Colosenses 3:5 - Kaqchikel Santo Domingo (Xenacoj)

⁵ Romariꞌ, ma tiyaꞌ qꞌij chare ri i-cuerpo chi ndubꞌanalaꞌ ri itzel teq achike ngekibꞌanalaꞌ ri wineq. Ma ndikꞌamalaꞌ qa iwiꞌ xa achoq na ikꞌin chin ndibꞌen mak, ma tiseqꞌaj ri ikꞌaslen pa mak, ma tiyaꞌ qꞌij chi ngixqaqa pa kiqꞌaꞌ ri itzel teq rayinik, ma tiyaꞌ qꞌij chi ri iwánima ndibꞌa chirij ri ma utz ta, nixta kixjamem chirij méra, porque ri ngajamem xa junan rikꞌin ri ndayaꞌ kiqꞌij tiox.

နောက်ထပ်ဗားရှင်းများ

Kaqchikel Santa Maria de Jesus

⁵ Rumareꞌ, man chic quiꞌan ri itziel tak kax ri ncaꞌirayij, ri xa i-richin ri roch-ulief; xa tiquimisaj ri itziel tak kax ri ncaꞌpa pan ijaluon. Ri achiꞌaꞌ y ri ixokiꞌ man tiquicanuj-quiꞌ chi niquiꞌan pecado. Man tiꞌan kax tzꞌil. Man tiyaꞌ lugar chica ri itziel tak kax ri ncaꞌirayij, xa quiꞌiyaꞌ can nojiel reꞌ. Man tirayij chi joꞌc ta iviqꞌuin ixreꞌ cꞌo ta nojiel; ruma xa quireꞌ ntiꞌan, can itziel, can junan riqꞌuin chi ntiyaꞌ quikꞌij ri ídolos.

Kaqchiquel Bible

⁵ Roma ri', kan tikamisaj ri itzel taq rayinik ri xa richin re ruwach'ulew. Ri achi'a' y ri ixoqi' man tikikanola-ki' richin yemakun. Kan man k'a kixok man ix ch'ajch'oj ta. Man tiya' q'ij chire ri itzel taq irayibel. Man chik tirayij chi iwik'in ta rix k'o-wi ronojel. Roma ri keri' xa kan junan rik'in ri niya' ta kiq'ij ri dios ri xa man e qitzij ta.

Kaqchikel Central Guatemala

⁵ Romari', man c'a tiben ri itzel ri nirayij rix, ri xa richin re ruvach'ulef; xa can ticamisaj ri itzel tak rayinic ri'. Ri achi'a' y ri ixoki' man tiquicanola-qui' richin yemacun. Can man c'a titz'ilobisaj-ivi' pa tak mac. Man tiya' k'ij chire ri itzel tak irayibel. Xa tiya' can ri rayinic ri'. Man chic tirayij chi iviq'uin ta rix c'o-vi ronojel. Roma ri queri' can itzel vi. Can junan riq'uin ri niya' ta quik'ij ri dios ri xa man e kitzij ta.

Re C'ac'a Testamento pa Kach'abal

⁵ Mare' yex man chic tirayij niban re itzel tak rayibal re xa je richin re ruch'ulef, xa can tiquimisaj re itzel tak rayibal re'. Re achi'a' y re ixoki' man tiquicanola-qui' chin ye'macun. Can man titz'ilbisaj-ivi' pa mac. Man tiya' k'ij cha re itzel tak rayibal. Xa tiya' can re rayibal re'. Man chic tirayij che can-ta iviq'uin yex c'o-va ronojel cosas. Roma re ye'bano quire' can je junan quiq'uin re niquiya' quik'ij imágenes re xa vinak je'banayon-ka.

Kaqchikel Western Solola

⁵ Rumari', man c'a tiben ta chic ri etzelal riche (rixin) re ruwach'ulef; xa ticamisaj ri itzel tak raybel ri'. Ri achi'a' y ri ixoki' ri xa ma quic'ulaj ta qui', ma tiquicanola' ta qui' riche (rixin) chi yemacun. Can man c'a titz'ilobisaj ta iwi' pa tak mac. Ma tiya' ta k'ij chare ri itzel tak iraybel. Xa tiya' ca ri raybel ri'. Ma chak tibe iwánima chrij ri puek y ri cosas ri c'o riq'ui jun chic winek. Ruma wi queri' niben, can itzel wi. Can junan riq'ui ri niya' quik'ij ri dios ri xa ye banon cuma winek.

Colosenses 3:5 ပူးပေါင်းရင်းမြစ်များ

Romanos 8:13

Porque si ri ikꞌaslen ukꞌuan roma ri itzel teq rayinik, riꞌ ndukꞌen pe kamik chin jumul chiwa. Pero si rikꞌin ruchuqꞌaꞌ ri Espíritu Santo ndikamisaj ri itzel teq rayinik ngeꞌibꞌanalaꞌ, riꞌ ndukꞌen pe kꞌaslen chin jumul chiwa.

Gálatas 5:24

Porque ri erichin ri Cristo Jesús, xeken yan chuwech ri itzel teq rayinik chin ri ki-cuerpo, y xa achel ta kibꞌajin ri itzel teq rayinik riꞌ chuwech cruz, chin ma ndukꞌuꞌex chi ta ri kikꞌaslen roma ri itzel teq rayinik riꞌ.

Romanos 6:13

Nixta tiyaꞌ ri iqꞌa-iwaqen chin ngeꞌok rusamajibꞌal ri mak chin ngekusex chin ndibꞌan itzel teq achike, xa kin tijachaꞌ iwiꞌ pa ruqꞌaꞌ ri Dios, achel rukꞌulun chi ndikibꞌen ri ekamineq chik chuwech ri mak y kꞌo chik ri kꞌakꞌakꞌ kꞌaslen nduyaꞌ ri Dios kikꞌin. Ri iqꞌa-iwaqen tijachaꞌ pa ruqꞌaꞌ ri Dios chin ngerukusaj chin ndibꞌen ri chaj wi chin ndibꞌan.

1 Pedro 2:11

Hermanos, riyin tzꞌan ngixinwojoꞌ. Y roma ma chochꞌulew ta kꞌo ri qetzij iwachoch, y xaxe jubꞌaꞌ ngixkꞌojeꞌ e chuwech ri rochꞌulew, nikꞌutuj kamelal chiwa chi tiqꞌataꞌ iwiꞌ chuwech ri itzel teq achike ndurayij ri i-cuerpo, ri ndikajoꞌ ndikiyaꞌ ri iwánima chuxeꞌ ri kuchuqꞌaꞌ.

1 Corintios 6:18

Kixanimej chuwech ri mak ri ndikibꞌen ri wineq ri ndikikꞌamalaꞌ qa kiꞌ xa achoq na ikꞌin chin ndikibꞌen mak, porque nixta jun mak ri más ndukꞌen pe itzel chare ri ru-cuerpo jun wineq ke chuwech re mak reꞌ, porque ri ndibꞌanun re mak reꞌ, kin chare ri ru-cuerpo ndukꞌen pe itzel.

Efesios 4:19

Rejeꞌ ma jun chik kꞌix ndikinaꞌ rikꞌin ri itzel ngetajiyaj rikꞌin, xa kijachon kiꞌ pa ruqꞌaꞌ ri itzel teq rayinik, ma ndikiqꞌet ta kiꞌ ngekibꞌanalaꞌ nojel ruwech mak ri ndukꞌen pe kꞌix.

2 Corintios 12:21

Riyin nuxibꞌin wiꞌ chi atoq xkixbꞌentzꞌetaꞌ, ri Dios xtubꞌen chuwa chi xkikꞌix iwoma, y xtubꞌen chuwa chi xkinoqꞌ komak ekꞌiy chiꞌikajal ri kꞌo chik tiempo ekꞌo pa mak y ma kiyoꞌon ta kan ri itzel teq rayinik ndurayij ri ki-cuerpo, ndikikꞌamalaꞌ qa kiꞌ xa achoq na ikꞌin chin ndikibꞌen mak, y chuqaꞌ ma kiyoꞌon ta kan ri itzel teq achike ngekibꞌanalaꞌ.

Apocalipsis 21:8

Pero ri ndikixibꞌij kiꞌ ndikitzijoj ri nutzij, ri ma nginikitaqij ta, ri ndikikꞌuaj jun kꞌaslen ri ndimulu nukꞌuꞌx rikꞌin, ri ngekamisan, ri ndikikꞌamalaꞌ qa kiꞌ xa achoq na ikꞌin chin ndikibꞌen mak, ri eꞌaj itz, ri ngeyoꞌon kiqꞌij tiox y konojel ri ngereqꞌon, konojel rejeꞌ ndiyoꞌox rukꞌexel chake chupan ri qꞌaqꞌ ri ndiraqa rikꞌin azufre. Jareꞌ ri rukan kamik, xchajeꞌ.

Romanos 7:23

pero nitzꞌet chi pa nu-cuerpo kꞌo chik jun ley ri ngerutaqchiꞌij ri jalajaj ruwachinel nuqꞌa-waqen, y ri ley riꞌ ndiyakatej chirij ri utz nirayij nibꞌen. Xa yin ruximon chuxeꞌ ruchuqꞌaꞌ ri itzel teq rayinik kꞌo pa wánima y ngerukusaj ri ruwachinel ruqꞌa-raqen ri nu-cuerpo chin nibꞌen mak.

San Mateo 15:19

Porque pa ránima jun wineq kꞌo itzel teq achike ngeꞌel pe achel reꞌ: Itzel ngerunojilaꞌ, ndikamisan, ndukanoj rukꞌexel ri achoq ikꞌin kꞌulan, ndukꞌamalaꞌ qa riꞌ xa achoq na ikꞌin chin ndubꞌen mak, ndeleqꞌan, ndutzꞌuk tzij chikij wineq y ndubꞌilaꞌ itzel teq tzij chikij chꞌaqa chik.

Apocalipsis 22:15

Pero chiriꞌ, ma ngeꞌok ta ri tzꞌiꞌ teq wineq, ri aj itz, ri ndikikꞌamalaꞌ qa kiꞌ xa achoq na ikꞌin chin ndikibꞌen mak, ri ngekamisan, ri ngeyoꞌon kiqꞌij tiox, y konojel ri ndiqaꞌ chikiwech ngereqꞌon y jutaqil ngereqꞌon.

Santiago 4:1

¿Achike kꞌa ri ndibꞌanun chiwa chi itzel nditzꞌet iwiꞌ chiwech chin ngeꞌibꞌen kakaj y nimaꞌq teq oyowal? Ri ndibꞌanun keriꞌ chiwa, ja ri itzel teq rayinik kꞌo pa iwánima, ri ndikajoꞌ ngixkiyaꞌ chuxeꞌ ri kuchuqꞌaꞌ.

1 Corintios 6:13

Ekꞌo chuqaꞌ ngebꞌiꞌin chi ri ndiqakꞌux, kin chin wi ri qapan, y ri qapan chin ri ndiqakꞌux, ngechajeꞌ. Riꞌ qetzij, pero chi kaꞌiꞌ kin xtukꞌis kiqꞌij ri Dios, y nibꞌij chiwa chi ri qa-cuerpo ma chin ta ndiqakꞌamalaꞌ qa qiꞌ xa achoq na ikꞌin chin ndiqabꞌen mak, porque ri qa-cuerpo chin ri Ajaw, y ri Ajaw chin ri qa-cuerpo.

Romanos 6:6

Qetaman chi ri itzel kꞌaslen xqakꞌuaj rubꞌanun kan, xbꞌajix cho cruz junan rikꞌin ri Cristo ri nixta jun rumak, y keriꞌ ri itzel rurayinik ri qa-cuerpo xkꞌis ruchuqꞌaꞌ, chin keriꞌ ma ngojkꞌojeꞌ chi ta chuxeꞌ ruchuqꞌaꞌ ri mak.

Hebreos 13:4

Chiꞌiwonojel tibꞌanaꞌ respetar kikꞌaslen ri achi rikꞌin ri rixjayil, man ta jun tukanoj rukꞌexel ri achoq ikꞌin kꞌulan. Porque ri Dios nduqꞌet tzij pa kiwiꞌ ri ndikikanolaꞌ rukꞌexel ri achoq ikꞌin ekꞌulan, y nduqꞌet tzij chuqaꞌ pa kiwiꞌ ri ndikikꞌamalaꞌ qa kiꞌ xa achoq na ikꞌin chin ndikibꞌen mak.

Hebreos 12:16

Man ta jun chiꞌikajal ri ndukꞌamalaꞌ qa riꞌ xa achoq na ikꞌin chin ndubꞌen mak, o ndubꞌen chi nixta jun reqalen ri kin loqꞌolej wi chuwech ri Dios, achel xubꞌen ri Esaú ri xa roma jun leq rikil xuyaꞌ kan chare ri ruchaqꞌ ri bendición ri kin richin wi rijaꞌ roma nimalaꞌtz.

1 Tesalonicenses 4:3

Porque ri rurayibꞌel ri Dios chiwa, jareꞌ: Tikꞌuaj jun loqꞌolej kꞌaslen chuwech, ma tikꞌamalaꞌ qa iwiꞌ xa achoq na ikꞌin chin ndibꞌen mak.

1 Corintios 5:1

Ekꞌiy wineq ketaman chi chiꞌikajal rix ri itaqin ri Cristo kꞌo jun ri rukꞌuan qa riꞌ rikꞌin ri rukan ruteꞌ, y ri mak achel ndajin rikꞌin ri jun riꞌ, nixta chikikajal ri ma israelitas ta ndibꞌanatej.

Romanos 7:5

Atoq kꞌa rojkꞌo chuxeꞌ ruchuqꞌaꞌ ri itzel teq rurayinik ri qa-cuerpo, ri ley xukꞌasoj ri itzel teq rayinik riꞌ chin xukusaj ri jalajaj ruwachinel ruqꞌa-raqen ri qa-cuerpo chin xqabꞌen mak, y riꞌ xojrukꞌuaj chupan ri bꞌey chin ri kamik.

Romanos 1:29

Ri kánima nojneq rikꞌin ri ma chaj ta ndikibꞌanalaꞌ, eꞌitzel chikibꞌanik, ngejamem chirij xa achike na, itzel teq kinoꞌoj chi wineq, itzel ndikinaꞌ chare roma utz kibꞌanun chꞌaqa chik, ekamisanel, xe oyowal koma, tzꞌan ngechꞌakatin, ndikikusaj ri kinojibꞌal chin ndikibꞌen itzel chake chꞌaqa chik, ja ma ja teq tzij ndikibꞌilaꞌ chikij wineq,

Romanos 1:26

Romariꞌ, ri Dios xerujech pa seqꞌ teq rayinik ri ndukꞌen pe kꞌix. Porque hasta ri ixoqiꞌ ma xekajoꞌ chi ta achiꞌaꞌ, xa chi ixoqiꞌ xkikꞌamalaꞌ qa kiꞌ chin xkibꞌen mak.

1 Tesalonicenses 4:5

Ma tiyaꞌ qꞌij chi ngixukꞌuꞌex roma ri itzel teq rayinik chin ri cuerpo, achel ndikibꞌen ri wineq ma ketaman ta ruwech ri Dios.

1 Corintios 6:11

Y ekꞌo jujun chiꞌikajal ri keriꞌ kikꞌaslen jumbꞌey kan, pero wokami chꞌajon ri ikꞌaslen, chꞌajchꞌojrisan ri iwánima, y bꞌanun chiwa chi nixta jun chik mak iweqalen chuwech ri Dios. Nojel re favor reꞌ yoꞌon chiwa roma ruchuqꞌaꞌ ri Ajaw Jesucristo y roma chuqaꞌ ri rubꞌanun ri Espíritu Santo chin ri qa-Dios pa ikꞌaslen.

Colosenses 2:11

Y roma jun ibꞌanun rikꞌin ri Cristo, xbꞌan circuncidar ri iwánima, pero ri circuncisión riꞌ ma wineq ta xebꞌanun richin, xa kin ja ri Dios xbꞌanun atoq xe jun xubꞌen chiwa rikꞌin ri Cristo y xixrelesaj chuxeꞌ ruchuqꞌaꞌ ri itzel teq rayinik chin ri i-cuerpo ri ximiyon iwichin.

1 Timoteo 6:10

Porque ri ndibꞌa awánima chirij méra ndukꞌen pe nojel ruwech itzel teq achike. Y ekꞌo jujun roma ngejamem chirij méra, xeꞌel e pa rubꞌey ri Ajaw, y kiyon chikiwech xkiwulij santienta qꞌaxomal chikij.

Hebreos 13:5

Ma kixjamem chirij méra, kixkikot rikꞌin ri ruyoꞌon ri Dios chiwa. Porque ri Dios kereꞌ rubꞌiꞌin kan: Ma jumbꞌey xkatinyaꞌ kan, y ma jumbꞌey xtinmalij kan awech, xchajeꞌ.