Colosenses 3:14 - Kaqchikel Santo Domingo (Xenacoj)

¹⁴ Y pa ruwiꞌ nojel reꞌ, ndikꞌatzin ndiweq ri ikꞌaslen rikꞌin ri ndiwojoꞌ iwiꞌ, porque ja ri ndiwojoꞌ iwiꞌ ri ndiyuqen ikꞌaslen rix iwonojel chin jabꞌel yalan ndikꞌuaj iwiꞌ.

နောက်ထပ်ဗားရှင်းများ

Kaqchikel Santa Maria de Jesus

¹⁴ Pero ri más nicꞌatzin ja chi nicꞌujieꞌ ri amor iviqꞌuin. Ruma xa nquiꞌvajoꞌ ri nicꞌaj chic, can nuꞌon chiva chi junan ivach.

Kaqchiquel Bible

¹⁴ Y ja ri ajowabel ri más nik'atzin. Roma wi yojajowan, kan nuben chiqe chi junan qawech qonojel.

Kaqchikel Central Guatemala

¹⁴ Y ja ri ajovabel ri más nic'atzin. Roma vi yojajovan, can nuben chike chi junan kavech quiq'uin conojel.

Re C'ac'a Testamento pa Kach'abal

¹⁴ Y re más nic'atzin ja che nakajo-ki'. Roma vo xa yojovan, can nuban chaka che junan kavach quiq'uin conojel.

Kaqchikel Western Solola

¹⁴ Y pa ruwi' ronojel re' c'o chic na jun ri más nic'atzin y ri' ya chi nic'oje' ri ajowabel iwuq'ui. Ruma wi ye'iwajo' ri nic'aj chic, can nuben chiwe chi junan iwech chi'iwachibil iwi'.

Colosenses 3:14 ပူးပေါင်းရင်းမြစ်များ

1 Pedro 4:8

Y pa ruwiꞌ nojel ri ndibꞌen pa ikꞌaslen, ri más ndikꞌatzin ja ri ndiwojoꞌ iwiꞌ rikꞌin nojel iwánima. Porque ri ngixojowan ndubꞌen chiwa chi ndikuy santienta mak.

Efesios 5:2

Tikꞌuaj jun kꞌaslen ri ndukꞌut chi ndiwojoꞌ iwiꞌ chiwech, kin achel xojrajoꞌ ri Cristo y xusuj riꞌ pa kamik chuwech ri Dios pa qakꞌexel, y keriꞌ xok jun ofrenda jubꞌubꞌ ruxlaꞌ ri kin xqaꞌ chuwech ri Dios.

Colosenses 2:2

Niwojoꞌ chi ndikꞌojeꞌ ruchuqꞌaꞌ iwánima, y chi xe jun ndibꞌen rix iwonojel roma ndiwojoꞌ iwiꞌ. Niwojoꞌ chi ngixkꞌoxoman utz-utz chin keriꞌ ndiwetamaj ri ma kin ta qꞌalej rubꞌeyal ojer kan, y wokami xqꞌalajrisex roma ri Dios pa ruwiꞌ ri achike ri Cristo.

San Juan 13:34

Jun kꞌakꞌakꞌ mandamiento niyaꞌ kan chiwa: Tiwojoꞌ iwiꞌ chiwech achel ngixinwojoꞌ riyin, keriꞌ chuqaꞌ tiwojoꞌ iwiꞌ chiwech.

Romanos 13:8

Ma jun achoq ikꞌin tikꞌojeꞌ ikꞌas, xa kin xe ri ndiwojoꞌ iwiꞌ chiwech tibꞌanaꞌ achel ikꞌas chare. Porque ri ngerajoꞌ ri wineq, kin rubꞌanun cumplir nojel ri ndubꞌij ri ley xyoꞌox chare ri Moisés.

Efesios 4:3

titijaꞌ iqꞌij chi jumul xe jun iwánima ndibꞌen chiwech roma rix ukꞌuan roma ri Espíritu Santo, porque riꞌ ndubꞌen chiwa chi ndikꞌojeꞌ uxlanen chiꞌikajal.

1 Juan 4:21

Y jareꞌ ri mandamiento ri ruyoꞌon kan ri Cristo: Ri ndirajoꞌ ri Dios, tirajoꞌ chuqaꞌ ri ru-hermano.

2 Pedro 1:7

y pa ruwiꞌ ndikꞌuaj jun kꞌaslen achel ndirajoꞌ ri Dios, rix ri itaqin ri Jesucristo ndiwojoꞌ iwiꞌ chiwech, y pa ruwiꞌ ndiwojoꞌ iwiꞌ chiwech, kin ngixojowan achel ndojowan ri Dios.

1 Timoteo 1:5

Nojel re nuchilabꞌen chawa chi ndabꞌij, chin kin ta konojel ngeꞌojowan rikꞌin chꞌajchꞌaj kánima, chin chuqaꞌ ndikinaꞌ pa kánima chi ma jun mak keqalen chuwech ri Dios, y chin qetzij kuqul kikꞌuꞌx rikꞌin ri Dios.

1 Tesalonicenses 4:9

Pero pa ruwiꞌ ri ndiwojoꞌ iwiꞌ chiwech, ma ndikꞌatzin ta nitzꞌibꞌaj e más rubꞌeyal chiwa, porque ja ri Dios bꞌanayon chi rix tijon rikꞌin ri ndiwojoꞌ iwiꞌ chiwech.

San Juan 17:23

Riyin ngikꞌojeꞌ pa kánima ri eꞌayoꞌon chuwa, y rat pa wánima riyin, chin keriꞌ nditzꞌaqet chi konojel xe jun kánima ndikibꞌen, chin keriꞌ ri wineq ri ma rat kitaqin ta ndiketamaj chi ja rat taqayon pe wichin, y chi ngaꞌawojoꞌ ri eꞌayoꞌon chuwa achel nganawojoꞌ riyin.

San Juan 15:12

Jareꞌ ri nu-mandamiento: Tiwojoꞌ iwiꞌ chiwech, achel ngixinwojoꞌ riyin.

1 Juan 3:23

Y ri mandamiento ruyoꞌon kan ri Dios chaqe, jareꞌ: Tiqataqij ri Jesucristo ri Rukꞌajol, y tiqajoꞌ qiꞌ chiqawech achel xubꞌen kan mandar chaqe.

Hebreos 6:1

Romariꞌ tiqabꞌanaꞌ chare ri qakꞌaslen chi ndikꞌiy más chiraqen ri Ajaw. Tiqetamaj más chuwech ri nabꞌey teq tijonik xyoꞌox chaqe pa ruwiꞌ ri Cristo. Ma qojkikot xe ok rikꞌin ri tijonik qetaman chik pa ruwiꞌ ri Cristo, achel ri tijonik ri ndubꞌij chi ndikꞌatzin ndiqayaꞌ kan ri itzel teq achike ri ndukꞌen pe kamik, o ri tijonik pa ruwiꞌ ri ndikꞌatzin ndiqakuqubꞌaꞌ qakꞌuꞌx rikꞌin ri Dios,

Efesios 1:4

Porque ri Dios xojruchaꞌ xe jampeꞌ pa nabꞌey atoq kꞌajani tubꞌen ri rochꞌulew chin xubꞌen chaqe chi xe jun xqabꞌen rikꞌin ri Cristo chin ngojok chꞌajchꞌaj y loqꞌolej chuwech. Y roma santienta roj rojowan pe,

1 Juan 3:10

Rikꞌin reꞌ nditzꞌetetej achike ri eralkꞌuaꞌl ri Dios y achike ri eralkꞌuaꞌl ri itzel: Ri ma ndukꞌuaj ta jun chojmilej kꞌaslen, y ma ngerajoꞌ ta ri ru-hermanos, ma richin ta ri Dios.