Colosenses 2:3 - Kaqchikel Santo Domingo (Xenacoj)

³ Porque rikꞌin ri Cristo ndilitej nojel utzulej nojibꞌel y etamabꞌel chin ri Dios, ri kin jun nimalej bꞌeyomal.

နောက်ထပ်ဗားရှင်းများ

Kaqchikel Santa Maria de Jesus

³ Riqꞌuin ri Cristo nilitaj nojiel ri utzulaj tak noꞌj y nojiel ri kataꞌn, ri incheꞌl bꞌayomal.

Kaqchiquel Bible

³ ri achoq ik'in ewatel-wi ronojel ri utzilej etamabel y na'oj.

Kaqchikel Central Guatemala

³ Riq'uin ri Cristo nilitej-vi ronojel ri utzilej tak etamabel y na'oj.

Re C'ac'a Testamento pa Kach'abal

³ Riq'uin re Jesucristo nilitaj-va ronojel re utzulaj tak na'oj.

Kaqchikel Western Solola

³ Ruma riq'ui ri Cristo nilitej wi ronojel ri utzilaj tak etamabel y na'oj ri can achi'el jun beyomel.

Colosenses 2:3 ပူးပေါင်းရင်းမြစ်များ

San Mateo 10:26

Rix ma tixibꞌij iwiꞌ chikiwech ri wineq, porque nixta jun achike bꞌanun chilaqꞌel ri man ta xtiqꞌalajin, y nixta jun achike ri ma nditzꞌetetej ta ri man ta xtetamex.

San Lucas 11:49

Romariꞌ, ri Dios ri kꞌo nojel nojibꞌel rikꞌin, kereꞌ xubꞌij: Ngenteq profetas y apóstoles chikikajal, y jujun chikiwech rejeꞌ ngetzeqlebꞌex chin ndibꞌan itzel chake y jujun chik ngekamisex. Keriꞌ xubꞌij ri Dios.

Romanos 11:33

¡Kin santienta nim ri retamabꞌel y ri runojibꞌal ri Dios, kin achel jun nimalej bꞌeyomal keriꞌ! Ma jumbꞌey ngojtiker ndiqakꞌoxomaj ri ndubꞌen ruwech rijaꞌ chi ndubꞌen, nixta ngojtiker ndiqakꞌoxomaj ri runoꞌoj ndubꞌen chaqe roj wineq.

1 Corintios 1:24

Jakꞌa chaqe ri roj oyon roma ri Dios chin ngojkolotej, chi israelitas y ma israelitas ta, ri rukamik ri Cristo jariꞌ ri nimalej ruchuqꞌaꞌ y runoꞌoj ri Dios.

1 Corintios 1:30

Pero roma ri Dios, rix jun ibꞌanun rikꞌin ri Cristo Jesús ri achoq ikꞌin qilon ri nojibꞌel pataneq rikꞌin ri Dios, y roma ri Cristo nixta jun chik qamak qeqalen chuwech ri Dios, kin loqꞌolej bꞌanun chare ri qakꞌaslen y roj loqꞌon chin xojelesex pa ruqꞌaꞌ ri tzꞌamayon qichin.

Efesios 1:8

Y kin santienta favor ruyoꞌon pa qawiꞌ, roma ruyoꞌon nojel ruwech etamabꞌel y nojibꞌel chaqe,

Colosenses 1:19

Kin xqaꞌ chuwech ri Tataꞌaj Dios chi ri Cristo qitz achel rijaꞌ. Romariꞌ ri Cristo kin Dios wi.

Colosenses 1:28

Y roj ja ri Cristo ndiqayaꞌ utzulej rutzijol, y ngeqapixabꞌaj konojel wineq y ngeqatijoj rikꞌin ri etamabꞌel ri pataneq rikꞌin ri Dios. Keriꞌ ndiqabꞌen, roma ndiqajoꞌ chi konojel xe jun ndikibꞌen rikꞌin ri Cristo, y tzꞌaqet kikꞌaslen ngebꞌeqajachaꞌ chuwech ri Dios.

Colosenses 1:9

Romariꞌ, xe jampeꞌ qakꞌaxan chi keriꞌ rubꞌanun pe ri iwánima, roj ma qayoꞌon ta kan chi ndiqabꞌen orar iwoma, y ndiqakꞌutuj chare ri Dios chi xtunojisaj ri iwánima rikꞌin ri nojibꞌel y ri etamabꞌel ri nduyaꞌ ri Espíritu Santo, chin ndiwetamaj utz-utz nojel ri rurayibꞌel ri Dios.

Colosenses 3:16

Kin ta xtinoj ri iwánima rikꞌin ri rutzij ri Cristo, y kin ta xtikꞌojeꞌ jumul chiriꞌ. Kin ta xtikusaj nojel ri utzulej nojibꞌel ri pataneq rikꞌin ri Cristo chin nditijoj y ndipixabꞌaj iwiꞌ chiwech. Rikꞌin nojel iwánima keꞌibꞌixaj salmos, himnos y chꞌaqa chik bꞌix ri nduyaꞌ ri Espíritu Santo chiwa chin ngixmatioxin chare ri Dios.

Colosenses 3:3

Porque rix xixken yan chuwech ri itzel teq rayinik ekꞌo chochꞌulew, y roma ri xubꞌen ri Cristo, ri ikꞌaslen kꞌo pa ruqꞌaꞌ ri Dios.

2 Pedro 1:5

Y romariꞌ, rix ndikꞌatzin nditij iqꞌij chi rikꞌin ri ikuqubꞌan pe ikꞌuꞌx rikꞌin ri Jesucristo, ndikꞌuaj chuqaꞌ pa ikꞌaslen jun utzulej noꞌoj. Y pa ruwiꞌ ndikꞌuaj utzulej noꞌoj pa ikꞌaslen, ngixkꞌoxoman utz-utz.

Apocalipsis 2:17

¡Ri ndirajoꞌ ndukꞌoxomaj, tukꞌoxomaj ri ndubꞌij ri Espíritu Santo chake ri bꞌotzaj teq ralkꞌuaꞌl ri Dios! Ri xtitiker ndubꞌen ri nubꞌiꞌin kan, niyaꞌ chare jubꞌaꞌ chin ri maná ewan kan chi ndukꞌux, y niyaꞌ chuqaꞌ chare jun chꞌuti seq abꞌej apeꞌ tzꞌibꞌan jun kꞌakꞌakꞌ bꞌiꞌaj. Xa kin xe ri achoq chare niyaꞌ ndiretamaj ri bꞌiꞌaj riꞌ, y ma jun chik.