Colosenses 4:8 - Kaqchikel Santo Domingo (Xenacoj)

⁸ Romariꞌ, xinteq apeꞌ rixkꞌo chin nderuyaꞌ rutzijol ri ax cheꞌel qabꞌanun, y chin chuqaꞌ nderuyaꞌ ruchuqꞌaꞌ ri iwánima.

နောက်ထပ်ဗားရှင်းများ

Kaqchikel Santa Maria de Jesus

⁸ Y jajaꞌ ri nitak-el iviqꞌuin chi nunaꞌiej-pa ri chica ibꞌanun y chi niꞌruyaꞌ ruchukꞌaꞌ ivánima.

Kaqchiquel Bible

⁸ Y ja rija' ri ninteq-el chila' iwik'in richin niwetamaj achike qabanon y richin nukuquba' ik'u'x.

Kaqchikel Central Guatemala

⁸ Y ja rija' ri nintek-el chila' iviq'uin richin nretamaj achique ibanon y richin nucukuba' ic'u'x.

Re C'ac'a Testamento pa Kach'abal

⁸ Y ja reja' re nintak-a chila' iviq'uin chin nutamaj andex ibanon y chin no'rcukuba' ic'o'x.

Kaqchikel Western Solola

⁸ Y ya riya' ri ntek el chila' iwuq'ui riche (rixin) chi nretamaj achique ibanon y riche (rixin) chi nucukuba' ic'u'x.

Colosenses 4:8 ပူးပေါင်းရင်းမြစ်များ

Efesios 6:22

Niteq e chin ndiwetamaj ax cheꞌel qabꞌanun, y chin chuqaꞌ nderuyaꞌ ruchuqꞌaꞌ ri iwánima.

Colosenses 2:2

Niwojoꞌ chi ndikꞌojeꞌ ruchuqꞌaꞌ iwánima, y chi xe jun ndibꞌen rix iwonojel roma ndiwojoꞌ iwiꞌ. Niwojoꞌ chi ngixkꞌoxoman utz-utz chin keriꞌ ndiwetamaj ri ma kin ta qꞌalej rubꞌeyal ojer kan, y wokami xqꞌalajrisex roma ri Dios pa ruwiꞌ ri achike ri Cristo.

2 Tesalonicenses 2:17

kin ta xtuyaꞌ ruchuqꞌaꞌ iwánima rix, y kin ta xtubꞌen chiwa chi jumul ndibꞌen y ndibꞌij nojel ri utz.

1 Tesalonicenses 5:14

Hermanos, ndiqachilabꞌej chiwa chi keꞌipixabꞌaj ri eqꞌoroy chi kesamej. Keꞌibꞌochiꞌij ri poyineq kikꞌuꞌx, tiyaꞌ ruchuqꞌaꞌ kánima ri maneq ok ruchuqꞌaꞌ kánima rikꞌin ri Ajaw, y keꞌikochꞌolaꞌ konojel.

1 Tesalonicenses 5:11

Roma kꞌa riꞌ, tibꞌochilaꞌ iwiꞌ y tiyaꞌ ruchuqꞌaꞌ iwánima chiwech, achel ibꞌanun pe.

1 Tesalonicenses 4:18

Romariꞌ hermanos, tibꞌochilaꞌ iwiꞌ y tiyaꞌ ruchuqꞌaꞌ iwánima chiwech rikꞌin re tzij reꞌ.

1 Tesalonicenses 3:5

Romariꞌ, riyin ma xinkachꞌ chi ta chi xinwojoꞌ xinwetamaj achike ibꞌanun, y romariꞌ xinteq ri Timoteo chiꞌitzꞌetik, roma niwojoꞌ niwetamaj si kꞌa kuqul ikꞌuꞌx rikꞌin ri Cristo. Ma kꞌateꞌ ri itzel xixrutaqchiꞌij chi xiyaꞌ kan ri Cristo, y xa ta xiyaꞌ kan, riꞌ ndubꞌij tzij chi ma jun ta utz xukꞌen pe ri samaj xqabꞌen chiꞌikajal.

1 Tesalonicenses 3:2

y xqateq ri Timoteo chiꞌitzꞌetik. Rijaꞌ jun qa-hermano y rusamajel ri Dios ri ngojrutoꞌ chutzijoxik ri utzulej teq tzij chin kolotajik ri ndichꞌaꞌa pa ruwiꞌ ri Cristo. Roj xqateq chin nderuyaꞌ ruchuqꞌaꞌ ri iwánima y chin chuqaꞌ ngixbꞌerupixabꞌaj chi más ndikuqubꞌaꞌ ikꞌuꞌx rikꞌin ri Cristo.

1 Tesalonicenses 2:11

Iwetaman chuqaꞌ chi xqayaꞌ ruchuqꞌaꞌ ri iwánima y xixqabꞌochiꞌij chiꞌijununal, achel ndubꞌen jun tataꞌatz chake ri eralkꞌuaꞌl. Xixqapixabꞌaj chi tikꞌuaj jun utzulej kꞌaslen, achel rukꞌulun chi ndikꞌuaj chuwech ri Dios ri xoyon iwichin chin ngixok pa ru-reino y ngixkꞌojeꞌ chupan ri nimalej ruqꞌij.

Filipenses 2:28

Romariꞌ, niteq e paqiꞌ chiꞌitzꞌetik, chin ngixkikot atoq xtitzꞌet chik ruwech jumbꞌey, y keriꞌ ngikikot chuqaꞌ riyin y ma ngibꞌison chi ta más iwoma.

2 Corintios 12:18

Chare ri Tito xinkꞌutuj chi xixbꞌerutzꞌetaꞌ y rikꞌin rijaꞌ xinteq ri jun chik hermano. ¿Xbꞌerelesaj kami méra chiꞌiqꞌaꞌ ri Tito? Ma ke ta riꞌ. Porque junan qánima y qanoꞌoj qabꞌanun rikꞌin ri Tito pa rusamaj ri Ajaw.

2 Corintios 2:7

Xa kin tikuyuꞌ rumak y tibꞌochiꞌij ránima, ma kꞌateꞌ tikꞌis ruqꞌij chupan santienta bꞌis.

2 Corintios 1:4

Ja rijaꞌ ri ndibꞌochiꞌin qánima chupan nojel ri kꞌayew ndiqaqꞌasaj, chin keriꞌ rikꞌin ri bꞌochinik ruyoꞌon chaqe ngojtiker ndiqabꞌochiꞌij kánima ri ndikiqꞌasaj xa achike na chi kꞌayew.

1 Corintios 4:17

Romariꞌ xinteq ri Timoteo apeꞌ rixkꞌo. Rijaꞌ kin achel walkꞌuaꞌl, tzꞌan niwojoꞌ y kin ndubꞌen ri ndubꞌij ri Ajaw. Ja rijaꞌ ndekꞌuxlaꞌan chiwa ri achike chi kꞌaslen nukꞌuan roma xe jun nubꞌanun rikꞌin ri Cristo Jesús, achel nikꞌut nojel teq apeꞌ chikiwech ri eralkꞌuaꞌl ri Dios ri ndikimal kiꞌ pa rubꞌiꞌ.