Filipenses 1:10 - Kaqchikel Santo Domingo (Xenacoj)

¹⁰ Chin keriꞌ ndichaꞌ ri más utz chi ndibꞌen, y keriꞌ, chupan ri qꞌij atoq nduqaqa ri Cristo, ngixuꞌilitej chi loqꞌolej ri ikꞌaslen, y ma jun itzel achike ndilitej chiwij,

နောက်ထပ်ဗားရှင်းများ

Kaqchikel Santa Maria de Jesus

¹⁰ Jareꞌ ri nicꞌutuj cha ri Dios, ruma nivajoꞌ chi ntitzꞌat jaꞌal ri chica más otz ntiꞌan. Chi quireꞌ ixreꞌ siempre ntivucꞌuaj jun cꞌaslien sak y man jun ta itziel kax nilitaj pan icꞌaslien ri kꞌij antok xtipa chic ri Cristo.

Kaqchiquel Bible

¹⁰ richin chi niq'ax ta jebel chiwech ri achike ri kan k'o kejqalen. Keri' rix beneq ta ruwech nik'uaj jun k'aslen ch'ajch'oj, y man ta jun itzel nilitej pan ik'aslen toq xtoqaqa ri q'ij richin xtipe ri Cristo.

Kaqchikel Central Guatemala

¹⁰ Jac'ari' ri ninc'utuj chire ri Dios, roma ninvajo' chi nik'ax chivech achique ri can c'o-vi quejkalen. Richin queri' rix benek ta ruvech nic'uaj jun c'aslen ch'ajch'oj y man ta jun itzel tilitej pan ic'aslen tok xtoka' ri k'ij richin ri Cristo.

Re C'ac'a Testamento pa Kach'abal

¹⁰ Jare' re ninc'utuj cha re Dios, roma ninjo' che nak'ax pan ive' andex re c'o quijkalen. Chin quire' yex can-ta nojel tiempo nic'uaj jun c'aslen ch'ajch'oj y manak-ta itzel tak andex nilitaj pan ic'aslen tak xte'ka re k'ij chin re Jesucristo.

Kaqchikel Western Solola

¹⁰ Ya c'a ri' ri nc'utuj chare ri Dios, ruma nwajo' chi nik'ax ta chiwech achique ri utz chi niben. Riche (rixin) chi queri' riyix kas ta xtic'uaj jun c'aslen ch'ajch'oj y man ta jun itzel nilitej chiwij tek xtoka ri k'ij riche (rixin) chi xtipe ri Cristo.

Filipenses 1:10 ပူးပေါင်းရင်းမြစ်များ

Romanos 12:2

Ma tibꞌen rix achel ndikibꞌen ri wineq bꞌaneq kánima chirij ri ndusuj ri rochꞌulew, xa kin tiyaꞌ qꞌij chare ri Dios chi tuyaꞌ jun kꞌakꞌakꞌ nojibꞌel chiwa chin ndijalatej ri ikꞌaslen, y keriꞌ ndiwetamaj ri rurayibꞌel ri Dios, rayibꞌel ri kin utz, kin tzꞌaqet y kin ndiqaꞌ chuwech chi ndibꞌan.

1 Tesalonicenses 3:13

chin keriꞌ ndiwil ruchuqꞌaꞌ ri iwánima chin ndibꞌen nojel pa ruchojmil, y keriꞌ loqꞌolej nditzꞌetetej ri ikꞌaslen y nixta jun mak ndilitej chiwij chuwech ri Tataꞌaj Dios atoq nduqaqa chik jumbꞌey ri Ajaw Jesús, junan kikꞌin ri loqꞌolej teq oqey richin. Amén.

1 Tesalonicenses 5:23

Y ri Dios ri ndiyoꞌon uxlanen pa iwánima, kin ta xtuchꞌajchꞌojrisaj chi nojel ri ikꞌaslen. Y kin ta jumul xtuchajij ri i-espíritu, ri iwánima y ri i-cuerpo, chin nixta jun itzel ndilitej pa ikꞌaslen chupan ri qꞌij atoq nduqaqa chik jumbꞌey ri Qajaw Jesucristo.

Romanos 2:18

y ndabꞌij chi awetaman rurayibꞌel ri Dios, y ndabꞌij chuqaꞌ chi awetaman ndachaꞌ achike ri más utz roma kꞌutun rubꞌeyal ri ley chawech,

Efesios 5:10

Titijaꞌ iqꞌij chin ndiwetamaj utz-utz achike ri ndiqaꞌ chuwech ri Ajaw chi ndibꞌen.

1 Juan 4:1

Rix ri tzꞌan ngixinwojoꞌ, nibꞌij chiwa chi nabꞌey keꞌitojtobꞌej ri ngebꞌiꞌin chi rikꞌin ri Dios pataneq ri ndikibꞌij, chin nditzꞌet si qetzij ri ndikibꞌij o xa eꞌukꞌuan roma jun espíritu ri ma richin ta ri Dios. Keriꞌ nibꞌij chiwa porque chochꞌulew ebꞌaneq ekꞌiy ri ndikiqꞌabꞌaj kiꞌ chi eru-profetas ri Dios.

Filipenses 1:6

Y kin kuqul nukꞌuꞌx chi ri utzulej samaj rutzꞌukun pe ri Dios pa iwánima, qꞌij-qꞌij ndajin rikꞌin, y ndutzꞌaqatisaj hasta chupan ri qꞌij atoq nduqaqa ri Cristo Jesús.

1 Tesalonicenses 5:21

Xa kin tichayuj rupan nojel ri ndikibꞌij, y nojel ri utz, tiyakaꞌ pa iwánima.

1 Corintios 1:8

Ri Dios ndubꞌen chuqaꞌ chiwa chi jumul kaw ngixpeꞌeꞌ pa rubꞌey chin ma ngixtzaq hasta jampeꞌ ndekꞌis nojel, chin keriꞌ chupan ri qꞌij atoq nditzolij pe ri Qajaw Jesucristo, nixta jun mak xtilitej pa ikꞌaslen.

Apocalipsis 2:2

Riyin wetaman ri ngaꞌabꞌanalaꞌ, chi atijon aqꞌij ndabꞌen ri nusamaj y akochꞌon awech chupan ri kꞌayew ndaqꞌasaj, y ma akꞌamon ta apu kiwech ri wineq itzel kinoꞌoj. Keriꞌ chuqaꞌ eꞌatojtobꞌen ri ndikibꞌij chi e-apóstoles y xa kiqꞌabꞌan kiꞌ y xaꞌawil chi xa ereqꞌóta.

Efesios 5:27

chin keriꞌ roj ri roj ralkꞌuaꞌl ri Dios, kin ndiyikꞌilan ri qakꞌaslen atoq ngojurukꞌamaꞌ ri Cristo chin ndukꞌen apu qawech, y man ta tzꞌil, nixta yuchuyik rubꞌanun ri qakꞌaslen, nixta kꞌo jun achike ri ma chꞌajchꞌaj ta ndilitej chiqij. Porque rijaꞌ ndirajoꞌ chi roj loqꞌolej y chꞌajchꞌaj ngojbꞌeqaqa chuwech.

San Juan 1:47

Pero atoq naqaj chik kꞌo ri Natanael chin ndeqaqa apeꞌ kꞌo ri Jesús, ri Jesús xutzꞌet pe y xubꞌij: Titzꞌetaꞌ re jun achi reꞌ. Rijaꞌ kin qetzij chi israelita y ma jun chꞌakatinik kꞌo pa ránima.

San Mateo 16:23

Pero ri Jesús xtzuꞌun apu rikꞌin ri Pedro y xubꞌij chare: ¡Katel e chinuwech, rat Satanás! Xa rat jun qꞌatoy nubꞌey, porque ma bꞌaneq ta awánima rikꞌin ri ndirajoꞌ ri Dios, xa rikꞌin ri ndikajoꞌ ri wineq.

2 Corintios 1:12

Keriꞌ ndiqabꞌij chiwa porque ri ndibꞌanun chaqe chi ndikuqer qakꞌuꞌx, ja ri ndubꞌij ri qánima chaqe chi qakꞌuan jun chꞌajchꞌaj kꞌaslen y ndubꞌij chuqaꞌ chi nojel ri ndiqabꞌen kin qetzij wi, y más keriꞌ qabꞌanun chiwech rix. Roj ma ja ta ri aj rochꞌulew nojibꞌel ukꞌuayon qichin, xa kin ja ri ru-favor ri Dios ukꞌuayon qichin.

Romanos 12:9

Kixojowan rikꞌin nojel iwánima, tiyaꞌ kan roꞌiwacheq chuwech ri ma utz ta y kin tiwoqaj ri utz.

Romanos 8:7

Porque ri bꞌaneq kánima chirij ri itzel teq rayinik chin ri ki-cuerpo, eyakatajneq chirij ri Dios, porque ma ndikibꞌen ta ri ndubꞌij ri ley ruyoꞌon pe ri Dios, nixta ngetiker ndikinimaj ri ley riꞌ.

San Mateo 26:33

Pero ri Pedro xubꞌij chare ri Jesús: Maske konojel xtikil jun roma chin xkatikiyaꞌ kan, riyin kin ma jubꞌaꞌ xkatinyaꞌ kan.

Filipenses 1:16

Re chꞌaqa reꞌ ndikiyaꞌ rutzijol ri Cristo roma ngeꞌojowan, porque ketaman chi ri Dios yin ruyoꞌon chin nikꞌut chi qetzij ri ndubꞌij ri utzulej teq tzij chin kolotajik.

Efesios 6:24

Kin ta xtikꞌojeꞌ ri favor nduyaꞌ ri Dios pa iwiꞌ iwonojel rix ri ndiwojoꞌ ri Qajaw Jesucristo rikꞌin nojel iwánima.

Efesios 4:15

Pa rukꞌexel riꞌ, ndikꞌatzin ndiqoqaj ri qetzij y ndiqajoꞌ qiꞌ chiqawech, y keriꞌ ngojkꞌiy pa qakꞌaslen chin ndubꞌen qa qanoꞌoj achel runoꞌoj ri Cristo, ri okuneq ukꞌuey qabꞌey.

Gálatas 5:11

Hermanos, ekꞌo ngebꞌiꞌin chi riyin kꞌa nitzijoj chake ri wineq chi ndikꞌatzin ndikibꞌen circuncidar kiꞌ chin ma jun kimak ndikeqalej chuwech ri Dios. Xa ta qetzij chi keriꞌ nitzijoj, ri nuwinaqul israelitas man ta nginkitzeqlebꞌej chin ndikibꞌen itzel chuwa y man ta chik itzel ndikinaꞌ chare rutzijoxik ri rukamik ri Cristo cho cruz ri niyaꞌ riyin.

2 Corintios 8:8

Riyin ma nibꞌij ta chiwa chi por fuerza keriꞌ tibꞌanaꞌ, xaxe niwojoꞌ niwetamaj ri janipeꞌ ngixojowan, y romariꞌ nikꞌuxlaꞌaj chiwa ri janipeꞌ kitijon kiqꞌij ri chꞌaqa chik ri xetoꞌon yan.

2 Corintios 6:3

Roj ndiqatij qaqꞌij chi ndiqabꞌen nojel pa ruchojmil, chin keriꞌ ma romak ta jun ma utz ta xtiqabꞌen, ekꞌo wineq xtikiyaꞌ kan ri Ajaw, y romariꞌ xtiyoqꞌotej ri samaj ndiqabꞌen pa rubꞌiꞌ.

2 Corintios 2:17

Keriꞌ nibꞌij chiwa, porque roj ma roma ta chꞌakoj méra ndiqatzijoj ri rutzij ri Dios achel ndikibꞌen ekꞌiy. Roj ndiqatzijoj ri rutzij ri Dios chake ri wineq rikꞌin nojel qánima, roma xe jun qabꞌanun rikꞌin ri Cristo. Keriꞌ ndiqabꞌen chuwech ri Dios ri taqayon qichin chin ndiqabꞌen ri samaj riꞌ.

1 Corintios 10:32

Ma jun achike tibꞌen ri ndubꞌen chake israelitas, chake ma israelitas ta, o chake ri eralkꞌuaꞌl ri Dios, chi ndikil jun roma ndikiyaꞌ kan ri Dios.

1 Corintios 8:13

Roma kꞌa riꞌ, si riyin roma nikꞌux tiꞌij sujun chikiwech tiox nibꞌen chare jun hermano chi ndiril jun achike roma nduyaꞌ kan ri Dios, xa más utz chi ma jumbꞌey chik nikꞌux tiꞌij sujun chikiwech tiox.

Romanos 16:17

Nikꞌutuj kamelal chiwa hermanos chi tichajij iwiꞌ chikiwech ri ndikajoꞌ ndikijech iwech, y ndikiyaꞌ jun achike pa ibꞌey chi ndiwil jun roma ndiyaꞌ kan ri utzulej tijonik kꞌutun kan chiwech. Ma tiwachibꞌilaj iwiꞌ kikꞌin.

Romanos 7:22

Keriꞌ nibꞌij porque riyin pa wánima tzꞌan ngikikot rikꞌin ri ley xuyaꞌ ri Dios,

Romanos 7:16

Y si ja ri ma niwojoꞌ ta, jariꞌ ri ngitajin chubꞌanik, chiriꞌ nitzꞌet chi ri ley kin utz wi, porque ma ja ta ri ley ndinimo wichin chi nibꞌen.

Hechos 24:16

Romariꞌ, riyin jumul nitij nuqꞌij chi chꞌajchꞌaj ri wánima chuwech ri Dios y chikiwech chuqaꞌ ri wineq.

San Juan 3:20

Porque konojel ri ngekibꞌanalaꞌ itzel teq achike, ma ndikajoꞌ ta ndiyikꞌex kikꞌaslen y ma ngejel ta apu rikꞌin ri Jun ri ndiyikꞌan kikꞌaslen, chin ma tiqꞌalajin pe ri itzel teq achike ngekibꞌanalaꞌ.

Filipenses 2:16

Ma jumbꞌey tiyaꞌ kan rutaqixik ri utzulej teq tzij chin ri kꞌaslen ma ndikꞌis ta, chin keriꞌ chupan ri qꞌij atoq nduqaqa chik ri Cristo, riyin yalan ngikikot iwoma, porque ndiqꞌalajin chi kꞌo xkꞌatzin chi xintij nuqꞌij xinbꞌen rusamaj ri Dios chiꞌikajal.