Filipenses 2:11 - Kaqchikel Santo Domingo (Xenacoj)

¹¹ Y konojel tikibꞌij chi ri Jesucristo kin Ajaw wi, Chin ndiyoꞌox ruqꞌij ri Tataꞌaj Dios.

နောက်ထပ်ဗားရှင်းများ

Kaqchikel Santa Maria de Jesus

¹¹ Y quinojiel tiquiꞌej chi ri Jesucristo jareꞌ ri Ajaf, chi quireꞌ niquiyaꞌ rukꞌij ri Katataꞌ Dios.

Kaqchiquel Bible

¹¹ Y kan qonojel k'a xtiqabij chi ri Jesucristo jari' ri qajaw. Y keri', xtiqaya' ruq'ij-ruk'ojlen ri qatata' Dios.

Kaqchikel Central Guatemala

¹¹ Y conojel tiquibij chi ri Jesucristo jari' ri Ajaf. Y queri', xtiquiya' ruk'ij-ruc'ojlen ri Katata' Dios.

Re C'ac'a Testamento pa Kach'abal

¹¹ Y conojel tiquibij che re Jesucristo jare' re Ajaf. Y riq'uin re quire' xtiquibij, xtiquiya' ruk'ij re Karta' Dios.

Kaqchikel Western Solola

¹¹ Y quinojel xtiquibij chi ri Jesucristo yari' ri Ajaf, riche (rixin) chi queri' can xtiquiya' ruk'ij ruc'ojlen ri Katata' Dios.

Filipenses 2:11 ပူးပေါင်းရင်းမြစ်များ

1 Juan 4:15

Xa achike na jun ri ndutaqij chi ja ri Jesús ri Rukꞌajol ri Dios, jumul xe jun rubꞌanun rikꞌin ri Dios, y ri Dios jumul xe jun rubꞌanun rikꞌin rijaꞌ.

Romanos 14:11

Achel tzꞌibꞌan kan chupan ri rutzij ri Dios: Kin qetzij chi riyin kꞌo nukꞌaslen, ndichajeꞌ ri Ajaw, Y keriꞌ chuqaꞌ qetzij chi konojel ngetuxukeꞌ chinuwech, Y konojel ndukibꞌilaꞌ chi ja riyin ri Dios. Keriꞌ tzꞌibꞌan kan.

San Juan 13:13

Rix ndibꞌij Tijonel y Ajaw chuwa, y kin utz ri ndibꞌij, porque kin ja wi keriꞌ.

1 Juan 4:2

Y jareꞌ ri rubꞌeyal chin ndiwetamaj achike ri ukꞌuan roma ri Espíritu Santo: Ri ndibꞌiꞌin chi ri Jesucristo xuqaqa chochꞌulew y xkꞌojeꞌ ru-cuerpo achel qa-cuerpo roj wineq, qꞌalej chi rikꞌin ri Dios pataneq ri ndubꞌij.

Romanos 14:9

Porque ri achike roma xken ri Cristo y xkꞌojeꞌ chi pe rukꞌaslen, jareꞌ: Chin xok Ajaw pa kiwiꞌ ri animaꞌiꞌ y pa qawiꞌ roj ri kꞌa kꞌo qakꞌaslen.

1 Corintios 12:3

Romariꞌ nibꞌij chiwa: Nixta jun wineq ri ukꞌuan roma ri Espíritu chin ri Dios ndubꞌij itzel teq tzij chirij ri Jesús y keriꞌ chuqaꞌ, nixta jun wineq ndubꞌij Ajaw chare ri Jesús, si ma ja ta ri Espíritu Santo ukꞌuayon richin chin ndubꞌij.

San Juan 14:13

Y nojel ri ndikꞌutuj rix pa nubꞌiꞌ riyin, kin nibꞌen wi, chin keriꞌ ndiqꞌalajin ruqꞌij ri Tataꞌaj Dios woma riyin ri Rukꞌajol.

1 Pedro 1:21

Rix roma itaqin ri Cristo, xe chare ri Dios iyoꞌon wi itzij, ri Dios ri xkꞌastajbꞌan e ri Cristo chikikajal ri animaꞌiꞌ y xubꞌen chare chi xkꞌojeꞌ chik nimalej ruqꞌij, y keriꞌ kin rikꞌin ri Dios ikuqubꞌan ikꞌuꞌx y iwoyobꞌen ri rusujun kan.

1 Corintios 8:6

pero chaqe roj, xa kin xe jun Dios kꞌo, y riꞌ ja ri Tataꞌaj Dios. Rikꞌin rijaꞌ pataneq wi nojel, y roj richin rijaꞌ. Y xe jun Ajaw kꞌo chuqaꞌ, y riꞌ ja ri Jesucristo, ri bꞌanayon nojel ri kꞌo, y roma rijaꞌ kꞌo qakꞌaslen.

Apocalipsis 3:5

Ri xtitiker ndubꞌen ri nubꞌiꞌin kan, kin niweq rikꞌin puchupuj teq tzieq, y ma jumbꞌey xtinyuj ri rubꞌiꞌ chupan ri wuj apeꞌ tzꞌibꞌan kibꞌiꞌ ri ndiyoꞌox ri kꞌaslen ma ndikꞌis ta chake, y xtinbꞌij chuwech ri Nataꞌ y chikiwech ri ru-ángeles chi rijaꞌ wichin riyin.

San Mateo 10:32

Romariꞌ, xa achike na jun ri ma xtuxibꞌij ta riꞌ xtubꞌij chikiwech wineq chi yin rutaqin, riyin chuqaꞌ nibꞌij chuwech ri Nataꞌ kꞌo chikaj, chi ri jun riꞌ yin rutaqin.

Hechos 10:36

Ri Dios xuteq rubꞌixik chaqe roj israelitas ri utzulej teq tzij ri nduyaꞌ uxlanen pa qánima, uxlanen ri xukꞌen pe ri Jesucristo, ri Ajaw pa kiwiꞌ konojel wineq.

Hechos 2:36

Romariꞌ, rix nuwinaqul israelitas, tiwetamaj kꞌa chi qetzij chi ri Jesús ri xikamisaj cho cruz, ri Dios xubꞌen chare chi ja rijaꞌ ri Ajaw pa ruwiꞌ nojel, y chi ja chuqaꞌ rijaꞌ ri taqon pe chukolik ri rutinamit ri Dios, xchajeꞌ ri Pedro.

San Juan 9:22

Keriꞌ xkibꞌij ri rute-rutataꞌ ri achi roma kixibꞌin kiꞌ chikiwech ri achiꞌaꞌ israelitas kꞌo uchuqꞌaꞌ pa kiqꞌaꞌ, porque ri achiꞌaꞌ riꞌ kibꞌiꞌin chik chi xa achike na jun ri xtibꞌiꞌin chi ja ri Jesús ri taqon pe roma ri Dios chukolik ri rutinamit, kin ndoqotex e pa sinagoga.

San Juan 5:23

chin keriꞌ, konojel wineq ndikiyaꞌ nuqꞌij riyin ri Rukꞌajol, achel ndikiyaꞌ ruqꞌij ri Nataꞌ. Y ri ma nduyaꞌ ta nuqꞌij riyin, ma nduyaꞌ ta chuqaꞌ ruqꞌij ri Nataꞌ ri taqayon pe wichin.

2 Juan 1:7

Porque wokami ekꞌiy ebꞌaneq chochꞌulew, ri ngebꞌiꞌin chi ri Jesucristo atoq xuqaqa chochꞌulew, ma xkꞌojeꞌ ta ru-cuerpo achel qa-cuerpo roj wineq. Ri keriꞌ ngebꞌiꞌin, xa echꞌakatinelaꞌ, y xa ejunan rikꞌin ri jun ri yakatajneq chirij ri Cristo.

1 Corintios 15:47

Ri nabꞌey achi Adán, rikꞌin ulew xbꞌan, romariꞌ kin aj rochꞌulew. Pero ri rukan Adán, kin aj chikaj, y riꞌ ja ri Jesucristo.

Romanos 15:9

Y okuneq chuqaꞌ rusamajel ri Dios chin keriꞌ ri ma israelitas ta kin xtikiyaꞌ ruqꞌij ri Dios porque ndijoyowex kiwech roma rijaꞌ, achel tzꞌibꞌan kan chupan ri rutzij ri Dios ri kereꞌ ndubꞌij: Romariꞌ, kin xtinyaꞌ aqꞌij chikikajal ri ma israelitas ta Y nibꞌixaj ri abꞌiꞌ.

San Juan 20:28

Ja atoq riꞌ ri Tomás xubꞌij: ¡Ja rat ri Wajaw y ja rat ri nu-Dios!

San Juan 17:1

Atoq ri Jesús rubꞌiꞌin chik nojel reꞌ, xtzuꞌun e chikaj y xubꞌij: Nataꞌ Dios, ri hora ja xuqaqa. Tanimrisaj nubꞌiꞌ riyin ri Akꞌajol, chin keriꞌ riyin ri Akꞌajol ninimrisaj ri abꞌiꞌ rat.

San Juan 12:42

Maske keriꞌ bꞌiꞌin kan chikij ri israelitas, ekꞌo santienta ri xkitaqij ri Jesús, hasta ekꞌo jujun achiꞌaꞌ israelitas kꞌo uchuqꞌaꞌ pa kiqꞌaꞌ ri xkitaqij, pero roma kixibꞌin kiꞌ chi ngeꞌoqotex pe pa sinagoga koma ri fariseos, ma xkibꞌij ta chi xkitaqij.

San Lucas 2:11

Porque chupan re qꞌij reꞌ, pa rutinamit ri rey David, xalex jun Kolonel, y riꞌ ja ri Ajaw ri taqon pe roma ri Dios chukolik ri rutinamit.

San Juan 14:23

Y ri Jesús xubꞌij chare: Si jun wineq qetzij ngirajoꞌ, ndubꞌen ri nubꞌiꞌin kan y ndojowex roma ri Nataꞌ. Y ri Nataꞌ y riyin ngojuqaqa chin ndiqabꞌen qachoch chare ri ránima.

San Juan 13:14

Y si riyin ri Tijonel y ri Ajaw xinchꞌej ri iwaqen, keriꞌ chuqaꞌ rix ri iwachibꞌil iwiꞌ ndikꞌatzin ndichꞌej iwaqen chiwech.