Colosenses 1:9 - Kaqchikel Santo Domingo (Xenacoj)

⁹ Romariꞌ, xe jampeꞌ qakꞌaxan chi keriꞌ rubꞌanun pe ri iwánima, roj ma qayoꞌon ta kan chi ndiqabꞌen orar iwoma, y ndiqakꞌutuj chare ri Dios chi xtunojisaj ri iwánima rikꞌin ri nojibꞌel y ri etamabꞌel ri nduyaꞌ ri Espíritu Santo, chin ndiwetamaj utz-utz nojel ri rurayibꞌel ri Dios.

နောက်ထပ်ဗားရှင်းများ

Kaqchikel Santa Maria de Jesus

⁹ Rumareꞌ, xa-jan antok xkaxaj reꞌ, ojreꞌ man oj-tanal ta chi nakaꞌan orar pan i-cuenta. Nakacꞌutuj cha ri Dios chi tuꞌon chiva chi xtivatamaj otz ri nrajoꞌ jajaꞌ, y chi tuyaꞌ jeꞌ nojiel noꞌj espiritual chiva y chi xtiꞌka pan iveꞌ (xtiꞌan entender) nojiel kax espiritual.

Kaqchiquel Bible

⁹ Y roma ri xqak'axaj chupan ri q'ij toq xoqaqa ri qach'alal, beneq k'a ruwech oj ch'owineq-pe rik'in ri Dios iwoma rix, chi xtuben chiwe chi kan ta jebel xtiwetamaj ri rurayibel, y ri Loq'olej Espíritu xtuya' ta chiwe ronojel na'oj y etamabel.

Kaqchikel Central Guatemala

⁹ Y roma ri xkac'axaj chupan ri k'ij tok xoka' ri kach'alal, benek c'a ruvech kabanon-pe orar ivoma. Nikac'utuj chire ri Dios chi xtuben ta chive chi can ta jebel xtivetamaj ri rurayibel ri Dios, y ri Lok'olej Espíritu xtuya' ta chuka' ronojel na'oj y etamabel chive.

Re C'ac'a Testamento pa Kach'abal

⁹ Y roma re xbo'rtzijoj re hermano Epafras chaka chupan re k'ij tak xbeka kaq'uin, can jare' tak nojel tiempo kabanom-pa orar pan ive'. Nakac'utuj cha re Dios che xtuban-ta chiva che can-ta jabal xtitamaj re nurayij re Dios, y re Espíritu Santo xtuya-ta chuka' ronojel na'oj chiva.

Kaqchikel Western Solola

⁹ Y ruma ri xkac'axaj chupan ri k'ij tek xoka ri kach'alal, ma yoj tanel ta chi kabanon pe orar pan iwi'. Nikac'utuj chare ri Dios chi xtuben ta chiwe chi can ta jabel xtiwetamaj ri ruraybel ri Dios, y ri Lok'olaj Espíritu xtuya' ta chuka' ronojel na'oj y etamabel chiwe.

Colosenses 1:9 ပူးပေါင်းရင်းမြစ်များ

Santiago 3:17

Pero ri wineq ri kichajin ri nojibꞌel pataneq rikꞌin ri Dios, kin qetzij chi kikꞌuan jun chꞌajchꞌaj kꞌaslen, ndikiqꞌet kiꞌ chuwech ri oyowal, utz kinoꞌoj ndikibꞌen chake chꞌaqa chik, chaj ndikikꞌuaj kiꞌ kikꞌin chꞌaqa chik, ngepoqonan y jabꞌel ngetoꞌon, ma ngekichaꞌ ta kiwech wineq, y ma kaꞌiꞌ ta kipalej.

Santiago 1:5

Y si kꞌo jun chiꞌikajal ri maneq ok runojibꞌal, tukꞌutuj nojibꞌel chare ri Dios, y kin xtiyoꞌox wi pe chare. Porque ri Dios nduyaꞌ nojibꞌel chake konojel ri ngekꞌutun chare, ma ndukꞌekꞌej ta y ma nabꞌey ta ndukꞌusalaꞌ tzij pa ruwiꞌ ri ndikꞌutun, y kꞌaja ta riꞌ xtuyaꞌ.

Colosenses 4:5

Utz inoꞌoj tibꞌanaꞌ chikikajal ri wineq ri ma kitaqin ta ri Cristo, ma xetal keriꞌ teqꞌax ri tiempo pa iwiꞌ.

Hebreos 13:21

Kin ta ja Dios riꞌ, ndiyoꞌon nojel ri ndikꞌatzin chiwa chin ngixtiker ndibꞌen ri utz pa ikꞌaslen, achel ndirajoꞌ rijaꞌ, y kin ta roma ri Jesucristo, ri Dios ndubꞌen chuqaꞌ chaqe chi ngojtiker ndiqabꞌen ri ndiqaꞌ chuwech. ¡Kin ta ndiyoꞌox nimalej ruqꞌij chin jumul! Amén.

1 Pedro 2:15

Porque ri rurayibꞌel ri Dios chiwa, ja ri ndibꞌen ri utz, chin keriꞌ ri wineq ri ma pa ruchojmil ta ngenojin y xetal ngekibꞌilaꞌ tzij chiwij, atoq ndikitzꞌet ri utz ngixtajin rikꞌin, ma jun chik achike xtikibꞌij chiwij.

2 Tesalonicenses 1:11

Romariꞌ roj jumul ndiqabꞌen orar iwoma. Ndiqakꞌutuj chare ri qa-Dios chi ngixrutoꞌ chukꞌuaxik jun kꞌaslen ri ndubꞌen chi ndikikot rijaꞌ chi xixroyoj. Ndiqakꞌutuj chuqaꞌ chi rijaꞌ rikꞌin ri ruchuqꞌaꞌ ndubꞌen chiwa chi ngixtiker ndibꞌen ri utz ri ndiwojoꞌ ndibꞌen, y chi ngixtiker ndikꞌis kan nojel ri itzꞌamon rubꞌanik roma kuqul ikꞌuꞌx rikꞌin.

1 Tesalonicenses 5:17

Jumul tibꞌanaꞌ orar.

1 Juan 5:20

Qetaman chuqaꞌ chi ri Rukꞌajol ri Dios xuqaqa chochꞌulew, y xuyaꞌ etamabꞌel chaqe chin ndiqetamaj runoꞌoj ri qetzij Dios. Y roj xe jun qabꞌanun rikꞌin ri qetzij Dios, porque xe jun qabꞌanun rikꞌin ri Jesucristo ri Rukꞌajol. Ja rijaꞌ ri qetzij Dios, y ja rijaꞌ ri ndiyoꞌon ri kꞌaslen ma ndikꞌis ta.

Colosenses 3:16

Kin ta xtinoj ri iwánima rikꞌin ri rutzij ri Cristo, y kin ta xtikꞌojeꞌ jumul chiriꞌ. Kin ta xtikusaj nojel ri utzulej nojibꞌel ri pataneq rikꞌin ri Cristo chin nditijoj y ndipixabꞌaj iwiꞌ chiwech. Rikꞌin nojel iwánima keꞌibꞌixaj salmos, himnos y chꞌaqa chik bꞌix ri nduyaꞌ ri Espíritu Santo chiwa chin ngixmatioxin chare ri Dios.

Hebreos 10:36

Keriꞌ nibꞌij chiwa, porque ndikꞌatzin chi qꞌij-qꞌij ngixkochꞌon, chin keriꞌ rikꞌin ri ndibꞌen ri rurayibꞌel ri Dios, ndiyoꞌox chiwa ri sujun kan roma rijaꞌ.

Filipenses 1:4

Y jumul atoq nibꞌen orar iwoma rix iwonojel, ngikikot nibꞌen orar.

Filemón 1:4

Kin nimatioxij chare ri nu-Dios awoma rat Filemón, y jumul ngatinkꞌuxlaꞌaj pa teq nu-oración,

Efesios 6:6

Ma xe ta atoq kꞌo ri iwajaw chiꞌinaqaj utz kixsamej, xe roma ndiwojoꞌ chi utz ngixtzꞌat koma rejeꞌ. Kixsamej kin achel ta rix loqꞌon teq samajelaꞌ chin ri Cristo, tibꞌanaꞌ ri samaj bꞌiꞌin chiwa, achel ndurayij ri Dios chi ndibꞌen.

Romanos 12:2

Ma tibꞌen rix achel ndikibꞌen ri wineq bꞌaneq kánima chirij ri ndusuj ri rochꞌulew, xa kin tiyaꞌ qꞌij chare ri Dios chi tuyaꞌ jun kꞌakꞌakꞌ nojibꞌel chiwa chin ndijalatej ri ikꞌaslen, y keriꞌ ndiwetamaj ri rurayibꞌel ri Dios, rayibꞌel ri kin utz, kin tzꞌaqet y kin ndiqaꞌ chuwech chi ndibꞌan.

1 Tesalonicenses 1:3

porque atoq ndiqabꞌen orar chuwech ri Qatataꞌ Dios, jumul ndiqakꞌuxlaꞌaj ri samaj ibꞌanun pe roma kuqul ikꞌuꞌx rikꞌin ri Ajaw y chi ngixsamej chikitoꞌik chꞌaqa chik roma ngixojowan, y chi kin ndikachꞌ ri kꞌayew ndiqꞌasaj roma iwoyobꞌen ri Qajaw Jesucristo.

1 Juan 2:17

Y ri wineq ri ngebꞌanun ri ma utz ta chochꞌulew xa kin xkekꞌis, y ngekꞌis chuqaꞌ nojel ri itzel teq kirayinik, pero si jun ndubꞌen pa rukꞌaslen ri rurayibꞌel ri Dios, ndiril ri kꞌaslen ma ndikꞌis ta.

1 Pedro 4:2

Keriꞌ tiyaꞌ pa iwánima, chin keriꞌ ri janipeꞌ chik qꞌij ngixkꞌaseꞌ e chochꞌulew, ma tukꞌuꞌex ri ikꞌaslen roma ri itzel teq rayinik ri ndalex pe pa iwánima, y xa kin tibꞌanaꞌ ri rurayibꞌel ri Dios.

Colosenses 4:12

Nduteq ruxunaqil iwech ri hermano Epafras, jun iwinaq rix. Rijaꞌ jun rusamajel ri Cristo Jesús, y kin jumul ndubꞌen orar. Ndukꞌutuj chare ri Dios pa iwiꞌ chi kaw ngixpeꞌeꞌ chiraqen ri Dios y ndikꞌiy utz-utz ri ikꞌaslen chuwech, y chi kin kuqul ikꞌuꞌx iwetaman ndibꞌen ri rurayibꞌel ri Dios.

Colosenses 1:6

Ri utzulej teq tzij chin kolotajik xbꞌeqaqa rutzijol chiꞌikajal, y jabꞌel ndikꞌiy y ndiwachin achel jun tikoꞌ. Ri utzulej teq tzij riꞌ kꞌiyineq nojel apeꞌ chuwech ri rochꞌulew y kꞌiyineq chuqaꞌ chiꞌikajal rix, xe jampeꞌ xiwetamaj y qetzij xikꞌoxomaj pe ri ru-favor ri Dios.

Efesios 5:17

Romariꞌ, ma tibꞌen achel ndikibꞌen wineq ri xetal ngetajiyaj, xa kin titijaꞌ iqꞌij tiwetamaj achike ndirajoꞌ ri Ajaw chi ndibꞌen.

Efesios 5:10

Titijaꞌ iqꞌij chin ndiwetamaj utz-utz achike ri ndiqaꞌ chuwech ri Ajaw chi ndibꞌen.

Efesios 1:8

Y kin santienta favor ruyoꞌon pa qawiꞌ, roma ruyoꞌon nojel ruwech etamabꞌel y nojibꞌel chaqe,

San Juan 7:17

Si kꞌo jun ndirajoꞌ ndubꞌen ri rurayibꞌel ri Dios, ndukꞌoxomaj si ri tijonik niyaꞌ riyin kin rikꞌin ri Dios pataneq o xa riyin tzꞌukuyun qa.

1 Corintios 1:5

Y roma rijaꞌ ri achoq ikꞌin xe jun ibꞌanun, xixbꞌeyomer rikꞌin nojel ruwech etamabꞌel pataneq rikꞌin rijaꞌ, y rikꞌin chuqaꞌ ri jabꞌel rubꞌixik ndibꞌen ri etamabꞌel riꞌ.

Hechos 12:5

Y keriꞌ ri Pedro chajin utz-utz pa cheꞌ, pero jukꞌan chik apeꞌ kimolon kiꞌ ri hermanos pa rubꞌiꞌ ri Ajaw, ndikibꞌen orar chare ri Dios roma rijaꞌ.

Filemón 1:6

Yin nikꞌutuj chare ri Dios chi roma kuqul akꞌuꞌx rikꞌin ri Ajaw Jesús, ngojatoꞌ y keriꞌ qachibꞌil qiꞌ pa rusamaj ri Dios. Kꞌo nimalej teq achike ngojtiker ndiqabꞌen y kin xtiqabꞌen wi rikꞌin ndawetamaj nojel ri favor yoꞌon chaqe qonojel, chin ndiyoꞌox ruqꞌij ri Cristo.