Colosenses 1:18 - Kaqchikel Santo Domingo (Xenacoj)

¹⁸ Ja ri Cristo ukꞌuey qabꞌey roj ri ralkꞌuaꞌl ri Dios y roj okuneq ruwachinel ruqꞌa-raqen ri Cristo, y rikꞌin rijaꞌ xtzꞌukutej pe ri kꞌakꞌakꞌ qakꞌaslen. Ja rijaꞌ ri nabꞌey xkꞌastej pe chikikajal ri animaꞌiꞌ y ma ndiken chi ta, chin keriꞌ más nimalej ruqꞌij ke chikiwech nojel ri ebꞌanun.

နောက်ထပ်ဗားရှင်းများ

Kaqchikel Santa Maria de Jesus

¹⁸ Jajaꞌ ri jolomaj ri cꞌo pa kaveꞌ ojreꞌ ri kaniman, ri oj ru-iglesia y oj-acunak ru-cuerpo. Jajaꞌ ri niyoꞌn kacꞌaslien, jajaꞌ ri xcꞌastaj-pa naꞌay chiquicajol ri quiminakiꞌ. Rumareꞌ jajaꞌ más cꞌo rukꞌij chiquivach nojiel ri icꞌo.

Kaqchiquel Bible

¹⁸ Ja rija' ri jolomaj pa qawi' ri qakuquban qak'u'x rik'in, y oj okineq ruch'akul. Ja rija' xya'on ruk'aslen ri ch'akulaj ri'. Y ja rija' ri nabey ri xk'astej-el chikikojol ri kaminaqi', richin chi xk'oje' nabey pa ruwi' ronojel.

Kaqchikel Central Guatemala

¹⁸ Ja rija' ri jolomaj (vi'aj) ri c'o pa kavi' roj ri kaniman, ri nibix iglesia chike y oj oquinek ruch'acul. Ja rija' ri nabey ri xc'astej-el chiquicojol ri caminaki', y romari' nuya' c'aslen. Y romari' ja rija' ri nabey, chuvech ronojel.

Re C'ac'a Testamento pa Kach'abal

¹⁸ Y ja reja' re c'o pa kave' yoj re kaniman, re nibex iglesia chaka y yoj-aconak ru-cuerpo. Ja reja' re nabey xc'astaj-a chiquicojol re anama'i', y mare' nuya' c'aslen. Y mare' ja reja' re nabey que chiquivach ronojel.

Kaqchikel Western Solola

¹⁸ Ya Riya' achi'el ri jolomaj (wi'aj) ri c'o pa kawi' riyoj ri kaniman, ri nibix iglesia chake y yoj oconek achi'el ruch'acul. Ya chuka' Riya' ri niya'o ruc'aslen ri ch'aculaj ri'. Y can ya chuka' Riya' ri nabey ri xc'astej el chiquicojol ri caminaki'. Y rumari' ya Riya' ri nabey chuwech ronojel.

Colosenses 1:18 ပူးပေါင်းရင်းမြစ်များ

Apocalipsis 1:5

Keriꞌ chuqaꞌ ri Ajaw Jesucristo ri ma jumbꞌey rujalon ruwech ri ruqꞌalajrisan, kin ta xtuyaꞌ ru-favor pa iwiꞌ y xtuyaꞌ chuqaꞌ uxlanen pa iwánima. Ja rijaꞌ ri nabꞌey xkꞌastej pe chikikajal ri animaꞌiꞌ y ma ndiken chi ta. Ja rijaꞌ ri nimalej Ajaw pa kiwiꞌ konojel reyes chochꞌulew. Rijaꞌ ngojrajoꞌ y xojrukal chuwech ri qamak rikꞌin ri rukikꞌel.

Hechos 26:23

Ri Jun ri nditaq pe roma ri Dios chukolik ri rutinamit, kin xtiyoꞌox pa kꞌayew y ndikamisex, y ja rijaꞌ ri nabꞌey ndikꞌastajbꞌex pe chikikajal ri animaꞌiꞌ chin ma ndiken chi ta, y ja rijaꞌ ndikꞌamo pe rutzijol ri kolotajik chake ri israelitas y ri ma israelitas ta. Keriꞌ kibꞌiꞌin kan y jariꞌ ri nitzijoj riyin chi xbꞌanatej, xchajeꞌ ri Pablo.

San Mateo 28:18

Ri Jesús xjel apu chikinaqaj y xubꞌij chake: Pa nuqꞌaꞌ riyin xjach nojel uchuqꞌaꞌ pa ruwiꞌ ri kaj y pa ruwiꞌ ri rochꞌulew.

1 Corintios 11:3

Pero riyin niwojoꞌ chi rix ndikꞌoxomaj chi ja ri Cristo ri ukꞌuey bꞌey kichin konojel achiꞌaꞌ, y ri achi ukꞌuey bꞌey richin ri rixjayil, y ri Dios ukꞌuey bꞌey richin ri Cristo.

Apocalipsis 22:13

Ja riyin ri Alfa y ri Omega, ri nabꞌey y ri rukꞌisibꞌel chin nojel, ja riyin ri kin yinkꞌo wi y ngikꞌojeꞌ chin jumul.

Efesios 5:23

Porque ja ri achi ukꞌuey bꞌey richin ri rixjayil, achel ri Cristo ukꞌuey bꞌey kichin konojel ri eralkꞌuaꞌl ri Dios. Ja ri Cristo ri kikolonel y rejeꞌ eꞌokuneq ruwachinel ruqꞌa-raqen.

Apocalipsis 21:6

Y xubꞌij chuqaꞌ chuwa: Riyin xinbꞌen yan kꞌakꞌakꞌ chare nojel. Ja riyin ri Alfa y ri Omega, ri nabꞌey y ri rukꞌisibꞌel chin nojel. Ri ndichaqiꞌj ruchiꞌ, niyaꞌ qꞌij chare chi ndutij ri yaꞌ ndel pe pa alaxbꞌel yaꞌ ri ndiyoꞌon ri kꞌaslen ma ndikꞌis ta.

1 Corintios 15:25

Porque ndikꞌatzin chi ri Cristo ndubꞌen reinar, xe hasta tubꞌanaꞌ na chake konojel ri itzel ngetzꞌeto richin chi ngekꞌojeꞌ chuxeꞌ rutzij.

Apocalipsis 11:15

Ri ruwuq ángel xuxulaj ri trompeta yoꞌon chare y chikaj xeꞌakꞌaxex nimalej teq chꞌabꞌel ri kereꞌ ndikibꞌilaꞌ: Wokami pa ruqꞌaꞌ ri Qajaw Dios Xyoꞌox ri aj rochꞌulew reino, Y pa ruqꞌaꞌ chuqaꞌ ri Jun ri xuteq chochꞌulew chukolik ri rutinamit. Y Rijaꞌ ndubꞌen reinar chin jumul pa kiwiꞌ.

Apocalipsis 1:18

ja riyin chuqaꞌ ri kꞌo nukꞌaslen, y xiken chochꞌulew, pero kin kꞌo wi nukꞌaslen chin jumul, y kꞌo uchuqꞌaꞌ pa nuqꞌaꞌ pa ruwiꞌ ri kamik y pa ruwiꞌ ri lugar apeꞌ yoꞌon kánima ri animaꞌiꞌ.

Apocalipsis 1:8

Ri Ajaw Dios ri kin xixkꞌo wi pe, kꞌo wokami y kin xtuqaqa wi, ndubꞌij: Ja riyin ri Alfa y ri Omega, ri nabꞌey y ri rukꞌisibꞌel chin nojel. Pa nuqꞌaꞌ riyin kꞌo nojel uchuqꞌaꞌ.

Colosenses 1:24

Riyin ngikikot roma ri kꞌayew niqꞌasaj iwoma, porque rikꞌin ri keriꞌ niqꞌasaj pa nukꞌaslen, nitzꞌaqatisaj pa nu-cuerpo ri kꞌayew qꞌaton pa nuwiꞌ chin niqꞌasaj pa rubꞌiꞌ ri Cristo koma ri ralkꞌuaꞌl ri Dios, y riꞌ ja roj ri roj okuneq ruwachinel ruqꞌa-raqen ri Cristo.

Efesios 1:10

Porque xubꞌen ruwech chi nojel ri achikejeꞌ ekꞌo chochꞌulew y ekꞌo chikaj ngeruyaꞌ chuxeꞌ rutzij ri Cristo atoq nderilaꞌ ri tiempo ri rubꞌanun pe ruwech xe jampeꞌ pa nabꞌey.

San Juan 1:27

Rijaꞌ, chuwij riyin nduqaqa, y nixta rukꞌulun chi ja ok riyin ngikiro rukꞌamal ri ruxajabꞌ, xchajeꞌ ri Juan.

San Juan 1:16

Y roma nojneq ránima ri Rukꞌajol ri Dios rikꞌin ri qetzij y ru-favor ri Dios, santienta favor roqaloꞌon riꞌ yoꞌon pe pa qawiꞌ chuqaꞌ roj.

San Juan 1:1

Atoq xtzꞌukutej pe nojel, kin xixkꞌo wi ri Jun ri ndiqꞌalajrisan runoꞌoj ri Dios, y ri Jun riꞌ kin kꞌo wi rikꞌin ri Dios y kin Dios wi chuqaꞌ.

Apocalipsis 3:14

Tatzꞌibꞌaj reꞌ chare ri nusamajel kꞌo pa ruwiꞌ ri bꞌotzaj ralkꞌuaꞌl ri Dios ri ndikimal kiꞌ pa tinamit Laodicea: Riyin ri Jesucristo, kin ja wi ri nibꞌij, y ri achike nuqꞌalajrisan, kin qetzij y ma jumbꞌey nujalon ruwech. Ja riyin ri xirukusaj ri Dios chin xubꞌen nojel ri kꞌo, y ja riyin ri kereꞌ nibꞌij:

1 Juan 1:1

Re wuj re nitzꞌibꞌaj e chiwa, ndichꞌaꞌa pa ruwiꞌ ri Jun ri kin xixkꞌo wi atoq kꞌajani tibꞌan ri kaj y ri rochꞌulew. Y roj ri roj apóstoles kin rikꞌin qawech xqatzꞌet rijaꞌ, rikꞌin qaxikin xqakꞌaxaj ri xubꞌij, y rikꞌin qaqꞌaꞌ xqatzꞌen. Y ri achoq pa ruwiꞌ ngojchꞌaꞌa, ja ri Jun ri ndiqꞌalajrisan runoꞌoj ri Dios y nduyaꞌ kꞌaslen.

Romanos 8:29

Porque rijaꞌ xe jampeꞌ pa nabꞌey kin retaman wi pe kiwech ri eruchaꞌon chin ngeꞌok loqꞌolej achel ri Rukꞌajol, chin keriꞌ ja ri Rukꞌajol ri nimalaꞌtz chikiwech ekꞌiy ruchaqꞌ.

San Mateo 23:8

Pero rix ma tirayij ndibꞌix tijonel chiwa, roma xa kin xe wi jun ri Itijonel, y rix iwonojel i-hermanos iwiꞌ.

1 Corintios 12:27

Ri niwojoꞌ nibꞌij chiwa jareꞌ: Roj y rix ri qataqin ri Cristo, roj okuneq ru-cuerpo rijaꞌ, y chiqajununal roj okuneq ruwachinel ruqꞌa-raqen ri ru-cuerpo chin ndiqatolaꞌ qiꞌ chiqawech.

Colosenses 2:19

Ri wineq riꞌ, ma jun ta kánima kibꞌanun rikꞌin ri Cristo ri ukꞌuey bꞌey qichin roj ri qataqin rijaꞌ y roj okuneq ru-cuerpo. Ri Cristo nduyaꞌ ri ndikꞌatzin chare ri qakꞌaslen chin ngojkꞌiy achel ndirajoꞌ ri Dios. Roj achel jun cuerpo ri kin jabꞌel rutunun y ruyuqen riꞌ ri rubꞌochꞌil chin ndikꞌiy utz-utz.