Colosenses 1:27 - Kaqchikel Santo Domingo (Xenacoj)

²⁷ ri achoq chake ri Dios xrajoꞌ xukꞌut ri nimalej ruqꞌij ri bꞌeyomal rukꞌamon pe ri utzulej teq tzij ri ma kin ta qꞌalej rubꞌeyal ojer, y wokami ndajin ruqꞌalajrisaxik chikiwech konojel wineq. Y ri nimalej bꞌeyomal riꞌ ja ri ndikꞌojeꞌ ri Cristo pa iwánima, ri ndibꞌanun chi iwoyobꞌen ri qꞌij atoq ngixbꞌekꞌojeꞌ rikꞌin chupan ri nimalej ruqꞌij.

နောက်ထပ်ဗားရှင်းများ

Kaqchikel Santa Maria de Jesus

²⁷ Can chika ojreꞌ ri Dios xucꞌut ri cꞌo riqꞌuin ri incheꞌl jun nem bꞌayomal y cꞌo rukꞌij, y vacame ri Cristo cꞌo chic riqꞌuin ivánima ixreꞌ ri man ix israelitas ta y rumareꞌ ivoyoꞌien ri kꞌij chi xquixbꞌacꞌujieꞌ riqꞌuin jajaꞌ chupan ri utzulaj lugar ri cꞌo chicaj.

Kaqchiquel Bible

²⁷ Rija' kan xrajo' k'a xuq'alajirisaj ri jun nimalej qitzijri'il ri kan ewatel-pe, y ri qitzijri'il ri' nubij chi ri Dios xuteq-pe ri Cristo richin nok'oje' chuqa' pa taq iwánima rix y richin chi kan iwoyoben ri q'ij toq yixbek'oje' rik'in rija', rik'in chik iq'ij-ik'ojlen.

Kaqchikel Central Guatemala

²⁷ Ri Dios can nrajo-vi c'a nuc'ut chikavech roj israelitas, chi rija' can yalan vi utz ri ruch'obonic pan ivi' chuka' rix ri man ix israelitas ta. Xa c'a juba' tuk'alajirisaj chi ri Cristo can nic'oje' c'a chuka' pa tak ivánima rix. Y roma can c'o chic ri Cristo pa tak ivánima, can ivoyoben c'a ri k'ij tok yixbec'oje' riq'uin rija' ri c'o ruk'ij-ruc'ojlen, y jebel xte'ibana' riq'uin.

Re C'ac'a Testamento pa Kach'abal

²⁷ Re Dios can nrajo-va nuc'ut chakavach yoj re yoj israelitas, che reja' camas otz chuka' runojin pan ive' yex re man yix israelitas-ta. Xa c'a ba' tusekresaj-va che re Jesucristo can nic'ue' chuka' pa tak ivánma yex. Y roma c'o chic re Jesucristo pa tak ivánma, can iyaben re k'ij tak xquixec'ue' riq'uin reja' re camas ruk'ij, y jabal xte'bana' riq'uin.

Kaqchikel Western Solola

²⁷ Can chake riyoj xuk'alajsaj wi ri xa ma k'alajsan ta pe ojer ca. Y ri ruk'alajsan ri Dios can achi'el jun nimalaj beyomel y can c'o wi ruk'ij ruc'ojlen, ruma wacami ri Cristo nic'oje' chuka' pa tak iwánima riyix ri ma yix israelitas ta y can rubanon chiwe chi riq'ui ronojel iwánima iwoyoben ri k'ij tek xquixbec'oje' riq'ui chupan ri nimalaj ruk'ij ruc'ojlen.

Colosenses 1:27 ပူးပေါင်းရင်းမြစ်များ

San Juan 14:20

Y chupan ri qꞌij riꞌ, kin ndiqꞌalajin chiwech chi riyin xe jun nubꞌanun rikꞌin ri Nataꞌ, y rix xe jun ibꞌanun wikꞌin, y riyin iwikꞌin rix.

Romanos 8:10

Pero si kꞌo ri Cristo pa iwánima, maske ri i-cuerpo ndiken e roma ri mak, ri iwánima kꞌo rukꞌaslen, porque ri Dios rubꞌanun chiwa chi nixta jun imak iweqalen chuwech rijaꞌ.

1 Juan 4:4

Rix ri kin achel rix walkꞌuaꞌl keriꞌ, rix richin ri Dios, y xixtiker yan pa kiqꞌaꞌ ri kiqꞌabꞌan kiꞌ chi e-profetas, porque ri Espíritu Santo ri kꞌo pa iwánima más kꞌo ruchuqꞌaꞌ ke chuwech ri itzel ri rajawal ri rochꞌulew.

Gálatas 2:20

Romariꞌ ma yin chi ta ukꞌuayon ri nukꞌaslen, xa kin ja ri Cristo. Y chupan nojel ri nibꞌen pa nukꞌaslen chireꞌ chochꞌulew, kuqul nukꞌuꞌx rikꞌin ri Rukꞌajol ri Dios ri santienta xirajoꞌ, y xujech riꞌ pa kamik woma riyin.

1 Corintios 3:16

¿Ma iwetaman ta kꞌa chi rix ri itaqin ri Cristo, rix rachoch ri Dios y ri Espíritu chin ri Dios kꞌo pa iwánima?

Apocalipsis 3:20

Tayaꞌ cuenta chare chi riyin yin peꞌel chuchiꞌ ri puerta y ngikꞌujkꞌut apu. Si kꞌo jun ndirakꞌaxaj ri nuchꞌabꞌel y ndujeq pe ri puerta chinuwech, riyin nginok apu rikꞌin, ngiwaꞌ rikꞌin y rijaꞌ ndiwaꞌ wikꞌin riyin.

San Juan 14:17

Y riꞌ ja ri Espíritu Santo, ri ndiqꞌalajrisan ri qetzij. Ri Espíritu riꞌ, maneq cheꞌel ndikikꞌen apu pa kánima ri wineq ma nginikitaqij ta, porque ma ndikitzꞌet ta nixta ketaman runoꞌoj, pero rix iwetaman runoꞌoj roma kꞌo iwikꞌin wokami, y más chiwech apu, kin ndikꞌojeꞌ jumul pa iwánima.

Gálatas 4:19

Rix ri kin achel rix walkꞌuaꞌl keriꞌ, iwoma ninaꞌ chik jumbꞌey qꞌaxon pa wánima, y nijunumaj re qꞌaxon reꞌ rikꞌin ri qꞌaxomal nduqꞌasaj jun ixaq atoq ndalan, y ndikꞌis e, hasta kꞌa tiqꞌalajin na ri utzulej runoꞌoj ri Cristo pa ikꞌaslen.

2 Corintios 4:6

Porque ri Dios ri kereꞌ xubꞌij: Tiyikꞌiyoꞌ pe luz pa qꞌequꞌ, xubꞌen chuqaꞌ chi xyikꞌiyoꞌ pe luz pa qánima, chin keriꞌ roj rikꞌin ri luz riꞌ, ndiqayikꞌaj kánima chꞌaqa chik, chin ndiketamaj ri nimalej ruqꞌij ri Dios ri ndiyikꞌan chupalej ri Jesucristo.

1 Timoteo 1:1

Riyin Pablo, jun ru-apóstol ri Cristo Jesús, roma keriꞌ xkibꞌen mandar ri Dios Qakolonel y ri Cristo Jesús ri achoq roma qoyobꞌen ri qakolotajik.

Colosenses 2:3

Porque rikꞌin ri Cristo ndilitej nojel utzulej nojibꞌel y etamabꞌel chin ri Dios, ri kin jun nimalej bꞌeyomal.

San Juan 14:23

Y ri Jesús xubꞌij chare: Si jun wineq qetzij ngirajoꞌ, ndubꞌen ri nubꞌiꞌin kan y ndojowex roma ri Nataꞌ. Y ri Nataꞌ y riyin ngojuqaqa chin ndiqabꞌen qachoch chare ri ránima.

2 Corintios 6:16

Keriꞌ chuqaꞌ roj ri ndiqayaꞌ ruqꞌij ri Dios, roj rachoch ri Kꞌaslik Dios, y romariꞌ ma utz ta chi ndiqakꞌuaj qiꞌ kikꞌin ri ndikiyaꞌ kiqꞌij tiox, achel xubꞌij ri Dios chupan ri rutzij tzꞌibꞌan kan: Ri yin kitaqin, nibꞌen wachoch chare ri kánima y ngikꞌojeꞌ chikikajal, Riyin nginok ki-Dios, Y rejeꞌ ngeꞌok nutinamit.

Colosenses 3:11

Y roma ri Dios rubꞌanun kꞌakꞌakꞌ chare ri qakꞌaslen, ma jun ndubꞌen si rat israelita o rat griego, si bꞌanun ri circuncisión chawa o naq, si rat aj pa qꞌayis wineq o ma jun ok awetaman, si rat loqꞌon samajel o rat libre. Porque ri qetzij kꞌo reqalen, ja ri Cristo ri kꞌo pa ruwiꞌ nojel y kꞌo pa qánima roj ri qataqin.

San Juan 17:26

Riyin nuqꞌalajrisan achike rat chikiwech, y kꞌa ngatinqꞌalajrisaj más chikiwech, chin keriꞌ ri ajowabꞌel ri achoq ikꞌin nganawojoꞌ, ndikꞌojeꞌ pa kánima rejeꞌ y riyin chuqaꞌ ngikꞌojeꞌ pa kánima.

Efesios 2:22

Y keriꞌ chuqaꞌ rix roma itaqin ri Jesucristo, ngixkꞌiy pa ikꞌaslen chiraqen ri Dios chin ngixok rachoch, roma ri Espíritu Santo ri kꞌo pa iwánima.

San Juan 6:56

Ri ndikꞌuxu ri nu-cuerpo y ndutij ri nukikꞌel, jumul xe jun rubꞌanun wikꞌin y riyin jumul ngikꞌojeꞌ pa ránima.

Efesios 1:7

Y roma xbꞌiyin ri rukikꞌel ri Rukꞌajol, xojrelesaj pa ruqꞌaꞌ ri tzꞌamayon qichin y xukuy qamak, chin keriꞌ ndiqꞌalajin chi ri favor ruyoꞌon pa qawiꞌ kin nimalej bꞌeyomal.

Filipenses 4:19

Y ri nu-Dios ri kin nimalej rubꞌeyomal, kin xtuyaꞌ nojel ri ndikꞌatzin chiwa rix ri xe jun ibꞌanun rikꞌin ri Cristo Jesús.

Romanos 9:23

Keriꞌ xubꞌen rijaꞌ chin xuqꞌalajrisaj ri nimalej y utzulej runoꞌoj chikiwech ri wineq ri kin xe jampeꞌ pa nabꞌey erunabꞌan chin ndujoyowaj kiwech y ndikꞌojeꞌ kiqꞌij chupan ri nimalej ruqꞌij rijaꞌ.

Romanos 5:2

Y roma qataqin ri Qajaw Jesucristo, xuyaꞌ qꞌij chaqe chi xojok chupan ri favor nduyaꞌ ri Dios, ri achoq chupan qꞌij-qꞌij kaw roj peꞌel y ngojkikot qoyobꞌen ri qꞌij atoq ndikꞌojeꞌ qaqꞌij chupan ri nimalej ruqꞌij ri Dios.

Colosenses 1:5

roma kuqul ikꞌuꞌx iwoyobꞌen chi ndiyoꞌox ri yakon apu chiwa chikaj, ri xiwakꞌaxaj rutzijol atoq xtzijox ri qetzij chiwa, y ri qetzij riꞌ ja ri utzulej teq tzij chin kolotajik.

2 Corintios 4:17

Porque ri jubꞌaꞌ kꞌayew ndiqaqꞌasaj wokami, ndubꞌen chaqe chi nim qaqꞌij ndeqilaꞌ rikꞌin ri Dios, nim qaqꞌij ri ma jumbꞌey xtikꞌis. Y atoq ndiqakꞌoxomaj reꞌ, ndiqanaꞌ chi xa jubꞌaꞌ ok ri kꞌayew ngeqaqꞌasaj y xa chaꞌanin ngeꞌeqꞌax.

San Lucas 17:21

Nixta jun wineq retaman apeꞌ kꞌo, chin ta xtubꞌij: Ri ru-reino ri Dios ja kꞌo chireꞌ, o xtibꞌix ta: Ja kꞌo más kelaꞌ apu. Porque ri ru-reino ri Dios kꞌo chik chiꞌikajal.

San Mateo 13:11

Ri Jesús xubꞌij: Chiwa rix yoꞌon qꞌij chin ndiwetamaj ri ewan pe rubꞌeyal xe ojer kan pa ruwiꞌ ri ru-reino ri aj chikaj Dios, pero chake rejeꞌ ma yoꞌon ta qꞌij.

2 Corintios 2:14

Pero matiox chare ri Dios ri roj rukꞌuan chupan ri desfile apeꞌ ndukꞌut chi xchꞌakon ri Cristo ri achoq ikꞌin xe jun qabꞌanun. Matiox chuqaꞌ chare ri Dios chi ngojrukusaj chin keriꞌ ri wineq ndiketamaj achike ri Cristo. Ri etamabꞌel riꞌ kin achel jun jubꞌulej aqꞌon ri nojel apeꞌ ndukiraj riꞌ ri ruxlaꞌ.

Romanos 11:33

¡Kin santienta nim ri retamabꞌel y ri runojibꞌal ri Dios, kin achel jun nimalej bꞌeyomal keriꞌ! Ma jumbꞌey ngojtiker ndiqakꞌoxomaj ri ndubꞌen ruwech rijaꞌ chi ndubꞌen, nixta ngojtiker ndiqakꞌoxomaj ri runoꞌoj ndubꞌen chaqe roj wineq.

Romanos 2:4

¿O xa maneq reqalen ndabꞌen chare ri santienta utz rubꞌanun ri Dios chawa, chi rat rukochꞌon y kꞌiy tiempo ma kꞌowineq ta rukꞌuꞌx rikꞌin ri ma utz ta ngatajin rikꞌin? ¿Ma ndayaꞌ ta kꞌa cuenta chare chi ri utzulej runoꞌoj ri Dios awikꞌin, xa kin chin ndirajoꞌ nditzolij pe awánima rikꞌin?

Hebreos 6:19

Y ri qoyobꞌen chi nduyaꞌ kin achel jun yuqubꞌel chin ri qánima ri roj ruximon kaw, achel jun ancla yoꞌon qa pa yaꞌ ri ndubꞌen chare jun barco chi xe jun apeꞌ ndikꞌojeꞌ pariꞌ ri yaꞌ. Ri qoyobꞌen ndubꞌen chaqe chi achel roj qꞌaxneq chi apu jukꞌan chin ri pimilej kꞌul ri tzꞌapiyon ruchiꞌ ri kꞌojlibꞌel más loqꞌolej chin ri aj chikaj rachoch ri Dios.