Filipenses 3:19 - Kaqchikel Santo Domingo (Xenacoj)

¹⁹ Ri wineq riꞌ pa qꞌaqꞌ ngebꞌekꞌis wi, y xa ja ri itzel teq rayinik chin ri ki-cuerpo ri okuneq ki-dios. Rejeꞌ nim ngekinaꞌ chare ri kꞌixbꞌel palej ngetajin rikꞌin, y xe ri achike chin re rochꞌulew ndikinojij.

နောက်ထပ်ဗားရှင်းများ

Kaqchikel Santa Maria de Jesus

¹⁹ Pa ruqꞌuisbꞌal, ijejeꞌ xa pa kꞌakꞌ xcaꞌbꞌaka-ve. Joꞌc ri vaꞌen ri ninataj chica, y jareꞌ acunak qui-dios. Y niquiꞌan chi i-nimaꞌk tak vinak y man ncaꞌqꞌuix ta ruma ri niquiꞌan, ruma chiquivach ijejeꞌ can otz ri niquiꞌan. Can bꞌanak cánima chirij ri kax ri cꞌo vaveꞌ choch-ulief.

Kaqchiquel Bible

¹⁹ Ri pa ruk'isibel, rije' pa q'aq' k'a xkebeqaqa-wi, roma xa kan xaxe ri itzel taq rayinik ri nikiben. Rije' janila kinimirisan-ki' chubanik ri etzelal ri', ri xa ruk'amon ta richin yek'ix. Kan beneq k'a ri kánima chirij ri ek'o chuwech re ruwach'ulew.

Kaqchikel Central Guatemala

¹⁹ Y pa ruq'uisibel, rije' pa k'ak' c'a xquebeka-vi. Xaxe ri nitij niquich'ob. Yalan itzel ri quic'aslen quic'uan y man yeq'uix ta. Chiquivech rije' yalan utz ri niquiben. Can benek c'a ri cánima chirij ri cosa richin re ruvach'ulef.

Re C'ac'a Testamento pa Kach'abal

¹⁹ Y pa ruq'uisibal, reje' pa k'ak' c'a xque'beka-va, roma chuka' xaxe re andex niquitaj, xaxe re' re camas niquinojij. Camas itzel re quic'aslen quic'uan y man ye'q'uex-ta. Chiquivach reje' camas otz re niquiban. Can binak cánma chij re andex chin re ruch'ulef.

Kaqchikel Western Solola

¹⁹ Y pa ruq'uisbel, riye' xa pa k'ak' c'a xquebeka wi. Xaxu (xaxe wi) ri ruraybel ri ch'aculaj ri niquich'obola' y yari' oconek qui-dios. Y can niquinimirisaj qui' chubanic jun cosa ri xa sibilaj q'uixbel. Can benak c'a ri cánima chrij ri cosas riche (rixin) re ruwach'ulef.

Filipenses 3:19 ပူးပေါင်းရင်းမြစ်များ

Romanos 16:18

Porque ri wineq ri keriꞌ ngekibꞌanalaꞌ, ma rusamaj ta ri Qajaw Jesucristo ngetajin chubꞌanik, xa ja ri itzel teq rayinik chin ri ki-cuerpo ri ngetajin rikꞌin. Rikꞌin chaꞌon teq tzij y rikꞌin tzij chin ndikiyaꞌ kiqꞌij wineq, ndikisuqꞌulaꞌ kinoꞌoj ri payaya ndiqasex kijolon.

2 Pedro 2:3

Y roma ngejamem chirij méra, ri itzel teq tijonelaꞌ riꞌ kin xtikikanolaꞌ rubꞌeyal jun tijonik chin ndikelesaj méra chiꞌiqꞌaꞌ. Pero xe jampeꞌ ojer bꞌiꞌin pe pa kiwiꞌ roma ri Dios chi ngebꞌan castigar, y maneq cheꞌel ndikikal kiꞌ chuwech ri castigo riꞌ.

Colosenses 3:2

Tiyaꞌ iwech chirij ri achikejeꞌ chin chikaj, y ma tiyaꞌ iwech chikij ri achikejeꞌ ekꞌo chochꞌulew.

2 Pedro 2:1

Chikikajal ri israelitas ojer kan, xebꞌeqꞌalajin pe ri xkiqꞌabꞌaj kiꞌ chi eru-profetas ri Dios. Keriꞌ chuqaꞌ chiꞌikajal rix, ngebꞌeqꞌalajin pe ri ndikiqꞌabꞌaj kiꞌ chi etijonelaꞌ etaqon roma ri Dios, y ma ndinabꞌex ta atoq ndikijulaꞌ apu jalajaj teq tijonik ma eqetzij ta ri ndukꞌis kiqꞌij ri hermanos, hasta ndikibꞌij chi ri Jesucristo ri xloqꞌon kichin, ma ja ta rijaꞌ ri Ajaw pa ruwiꞌ nojel. Pero ri keriꞌ ndikibꞌen, ndikoyoj castigo chikij ri pa jumel ruwech nduyaꞌ ri Dios pa kiwiꞌ.

2 Corintios 11:15

Romariꞌ, ma ndisach ta chuqaꞌ qakꞌuꞌx chi ri chꞌakatinelaꞌ teq samajelaꞌ riꞌ, ndikibꞌen chi achel ta eꞌutzulej teq rusamajelaꞌ ri chojmilej Dios. ¡Pero rejeꞌ kin xtiyoꞌox rukꞌexel chake achel rukꞌulun chi ndiyoꞌox roma ri itzel ngetajin rikꞌin!

2 Corintios 11:12

Y achel ri nubꞌanun pe chi ma niyaꞌ ta eqaꞌ chiwij, keriꞌ xtinbꞌen ri más chiqawech apu, chin keriꞌ ma niyaꞌ ta jun roma chake ri ndikajoꞌ ndikijunumaj kiꞌ qikꞌin, chin ta ndikibꞌij chi junan ndiqabꞌen kikꞌin, roma pa kitzij rejeꞌ qonojel ndiqakꞌutuj méra chiwa.

2 Pedro 2:13

Keriꞌ rukꞌexel ndiyoꞌox chake roma ri itzel teq achike kibꞌanun chake chꞌaqa chik. Ri wineq riꞌ maske paqꞌij, kin utz ndikinaꞌ chare ri ndikibꞌanalaꞌ itzel teq achike. Ndikimal kiꞌ iwikꞌin atoq ndibꞌanalaꞌ inimaqꞌij, pero xa eseqꞌ chi wineq chiꞌikajal y eyoꞌol kꞌix chiwa, y xa ngekikot roma ri itzel kꞌaslen kikꞌuan.

Gálatas 6:13

Porque nixta ri ndikibꞌen circuncidar kiꞌ ndikinimaj nojel ri ndubꞌij ri ley ri xyoꞌox chare ri Moisés. Pero rejeꞌ ndikajoꞌ chi rix ndibꞌen circuncidar iwiꞌ, xe chin ndikinimrisaj kiꞌ chi rix ikꞌuan ri etal riꞌ pa i-cuerpo.

Apocalipsis 21:8

Pero ri ndikixibꞌij kiꞌ ndikitzijoj ri nutzij, ri ma nginikitaqij ta, ri ndikikꞌuaj jun kꞌaslen ri ndimulu nukꞌuꞌx rikꞌin, ri ngekamisan, ri ndikikꞌamalaꞌ qa kiꞌ xa achoq na ikꞌin chin ndikibꞌen mak, ri eꞌaj itz, ri ngeyoꞌon kiqꞌij tiox y konojel ri ngereqꞌon, konojel rejeꞌ ndiyoꞌox rukꞌexel chake chupan ri qꞌaqꞌ ri ndiraqa rikꞌin azufre. Jareꞌ ri rukan kamik, xchajeꞌ.

1 Corintios 3:3

Keriꞌ nibꞌij chiwa, porque rix kꞌa rix ukꞌuan roma ri achike ndirayij, roma xe jun samajel chin ri Dios ndiqaꞌ chiwech y ma ndiqaꞌ ta chiwech jun chik, y hasta ndibꞌen oyowal chiwech romariꞌ. Riꞌ ndubꞌij tzij chi ri ikꞌaslen ukꞌuan roma ri irayinik, y ri ngixnojin xa achel ngenojin ri wineq ri ma ekꞌo ta pa rubꞌey ri Dios.

Apocalipsis 22:15

Pero chiriꞌ, ma ngeꞌok ta ri tzꞌiꞌ teq wineq, ri aj itz, ri ndikikꞌamalaꞌ qa kiꞌ xa achoq na ikꞌin chin ndikibꞌen mak, ri ngekamisan, ri ngeyoꞌon kiqꞌij tiox, y konojel ri ndiqaꞌ chikiwech ngereqꞌon y jutaqil ngereqꞌon.

Judas 1:16

Ri wineq ri eꞌokuneq chiꞌikajal, nojel achike ngechꞌaꞌa chirij, ma jun ndiqaꞌ chikiwech, xe ri itzel teq rayinik kꞌo pa kánima ngekibꞌanalaꞌ, kiyon ndikinimrisalaꞌ kiꞌ chikiwech, y ndikinimrisalaꞌ rubꞌiꞌ jun wineq rikꞌin jabꞌel teq tzij, xe chin kꞌo achike ndikelesaj chiruqꞌaꞌ.

2 Timoteo 3:4

Xtikijech kachibꞌil pa kiqꞌaꞌ wineq itzel kinoꞌoj, ma xtikinojij ta jubꞌaꞌ achike ndukꞌen pe ri ngekibꞌanalaꞌ, nim xtikinaꞌ kiꞌ chikiwech chꞌaqa chik. Más xtikikanoj ri ndiqaꞌ chikiwech chochꞌulew, pa rukꞌexel chi ndikikanoj ri Dios.

1 Timoteo 6:5

y ndukꞌen pe chi jutaqil kꞌo oyowal chikikajal wineq. Ri ngekꞌutu jun chik tijonik, xa kin suqꞌurneq kinoꞌoj roma ri itzel ngekinojilaꞌ, y kiyoꞌon kan rokacheq chuwech ri qetzij, y xa ndikinojij chi rikꞌin ri tijonik ndikiyaꞌ, kin kꞌo cheꞌel ndikibꞌen méra chin ngebꞌeyomer.

2 Tesalonicenses 2:12

Y keriꞌ ndiqꞌat tzij pa kiwiꞌ y ndiyoꞌox castigo chake konojel ri ma xkitaqij ta ri qetzij y xbꞌa kánima chubꞌanik ri itzel teq achike.

Filipenses 2:21

Porque konojel xe ri kꞌo utz ndukꞌen pe chake chikijununal ri bꞌaneq kánima chirij, y ma ja ta ri achike ndikꞌatzin pa rusamaj ri Jesucristo.

1 Corintios 5:6

Ma utz ta chi rix ndinimrisalaꞌ iwiꞌ xu ndajin ri mak riꞌ chiꞌikajal. Rix iwetaman si ndiyaꞌ qꞌij chare ri mak chiꞌikajal, xa ndoqan chikij konojel, achel ndubꞌen jubꞌaꞌ levadura ri ndiyoꞌox qa rikꞌin ri keꞌen, kin nduxal riꞌ chupan nojel ri keꞌen.

1 Corintios 5:2

Y rix xa ndinimrisalaꞌ iwiꞌ. Xa más ta utz ngixbꞌison roma ri keriꞌ ndajin, y xiwelesaj yan ta e ri ndajin rikꞌin ri mak riꞌ.

Apocalipsis 19:20

Y xtzꞌan ri itzel chikap y ri achi ri ruqꞌabꞌan riꞌ chi profeta, ri rubꞌanun pe nimalej teq milagros chuwech ri itzel chikap. Rikꞌin ri milagros xerubꞌanalaꞌ ri achi riꞌ, xeruchꞌakatij ri wineq ri xkiyaꞌ qꞌij chin xyoꞌox retal ru-sello ri nabꞌey itzel chikap chikiqꞌaꞌ o pa runikꞌajal kiwech, y xubꞌen chuqaꞌ chake chi xkiyaꞌ ruqꞌij rachibꞌel ri itzel chikap. Rijaꞌ junan rikꞌin ri itzel chikap, kꞌa keriꞌ na ekꞌes xetorix qa chupan ri qꞌaqꞌ ri ndiraqa rikꞌin azufre.

Santiago 4:16

Pero rix ma ke ta riꞌ ndibꞌij, xa ndinimrisalaꞌ iwiꞌ rikꞌin ri tzij ndibꞌilaꞌ chuwech ri Dios. Y ri keriꞌ ndibꞌij xa kin itzel wi.

2 Tesalonicenses 2:8

Y ja atoq riꞌ ndeqꞌalajin pe ri itzel achi ri ma jun ley ndunimaj. Pero ri Ajaw Jesús rikꞌin ruchuqꞌaꞌ rutzij ndukamisaj ri itzel achi riꞌ, y rikꞌin nduqꞌalajrisaj riꞌ atoq nditzolij pe, ndurukꞌisaꞌ ruqꞌij ri uchuqꞌaꞌ kꞌo pa ruqꞌaꞌ ri itzel achi riꞌ.

San Lucas 18:4

Pero ri qꞌatoy tzij kꞌiy tiempo ma xrajoꞌ ta xutoꞌ ri ixaq, pero kꞌo jun qꞌij kereꞌ xubꞌij pa ránima: Riyin maske ma nixibꞌij ta wiꞌ chuwech ri Dios y ma jun keqalen ri wineq pa nuwech,

San Lucas 16:19

Ri Jesús xubꞌij chuqaꞌ: Jumbꞌey xkꞌojeꞌ jun achi bꞌeyon ri ndukusalaꞌ jabꞌel teq tzieq color keq y chuqaꞌ tzieq bꞌanun chare jun ruwech kꞌul rubꞌiniꞌan lino, y qꞌij-qꞌij ngerubꞌanalaꞌ nimaqꞌij, y yalan chi rikil ngerukꞌux.

San Lucas 12:19

Y nibꞌij chare ri wánima: Wánima, kami santienta bꞌeyomal ayakon chin ndaqꞌasaj akꞌaslen kꞌiy junaꞌ. Katuxlan, kawaꞌ, tatijaꞌ ayaꞌ y kakꞌastan.

San Mateo 25:41

Jakꞌa chake ri ekꞌo pa nuxakan nibꞌij: Kixel e chinuwech rix ri bꞌiꞌin chik pa iwiꞌ chi ngixbꞌeqaqa chupan ri qꞌaqꞌ ri ma ndichup ta, ri bꞌanun chin ndeyoꞌox ri itzel y ri ru-ángeles.

San Mateo 16:23

Pero ri Jesús xtzuꞌun apu rikꞌin ri Pedro y xubꞌij chare: ¡Katel e chinuwech, rat Satanás! Xa rat jun qꞌatoy nubꞌey, porque ma bꞌaneq ta awánima rikꞌin ri ndirajoꞌ ri Dios, xa rikꞌin ri ndikajoꞌ ri wineq.

Apocalipsis 18:7

Y achel santienta xunimrisaj riꞌ rijaꞌ y xbꞌa ránima chukꞌisik méra roma ri ngerurayilaꞌ, Keriꞌ chuqaꞌ rix tiyaꞌ santienta kꞌayew chare y tibꞌanaꞌ chi santienta ndoqꞌ chi bꞌis, Porque ndunimrisalaꞌ riꞌ y kereꞌ ndubꞌij pa ránima: Riyin jun reina ri ma jumbꞌey xtikꞌan e ri nu-reino, Ma yin malkaꞌ ta ixaq y nixta jumbꞌey xkinoqꞌ chi bꞌis, ndichajeꞌ.

Judas 1:4

Porque chilaqꞌel xeꞌok chiꞌikajal wineq ri maneq Dios pa kiwech ri tzꞌibꞌan chi kan pa kiwiꞌ chi ndiyoꞌox castigo chake. Ri wineq riꞌ ndikikusaj ru-favor ri qa-Dios chin ndikikꞌuaj jun kꞌaslen ri nduyaꞌ kꞌixbꞌel palej, y ndikibꞌij chi ri Jesucristo ma ja ta rijaꞌ ri Ajaw pa ruwiꞌ nojel.

Romanos 6:21

¿La kꞌo kami utz xukꞌen pe ri mak pa ikꞌaslen ri tiempo riꞌ? Ma jun. Y wokami xa ngixkꞌix ndikꞌuxlaꞌaj, porque ri mak pa rukꞌisibꞌel xa kamik ndukꞌen pe.

2 Tesalonicenses 1:9

Y ri castigo ndiyoꞌox chake kin nim, porque chin jumul, y ma ngebꞌekꞌojeꞌ ta chupan ri nimalej ruqꞌij ri Ajaw ri santienta ruchuqꞌaꞌ.

Judas 1:10

Jakꞌa ri wineq ri eꞌokuneq chiꞌikajal, ndikibꞌilaꞌ itzel teq tzij chirij nojel achike ri ma ketaman ta rubꞌeyal. Pero ri itzel teq achike ri ndurayij ri ki-cuerpo, ri kin etaman wi rubꞌanik, ndikikichilaꞌ kiꞌ chupan. Eꞌachel teq awej, ri xetal ngetajiyaj. Ma ndikinojij ta si utz o ma utz ta ndukꞌen pe chake ri itzel teq achike ngekibꞌanalaꞌ, y jariꞌ ri ndikꞌiso kiqꞌij.