Filipenses 2:9 - Kaqchikel Santo Domingo (Xenacoj)

⁹ Romariꞌ, ri Dios santienta xunimrisaj rubꞌiꞌ ri Jesús, Y xubꞌen chare chi xkꞌojeꞌ más nimalej ruqꞌij ke chikiwech konojel ri kꞌo kiqꞌij,

နောက်ထပ်ဗားရှင်းများ

Kaqchikel Santa Maria de Jesus

⁹ Y rumareꞌ ri Dios xuꞌon cha chi cꞌo rukꞌij chila chicaj y xuoc Namalaj Ajaf paroꞌ nojiel. Y xuyaꞌ jun rubꞌeꞌ ri más nem chiquivach quinojiel bꞌiꞌaj.

Kaqchiquel Bible

⁹ Y roma ri' ri Dios xuben chire chi k'o ruq'ij-ruk'ojlen ri chila' chikaj, y xok nimalej ajaw pa ruwi' ronojel, Y chuqa' xuya' jun rubi' ri más nim ruq'ij chikiwech konojel bi'aj.

Kaqchikel Central Guatemala

⁹ Y romari' ri Dios rubanon chire chi can c'o-vi ruk'ij-ruc'ojlen ri chila' chicaj. Jac'a rija' ri más nim chiquivech ri can nima'k chuka' quisamaj.

Re C'ac'a Testamento pa Kach'abal

⁹ Y mare' re Dios rubanon cha che c'o ruk'ij y ru-poder chila' chicaj. Y man jun chic re c'o-ta más ruk'ij y ru-poder que chach reja'.

Kaqchikel Western Solola

⁹ Y rumari' ri Dios xuben chare chi can c'o ruk'ij ruc'ojlen ri chila' chicaj y xoc nimalaj Ajaf pa ruwi' ronojel. Y chuka' xuya' jun rubi' ri más nim ruk'ij que chiquiwech quinojel bi'aj.

Filipenses 2:9 ပူးပေါင်းရင်းမြစ်များ

Apocalipsis 19:16

Chirij ri rutziaq y chirij ri raꞌ tzꞌibꞌan jun bꞌiꞌaj ri ndubꞌij: Rey pa kiwiꞌ konojel reyes, y Ajaw pa kiwiꞌ konojel ajaw.

San Mateo 28:18

Ri Jesús xjel apu chikinaqaj y xubꞌij chake: Pa nuqꞌaꞌ riyin xjach nojel uchuqꞌaꞌ pa ruwiꞌ ri kaj y pa ruwiꞌ ri rochꞌulew.

1 Pedro 3:22

Ri Jesucristo atoq xbꞌa e chikaj, xbꞌekꞌojeꞌ pa rikiqꞌaꞌ ri Dios y chuxeꞌ rutzij ekꞌo ángeles, ekꞌo chuqaꞌ ri chꞌaqa chik espíritus ri kꞌo uchuqꞌaꞌ pa kiqꞌaꞌ, y ekꞌo chuqaꞌ ri nimalej kuchuqꞌaꞌ.

Hebreos 2:9

Pero ndiqatzꞌet chi ri Jesús xe chin jubꞌaꞌ teq qꞌij xbꞌan chare chi menos jubꞌaꞌ ruqꞌij ke chikiwech ri ángeles, y ndiqatzꞌet chuqaꞌ chi xnimrisex chik ruqꞌij y xnimrisex chik rubꞌiꞌ roma ri kamik xuqꞌasaj. Y roma ri Dios xrajoꞌ xuyaꞌ ru-favor pa qawiꞌ, ri Jesús xken qoma roj qonojel.

Apocalipsis 5:12

Ri ángeles riꞌ rikꞌin kaw kichꞌabꞌel ndikibꞌilaꞌ: Ri Alaj Karneꞌl ri xkamisex, Kin rukꞌulun chi ndubꞌen mandar pa ruwiꞌ nojel, y chi kꞌo nojel bꞌeyomal pa ruqꞌaꞌ, Kin rukꞌulun chuqaꞌ chi ndikꞌojeꞌ nojel etamabꞌel rikꞌin, y chi pa ruqꞌaꞌ rijaꞌ kꞌo nojel ruwech uchuqꞌaꞌ, Rukꞌulun chi ndinimrisex rubꞌiꞌ, chi ndiyoꞌox ruqꞌij y kin utz ndibꞌix utzulej teq tzij chare.

Hebreos 1:4

Y keriꞌ xqꞌalajin chi ri Rukꞌajol más nim ruqꞌij ke chikiwech ri ángeles. Y rikꞌin chuqaꞌ xbꞌix Rukꞌajol ri Dios chare, xqꞌalajin chi rijaꞌ más nim reqalen ke chikiwech ri ángeles.

Hebreos 12:2

Y jumul tiqayaꞌ qawech chirij ri Jesús ri xjaqo bꞌey chiqawech chin ndiqakuqubꞌaꞌ qakꞌuꞌx rikꞌin ri Dios y nditoꞌon qichin chin jumul kuqul qakꞌuꞌx hasta pa rukꞌisibꞌel. Ri Jesús roma retaman chi kin xtikikot, ma xupoqonaj ta riꞌ xuqꞌasaj ri kꞌix xukꞌen pe ri kamik xuqꞌasaj cho cruz, xa kin xukachꞌ. Y xbꞌetzꞌuyeꞌ e pa rikiqꞌaꞌ ri Dios ri tzꞌuyul pa ru-trono.

San Juan 17:5

Wokami, Nataꞌ, tabꞌanaꞌ chi ndikꞌojeꞌ chik nuqꞌij jumbꞌey, achel ri nuqꞌij xkꞌojeꞌ awikꞌin atoq kꞌajani tikꞌojeꞌ ri rochꞌulew.

Apocalipsis 3:21

Ri xtitiker ndubꞌen ri nubꞌiꞌin kan, niyaꞌ qꞌij chare chi nditzꞌuyeꞌ wikꞌin pa nu-trono, achel riyin xitiker xinbꞌen ri xubꞌij ri Nataꞌ chuwa y xitzꞌuyeꞌ rikꞌin rijaꞌ pa ru-trono.

San Lucas 10:22

Y xubꞌij chuqaꞌ: Nojel rujachon ri Nataꞌ Dios pa nuqꞌaꞌ, y nixta jun etamayon achike riyin ri Kꞌajolaxel, xa kin xe ri Tataꞌaj Dios, y nixta jun chuqaꞌ etamayon achike ri Tataꞌaj Dios, xa kin xe riyin ri Kꞌajolaxel, y ri achoq chake niwojoꞌ niqꞌalajrisaj.

Apocalipsis 11:15

Ri ruwuq ángel xuxulaj ri trompeta yoꞌon chare y chikaj xeꞌakꞌaxex nimalej teq chꞌabꞌel ri kereꞌ ndikibꞌilaꞌ: Wokami pa ruqꞌaꞌ ri Qajaw Dios Xyoꞌox ri aj rochꞌulew reino, Y pa ruqꞌaꞌ chuqaꞌ ri Jun ri xuteq chochꞌulew chukolik ri rutinamit. Y Rijaꞌ ndubꞌen reinar chin jumul pa kiwiꞌ.

Apocalipsis 1:5

Keriꞌ chuqaꞌ ri Ajaw Jesucristo ri ma jumbꞌey rujalon ruwech ri ruqꞌalajrisan, kin ta xtuyaꞌ ru-favor pa iwiꞌ y xtuyaꞌ chuqaꞌ uxlanen pa iwánima. Ja rijaꞌ ri nabꞌey xkꞌastej pe chikikajal ri animaꞌiꞌ y ma ndiken chi ta. Ja rijaꞌ ri nimalej Ajaw pa kiwiꞌ konojel reyes chochꞌulew. Rijaꞌ ngojrajoꞌ y xojrukal chuwech ri qamak rikꞌin ri rukikꞌel.

2 Pedro 1:17

Xqatzꞌet atoq xnimrisex rubꞌiꞌ y xyoꞌox ruqꞌij roma ri Tataꞌaj Dios, y xqakꞌaxaj ri loqꞌolej ruchꞌabꞌel ri nimalej ruqꞌij Dios ri kereꞌ xubꞌij pe chikaj: Jareꞌ ri Nukꞌajol, y tzꞌan niwojoꞌ, santienta ngikikot roma rijaꞌ, xchajeꞌ.

Colosenses 1:18

Ja ri Cristo ukꞌuey qabꞌey roj ri ralkꞌuaꞌl ri Dios y roj okuneq ruwachinel ruqꞌa-raqen ri Cristo, y rikꞌin rijaꞌ xtzꞌukutej pe ri kꞌakꞌakꞌ qakꞌaslen. Ja rijaꞌ ri nabꞌey xkꞌastej pe chikikajal ri animaꞌiꞌ y ma ndiken chi ta, chin keriꞌ más nimalej ruqꞌij ke chikiwech nojel ri ebꞌanun.

Hechos 5:31

Ri Dios xubꞌen chi pa rikiqꞌaꞌ rijaꞌ xbꞌekꞌojeꞌ ri Jesús rikꞌin nimalej ruqꞌij, y xubꞌen chare chi ndubꞌen mandar pa ruwiꞌ nojel y chi ja rijaꞌ ri Kolonel, chin keriꞌ roj israelitas nditzolij qánima rikꞌin ri Dios y ndikuyutej qamak.

San Mateo 11:27

Y xubꞌij chuqaꞌ: Nojel rujachon ri Nataꞌ Dios pa nuqꞌaꞌ, y nixta jun etamayon achike qitz méra riyin ri Kꞌajolaxel, xa kin xe ri Tataꞌaj Dios, y nixta jun chuqaꞌ etamayon achike qitz méra ri Tataꞌaj Dios, xa kin xe riyin ri Kꞌajolaxel y ri achoq chake niwojoꞌ niqꞌalajrisaj.

San Juan 17:11

Loqꞌolej Nataꞌ, pa aqꞌaꞌ rat ngenjech kan ri xaꞌayaꞌ chuwa. Kaꞌachajij pa abꞌiꞌ, chin keriꞌ xe jun kánima ndikibꞌen chikiwech achel qabꞌanun roj awikꞌin. Kaꞌachajij kꞌa, porque rejeꞌ kꞌa ngekꞌojeꞌ kan chochꞌulew, y yin ngitzolij yan e chikaj chin ngibꞌekꞌojeꞌ e awikꞌin.

San Juan 17:12

Nojel teq qꞌij ri qachibꞌilan pe qiꞌ kikꞌin chochꞌulew, enuchajin pe pa abꞌiꞌ, y ma jun ri xel ta e pa abꞌey, xa kin xe ri jun ri kin chin wi ma ndikolotej ta, chin ndibꞌanatej ri ndubꞌij ri atzij tzꞌibꞌan kan.

Efesios 1:10

Porque xubꞌen ruwech chi nojel ri achikejeꞌ ekꞌo chochꞌulew y ekꞌo chikaj ngeruyaꞌ chuxeꞌ rutzij ri Cristo atoq nderilaꞌ ri tiempo ri rubꞌanun pe ruwech xe jampeꞌ pa nabꞌey.

2 Tesalonicenses 1:12

Chin keriꞌ ndinimrisex ruqꞌij ri Qajaw Jesús roma ri samaj ndubꞌen pa ikꞌaslen, y rijaꞌ ndunimrisaj chuqaꞌ ibꞌiꞌ rix. Nojel reꞌ ndibꞌanatej roma ri favor ndikiyaꞌ ri qa-Dios y ri Ajaw Jesucristo pa iwiꞌ.

Hebreos 1:9

Rat kin ndiqaꞌ chawech ndabꞌen ri utz, y kin itzel ndatzꞌet ri ma utz ta. Romariꞌ riyin ri Dios, ri a-Dios rat, xinqꞌij aceite pa awiꞌ Y rikꞌin riꞌ xinbꞌen chawa chi más santienta ngakikot Ke chikiwech ri awachibꞌil.

3 Juan 1:7

Porque rejeꞌ kin rusamaj ri Jesucristo ebꞌaneq chubꞌanik, y ma jun kitoꞌik ndikikꞌutuj chake ri wineq ri achoq chake ndikitzijoj rubꞌiꞌ.