Filipenses 2:2 - Kaqchikel Santo Domingo (Xenacoj)

² Romariꞌ, tibꞌanaꞌ chi riyin tzꞌaqet ngikikot rikꞌin ndibꞌen kereꞌ: Xe jun ruwech itzij tibꞌanaꞌ, tiwojoꞌ iwiꞌ chiwech, xe jun iwánima tibꞌanaꞌ, y xe jun ruwech tinojij rix iwonojel.

နောက်ထပ်ဗားရှင်းများ

Kaqchikel Santa Maria de Jesus

² rumareꞌ niꞌej chiva chi junan ivánima tibꞌanaꞌ y siempre tivajo-iviꞌ. Nojiel ri ntiꞌan, riqꞌuin junan ivánima tibꞌanaꞌ. Xa quireꞌ xtiꞌan, inreꞌ can xquiquicuot más ivuma ixreꞌ.

Kaqchiquel Bible

² Roma ri' ninbij k'a chiwe chi kan junan iwech tibana', y jantape' kixajowan. Ronojel ri niben, rik'in jun ik'u'x tibana'. Wi keri' xtiben, kan xkikikot k'a iwoma.

Kaqchikel Central Guatemala

² Romari' ninbij chive chi can junan ivech tibana', y jantape' quixajovan. Ronojel ri niben, riq'uin jun ic'u'x tibana'. Vi queri' xtiben, can xquiquicot c'a ivoma.

Re C'ac'a Testamento pa Kach'abal

² mare' nimbij chiva che junan ivach tibana', y nojel tiempo quixjovan. Y ronojel re niban junan tibana' y riq'uin ronojel ivánma tibana'. Vo xa quire' xtiban, más xquinqui'cot ivoma yex.

Kaqchikel Western Solola

² Rumac'ari' xa jun iwech tibana', y can tiwajo' iwi' chi'iwachibil iwi'. Y tek nich'ob rij jun cosa can junan iwech tibana', riche (rixin) chi queri' nitz'akatisaj ri quicoten ri c'o chic pa wánima.

Filipenses 2:2 ပူးပေါင်းရင်းမြစ်များ

San Juan 3:29

Pa jun kꞌulubꞌik ri kꞌajol ndikꞌuleꞌ jariꞌ ri ndok rachijil ri xten, y ri kꞌajol peyon chin ndikꞌojeꞌ pa ruwiꞌ ri nimaqꞌij chin ri kꞌulubꞌik, santienta ndikikot atoq ndirakꞌaxaj chi ri aj kꞌulubꞌel ngetzeyaj chikiwech. Keriꞌ kꞌa chuqaꞌ riyin santienta ngikikot roma niwakꞌaxaj chi wokami santienta wineq ngebꞌa apu apeꞌ kꞌo ri Jun taqon pe roma ri Dios chukolik ri rutinamit.

Hechos 1:14

Konojel rejeꞌ xe jun kánima kibꞌanun ngetajin rikꞌin oración junan kikꞌin ri ixoqiꞌ ri xeꞌoqan richin ri Jesús, kikꞌin chuqaꞌ ri eruchaqꞌ ri Jesús, y ri María ri ruteꞌ.

Hechos 2:1

Atoq xuqaqa ri qꞌij chin ri nimaqꞌij Pentecostés, konojel ri kitaqin ri Ajaw kimolon kiꞌ pa jun lugar.

Hechos 2:46

Nojel teq qꞌij ndikimal kiꞌ pa rachoch ri Dios, y ndikiper ri kaxlan wey kꞌuxlabꞌel rukamik ri Ajaw pa teq achoch, y nojel kánima ngekikot junan ngewaꞌ.

Hechos 5:12

Chikiqꞌaꞌ ri apóstoles ngebꞌanatej kꞌiy nimalej teq retal ruchuqꞌaꞌ ri Dios y nimalej teq achike ri nixta jumbꞌey etzꞌeton chikikajal ri wineq. Y konojel ri kitaqin ri Ajaw, jun kánima kibꞌanun ndikimal kiꞌ pa jun chijay chin ri rachoch ri Dios, chijay ri ndibꞌix chin Salomón chare.

Romanos 12:16

Junan ruwech itzij tibꞌanaꞌ chiwech, ma tinimrisaj iwiꞌ, xa kin utz tinaꞌ chare ngeꞌiwachibꞌilaj ri maneq ok kiqꞌij. Ma tibꞌen chi achel xe ta rix tzꞌan iwetaman chikiwech chꞌaqa chik.

1 Corintios 1:10

Hermanos, nikꞌutuj kamelal chiwa pa rubꞌiꞌ ri Qajaw Jesucristo, chi rix iwonojel xe jun ruwech itzij tibꞌanaꞌ, y ma kaꞌi-oxiꞌ iwech tibꞌen qa, xa kin chaj tikꞌuaj iwiꞌ. Tibꞌanaꞌ chi ri ndinaꞌ y ri ndinuk pa iwánima xe jun ruwech.

2 Corintios 13:11

Hermanos, pa rukꞌisibꞌel nibꞌij chiwa: Tikikot ri iwánima. Titijaꞌ iqꞌij chin nditzꞌaqatisaj ri kꞌajani titzꞌaqet pa ikꞌaslen, tibꞌochilaꞌ iwiꞌ chiwech, jun ruwech iwánima tibꞌanaꞌ y man ta jun oyowal chiꞌikajal. Y ri Dios ri tzꞌan ndojowan y ndiyoꞌon uxlanen kin xtikꞌojeꞌ pa iwánima.

2 Corintios 2:3

Re ngitajin chubꞌixik, reꞌ xintzꞌibꞌaj yan e chiwa, chin keriꞌ atoq ngixbꞌentzꞌetaꞌ, rix ri rukꞌulun ndibꞌen chuwa chi ngikikot, man ta ndiyaꞌ pe bꞌis chuwa. Y kin kuqul nukꞌuꞌx iwikꞌin rix iwonojel chi ri achike ndibꞌanun chuwa chi ngikikot, ndubꞌen chuqaꞌ chiwa rix chi ngixkikot.

2 Corintios 7:7

Y ma xe ta roma xuqaqa ri Tito xikikot, xa kin roma chuqaꞌ kꞌo ruchuqꞌaꞌ ránima xuqaqa y reꞌ roma ri ngixtajin rikꞌin rix, y xubꞌij chuqaꞌ chaqe chi rix santienta ndiwojoꞌ nditzꞌet qawech, chi xinaꞌ bꞌis roma ri xbꞌanatej chiꞌikajal, y chi nditij iqꞌij ndibꞌen ri nubꞌiꞌin e chiwa, y roma nojel reꞌ más xikikot.

Filipenses 1:4

Y jumul atoq nibꞌen orar iwoma rix iwonojel, ngikikot nibꞌen orar.

Filipenses 2:16

Ma jumbꞌey tiyaꞌ kan rutaqixik ri utzulej teq tzij chin ri kꞌaslen ma ndikꞌis ta, chin keriꞌ chupan ri qꞌij atoq nduqaqa chik ri Cristo, riyin yalan ngikikot iwoma, porque ndiqꞌalajin chi kꞌo xkꞌatzin chi xintij nuqꞌij xinbꞌen rusamaj ri Dios chiꞌikajal.

Filipenses 2:20

Porque maneq chik jun chikiwech ri ekꞌo wikꞌin ri kin ta junan qánima rikꞌin pa ruwiꞌ ri ndikꞌatzin chiwa rix, porque rijaꞌ qetzij nderutijaꞌ ruqꞌij chin ndubꞌen ri kꞌo utz ndukꞌen pe chiwa.

Filipenses 4:2

Rat hermana Evodia y rat hermana Síntique, xe jun ruwech itzij tibꞌanaꞌ, porque xe jun ibꞌanun rikꞌin ri Ajaw.

Colosenses 2:5

Y maske ma yinkꞌo ta apu iwikꞌin, ri wánima kin kꞌo iwikꞌin, y ngikikot porque wetaman chi pa rubꞌeyal ngixtajin rikꞌin nojel pa ikꞌaslen y kaw rix peꞌel chiraqen ri Cristo roma kuqul ikꞌuꞌx rikꞌin.

2 Tesalonicenses 2:13

Pero roj ndikꞌatzin chi jumul ngojmatioxin chare ri Dios iwoma rix hermanos, ri santienta rix ojowan roma ri Ajaw, porque xe jampeꞌ pa nabꞌey rix ruchaꞌon ri Dios chin nduyaꞌ kolotajik chiwa. Ngixrukal roma rusamaj ri Espíritu Santo ri ndubꞌen loqꞌolej chare ri ikꞌaslen y roma chuqaꞌ itaqin ri qetzij.

2 Timoteo 1:4

Atoq nikꞌuxlaꞌaj chi xatoqꞌ atoq xatinyaꞌ kan, tzꞌan nirayij ngatentzꞌetaꞌ chik jumbꞌey, y keriꞌ ngikikot junan awikꞌin.

Filemón 1:20

Rat hermano Filemón, niwojoꞌ chi ndabꞌen ri kamelal ri nikꞌutuj chawa, y chi ndabꞌen chuwa chi ngikikot awoma, roma xe jun qabꞌanun rikꞌin ri Cristo.

2 Juan 1:4

Riyin tzꞌan xikikot chi xenwil jujun hermanos eꞌiwinaq rix chi kikꞌuan kikꞌaslen chupan ri qetzij, achel rubꞌanun kan mandar ri Tataꞌaj Dios chaqe.

3 Juan 1:4

Ri más ndubꞌen chuwa chi ngikikot, jareꞌ: Niwakꞌaxaj chi ri kitaqin ri Jesucristo, ri kin eꞌachel walkꞌuaꞌl, kikꞌuan ri kikꞌaslen chupan ri qetzij.