Efesios 4:11 - Kaqchikel Santo Domingo (Xenacoj)

¹¹ Y ja rijaꞌ xyoꞌon loqꞌolej teq sipanik chake ri rutinamit. Chake jujun xuyaꞌ chi xeꞌok apóstoles, chake jujun chik xuyaꞌ chi ndikiqꞌalajrisaj ri ndubꞌij pe ri Dios pa kánima, chake jujun chik xuyaꞌ chi ndikitzijoj ri utzulej teq tzij chin kolotajik, y chake chꞌaqa chik xuyaꞌ chi xeꞌok ukꞌuey kibꞌey y chuqaꞌ kitijonelaꞌ ri hermanos.

နောက်ထပ်ဗားရှင်းများ

Kaqchikel Santa Maria de Jesus

¹¹ Y jajaꞌ xyoꞌn ri samaj chica ri quiniman jajaꞌ; xuꞌon chica nicꞌaj chi xaꞌuoc apóstoles, icꞌo chi xaꞌuoc profetas, icꞌo chi xaꞌuoc evangelistas y icꞌo chi xaꞌuoc pastores y maestros.

Kaqchiquel Bible

¹¹ Rija' xuya' k'a sipanik chiqe; chike ch'aqa' xuben chi xe'ok e taqon roma rija'; ek'o ri e q'alajirisey ruch'abel; ek'o ri yetzijon ri utzilej ch'abel richin kolotajik; y ek'o ri e tijonela' kichin ri qach'alal y yekichajij.

Kaqchikel Central Guatemala

¹¹ Rija' xuya' c'a ri utzil chique ri vinek ri e nimayon; chique ch'aka' xuben chi xe'oc apóstoles, ec'o ri xek'alajirisan ri xbix chique roma ri Dios, ec'o ri xetzijon ri utzilej ch'abel richin colotajic chique ri man jani quiniman ta, ec'o ri xe'uc'uan quichin ri kach'alal y xequitijoj chuka' ri kach'alal.

Re C'ac'a Testamento pa Kach'abal

¹¹ Yoj re kaniman chic reja' can q'uiy rach samaj xuya' chaka che yojtiquir nakaban. Y c'o ja'jun chaka yoj xuban chique che xe'oc apóstoles, jec'o re xe'bin re xbex chique roma re Dios, jec'o re xe'tzijon re utzulaj ch'abal chin re Dios chique re vinak man quiniman-ta, jec'o xe'oc pastores quichin re hermanos y chuka' xe'quitijoj.

Kaqchikel Western Solola

¹¹ Can ya wi c'a Riya' ri xya'o ri samaj chique ri winek ri ye nimayon riche (rixin); xuben chique nic'aj chi xe'oc apóstoles; y xuya' chique nic'aj chi xe'oc profetas, y queri' chuka' yec'o nic'aj ri xyatej chique chi yebe chi nej chi nakaj chutzijoxic ri lok'olaj ch'abel ri niya'o colotajic, yec'o ri yeyuk'un quiche (quixin) ri kach'alal y niquic'ut ri ruch'abel ri Dios.

Efesios 4:11 ပူးပေါင်းရင်းမြစ်များ

San Mateo 28:20

Keꞌitijoj chin ndikinimaj nojel ri nu-mandamientos, y kin qetzij nibꞌij chiwa, chi riyin qꞌij-qꞌij yinkꞌo iwikꞌin, hasta pa rukꞌisibꞌel qꞌij chin re tiempo rojkꞌo.

Hechos 13:1

Chikikajal ri ndikimal kiꞌ pa rubꞌiꞌ ri Ajaw pa tinamit Antioquía, ekꞌo ngeqꞌalajrisan ri ndubꞌij pe ri Dios pa kánima y ekꞌo chuqaꞌ tijonelaꞌ chin ri rutzij ri Dios, y jareꞌ ri kibꞌiꞌ: Ri Bernabé, ri Simón ri ndibꞌix Negro chare, ri Lucio aj Cirene, ri Saulo, y ri Menahem, ri junan xekꞌiy rikꞌin ri Herodes ri xubꞌen reinar pa rochꞌulew Galilea.

Hechos 20:28

Tichajij utz-utz ri ikꞌaslen, y keꞌichajij chuqaꞌ ri eralkꞌuaꞌl ri Dios, porque rejeꞌ eꞌachel jun bꞌotzaj karneꞌl ri xerulaqꞌ ri Ajaw rikꞌin ri rukikꞌel, y ri Espíritu Santo rix ruyoꞌon pa kiwiꞌ chin ngeꞌiyuqꞌuj utz-utz.

Hechos 21:8

Chukan qꞌij xojel pe chiriꞌ y xojbꞌeqaqa pa tinamit Cesarea, y xojok chirachoch ri Felipe y chiriꞌ xojkꞌojeꞌ. Rijaꞌ jun tzijoy ri utzulej teq tzij chin kolotajik y jun chikikajal ri wuquꞌ xechaꞌox koma ri apóstoles chujachik ri kitoꞌik ri hermanos pa tinamit Jerusalén.

Romanos 12:7

Si ri loqꞌolej sipanik yoꞌon chare jun, ja ri ngerubꞌen servir ri eralkꞌuaꞌl ri Dios, kin jariꞌ ri tubꞌanaꞌ. Si ri loqꞌolej sipanik yoꞌon chare chik jun, ja ri ngerutijoj ri hermanos rikꞌin ri rutzij ri Dios, kin kerutijoj kꞌa.

1 Corintios 12:4

Ekꞌo jalajaj loqꞌolej teq sipanik yoꞌon chaqe chin ndiqabꞌen rusamaj ri Dios, pero ri Espíritu Santo ri ndiyoꞌon chaqe, xa kin xe wi jun.

Efesios 2:20

Y rix kin rix achel jun jay pabꞌan pariꞌ jun jabꞌel ruxeꞌ, y ri ruxeꞌ ri jay riꞌ, ja ri tijonik kiyoꞌon kan ri apóstoles y ri profetas. Y ja ri Cristo Jesús okuneq ruchuqꞌaꞌ ruxeꞌ ri jay riꞌ, kin achel jun abꞌej ri nduyaꞌ ruchuqꞌaꞌ ruxeꞌ jun jay.

Efesios 3:5

Reꞌ ma xqꞌalajrisex ta chikiwech ri tzaq teq wineq ri xekꞌojeꞌ chochꞌulew ojer. Pero wokami ri Espíritu Santo ruqꞌalajrisan chikiwech ri loqꞌolej teq apóstoles y profetas.

Efesios 4:8

Romariꞌ, chupan ri rutzij ri Dios tzꞌibꞌan kan, kereꞌ ndubꞌij: Xeruyaꞌ chuxeꞌ rutzij ri xerelesaj chuxeꞌ rutzij ri itzel, y xerukꞌuaj atoq xtzolij e chikaj, Y xuyaꞌ loqꞌolej teq sipanik chake ri erutinamit. Keriꞌ tzꞌibꞌan kan.

2 Timoteo 4:5

Pero rat pa awuxnaqil tabꞌanaꞌ nojel. Takochꞌoꞌ ri kꞌayew ngepuꞌun pa akꞌaslen. Tatzijoj ri utzulej teq tzij chin kolotajik chake ri wineq chin ndikitaqij ri Ajaw. Tabꞌanaꞌ nojel ri samaj ri yoꞌon pa aqꞌaꞌ roma ri Dios.

Hebreos 5:12

Y roma kꞌiy chik tiempo itaqin ri Ajaw, kin ta rix tijonelaꞌ chik, pero xa kꞌa ndikꞌatzin ngixtijox chik jumbꞌey rikꞌin tijonik chin ri rutzij ri Dios ri más ma cuesta ta ngekꞌoxomex. Xa kꞌa rix achel chꞌuteq akꞌolaꞌ, ri kꞌa tzꞌun ipan y kꞌajani kixtiker ndikꞌux rikil wey.

Judas 1:17

Pero rix ri tzꞌan ngixinwojoꞌ, tikꞌuxlaꞌaj ri kibꞌiꞌin kan ri eru-apóstoles ri Qajaw Jesucristo.

Apocalipsis 18:20

¡Kixkikot kꞌa rix ri rixkꞌo chikaj Roma ri xbꞌanatej rikꞌin ri tinamit riꞌ! ¡Kixkikot rix loqꞌolej ralkꞌuaꞌl ri Dios, Rix apóstoles, y rix profetas, Porque ri Dios kin xuqꞌet tzij pa ruwiꞌ ri tinamit riꞌ, Y rikꞌin riꞌ xuyaꞌ rukꞌexel chare roma ri xubꞌen chiwa!

Apocalipsis 21:14

Ruxeꞌel ri xan chin ri tinamit kabꞌlajuj abꞌej okuneq, y chikij chikijununal ri abꞌej, tzꞌibꞌan jun bꞌiꞌaj kichin ri kabꞌlajuj ru-apóstoles ri Alaj Karneꞌl.