Efesios 4:24 - Kaqchikel Santo Domingo (Xenacoj)

²⁴ Y xixtijox chi ndikꞌatzin ndiweq iwiꞌ rikꞌin ri kꞌakꞌakꞌ kꞌaslen nduyaꞌ ri Dios, kꞌaslen ri kin loqꞌolej y chojmilej achel ri rukꞌaslen rijaꞌ, porque ukꞌuan roma ri qetzij.

နောက်ထပ်ဗားရှင်းများ

Kaqchikel Santa Maria de Jesus

²⁴ Tivucꞌuaj ri cꞌacꞌacꞌ cꞌaslien ri ruyoꞌn ri Dios chiva, ri incheꞌl rucꞌaslien jajaꞌ; jun cꞌaslien ri ketzij chi choj y sak.

Kaqchiquel Bible

²⁴ Tik'uaj k'a ri k'ak'a' k'aslen ri ruya'on ri Dios chiwe; jun k'aslen achi'el richin ri Dios, ri kan qitzij wi chi choj y ch'ajch'oj.

Kaqchikel Central Guatemala

²⁴ Tic'uaj c'a ri c'ac'a' c'aslen ri ruyo'on ri Dios chive; jun c'aslen achi'el richin ri Dios, ri can kitzij vi chi choj y ch'ajch'oj.

Re C'ac'a Testamento pa Kach'abal

²⁴ Tic'uaj re c'ac'a c'aslen re ruyi'on re Dios chiva, jun c'aslen re ancha'l chin re Dios, re can katzij-va che choj y ch'ajch'oj.

Kaqchikel Western Solola

²⁴ Tic'uaj c'a ri c'ac'ac' c'aslen ri ruya'on ri Dios chiwe; can achi'el tek niwik iwi' riq'ui c'ac'ac' tak tziek; jun c'aslen ri can achi'el c'aslen riche (rixin) ri Dios, ri can kitzij chi choj y ch'ajch'oj.

Efesios 4:24 ပူးပေါင်းရင်းမြစ်များ

San Lucas 1:75

Rikꞌin jun loqꞌolej y chojmilej kꞌaslen chuwech rijaꞌ. Keriꞌ ndiqabꞌen ri janipeꞌ junaꞌ xqojkꞌojeꞌ chochꞌulew.

San Juan 17:17

Tabꞌanaꞌ chake ri eꞌayoꞌon chuwa chi ndikijech más kiꞌ chunimaxik ri atzij, porque ri atzij rat, jariꞌ ri qetzij.

Romanos 12:2

Ma tibꞌen rix achel ndikibꞌen ri wineq bꞌaneq kánima chirij ri ndusuj ri rochꞌulew, xa kin tiyaꞌ qꞌij chare ri Dios chi tuyaꞌ jun kꞌakꞌakꞌ nojibꞌel chiwa chin ndijalatej ri ikꞌaslen, y keriꞌ ndiwetamaj ri rurayibꞌel ri Dios, rayibꞌel ri kin utz, kin tzꞌaqet y kin ndiqaꞌ chuwech chi ndibꞌan.

Romanos 13:12

Ri qꞌequꞌ ndeqꞌax yan, y ja ndiseqresan pe. Romariꞌ tiqayaꞌ kan nojel ri itzel teq achike ngeqabꞌanalaꞌ ri kin chin wi ri qꞌequꞌ, y tiqaweqaꞌ qiꞌ rikꞌin ri luz ri kin achel jun tobꞌel nduyaꞌ ri Dios chaqe.

Romanos 13:14

Xa kin tiyaꞌ qꞌij chare ri Ajaw Jesucristo chi ndisamej pa ikꞌaslen chin keriꞌ ri inoꞌoj ndubꞌen qa achel runoꞌoj rijaꞌ. Ma tibꞌen ruwech chi ndibꞌen ri itzel teq rayinik chin ri i-cuerpo.

Romanos 6:4

Romariꞌ, roj achel xojmuq yan junan rikꞌin ri Cristo chin xojken chuwech ri mak atoq xojbꞌan bautizar. Y achel ri Cristo xkꞌastajbꞌex pe chikikajal ri animaꞌiꞌ rikꞌin ruchuqꞌaꞌ ri Tataꞌaj Dios ri kin nimalej wi ruqꞌij, keriꞌ chuqaꞌ roj achel xojkꞌastajbꞌex yan pe keriꞌ, chin ndiqakꞌuaj jun kꞌakꞌakꞌ kꞌaslen.

Romanos 7:6

Pero wokami xojelesex yan pe chuxeꞌ ruchuqꞌaꞌ ri ley ri tzꞌamayon qichin rubꞌanun kan, y xojken yan chuwech, y keriꞌ xbꞌanatej chin ndiqabꞌen rusamaj ri Dios rikꞌin ri kꞌakꞌakꞌ kꞌaslen nduyaꞌ ri Dios chaqe roma ri Espíritu Santo, y ma rikꞌin chi ta ri ndiqanimaj nojel ri ndubꞌij ri ley ri xyoꞌox ojer kan.

Romanos 8:29

Porque rijaꞌ xe jampeꞌ pa nabꞌey kin retaman wi pe kiwech ri eruchaꞌon chin ngeꞌok loqꞌolej achel ri Rukꞌajol, chin keriꞌ ja ri Rukꞌajol ri nimalaꞌtz chikiwech ekꞌiy ruchaqꞌ.

1 Corintios 15:53

Porque ri qa-cuerpo ri xa ndiken y ndiqꞌey, ndikꞌatzin chi ndok jun kꞌakꞌakꞌ cuerpo ri ma ndiken ta y ma ndiqꞌey ta.

2 Corintios 3:18

Y romariꞌ, roj ri qataqin ri Ajaw, maneq chik kꞌul tzꞌapiyon qawech, y ndiqatzꞌet rijaꞌ achel pa jun espejo apeꞌ ndiyikꞌan ruqꞌij, y qꞌij-qꞌij ndijalatej ri qakꞌaslen chin nderubꞌanaꞌ achel rukꞌaslen rijaꞌ, y riꞌ roma ri samaj ndubꞌen ri Ajaw pa qakꞌaslen, y ri Ajaw riꞌ, ja ri Espíritu.

2 Corintios 4:16

Romariꞌ, roj ma ndiqamalij ta qa qakꞌuꞌx. Pa rukꞌexel riꞌ, maske ri qa-cuerpo qꞌij-qꞌij ndijar qa, ri qánima qꞌij-qꞌij más utz rubꞌanun pe.

2 Corintios 5:17

Romariꞌ, ri xe jun rubꞌanun rikꞌin ri Ajaw Jesucristo, jun kꞌakꞌakꞌ wineq bꞌanun chare roma ri Dios. Ri ojer rukꞌaslen xkanej kan, y wokami kin kꞌakꞌakꞌ yan chik ri rukꞌaslen.

Gálatas 3:27

Porque roj qonojel ri qabꞌanun bautizar qiꞌ pa rubꞌiꞌ ri Cristo, xe jun qabꞌanun rikꞌin. Y kin ndiqꞌalajin ri Cristo pa qakꞌaslen, achel qaweqon ta qiꞌ rikꞌin ri rukꞌaslen rijaꞌ.

Gálatas 6:15

Ma jun ndubꞌen si qabꞌanun circuncidar qiꞌ o naq, ri ndikꞌatzin y kin kꞌo wi reqalen, ja ri kꞌakꞌakꞌ kꞌaslen yoꞌon chaqe.

Efesios 2:10

Porque ja ri Dios bꞌanayon kꞌakꞌakꞌ chare ri qakꞌaslen roj ri xe jun qabꞌanun rikꞌin ri Cristo Jesús, chin keriꞌ ndiqabꞌanalaꞌ ri utz ri runabꞌan pe ri Dios chin ndiqabꞌen.

Efesios 2:15

Xubꞌen chuqaꞌ chi maneq chik kuchuqꞌaꞌ pa qawiꞌ roj israelitas ri mandamientos y ri jalajaj teq achike ndubꞌij chupan ri ley ri xyoꞌox chare ri Moisés chi tiqabꞌanaꞌ. Xubꞌen jun kꞌakꞌakꞌ tinamit chaqe roj chi israelitas y ma israelitas ta ri xe jun qabꞌanun rikꞌin, y xuyaꞌ uxlanen chiqakajal.

Efesios 6:11

Tikusaj nojel ri ruyoꞌon ri Dios chiwa chin nditoꞌ iwiꞌ chuwech ri itzel, chin kaw ngixpeꞌeꞌ y ma ngixtzaq chupan ri chꞌakatinik ri xtuyaꞌ ri itzel pa ibꞌey.

Tito 2:14

Rijaꞌ kin xujech riꞌ pa kamik qoma chin xojrelesaj pa ruqꞌaꞌ nojel ruwech mak ri tzꞌamayon qichin. Xuchꞌajchꞌojrisaj chuqaꞌ ri qakꞌaslen chin keriꞌ xojok jun tinamit ri kin richin wi rijaꞌ, jun tinamit ri ndibꞌa qánima chubꞌanik ri utz.

Hebreos 1:8

Pero pa ruwiꞌ ri Rukꞌajol, ri Dios kereꞌ xubꞌij: Rat Dios, kin richin wi jumul ndabꞌen reinar, Y kin pa ruchojmil ndabꞌen reinar.

Hebreos 12:14

Titijaꞌ iqꞌij chi ndikꞌojeꞌ uxlanen chiwech kikꞌin konojel wineq, y titijaꞌ iqꞌij chi ndikꞌuaj jun chꞌajchꞌaj kꞌaslen, porque nixta jun nderutzꞌetaꞌ ruwech ri Ajaw, si ma chꞌajchꞌaj ta rukꞌaslen.

1 Pedro 2:2

Achel ri chꞌuteq akꞌolaꞌ ri kꞌa tzꞌun kipan tzꞌan ndikirayij ngetzꞌuman, keriꞌ tibꞌanaꞌ rix. Kin tirayij tikanoj rukꞌiyilen ri ikꞌaslen rikꞌin ri qetzij rutzij ri Dios, chin ngixkꞌiy pa ikꞌaslen, hasta kꞌa kixkolotej na e chin jumul,

2 Pedro 1:4

Nojel riꞌ ruyoꞌon ri Dios chaqe, retal chi ruyoꞌon ri rusujun kan ri kin jabꞌel wi y nimalej reqalen. Y ruyoꞌon nojel riꞌ chaqe, chin keriꞌ rix ri xixanimej yan pe pa ruqꞌaꞌ ri itzel teq rayinik ri ekꞌo chochꞌulew, ndubꞌen qa ri ikꞌaslen achel rukꞌaslen rijaꞌ.