (rixin) chi xoruya' chuwe. Rumac'ari' can q'uiy chic c'o wuq'ui nna' riyin riche (rixin) chi ncusaj. Re ofrenda re' can jubul ruxla' nuna' ri Dios y can nika wi chuwech, y yojcowin nikabij chi can chare ri Dios xiya' wi, y Riya' xuc'ul.

Filipenses 4:18 ပူးပေါင်းရင်းမြစ်များ

Hebreos 13:16

Ma timestaj ndibꞌen ri utz chake ri wineq y ngeꞌitoꞌ ri ndikꞌatzin kitoꞌik, porque jariꞌ ri ndikikot ri Dios rikꞌin, pa rukꞌexel chi ngesuj awej teq chikap chuwech.

Filipenses 4:12

Wetaman ngikikot niqꞌasaj nukꞌaslen atoq ma jun ax kꞌo wikꞌin, y wetaman chuqaꞌ ngikikot niqꞌasaj nukꞌaslen atoq kꞌo kꞌiy achike wikꞌin. Wetaman ngikikot chupan xa achike na ri niqꞌasaj pa nukꞌaslen, si nojneq nupan o ndichꞌumu, si kꞌo kꞌiy achike wikꞌin o ma jun.

2 Corintios 9:12

Porque atoq ndiqakꞌuaj ri toꞌonik riꞌ, ma xe ta ngeqatoꞌ ri loqꞌolej teq ralkꞌuaꞌl ri Dios rikꞌin ri ndikꞌatzin chake, xa kin ndubꞌen chuqaꞌ chi santienta ngematioxin chare ri Dios.

Efesios 5:2

Tikꞌuaj jun kꞌaslen ri ndukꞌut chi ndiwojoꞌ iwiꞌ chiwech, kin achel xojrajoꞌ ri Cristo y xusuj riꞌ pa kamik chuwech ri Dios pa qakꞌexel, y keriꞌ xok jun ofrenda jubꞌubꞌ ruxlaꞌ ri kin xqaꞌ chuwech ri Dios.

1 Pedro 2:5

Y rix chuqaꞌ rix achel kꞌaslik teq abꞌej, ri ndajin samaj pa iwánima chin ngixok rachoch ri Dios, ri apeꞌ ngixkusex chi loqꞌolej teq sacerdotes. Y keriꞌ rix ukꞌuan roma ri Espíritu Santo ndisuj sipanik ri ndiqaꞌ chuwech ri Dios roma ri Jesucristo.

2 Tesalonicenses 1:3

Hermanos, roj kin ndikꞌatzin chi jutaqil ngojmatioxin chare ri Dios iwoma, y kin rukꞌulun chi keriꞌ ndiqabꞌen, porque rix qꞌij-qꞌij más ikuqubꞌan ikꞌuꞌx rikꞌin ri Ajaw Jesús, y más kꞌiyineq pa iwánima chi ndiwojoꞌ iwiꞌ chiwech.

Romanos 12:1

Hermanos, rikꞌin nojel ri qabꞌiꞌin pe, kin qatzꞌeton chi ri Dios tzꞌan rujoyowan qawech. Romariꞌ, nikꞌutuj kamelal chiwa chi tijachaꞌ iwiꞌ pa ruqꞌaꞌ, achel jun kꞌaslik y loqꞌolej ofrenda ri ndisuj chuwech. Porque kin keriꞌ wi rukꞌulun chi ndiyoꞌox ruqꞌij rijaꞌ, y jariꞌ ri ndiqaꞌ chuwech.

Hechos 10:4

Ri Cornelio xuchꞌik pe ruwech chirij, y pa ruxibꞌriꞌil kereꞌ xubꞌij chare ri ángel: ¿Achike ndawojoꞌ? Y ri ángel xubꞌij: Ri oración eꞌabꞌanun xerakꞌaxaj ri Dios y utz rutzꞌeton ri kitoꞌik abꞌanun ri maneq ok kichajin, y romariꞌ rat rukꞌuxlaꞌan pe.

2 Corintios 11:8

Riyin chin xinbꞌen rusamaj ri Dios chiꞌikajal, xinwelesaj ri wajel chikiqꞌaꞌ chꞌaqa chik bꞌotzaj ralkꞌuaꞌl ri Dios chin chꞌaqa chik tinamit.