Efesios 1:20 - Kaqchikel Santo Domingo (Xenacoj)

²⁰ chin xukꞌastajbꞌaꞌ pe ri Cristo chikikajal ri animaꞌiꞌ, y chin chuqaꞌ xubꞌen chare chi xbꞌetzꞌuyeꞌ e chikaj rikꞌin pa rikiqꞌaꞌ.

နောက်ထပ်ဗားရှင်းများ

Kaqchikel Santa Maria de Jesus

²⁰ antok xucꞌasuoj ri Cristo chiquicajol ri quiminakiꞌ y xuꞌon cha chi xbꞌatzꞌuyeꞌ chila chicaj pa ru-derecha jajaꞌ,

Kaqchiquel Bible

²⁰ toq xuk'asoj ri Cristo chikikojol ri kaminaqi', y xuben chire chi xbetz'uye' chila' chikaj pa rijkiq'a' rija'.

Kaqchikel Central Guatemala

²⁰ tok xuc'asoj ri Cristo chiquicojol ri caminaki' y xuben chire chi xbetz'uye' chila' chicaj pa rajquik'a' rija'.

Re C'ac'a Testamento pa Kach'abal

²⁰ tak xuc'asoj re Jesucristo chiquicojol re anama'i' y xuban cha che xbetz'uye' pa rajquik'a' chila' chicaj.

Kaqchikel Western Solola

²⁰ tek xuc'asoj ri Cristo chiquicojol ri caminaki' y xuben chare chi xbetz'uye' chila' chicaj pa rajquik'a' Riya'.

Efesios 1:20 ပူးပေါင်းရင်းမြစ်များ

Hebreos 10:12

Pero ri Cristo, xe jumbꞌey y chin jumul xusuj riꞌ pa kamik chuwech ri Dios chin xrelesaj ri mak, kꞌajariꞌ xbꞌa e chikaj y xbꞌetzꞌuyeꞌ e pa rikiqꞌaꞌ ri Dios.

Marcos 16:19

Y atoq ri Ajaw Jesús xukꞌis rubꞌixik nojel ri xrajoꞌ xubꞌij chake ri discípulos, xukꞌuꞌex e chikaj y xbꞌetzꞌuyeꞌ pa rikiqꞌaꞌ ri Dios.

Hebreos 1:3

Rikꞌin ri Rukꞌajol ndiqꞌalajin ri nimalej ruqꞌij ri Dios, y rikꞌin rijaꞌ nditzꞌetetej achike qitz runoꞌoj ri Dios. Ja ri ruchuqꞌaꞌ ri rutzij ri Rukꞌajol tzꞌamayon kichin nojel ri achike ekꞌo, chin keriꞌ ekꞌo pa kikꞌojlibꞌel y ma ngebꞌojbꞌoꞌ ta. Y atoq ri Rukꞌajol xuqꞌasaj yan ri kamik chin ndichꞌajchꞌojir ri qakꞌaslen roj wineq chuwech ri mak, xbꞌetzꞌuyeꞌ e chikaj pa rikiqꞌaꞌ ri nimalej Rey Dios.

San Mateo 28:18

Ri Jesús xjel apu chikinaqaj y xubꞌij chake: Pa nuqꞌaꞌ riyin xjach nojel uchuqꞌaꞌ pa ruwiꞌ ri kaj y pa ruwiꞌ ri rochꞌulew.

Colosenses 3:1

Rix ri xixkꞌastajbꞌex pe chikikajal ri animaꞌiꞌ junan rikꞌin ri Cristo, tikanoj ri achikejeꞌ chin chikaj ri nduyaꞌ chiwa ri Cristo ri tzꞌuyul pa rikiqꞌaꞌ ri Dios.

Filipenses 3:10

Niwojoꞌ niwetamaj utz-utz runoꞌoj ri Cristo, y niwojoꞌ chuqaꞌ niwetamaj pa nukꞌaslen ri ndubꞌen ri ruchuqꞌaꞌ ri Dios ri xkꞌastajbꞌan pe ri Cristo chikikajal ri animaꞌiꞌ. Niwojoꞌ niqꞌasaj kꞌayew achel ri Cristo xuqꞌasaj kꞌayew, y niwojoꞌ nijech nukꞌaslen pa kamik chubꞌanik ri ndirajoꞌ ri Dios, achel xubꞌen ri Cristo, kin xujech rukꞌaslen pa kamik.

Romanos 8:34

Y nixta jun chuqaꞌ nditiker chiqij chin ta ngojruteq chupan ri castigo nduyaꞌ ri Dios, porque ja ri Cristo Jesús xken qoma chutojik ri qamak, y ma xe ta riꞌ, keriꞌ chuqaꞌ xkꞌastajbꞌex pe chikikajal ri animaꞌiꞌ, y wokami kꞌo e chikaj pa rikiqꞌaꞌ ri Dios, y ndukꞌutuj chi ndikuyutej qamak.

Hechos 5:31

Ri Dios xubꞌen chi pa rikiqꞌaꞌ rijaꞌ xbꞌekꞌojeꞌ ri Jesús rikꞌin nimalej ruqꞌij, y xubꞌen chare chi ndubꞌen mandar pa ruwiꞌ nojel y chi ja rijaꞌ ri Kolonel, chin keriꞌ roj israelitas nditzolij qánima rikꞌin ri Dios y ndikuyutej qamak.

Marcos 14:62

Ri Jesús xubꞌij: ¡Ja riyin! Y rix nginitzꞌet riyin ri aj chikaj ri xinuꞌalex chiꞌikajal chi yin tzꞌuyul pa rikiqꞌaꞌ ri Dios ri kꞌo nojel uchuqꞌaꞌ pa ruqꞌaꞌ, y nginitzꞌet chuqaꞌ chi yin pataneq pa teq nube cho kaj, xchajeꞌ.

San Mateo 26:64

Ri Jesús xubꞌij chare: Ja rat ngabꞌiꞌin keriꞌ, y nibꞌij chiwa chi nginitzꞌet riyin ri aj chikaj ri xinuꞌalex chiꞌikajal chi yin tzꞌuyul pa rikiqꞌaꞌ ri Dios ri kꞌo nojel uchuqꞌaꞌ pa ruqꞌaꞌ, y nginitzꞌet chuqaꞌ chi yin pataneq pa kiwiꞌ teq nube cho kaj.

Apocalipsis 1:17

Y atoq xintzꞌet reꞌ, achel yin kamineq xitzaq qa chiraqen. Pero rijaꞌ xuyaꞌ ri rikiqꞌaꞌ ruqꞌaꞌ pa nuwiꞌ y xubꞌij chuwa: Ma taxibꞌij awiꞌ. Ja riyin ri nabꞌey y ri rukꞌisibꞌel chare nojel,

1 Pedro 1:3

Kin ta xtiyoꞌox ruqꞌij ri Dios, ri ru-Dios y Rutataꞌ ri Qajaw Jesucristo, ke roma ri nimalej rujoyowaxik qawech, xubꞌen chi xojalex chik jumbꞌey, roma ri Jesucristo xkꞌastajbꞌex pe chikikajal ri animaꞌiꞌ. Reꞌ ndubꞌen chaqe chi kuqul qakꞌuꞌx qoyobꞌen ri rusujun kan.

Hebreos 13:20

Ri Dios ri ndiyoꞌon uxlanen pa qánima, ja rijaꞌ ri xkꞌastajbꞌan pe chikikajal ri animaꞌiꞌ ri Nimalej Qayuqꞌunel ri roj rukarneꞌl, y riꞌ ja ri Qajaw Jesús ri xbꞌiyin rukikꞌel chin xkꞌachaj ri pacto ri kin chin jumul.

Hebreos 2:9

Pero ndiqatzꞌet chi ri Jesús xe chin jubꞌaꞌ teq qꞌij xbꞌan chare chi menos jubꞌaꞌ ruqꞌij ke chikiwech ri ángeles, y ndiqatzꞌet chuqaꞌ chi xnimrisex chik ruqꞌij y xnimrisex chik rubꞌiꞌ roma ri kamik xuqꞌasaj. Y roma ri Dios xrajoꞌ xuyaꞌ ru-favor pa qawiꞌ, ri Jesús xken qoma roj qonojel.

Efesios 1:3

Kin ta xtiyoꞌox ruqꞌij ri ru-Dios y Rutataꞌ ri Qajaw Jesucristo, roma ruyoꞌon nojel ruwech favores chin chikaj chaqe roma xe jun qabꞌanun rikꞌin ri Cristo.

Romanos 1:4

Pero ma xe ta xuꞌok riy-rumam ri David, xa kin rikꞌin ruchuqꞌaꞌ ri Espíritu Santo xkꞌastajbꞌex pe chikikajal ri animaꞌiꞌ, y keriꞌ xqꞌalajin chi rijaꞌ Rukꞌajol ri Dios ri kꞌo uchuqꞌaꞌ pa ruqꞌaꞌ. Y riꞌ ja ri Jesucristo ri Qajaw.

Hechos 26:8

Pero rix nuwinaqul ri rixkꞌo pe waweꞌ, ¿achike roma cuesta nditaqij chi ri Dios ngerukꞌastajbꞌaꞌ pe ri animaꞌiꞌ?

Hechos 10:40

Pero atoq ja rox qꞌij tiken e ri Jesús, ri Dios xukꞌastajbꞌaꞌ pe chikikajal ri animaꞌiꞌ y xuyaꞌ qꞌij chare chi xuqꞌalajrisaj riꞌ chochꞌulew.

Hechos 4:10

Tiwetamaj kꞌa rix iwonojel y konojel ri qawinaqul israelitas, chi re achi peꞌel chiwech wokami, xkꞌachojrisex pa rubꞌiꞌ ri Jesús aj Nazaret, ri xtaq pe roma ri Dios chukolik ri rutinamit, ri xikꞌutuj rix chi xbꞌajix cho cruz, pero ri Dios xukꞌastajbꞌaꞌ pe chikikajal ri animaꞌiꞌ.

San Juan 10:30

Riyin y ri Tataꞌaj Dios, xe jun rubꞌanun ri qánima.

San Juan 10:18

Ma jun nditiker ndikamisan wichin, nuyon chinuwech nijech ri nukꞌaslen pa kamik. Kin pa nuqꞌaꞌ yin kꞌo chin niyaꞌ ri nukꞌaslen pa kamik y pa nuqꞌaꞌ chuqaꞌ yin kꞌo chin ndikꞌojeꞌ chik nukꞌaslen. Jareꞌ ri rubꞌiꞌin pe ri Nataꞌ Dios chuwa chi nibꞌen.

Colosenses 1:16

Keriꞌ nibꞌij chiwa, porque nojel ri ebꞌanun roma ri Dios, kin ja ri Cristo xukusaj chin xerubꞌen, achel ri ekꞌo chikaj, ri ekꞌo chochꞌulew, ri ngetzꞌetetej y ri ma ngetzꞌetetej ta. Ja rijaꞌ bꞌanayon kichin ri espíritus ri ndikibꞌen reinar, ri kꞌo uchuqꞌaꞌ pa kiqꞌaꞌ, ri nimalej kiqꞌij chikaj, y ri ukꞌuey kibꞌey ri ángeles. Nojel ebꞌanun roma rijaꞌ y chin ndikiyaꞌ ruqꞌij erubꞌanun.