Efesios 6:18 - Kaqchikel Santo Domingo (Xenacoj)

¹⁸ Rix tikꞌutuj kamelal chare ri Dios y jutaqil tibꞌanaꞌ orar pa ruwiꞌ nojel ri ndiqꞌasaj pa ikꞌaslen, y tiyaꞌ qꞌij chare ri Espíritu Santo chi ndukꞌuaj ibꞌey pa oración. Y chin ndibꞌen keriꞌ, ndikꞌatzin chi rix kꞌes pa ruwiꞌ ri oración y man ta ndikꞌo ikꞌuꞌx chukꞌutuxik ri utz pa kiwiꞌ konojel ri loqꞌolej ralkꞌuaꞌl ri Dios.

နောက်ထပ်ဗားရှင်းများ

Kaqchikel Santa Maria de Jesus

¹⁸ Y siempre tibꞌanaꞌ orar. Y antok ixreꞌ ntiꞌan orar, tiyaꞌ lugar cha ri Espíritu Santo chi nuyaꞌ riqꞌuin ivánima ri chica nicꞌatzin ntiꞌej chupan ri oración y ri chica nticꞌutuj cha ri Dios. Man timalij ri oración, xa can titijaꞌ ikꞌij chi siempre ntiꞌan orar. Y riqꞌuin nojiel ivánima ticꞌutuj cha ri Dios pa qui-cuenta quinojiel ri santos hermanos.

Kaqchiquel Bible

¹⁸ Y kan beneq k'a ruwech kixch'on rik'in ri Dios richin yixruto' y tiya' q'ij chire ri Loq'olej Espíritu chi yixruyuqej rik'in ri nik'utuj chire ri Dios. Kan jantape' tichajij-iwi' chikiwech ri e etzelanel iwichin, y man tiya' q'ij chi yixkich'ek. Chuqa' kan jantape' tik'utuj rutzil ri Dios pa kiwi' konojel qach'alal.

Kaqchikel Central Guatemala

¹⁸ Y can tibana' c'a orar, benek-ruvech. Y tok rix niben orar, tiya' k'ij chire ri Lok'olej Espíritu chi nuya' pa tak ivánima achique ri nimatioxij y nic'utuj chire ri Dios. Tic'utuj c'a chire ri Dios ronojel ri nic'atzin; y can ronojel c'a ruvech oración tibana'. Man timalij ri oración, xa can titija' ik'ij niben orar jantape'. Y riq'uin c'a ronojel ivánima tic'utuj rutzil ri Dios pa quivi' conojel ri lok'olej tak kach'alal.

Re C'ac'a Testamento pa Kach'abal

¹⁸ Y can takabana' orar nojel tiempo. Y tak yoj nakaban orar, takaya' k'ij cha re Espíritu Santo che nuya' pa tak kánma andex re nakatioxij y nakac'utuj cha re Dios. Takac'utuj cha re Dios ronojel re ndoc chaka, y can ronojel rach oración takabana'. Man takamalij re oración, xa can takatija' kak'ij chin nakaban orar nojel tiempo. Y can riq'uin ronojel kánma takac'utuj cha re Dios pa quive' conojel re je rajc'ual chic re Dios.

Kaqchikel Western Solola

¹⁸ Y ma quixtane' ta chi niben orar, can riq'ui ronojel iwánima tic'utuj rutzil ri Dios, y tek niben orar can ya ta ri Lok'olaj Espíritu nito'o iwuche (iwixin). Y man c'a timalij ta ri oración, xa can ronojel k'ij tic'utuj rutzil ri Dios pa quiwi' quinojel ri lok'olaj tak kach'alal.

Efesios 6:18 ပူးပေါင်းရင်းမြစ်များ

1 Tesalonicenses 5:17

Jumul tibꞌanaꞌ orar.

Colosenses 4:2

Tixikꞌaꞌ iwiꞌ chin ndibꞌen orar, kꞌes-kꞌes iwech tibꞌanaꞌ orar y kixmatioxin chare ri Dios.

Filipenses 4:6

Man ta jun roma ndichꞌujrisaj iwiꞌ, xa kin tiyaꞌ nojel pa ruqꞌaꞌ ri Dios pa oración, tikꞌutuj chare ri achike ndikꞌatzin chiwa, y kixmatioxin chuqaꞌ chare.

1 Timoteo 2:1

Ngatinpixabꞌaj chi pa ruwiꞌ nojel, takꞌutuꞌ chikiwech ri hermanos chi ndikꞌatzin ndikibꞌen orar koma konojel wineq, chi tikꞌutux chare ri Dios pa ruwiꞌ ri ndikꞌatzin chake, chi tikꞌutux ri ru-favor ri Dios pa kiwiꞌ y timatioxix nojel chare ri Dios,

Judas 1:20

Pero rix ri tzꞌan ngixinwojoꞌ, tikꞌiytisaj ri ikꞌaslen chupan ri loqꞌolej tijonik itaqin, tijonik ri pataneq rikꞌin ri Dios, y tiyaꞌ qꞌij chi ri Espíritu Santo ndukꞌuan iwichin pa oración.

Marcos 14:38

Ma kixwer qa y tibꞌanaꞌ orar, tikꞌutuj chare ri Dios chi atoq ngixtaqchiꞌix chin ndibꞌen itzel teq achike, rix ma ngixtzaq. Kin qetzij chi ri iwánima ndirajoꞌ ndubꞌen orar, pero ri i-cuerpo xa nduqꞌoraj.

San Lucas 21:36

Roma kꞌa riꞌ, tichajij ri ikꞌaslen, y tikꞌutuj chare ri Dios chi nduyaꞌ uchuqꞌaꞌ chiwa chin ngixqꞌax chupan nojel ri kꞌayew nubꞌiꞌin pe chiwa ri nduqaqa yan pa ruwiꞌ ri rochꞌulew. Tikꞌutuj chuqaꞌ chi ma ngixkꞌix ta ngixbꞌeqaqa chinuwech riyin ri aj chikaj ri xinuꞌalex chiꞌikajal, xchajeꞌ ri Jesús.

San Mateo 26:41

Ma kixwer qa y tibꞌanaꞌ orar, tikꞌutuj chare ri Dios chi atoq ngixtaqchiꞌix chin ndibꞌen itzel teq achike, rix ma ngixtzaq. Kin qetzij chi ri iwánima ndirajoꞌ ndubꞌen orar, pero ri i-cuerpo xa nduqꞌoraj.

Efesios 1:16

Romariꞌ jumul ngimatioxin chare ri Dios iwoma y ngixinkꞌuxlaꞌaj pa teq nu-oración.

Romanos 12:12

Tzꞌan kixkikot chiroyobꞌexik ri favor nduyaꞌ ri Dios. Tikochꞌoꞌ ri kꞌayew ndiqꞌasaj pa ikꞌaslen, y jumul tibꞌanaꞌ orar.

Marcos 13:33

Rix tichajij iwiꞌ y ma kixwer chiwoyobꞌexik, porque ma iwetaman ta jampeꞌ nduqaqa ri qꞌij riꞌ.

1 Pedro 4:7

Ri rukꞌisibꞌel chin nojel ri ndajin chochꞌulew nduqaqa yan, romariꞌ titzꞌetaꞌ utz-utz ri ndibꞌen pa ikꞌaslen, y titijaꞌ iqꞌij chi jumul ndibꞌen orar.

Hechos 1:14

Konojel rejeꞌ xe jun kánima kibꞌanun ngetajin rikꞌin oración junan kikꞌin ri ixoqiꞌ ri xeꞌoqan richin ri Jesús, kikꞌin chuqaꞌ ri eruchaqꞌ ri Jesús, y ri María ri ruteꞌ.

San Lucas 22:46

Y xubꞌij chake: ¿Achike roma xitzꞌen qa waran? Kixyakatej, tibꞌanaꞌ orar, y tikꞌutuj chare ri Dios chi atoq ngixtaqchiꞌix chin ndibꞌen itzel teq achike, rix ma ngixtzaq.

Hebreos 5:7

Atoq ri Cristo xkꞌojeꞌ chochꞌulew, rikꞌin oqꞌej y kaw ruchꞌabꞌel xubꞌen orar, xukꞌutuj kamelal chare ri Dios ri kꞌo ruchuqꞌaꞌ chin ndukal pa ruqꞌaꞌ ri kamik; y roma rijaꞌ kin xniman, xakꞌaxex roma ri Dios.

2 Timoteo 1:3

Riyin jumul ngatinkꞌuxlaꞌaj pa nu-oración. Chi chaqꞌaꞌ chi paqꞌij nimatioxij chare ri Dios, ri Dios ri niyaꞌ ruqꞌij rikꞌin chꞌajchꞌaj wánima achel kibꞌanun pe ri watit-numamaꞌ.

Filipenses 1:4

Y jumul atoq nibꞌen orar iwoma rix iwonojel, ngikikot nibꞌen orar.

Efesios 6:19

Tikꞌutuj chuqaꞌ chare ri Dios woma riyin, chi nduyaꞌ tzij pa nuchiꞌ chin niqꞌalajrisaj chikiwech ri wineq ri utzulej teq tzij chin kolotajik ri ma kin ta qꞌalej rubꞌeyal rubꞌanun kan, y man ta nixibꞌij wiꞌ chubꞌixik.

Hechos 12:5

Y keriꞌ ri Pedro chajin utz-utz pa cheꞌ, pero jukꞌan chik apeꞌ kimolon kiꞌ ri hermanos pa rubꞌiꞌ ri Ajaw, ndikibꞌen orar chare ri Dios roma rijaꞌ.

Filemón 1:5

porque yin wakꞌaxan chi rat kin kuqul akꞌuꞌx rikꞌin ri Ajaw Jesús y kin ndawojoꞌ, y keriꞌ chuqaꞌ ngaꞌawojoꞌ konojel ri loqꞌolej teq ralkꞌuaꞌl ri Dios.

Hechos 10:2

Ri Cornelio jun achi yoꞌol ruqꞌij ri Dios, ri kin ndubꞌen wi ri ndirajoꞌ ri Dios junan kikꞌin ri ekꞌo pa rachoch. Rijaꞌ tzꞌan kitoꞌik nduyaꞌ ri maneq ok kichajin, y jumul ndubꞌen orar chare ri Dios.

Hechos 6:4

Y keriꞌ roj ndiqajech qiꞌ pa oración, y chutzijoxik ri utzulej rutzij ri Dios, xechajeꞌ.

Efesios 3:18

chin ndikꞌoxomaj junan kikꞌin konojel ri loqꞌolej ralkꞌuaꞌl, ri janipeꞌ ruwech, janipeꞌ raqen, janipeꞌ rujotolen y janipeꞌ qa rupan ri rajowabꞌel rijaꞌ.

Efesios 3:8

Y riyin maske maneq ok weqalen ke chuwech ri más maneq ok ruqꞌij chikikajal ri loqꞌolej rutinamit rijaꞌ, chuwa riyin yoꞌon ri favor chi nitzijoj chake ri ma israelitas ta ri utzulej teq tzij chin kolotajik ri kin jun bꞌeyomal rukꞌamon pe ri Cristo, jun bꞌeyomal ri ma ngojtiker ta ndiqakꞌoxomaj janipeꞌ reqalen.

Romanos 8:15

Porque rix ma xyoꞌox ta pa iwánima jun espíritu ri ngixruxim chik chuxeꞌ ruchuqꞌaꞌ ri mak, chin ta ndixibꞌij chik iwiꞌ chi ri Dios nduyaꞌ castigo chiwa. Pa rukꞌexel riꞌ, rix kin ja ri Espíritu Santo yoꞌon pa iwánima, y roma ri xubꞌen pa ikꞌaslen, ri Dios xuyaꞌ rubꞌiꞌ chiwij chin xixok ralkꞌuaꞌl. Y ja Espíritu riꞌ ndibꞌanun chaqe chi ndiqabꞌij ¡Nataꞌ! chare ri Tataꞌaj Dios.

Efesios 2:22

Y keriꞌ chuqaꞌ rix roma itaqin ri Jesucristo, ngixkꞌiy pa ikꞌaslen chiraqen ri Dios chin ngixok rachoch, roma ri Espíritu Santo ri kꞌo pa iwánima.

San Lucas 3:37

Ri Lamec rukꞌajol kan ri Matusalén, ri Matusalén rukꞌajol kan ri Henoc, ri Henoc rukꞌajol kan ri Jéred, ri Jéred rukꞌajol kan ri Mahalaleel, ri Mahalaleel rukꞌajol kan jun chik achi xubꞌiniꞌaj Cainán.

Colosenses 1:4

Porque qakꞌaxan chi kuqul ikꞌuꞌx rikꞌin ri Cristo Jesús, y chi ngeꞌiwojoꞌ konojel ri loqꞌolej ralkꞌuaꞌl ri Dios,

Gálatas 4:6

Y wokami ke roj ralkꞌuaꞌl chik ri Dios, rijaꞌ xuteq pe ri Espíritu chin ri Rukꞌajol pa qánima. Y ri Espíritu riꞌ ndubꞌij ¡Nataꞌ! chare ri Dios.

San Lucas 3:26

Ri Nagai rukꞌajol kan ri Máhat, ri Máhat rukꞌajol kan jun chik achi xubꞌiniꞌaj Matatías, ri Matatías riꞌ, rukꞌajol kan ri Semeí, ri Semeí rukꞌajol kan ri Josec, ri Josec riꞌ, rukꞌajol kan ri Joiadá.

Colosenses 1:3

Atoq ndiqabꞌen orar iwoma rix, jumul ngojmatioxin chare ri Dios ri Rutataꞌ ri Qajaw Jesucristo.

San Mateo 17:21

Ri juley itzel espíritu riꞌ, xaxe rikꞌin oración y ayuno ndel e.