Colosenses 2:23 - Kaqchikel Santo Domingo (Xenacoj)

²³ Kin achel ta kꞌo nojibꞌel kikꞌuan ri tzij riꞌ, porque ngerutaqchiꞌij ri wineq chi ndikibꞌen ri xa ngeruyaꞌ pa kꞌayew, chi ndikibꞌen chi achel ta ndikiqasaj kiꞌ, y chi ndikisak ri ki-cuerpo, pero nojel riꞌ xa ma jun ndikꞌatzin porque ma ndirelesaj ta ri itzel teq rayinik kꞌo pa ránima jun wineq.

နောက်ထပ်ဗားရှင်းများ

Kaqchikel Santa Maria de Jesus

²³ Can ketzij chi nojiel reꞌ can incheꞌl cꞌo qꞌuiy noꞌj rucꞌuan. Niquiꞌej chi kayaꞌ quikꞌij ri ángeles. Niquiꞌej chi kabꞌanaꞌ chꞌuteꞌn y kabꞌanaꞌ castigar ri ka-cuerpo. Pero nojiel reꞌ man nicovin ta chirij ri itziel tak kax ri nurayij ri ka-cuerpo.

Kaqchiquel Bible

²³ Ri e uk'uayon ri tijonik ri' niq'alajin chi k'o k'iy etamabel kik'in y xa man keri' ta. Rije' nikitz'uk jun rubanik richin nikiya' kiq'ij ángel, nikibananej chi janila kiqasan-ki' y nikiya-ki' pa poqon. Jak'a ronojel ri' man jun utz nuk'en-pe, roma man nuya' ta kuchuq'a' richin yech'akon ta chirij ri itzel taq kirayibel.

Kaqchikel Central Guatemala

²³ Ri e uc'uayon ri tijonic ri' nik'alajin chi c'o q'uiy etamabel quiq'uin y xa man que ta ri', xa man jun quetaman. Niquibij chi nic'atzin chi nikaya' quik'ij ángeles y ch'aka' chic. Niquibij chi tikach'utinirisaj-ki' y tikaya-ki' pa pokonal. Pero ronojel ri' man jun utz nuq'uen-pe, roma man nuya' ta kuchuk'a' richin yojch'acon ta chirij ri itzel tak karayibel.

Re C'ac'a Testamento pa Kach'abal

²³ Re je'ac'ayon re enseñanzas re' nik'alajin che c'o na'oj quiq'uin y xa man quire-ta, xa man jun quitaman. Niquibij che nic'atzin nakaya' quik'ij re ángeles y nic'aj chic. Niquibij che can takabana' che manak kak'ij y takabana' cha re ka-cuerpo che nuban sufrir. Pero ronojel re' man jun otz nuc'am-pa chaka, roma man nuya-ta kachuk'a' chin che nakaya-ta can rubanic re itzel tak karayibal.

Kaqchikel Western Solola

²³ Ri yec'utu ronojel ri' nik'alajin chi achi'el c'o q'uiy na'oj quiq'ui y xa ma que ta ri', xa majun quetaman. Niquibij chi nic'atzin chi nikaya' quik'ij ángeles y nic'aj chic cosas. Niquibij chi tikach'utinirisaj ki' y tikaya' ri kach'acul pa tijoj pokonal. Yac'a ronojel ri' xa majun utz nuc'om pe, ruma ma nuya' ta kachuk'a' riche (rixin) chi yojch'acon chrij ri itzel tak raybel.

Colosenses 2:23 ပူးပေါင်းရင်းမြစ်များ

1 Timoteo 4:8

Porque ri ndabꞌen ejercicio qꞌij-qꞌij ndukꞌen pe jubꞌaꞌ utz chare ri a-cuerpo. Pero ri ndakꞌuaj jun utzulej kꞌaslen chuwech ri Dios kꞌo utz ndukꞌen pe chare nojel akꞌaslen, porque kꞌo utz ndukꞌen pe chare ri akꞌaslen chireꞌ wokami y chare ri akꞌaslen nduyaꞌ ri Dios más chiqawech apu.

Colosenses 2:18

Ma tiyaꞌ qꞌij chi ngixchꞌakatix koma ri ngebꞌiꞌin chi ma rukꞌulun ta ndiyoꞌox chiwa ri rusujun ri Dios, porque ma ndibꞌen ta achel ndikibꞌanalaꞌ rejeꞌ, ri kimána ndikibꞌen chi ndikiqasaj kiꞌ, y ndikiyalaꞌ kiqꞌij ángeles. Ndikibꞌilaꞌ chi ja ri Dios qꞌalajrisayon chikiwech ri ndikitzijoj, pero xa aj rochꞌulew noꞌoj ri ngekinojilaꞌ y nim ngekinaꞌ chare.

Colosenses 2:8

Tibꞌanaꞌ cuenta iwiꞌ chin ma ngixqaqa pa kiqꞌaꞌ ri ngekikꞌut jalajaj aj rochꞌulew nojibꞌel ri achel jabꞌel teq tijonik ngeqꞌalajin, pero xa tijonik ma etzꞌaqet ta, ma eqetzij ta y ma jun utz ndikikꞌen pe, porque xa aj rochꞌulew costumbres y xa nojibꞌel ri ma rikꞌin ta ri Cristo epataneq.

1 Timoteo 4:3

Ndikibꞌij chi xajan ngekꞌuleꞌ ri wineq, ndikibꞌij chuqaꞌ chi xajan ngekꞌuxeꞌ jujun achike ri ebꞌanun roma ri Dios chin rikꞌin matioxinik ngekꞌux koma ri ketaman utz-utz ri qetzij y kitaqin ri Ajaw.

Colosenses 2:22

Tzij achel riꞌ xa ki-mandar wineq y xa rejeꞌ etzꞌukuyun qa, y ndichꞌaꞌa pa kiwiꞌ achikejeꞌ ri xa ngebꞌekꞌis roma ngekusex.

Efesios 5:29

Porque nixta jun wineq itzel ndutzꞌet ri ru-cuerpo, xa kin jabꞌel ndirilij y ndubꞌen cuenta. Keriꞌ chuqaꞌ ndubꞌen ri Cristo chaqe roj, ri roj rutinamit ri Dios.

Romanos 13:14

Xa kin tiyaꞌ qꞌij chare ri Ajaw Jesucristo chi ndisamej pa ikꞌaslen chin keriꞌ ri inoꞌoj ndubꞌen qa achel runoꞌoj rijaꞌ. Ma tibꞌen ruwech chi ndibꞌen ri itzel teq rayinik chin ri i-cuerpo.