Filipenses 1:9 - Kaqchikel Santo Domingo (Xenacoj)

⁹ Riyin nibꞌen orar chi ri Dios ndubꞌen chiwa chi más ngixojowan, y chi ngixojowan rikꞌin qetzij nojibꞌel y rikꞌin jun iwánima ri ndunaꞌ ri achike más utz chi ndibꞌen.

နောက်ထပ်ဗားရှင်းများ

Kaqchikel Santa Maria de Jesus

⁹ Can nicꞌutuj antok niꞌan orar, chi tivajo-iviꞌ más y más, y cꞌo ta más ri xtivatamaj y chi ticꞌujieꞌ más inoꞌj.

Kaqchiquel Bible

⁹ Kan nink'utuj k'a chire ri Dios chi ri ajowabel ri k'o iwik'in kan más ta xtinimer, y xtik'oje' ta más etamabel y más na'oj iwik'in,

Kaqchikel Central Guatemala

⁹ Can ninc'utuj-vi c'a chire ri Dios chi can más ta xtiq'uiyer ri ajovabel iviq'uin, y xtic'oje' ta chuka' más etamabel y más na'oj iviq'uin.

Re C'ac'a Testamento pa Kach'abal

⁹ Can ninc'utuj cha re Dios che can-ta xtuban cha re ivánma che más nijovan, y chuka' xtic'ue-ta más na'oj iviq'uin.

Kaqchikel Western Solola

⁹ Riyin ri Pablo can nc'utuj wi c'a chare ri Dios chi can niq'uiy ta más ri ajowabel iwuq'ui riche (rixin) chi niwajo' iwi', pero can riq'ui na'oj y riq'ui etamabel.

Filipenses 1:9 ပူးပေါင်းရင်းမြစ်များ

1 Corintios 14:20

Hermanos, pa kiwiꞌ ri loqꞌolej sipanik nduyaꞌ ri Espíritu, ma kixnojin achel ngenojin ri chꞌuteq akꞌolaꞌ, roma rejeꞌ kꞌajani tzꞌaqet ngenojin, xa kixnojin pa ruchojmil. Rix ndikꞌatzin ngixok achel chꞌuteq akꞌolaꞌ ri ma ndikiyek ta itzel teq achike pa kánima chikij chꞌaqa chik.

2 Corintios 8:7

Santienta kꞌiyineq pa ikꞌaslen ri ru-favor ri Dios, keriꞌ chuqaꞌ jabꞌel kuqul ikꞌuꞌx rikꞌin rijaꞌ, jabꞌel etamabꞌel kꞌo iwikꞌin, y jabꞌel rubꞌixik ndibꞌen ri etamabꞌel riꞌ, jabꞌel nditij iqꞌij ndibꞌen ri ndiqaꞌ chuwech ri Dios y jabꞌel ngixojowan achel xiwetamaj qikꞌin. Nibꞌij chiwa chi achel kꞌiyineq nojel reꞌ pa ikꞌaslen, keriꞌ chuqaꞌ jabꞌel kixtoꞌon rikꞌin re ofrenda reꞌ.

Efesios 5:17

Romariꞌ, ma tibꞌen achel ndikibꞌen wineq ri xetal ngetajiyaj, xa kin titijaꞌ iqꞌij tiwetamaj achike ndirajoꞌ ri Ajaw chi ndibꞌen.

Colosenses 1:9

Romariꞌ, xe jampeꞌ qakꞌaxan chi keriꞌ rubꞌanun pe ri iwánima, roj ma qayoꞌon ta kan chi ndiqabꞌen orar iwoma, y ndiqakꞌutuj chare ri Dios chi xtunojisaj ri iwánima rikꞌin ri nojibꞌel y ri etamabꞌel ri nduyaꞌ ri Espíritu Santo, chin ndiwetamaj utz-utz nojel ri rurayibꞌel ri Dios.

Colosenses 3:10

Wokami tiweqaꞌ ri ikꞌaslen rikꞌin ri kꞌakꞌakꞌ kꞌaslen ruyoꞌon ri Dios chiwa. Ri kꞌaslen riꞌ ndubꞌen chare ri ikꞌaslen chi qꞌij-qꞌij ndijalatej bꞌaneq, y más utz ndubꞌen pe chin ndok ri inoꞌoj achel runoꞌoj ri bꞌanayon iwichin. Y keriꞌ ndiwetamaj utz-utz nojel ri achike rijaꞌ.

1 Tesalonicenses 3:12

Y ja ta kꞌa ri Ajaw ndikꞌiytisan ri ajowabꞌel pa iwánima chin más ndiwojoꞌ iwiꞌ chiwech y más ngeꞌiwojoꞌ konojel, achel rubꞌanun chaqe roj chi santienta ngixqajoꞌ,

1 Tesalonicenses 4:1

Hermanos, jun chik achike niwojoꞌ nibꞌij chiwa, jareꞌ: Nikꞌutuj kamelal chiwa y ngixinpixabꞌaj pa rubꞌiꞌ ri Ajaw Jesús, chi achel ngixtajin chik rukꞌuaxik pa ikꞌaslen ri tijonik ri qayoꞌon kan chiwa pa ruwiꞌ ri achel rubꞌeyal ri kꞌaslen ndikꞌatzin ndikꞌuaj chuwech ri Dios chin ngixqaꞌ chuwech, wokami más titijaꞌ iqꞌij chi ndikꞌuaj ri ikꞌaslen chupan ri tijonik riꞌ.

2 Tesalonicenses 1:3

Hermanos, roj kin ndikꞌatzin chi jutaqil ngojmatioxin chare ri Dios iwoma, y kin rukꞌulun chi keriꞌ ndiqabꞌen, porque rix qꞌij-qꞌij más ikuqubꞌan ikꞌuꞌx rikꞌin ri Ajaw Jesús, y más kꞌiyineq pa iwánima chi ndiwojoꞌ iwiꞌ chiwech.

Filemón 1:6

Yin nikꞌutuj chare ri Dios chi roma kuqul akꞌuꞌx rikꞌin ri Ajaw Jesús, ngojatoꞌ y keriꞌ qachibꞌil qiꞌ pa rusamaj ri Dios. Kꞌo nimalej teq achike ngojtiker ndiqabꞌen y kin xtiqabꞌen wi rikꞌin ndawetamaj nojel ri favor yoꞌon chaqe qonojel, chin ndiyoꞌox ruqꞌij ri Cristo.

Hebreos 5:14

Pero ri tijonik chin ri rutzij ri Dios ri más cuesta ndikꞌoxomex, ndiyoꞌox chake ri ekꞌiyineq pa kikꞌaslen chiraqen ri Ajaw, porque rejeꞌ rukꞌamon chake ndikichaꞌ achike ri utz roma kitijon kiꞌ pa ruwiꞌ achike ri utz y achike ri ma utz ta.

1 Pedro 1:22

Wokami roma iniman ri qetzij, rix ichꞌajchꞌojrisan ri ikꞌaslen chin ngeꞌiwojoꞌ ri hermanos rikꞌin nojel iwánima. Romariꞌ, rikꞌin chꞌajchꞌaj iwánima santienta tiwojoꞌ iwiꞌ chiwech.

2 Pedro 3:18

Pa rukꞌexel ri keriꞌ ndibꞌen, titijaꞌ iqꞌij chin ngixkꞌiy chupan ru-favor ri Qajaw y Qakolonel Jesucristo y tiwetamaj más runoꞌoj. ¡Kin ta xtiyoꞌox nimalej ruqꞌij rijaꞌ wokami y chin jumul! Amén.