Efesios 6:19 - Kaqchikel Santo Domingo (Xenacoj)

¹⁹ Tikꞌutuj chuqaꞌ chare ri Dios woma riyin, chi nduyaꞌ tzij pa nuchiꞌ chin niqꞌalajrisaj chikiwech ri wineq ri utzulej teq tzij chin kolotajik ri ma kin ta qꞌalej rubꞌeyal rubꞌanun kan, y man ta nixibꞌij wiꞌ chubꞌixik.

နောက်ထပ်ဗားရှင်းများ

Kaqchikel Santa Maria de Jesus

¹⁹ Y tibꞌanaꞌ jeꞌ orar pa nu-cuenta inreꞌ; chi ri Dios xtuyaꞌ chꞌabꞌal pa nuchiꞌ chi antok xtintzijuoj ri evangelio ri cꞌo pan aval riqꞌuin ri Dios ojier can tiempo, man nixiꞌij ta viꞌ.

Kaqchiquel Bible

¹⁹ Kixch'on rik'in ri Dios pa nuwi' yin, richin k'o ta utzilej taq ch'abel richin kolotajik ninbij, y man ta ninxibij-wi' toq nintzijoj.

Kaqchikel Central Guatemala

¹⁹ Y niben ta c'a chuka' orar voma yin, richin tic'utuj chire ri Dios chi yiruto' ta richin nintzijoj ri utzilej ch'abel richin colotajic y man ta ninxibij-vi' tok nintzijoj. Vacami ri ch'abel ri', can xk'alajirisex yan c'a jebel roma ri Dios.

Re C'ac'a Testamento pa Kach'abal

¹⁹ Y nimbij chuka' chiva yex che tibana' orar pa nue' yen, chin che re Dios yinruto-ta chin nintzijoj re utzulaj ch'abal chin re Dios re nibex evangelio cha, y man-ta ninxibij-vi' tak nintzijoj. Vocame re Dios can xusekresaj-yan jabal re ruch'abal chakavach.

Kaqchikel Western Solola

¹⁹ Y can tibana' chuka' orar pa nuwi' riyin, riche (rixin) chi ri Dios xtuya' ch'abel pa nuchi' y man ta nxibij wi' riche (rixin) chi ntzijoj ri lok'olaj ch'abel ri niya'o colotajic, ch'abel ri ma k'alajsan ta pe ojer ca, yac'a re wacami can k'alajsan chic chkawech ruma ri Dios.

Efesios 6:19 ပူးပေါင်းရင်းမြစ်များ

Colosenses 4:3

Tikꞌutuj chuqaꞌ chare ri Dios pa qawiꞌ roj chi nduyaꞌ qꞌij chaqe ndiqatzijoj ri rutzij, chin keriꞌ ndiqaqꞌalajrisaj ri ma kin ta qꞌalej rubꞌeyal ojer kan, ri ndichꞌaꞌa pa ruwiꞌ ri achike ri Cristo y ri rukꞌamon pe chaqe. Y riyin roma niyaꞌ rutzijoxik ri utzulej teq tzij riꞌ yin tzꞌapel pa cheꞌ wokami.

Hechos 4:29

Wokami kꞌa Ajaw, tayaꞌ pa cuenta ri tzij ndikibꞌilaꞌ chaqe chi ndikajoꞌ ngojkibꞌen castigar roma ndiqayaꞌ rutzijol ri Jesús, y tayaꞌ uchuqꞌaꞌ pa qánima roj ri asamajelaꞌ chin ndiqatzijoj ri atzij y man ta ndiqaxibꞌij qiꞌ,

2 Tesalonicenses 3:1

Hermanos, jun chik achike niwojoꞌ nibꞌij chiwa, jareꞌ: Tibꞌanaꞌ orar qoma, chin keriꞌ chaꞌanin ndibꞌa rutzijoxik ri utzulej rutzij ri Ajaw chꞌaqa chik apeꞌ, y chi ri wineq ndikiyaꞌ nim reqalen ri utzulej teq tzij riꞌ, achel ndiyaꞌ reqalen rix.

1 Tesalonicenses 5:25

Hermanos, tibꞌanaꞌ orar qoma roj.

Hebreos 13:18

Tibꞌanaꞌ orar qoma roj, porque kuqul qakꞌuꞌx chi utz ngojtajin rikꞌin, y ndiqarayij chi kin ta jumul keriꞌ ndiqabꞌen pa ruwiꞌ nojel.

Hechos 4:31

Y atoq xkibꞌen yan orar, xselon ri lugar apeꞌ kimolon kiꞌ, y konojel xnoj kánima rikꞌin ri Espíritu Santo, y ma ndikixibꞌij ta kiꞌ ndikitzijolaꞌ ri utzulej rutzij ri Dios.

1 Tesalonicenses 2:2

Iwetaman chuqaꞌ chi xqaqꞌasaj kꞌayew y xbꞌan itzel chaqe pa tinamit Filipos atoq kꞌajani qojbꞌeqaqa pa itinamit, pero ri Dios xuyaꞌ ruchuqꞌaꞌ qánima chin xbꞌeqatzijoj chiwa rix ri utzulej teq tzij chin kolotajik ri pataneq rikꞌin rijaꞌ, maske santienta wineq xeyakatej chiqij pa itinamit.

2 Corintios 8:7

Santienta kꞌiyineq pa ikꞌaslen ri ru-favor ri Dios, keriꞌ chuqaꞌ jabꞌel kuqul ikꞌuꞌx rikꞌin rijaꞌ, jabꞌel etamabꞌel kꞌo iwikꞌin, y jabꞌel rubꞌixik ndibꞌen ri etamabꞌel riꞌ, jabꞌel nditij iqꞌij ndibꞌen ri ndiqaꞌ chuwech ri Dios y jabꞌel ngixojowan achel xiwetamaj qikꞌin. Nibꞌij chiwa chi achel kꞌiyineq nojel reꞌ pa ikꞌaslen, keriꞌ chuqaꞌ jabꞌel kixtoꞌon rikꞌin re ofrenda reꞌ.

Efesios 1:9

chin xqakꞌoxomaj ri rurayibꞌel, ri ma kin ta qꞌalej rubꞌeyal ojer kan y chupan re tiempo reꞌ xuqꞌalajrisaj chiqawech, porque keriꞌ xubꞌen ruwech xe jampeꞌ pa nabꞌey chi ndubꞌen y ja ri Cristo xukusaj chin xubꞌen.

1 Corintios 4:1

Romariꞌ hermanos, rix iwonojel tiyaꞌ pa cuenta chi roj rusamajelaꞌ ri Cristo, y yoꞌon pa qaqꞌaꞌ chi ndiqaqꞌalajrisaj ri ewan rubꞌeyal roma ri Dios ojer kan.

Hechos 28:31

Y rijaꞌ ndutzijoj chake ri achike rubꞌeyal chin ngeꞌok ri wineq pa ru-reino ri Dios, y ngerutijoj pa ruwiꞌ ri Ajaw Jesús ri taqon pe roma ri Dios chukolik ri rutinamit. Y nixta jun ndiqꞌato richin ri Pablo chi keriꞌ ndubꞌen.

Hechos 19:8

Ri Pablo ma nduxibꞌij ta riꞌ nditzijon pa sinagoga. Oxiꞌ ikꞌ xtzijon kikꞌin ri israelitas kimolon kiꞌ chiriꞌ, y kin xutij ruqꞌij chin xkitaqij ri ndubꞌij pa ruwiꞌ ri ru-reino ri Dios.

Hechos 13:46

Pero ri Pablo y ri Bernabé ma xkixibꞌij ta kiꞌ chikiwech ri israelitas riꞌ, xa xkibꞌij chake: Xkꞌatzin chi nabꞌey xqatzijoj ri rutzij ri Dios chiwa, pero rix xa ma jun reqalen ndibꞌen chare re tzij reꞌ, y rikꞌin riꞌ ndikꞌut iwiꞌ chi ma rix rukꞌulun ta chi ndiyoꞌox ri kꞌaslen ma ndikꞌis ta chiwa. Romariꞌ, wokami roj ngojbꞌa chutzijoxik re utzulej teq tzij chin kolotajik chake ri ma israelitas ta.

Filemón 1:22

Tabꞌanaꞌ apu chuqaꞌ rukꞌojlen jun apeꞌ ngikꞌojeꞌ, porque yin kuqul nukꞌuꞌx chi roma ri oración ri ndibꞌen rix woma, ri Dios kin xtubꞌen chi ngixbꞌentzꞌetaꞌ.

Colosenses 2:2

Niwojoꞌ chi ndikꞌojeꞌ ruchuqꞌaꞌ iwánima, y chi xe jun ndibꞌen rix iwonojel roma ndiwojoꞌ iwiꞌ. Niwojoꞌ chi ngixkꞌoxoman utz-utz chin keriꞌ ndiwetamaj ri ma kin ta qꞌalej rubꞌeyal ojer kan, y wokami xqꞌalajrisex roma ri Dios pa ruwiꞌ ri achike ri Cristo.

2 Corintios 3:12

Y roma kuqul qakꞌuꞌx chi ri kꞌakꞌakꞌ pacto riꞌ jumul kꞌo ruqꞌij, roj ma ndiqaxibꞌij ta qiꞌ ndiqayaꞌ rutzijol.

1 Corintios 1:5

Y roma rijaꞌ ri achoq ikꞌin xe jun ibꞌanun, xixbꞌeyomer rikꞌin nojel ruwech etamabꞌel pataneq rikꞌin rijaꞌ, y rikꞌin chuqaꞌ ri jabꞌel rubꞌixik ndibꞌen ri etamabꞌel riꞌ.

Hechos 14:3

Romariꞌ ri Pablo y ri Bernabé xekꞌojeꞌ kꞌiy qꞌij chiriꞌ, y ma ndikixibꞌij ta kiꞌ ndikitzijoj ri favor ri nduyaꞌ ri Ajaw. Y ri Ajaw ndubꞌen chikiqꞌaꞌ chi ngebꞌanatej nimalej teq retal ruchuqꞌaꞌ y nimalej teq achike ri nixta jumbꞌey etzꞌeton, ri ngeqꞌalajrisan chi kin qetzij wi ri ndikitzijoj.

Hechos 9:27

Pero ri Bernabé chin xutoꞌ ri Saulo, xukꞌuaj chikiwech ri apóstoles, xutzijoj chake chi ri Saulo xutzꞌet ri Ajaw pa bꞌey, xutzijoj chuqaꞌ chake chi ri Ajaw xchꞌaꞌa chare ri Saulo, y chi ri Saulo ma xuxibꞌij ta riꞌ xuyaꞌ rutzijol ri Jesús chake ri wineq pa tinamit Damasco.

1 Timoteo 3:16

Y kin qetzij chi santienta reqalen ri qataqin, ri ewan pe rubꞌeyal ojer kan, pero wokami qꞌalajrisan chiqawech roma ri Dios pa ruwiꞌ ri Cristo. Y jareꞌ ri rukꞌuꞌx: Ri Cristo xqꞌalajrisex chiqawech rikꞌin jun cuerpo achel qa-cuerpo roj wineq. Xqꞌalajrisex chiqawech roma ri Espíritu Santo chi kin chojmilej ri rukꞌaslen. Xtzꞌetetej koma ángeles. Xyoꞌox utzulej rutzijol chake ri ma israelitas ta, Xtaqix koma wineq chochꞌulew, Xukꞌuꞌex e y xkꞌan ruwech chikaj rikꞌin nimalej ruqꞌij.

2 Corintios 7:4

Nojel ri ndunaꞌ ri wánima chiwij, ma niwewaj ta chiwech, nojel nibꞌij chiwa, y nim ninaꞌ chare iwoma rix. Chupan nojel ri kꞌayew niqꞌasaj, ri Dios nduyaꞌ ruchuqꞌaꞌ wánima y santienta ngikikot.

2 Corintios 1:11

Y keriꞌ ndibꞌanatej si rix ngojitoꞌ pa oración. Si ekꞌiy ngebꞌanun orar qoma, ekꞌiy chuqaꞌ ngematioxin roma ri favor nduyaꞌ ri Dios pa qawiꞌ.

1 Corintios 2:7

Ri nojibꞌel ri ndiqatzijoj roj, ja ri nimalej nojibꞌel pataneq rikꞌin ri Dios, ri ewan rubꞌeyal jumbꞌey kan. Ri nimalej nojibꞌel riꞌ, ri Dios rubꞌanun wi pe ruwech xe atoq kꞌajani titzꞌukutej pe ri rochꞌulew chin nduqꞌalajrisaj chiqawech roj qonojel ri qataqin rijaꞌ, chin ndikꞌojeꞌ qaqꞌij rikꞌin.

Romanos 15:30

Hermanos, pa rubꞌiꞌ ri Qajaw Jesucristo y roma ri ajowabꞌel ruyoꞌon ri Espíritu Santo pa qánima, nikꞌutuj kamelal chiwa chi kinitoꞌ rikꞌin ndibꞌen orar chare ri Dios woma.

Hechos 18:26

Y ma nduxibꞌij ta riꞌ ndutzijoj ri rutzij ri Ajaw chikiwech ri kimolon kiꞌ pa sinagoga. Pero atoq ri Priscila y ri Aquila xkakꞌaxaj ri ndutzijoj, xechꞌaꞌa chare atoq kiyon ekꞌo, y xkitijoj más rikꞌin ri qitz méra bꞌey ri ndukꞌuan rikꞌin ri Dios.

Hechos 4:13

Atoq ri bꞌotzaj achiꞌaꞌ israelitas kꞌo uchuqꞌaꞌ pa kiqꞌaꞌ xkitzꞌet chi ri Pedro y ri Juan ma ndikixibꞌij ta kiꞌ ngechꞌaꞌa, y xkiyaꞌ cuenta chare chi xa erelik teq achiꞌaꞌ y xa maneq kꞌiy estudio kiqꞌasan, xsach kikꞌuꞌx chikij y xkiyaꞌ cuenta chare chi ri ekaꞌiꞌ riꞌ eꞌoqey richin ri Jesús.

Hechos 2:4

Konojel xnoj kánima rikꞌin ri Espíritu Santo, y xkitzꞌuk ngechꞌaꞌa pa jalajaj teq chꞌabꞌel ri ma kitijon ta kiꞌ rikꞌin, chꞌabꞌel ri xuyaꞌ ri Espíritu Santo chake.

Hechos 9:29

Nditzijon chake ri israelitas ri ngechꞌaꞌa pa chꞌabꞌel griego, y nduchuquchaꞌ riꞌ chi tzij kikꞌin, pero ri israelitas riꞌ xa ndikikanolaꞌ rukamik.

Romanos 16:25

Tiqayaꞌ ruqꞌij ri Dios, ri nditiker ndubꞌen chiwa chi más ndikꞌojeꞌ ruchuqꞌaꞌ iwánima rikꞌin, achel ndubꞌij ri utzulej teq tzij chin kolotajik ri niyaꞌ rutzijol, ri ndichꞌaꞌa pa ruwiꞌ ri Jesucristo. Ja utzulej tzij riꞌ ri runabꞌan pe ri Dios chin ndukusaj chin ngerukal ri jalajaj kiwech wineq chochꞌulew, y xe jampeꞌ pa nabꞌey ewan pe rubꞌeyal,

2 Corintios 6:11

Hermanos aj Corinto, roj nixta jun achike qewan ta chiwech, ri man ta qabꞌiꞌin chiwa, xa kin qajaqon ri qánima chiwech.

Efesios 3:9

Xyoꞌox chuqaꞌ qꞌij chuwa chi nitzijoj chake konojel ri rubꞌeyal ri favor ri rubꞌanun pe ruwech chi nduyaꞌ ri Dios, favor ri xe ojer kan tiempo ewan rubꞌeyal y wokami xqꞌalajrisex roma rijaꞌ ri bꞌanayon nojel.