Filipenses 3:20 - Kaqchikel Santo Domingo (Xenacoj)

²⁰ Pero rix tiwoqaj rij ri qakꞌaslen roj, porque chikaj kꞌo wi ri qetzij qatinamit, y nojel qánima qoyobꞌen chi chikaj ndipuꞌun wi ri Kolonel, ri Ajaw Jesucristo.

နောက်ထပ်ဗားရှင်းများ

Kaqchikel Santa Maria de Jesus

²⁰ Pero ojreꞌ oj richin chic ri chicaj, ri pacheꞌ cꞌo-ve ri Ajaf Jesucristo ri Ka-Salvador (caloy-kichin), y nkojquicuot kayoꞌien ri kꞌij antok xtipa chic.

Kaqchiquel Bible

²⁰ Jak'a roj kan oj richin chik ri chila' chikaj, ri akuchi k'o-wi ri kolonel y ajaw Jesucristo, y qoyoben chik ri q'ij toq xtipe.

Kaqchikel Central Guatemala

²⁰ Jac'a roj oj richin chic chi yojbec'oje' chila' chicaj. Y chila' c'o-vi ri Colonel y Ajaf Jesucristo, y xaxe chic koyoben ri k'ij tok xtipe chikac'amic.

Re C'ac'a Testamento pa Kach'abal

²⁰ Jac'a yoj can yoj richin chic chila' chicaj. Y chila' c'o-va re Ajaf Jesucristo re xticola kachin jumul chach re mac, y xaxe chic kayaben re k'ij tak xtipa chakac'amic.

Kaqchikel Western Solola

²⁰ Yac'a riyoj can yoj riche (rixin) chic chila' chicaj ri acuchi (achique) nipe wi ri Kacolonel, y yari' ri Ajaf Jesucristo, y xaxu (xaxe wi) chic koyoben ri k'ij tek xtipe.

Filipenses 3:20 ပူးပေါင်းရင်းမြစ်များ

Efesios 2:19

Romariꞌ, rix ma rix chi ta aj jukꞌan tinamit, nixta rix wineq ri ma etaman ta iwech, wokami rix richin chik ri loqꞌolej rutinamit ri Dios, y roj qonojel roj okuneq qachaqꞌ-qanimal qiꞌ, y roj ralkꞌuaꞌl ri Dios.

2 Corintios 4:18

Porque roj ma chirij ta ri ngetzꞌetetej bꞌaneq qánima, xa kin chirij ri ma ngetzꞌetetej ta, porque ri ngetzꞌetetej wokami, kꞌo jun qꞌij ngebꞌekꞌis, pero ri ma ngetzꞌetetej ta, riꞌ jumul ngekꞌojeꞌ.

Hebreos 12:22

Pa rukꞌexel riꞌ, rix, rix jeleneq apu chunaqaj ri juyuꞌ rubꞌiniꞌan Sión, apeꞌ kꞌo rutinamit ri Kꞌaslik Dios, ri aj chikaj Jerusalén y rix jeleneq apu chikinaqaj millones chi ángeles ri junan ngekikot ndikiyaꞌ ruqꞌij ri Dios.

Colosenses 1:5

roma kuqul ikꞌuꞌx iwoyobꞌen chi ndiyoꞌox ri yakon apu chiwa chikaj, ri xiwakꞌaxaj rutzijol atoq xtzijox ri qetzij chiwa, y ri qetzij riꞌ ja ri utzulej teq tzij chin kolotajik.

Efesios 2:6

Y achel xukꞌastajbꞌaꞌ pe ri Cristo chikikajal ri animaꞌiꞌ, xojrukꞌastajbꞌaꞌ pe chuqaꞌ roj rikꞌin, y xojrutzꞌuyubꞌaꞌ chikaj rikꞌin ri Cristo Jesús.

2 Corintios 5:8

Roj kin jumul kuqul qakꞌuꞌx rikꞌin ri Ajaw, y más ndiqarayij chi man ta chik rojkꞌo chupan re aj rochꞌulew qa-cuerpo, chin ngojbꞌekꞌojeꞌ apeꞌ kꞌo rijaꞌ.

2 Timoteo 4:8

Y wokami yakel apu jun nimalej rajel-rukꞌexel ri ndiyoꞌox chuwa roma nukꞌuan jun chojmilej kꞌaslen, y ja ri Ajaw ri utzulej Qꞌatoy tzij ri xtiyoꞌon chuwa chupan ri qꞌij atoq nduqꞌet tzij. Y ri rajel-rukꞌexel riꞌ ma xe ta chuwa riyin nduyaꞌ wi, xa kin ndiyoꞌox chuqaꞌ chake konojel ri bꞌaneq kánima chiroyobꞌexik chi nduqaqa chik jumbꞌey ri Ajaw.

1 Tesalonicenses 1:10

y chi iwoyobꞌen chuqaꞌ chi nditzolij pe chikaj ri Rukꞌajol ri Dios, ri xkꞌastajbꞌex pe roma ri Dios chikikajal ri animaꞌiꞌ, y riꞌ ja ri Jesús ri ndikolo qichin chuwech ri castigo pataneq.

Hebreos 9:28

keriꞌ chuqaꞌ ri Cristo, xe jumbꞌey xkꞌatzin xusuj rukꞌaslen pa kamik chin xkuyutej kimak santienta wineq. Y nduruqꞌalajrisaj chik riꞌ, pero ma chin chi ta ndukuy kimak wineq, xa kin chin ngeturukꞌamaꞌ ri nojel kánima koyobꞌen chi ngerukal.

Gálatas 4:26

Pero ri teꞌej rubꞌiniꞌan Sara ri kin libre wi, ndiqajunumaj rikꞌin ri aj chikaj Jerusalén, y ja rijaꞌ ri kin achel jun teꞌej chaqe roj ri qataqin ri Jesús y roj libre chuwech ruchuqꞌaꞌ ri ley.

Tito 2:13

Keriꞌ tiqabꞌanaꞌ ri janipeꞌ tiempo ndiqoyobꞌej ri favor ri rusujun kan ri Dios chi nduyaꞌ chaqe atoq nduqaqa chik jumbꞌey ri nimalej qa-Dios y Qakolonel Jesucristo rikꞌin nimalej ruqꞌij.

1 Corintios 1:7

Y nixta jun chikiwech ri jalajaj loqꞌolej sipanik ri nduyaꞌ ri Dios ri man ta ruyoꞌon chiwa chin ndikusaj, mientras bꞌaneq iwánima chiroyobꞌexik chi nduqaqa ri Qajaw Jesucristo.

Hechos 1:11

y ri kaꞌiꞌ achiꞌaꞌ riꞌ xkibꞌij: Achiꞌaꞌ aj Galilea, ¿achike roma ngixtzuꞌun e chikaj? Ri Jesús ri xitzꞌet rix wokami ri xukꞌamer qa chiꞌikajal chin xukꞌuꞌex e chikaj, nduqaqa chik jumbꞌey, y achel xitzꞌet chi xbꞌa, keriꞌ chik nduqaqa.

San Mateo 19:21

Ri Jesús xubꞌij chare: Si ndawojoꞌ ngatok nojel ri ndirajoꞌ ri Dios chi ngatok, kabꞌiyin, taꞌakꞌayij ri achajin y ri rajel tayaꞌ chake ri maneq ok kichajin, y keriꞌ ndikꞌojeꞌ abꞌeyomal chikaj, y kꞌateriꞌ katzolij pe chin nganawoqaj.

1 Tesalonicenses 4:16

Porque atoq ri Ajaw ndiqape chikaj, ndiqape rikꞌin nimalej ruchuqꞌaꞌ rutzij, rikꞌin rutzij jun arcángel, y chuqaꞌ ndiqꞌajan pe ri trompeta chin ri Dios. Y ri xetaqin ri Cristo ri ekamineq chi e, ngekꞌastej pe nabꞌey.

San Lucas 14:14

y keriꞌ kin jabꞌel roꞌaqꞌij ndikꞌojeꞌ, porque rejeꞌ ma ngetiker ta ndikitzolij rajel-rukꞌexel chawa ri ndayaꞌ chake. Pero xa kin ndiyoꞌox rajel-rukꞌexel chawa chupan ri qꞌij atoq ri wineq ri xkikꞌuaj jun chojmilej kꞌaslen ngekꞌastajbꞌex pe chikikajal ri animaꞌiꞌ.

Apocalipsis 1:7

Titzꞌetaꞌ, ri Jesucristo pataneq pa teq nube, Y konojel wineq ngetzꞌeto richin, Ndikitzꞌet chuqaꞌ ri xekamisan e richin, Y konojel ri jalajaj teq wineq chochꞌulew Ngeꞌoqꞌ roma rijaꞌ. ¡Kin keriꞌ wi ndibꞌanatej! Amén.

Filipenses 1:10

Chin keriꞌ ndichaꞌ ri más utz chi ndibꞌen, y keriꞌ, chupan ri qꞌij atoq nduqaqa ri Cristo, ngixuꞌilitej chi loqꞌolej ri ikꞌaslen, y ma jun itzel achike ndilitej chiwij,

San Lucas 12:21

Keriꞌ ndukꞌulwachij achike na wineq ri ndumal apu bꞌeyomal chochꞌulew chin ndukusaj xe rijaꞌ, pero xa ma jun ri bꞌeyomal ri ndirajoꞌ ri Dios rikꞌin.

1 Corintios 15:48

Chireꞌ chochꞌulew konojel ri wineq yoꞌon jun aj rochꞌulew ki-cuerpo achel richin ri Adán ri xbꞌan chare ulew. Pero konojel ri ndiyoꞌox chake ri cuerpo chin chikaj, ndiyoꞌox jun ki-cuerpo achel ri ru-cuerpo ri Jesucristo ri aj chikaj.

Filipenses 1:27

Ri más ndikꞌatzin, ja ri rukꞌuaxik ri ikꞌaslen kin ta achel ndubꞌij ri utzulej teq tzij ri ndichꞌaꞌa pa ruwiꞌ ri kolotajik ri nduyaꞌ ri Cristo. Keriꞌ nibꞌij chiwa, chin keriꞌ si xkibꞌeqaqa o ma xkibꞌeqaqa chi ta chiꞌitzꞌetik, kin ta nduqaqa rutzijol wikꞌin chi kaw rixkꞌo chiraqen ri Ajaw, jumul jun iwánima ibꞌanun, junan ngixsamej chin nditaqix ri utzulej teq tzij chin kolotajik,