Colosenses 1:13 - Kaqchikel Santo Domingo (Xenacoj)

¹³ Rijaꞌ xojrukal pe pa ruqꞌaꞌ ri rajawal ri qꞌequꞌ, y xojruyaꞌ pa ru-reino ri Rukꞌajol ri tzꞌan ndirajoꞌ.

နောက်ထပ်ဗားရှင်းများ

Kaqchikel Santa Maria de Jesus

¹³ Ri Katataꞌ Dios ya xojrucol pa rukꞌaꞌ ri rajaval ri kꞌakuꞌn y xojruyaꞌ pa rukꞌaꞌ ri Rucꞌajuol ri altíra nrajoꞌ.

Kaqchiquel Bible

¹³ Ri Tata'ixel kan xojrelesaj yan pe pa ruq'a' ri q'equ'm, y xojruya' pa rajawaren ri Cristo, ri ruk'ajol ri janila nrajo',

Kaqchikel Central Guatemala

¹³ Ri Tata'ixel can xojrucol yan chuka' pa ruk'a' ri rajaval ri k'eku'n y xojruya' pa rajavaren o pa ruk'a' ri Ruc'ajol. Ri Tata'ixel janíla nrajo' ri Ruc'ajol.

Re C'ac'a Testamento pa Kach'abal

¹³ Re Karta' Dios can xojrucol-yan chuka' pa ruk'a' re rujoval re k'oko'm y xojruya' pa ruk'a' re Ruc'ajol. Re Karta' Dios camas nrajo' re Ruc'ajol.

Kaqchikel Western Solola

¹³ Ri Tata'ixel can xojrucol yan chuka' pa ruk'a' ri rajawalul ri k'eku'm y xojruk'axaj pa ruk'a' Jun ri sibilaj nrajo'. Y ri', ya ri Ruc'ajol,

Colosenses 1:13 ပူးပေါင်းရင်းမြစ်များ

Hechos 26:18

chin ndajeq kiwech, ngeꞌel pe pa qꞌequꞌ y ngekꞌojeꞌ pa luz, ngeꞌel pe chuxeꞌ ruchuqꞌaꞌ ri Satanás y ngeꞌok chuxeꞌ ruchuqꞌaꞌ ri Dios, chin nginikitaqij y ndikuyutej ri kimak. Y ndiyoꞌox chake ri sujun kan roma ri Dios chake ri chꞌajchꞌaj bꞌanun chare ri kikꞌaslen. Keriꞌ xubꞌij ri Ajaw chuwa.

Efesios 5:8

Jumbꞌey kan, pa qꞌequꞌ xkꞌojeꞌ ri ikꞌaslen, pero wokami roma xe jun ibꞌanun rikꞌin ri Ajaw, ri ikꞌaslen kꞌo pa luz, romariꞌ tikꞌuaj ri ikꞌaslen achel kikꞌaslen ri ekꞌo pa luz.

1 Pedro 2:9

Pero rix, rix jun tinamit chaꞌon roma ri Dios, rix sacerdotes ri ndibꞌen rusamaj ri Dios ri nimalej Rey, rix jun loqꞌolej tinamit y rix loqꞌon roma ri Dios. Keriꞌ rubꞌanun ri Dios chiwa, chin nditzijoj ri nimalej teq achike erubꞌanun rijaꞌ ri xoyon iwichin chin xixrelesaj pe chupan ri qꞌequꞌ y xixruyaꞌ chupan ri nimalej ru-luz rijaꞌ.

Efesios 6:12

Porque roj rojkꞌo pa guerra, pero ma wineq ta ri ngebꞌanun guerra chaqe, xa itzel teq espíritu ri ndikibꞌen reinar, ri espíritus ri kꞌo uchuqꞌaꞌ pa kiqꞌaꞌ, ri erajawal ri rochꞌulew ri eꞌukꞌuayon kikꞌaslen ri wineq qꞌequ-qꞌequꞌ kánima, y chuqaꞌ ri itzel teq espíritu ekꞌo pa kaqiqꞌ.

Efesios 4:18

Ri wineq riꞌ xqꞌeqꞌumer qa kinojibꞌal, maneq kiqꞌaꞌ chare ri kꞌaslen nduyaꞌ ri Dios, porque ma ndikajoꞌ ta ndiketamaj ri qetzij, roma kikowirisan ri kánima.

Romanos 14:17

Porque rukꞌuꞌx ri utz chi ndiqabꞌen roj ri rojkꞌo pa ru-reino ri Dios, ma ja ta ri achike ndiqakꞌux o ndiqatij, xa kin ja ri ndiqakꞌuaj jun chojmilej kꞌaslen, ri ndikꞌojeꞌ uxlanen chiqakajal kikꞌin konojel, y ri ngojkikot roma kꞌo ri Espíritu Santo pa qánima.

1 Juan 3:14

Roj qetaman chi xojkolotej yan chuwech ruchuqꞌaꞌ ri kamik, y wokami kꞌo chik ri kꞌaslen ma ndikꞌis ta qikꞌin roma ngekajoꞌ ri hermanos. Pero ri ma ndojowan ta, kꞌajani tikolotej chuwech ruchuqꞌaꞌ ri kamik.

2 Corintios 4:4

Porque ja ri itzel ri rajawal ri rochꞌulew, tzꞌapiyon kinoꞌoj, chin ma tikitzꞌet ri luz nduyaꞌ ri utzulej teq tzij chin kolotajik, utzulej teq tzij ri ngekꞌutu ri nimalej ruqꞌij ri Cristo, ri achoq ikꞌin nditzꞌetetej achike qitz runoꞌoj ri Dios.

1 Juan 3:8

Pero ri jun ri xe mak roma, xa kin chin wi ri itzel, porque ri itzel xe jampeꞌ kꞌajani tibꞌan ri kaj y ri rochꞌulew ndajin rikꞌin mak. Y ri Rukꞌajol ri Dios xuqꞌalajrisaj riꞌ chin ndurukꞌisaꞌ ruqꞌij rusamaj ri itzel.

San Juan 5:24

Kin qetzij nibꞌij chiwa chi ri ndakꞌaxan ri tzij nibꞌij y ndutaqij ri taqayon pe wichin, kin kꞌo chik ri kꞌaslen ma ndikꞌis ta rikꞌin. Pa ruwiꞌ rijaꞌ ma ndiqaqa ta ri castigo nduyaꞌ ri Dios, xa kin kolotajneq chi pe chuwech ri kamik y qꞌaxneq chi apu chupan ri kꞌaslen ma ndikꞌis ta.

1 Juan 2:8

Pero kꞌo chuqaꞌ cheꞌel ndiqabꞌij chi ri nitzꞌibꞌaj e chiwa jun kꞌakꞌakꞌ mandamiento, porque ri rubꞌeyal ri kꞌaslen xukꞌuaj ri Cristo, y ri rubꞌeyal ikꞌaslen chuqaꞌ rix, ndukꞌut chi kꞌakꞌakꞌ. Porque ri qꞌequꞌ ja ndikꞌis e pa ikꞌaslen, y wokami ndiyikꞌan chik pa ikꞌaslen ri qetzij luz pataneq rikꞌin ri Dios.

2 Pedro 1:11

Porque si ngekꞌiyer re utzulej teq noꞌoj reꞌ pa ikꞌaslen, kin jabꞌel ndikꞌan apu iwech chupan ri reino ma ndikꞌis ta chin ri Qajaw y Qakolonel Jesucristo.

San Lucas 13:24

Titijaꞌ iqꞌij chi ngixok apu chupan ri puerta kaꞌal ruwech. Porque nibꞌij chiwa chi ekꞌiy kin xtikitij kiqꞌij chin ngeꞌok apu y ma ngetiker ta.

Hebreos 2:14

Y achel kꞌo ki-cuerpo y kikikꞌel ri eralkꞌuaꞌl ri Dios, keriꞌ chuqaꞌ ri Jesús xkꞌojeꞌ ru-cuerpo y rukikꞌel, chin keriꞌ, rikꞌin ri kamik xuqꞌasaj ndukꞌis ruqꞌij nojel ri uchuqꞌaꞌ kꞌo pa ruqꞌaꞌ ri rajawal ri kamik, y riꞌ ja ri itzel.

San Juan 17:24

Nataꞌ, ri eꞌayoꞌon chuwa, niwojoꞌ chi ngekꞌojeꞌ apeꞌ ngikꞌojeꞌ riyin, chin ndikitzꞌet ri nimalej nuqꞌij ayoꞌon, porque yin awojowan pe xe jampeꞌ kꞌajani tibꞌan ri rochꞌulew.

San Lucas 22:53

Qꞌij-qꞌij xikꞌojeꞌ chiꞌikajal pa rachoch ri Dios, y ma xijelesaj ta iqꞌaꞌ chuwij chin xinitzꞌen, pero ja hora reꞌ ri yoꞌon qꞌij chiwa chi ndibꞌen kereꞌ, y ja chuqaꞌ hora reꞌ ndikꞌojeꞌ pe ruchuqꞌaꞌ rajawal ri qꞌequꞌ.

San Mateo 3:17

Y xakꞌaxex jun chꞌabꞌel pataneq chikaj ri kereꞌ xubꞌij: Jareꞌ ri Nukꞌajol, y tzꞌan niwojoꞌ. Riyin santienta ngikikot roma rijaꞌ, xchajeꞌ.

San Mateo 25:34

Y ja atoq riꞌ riyin ri Rey nibꞌij chake ri ekꞌo pa wikiqꞌaꞌ: Kixámpe rix ri kꞌo ru-favor ri Nataꞌ Dios pa iwiꞌ, kixok chupan ri reino bꞌanun ruwech chi ndok iwichin xe jampeꞌ xbꞌan pe ri rochꞌulew roma ri Dios.

Efesios 1:6

chin ndiqayaꞌ ruqꞌij ri Tataꞌaj Dios, roma ri nimalej ru-favor rusipan chaqe y ruyoꞌon pa qawiꞌ roj ri xe jun qabꞌanun rikꞌin ri Rukꞌajol ri kin tzꞌan ndirajoꞌ.

San Mateo 17:5

Y atoq ri Pedro kꞌaja ndajin chubꞌixik reꞌ, kꞌateꞌ ruwech xekꞌis chupan jun nube santienta ndiyikꞌan, y pa nube xakꞌaxex jun chꞌabꞌel ri kereꞌ xubꞌij: Jareꞌ ri Nukꞌajol. Riyin tzꞌan niwojoꞌ, y santienta ngikikot roma rijaꞌ. Ja rijaꞌ ri tinimaj rutzij, xchajeꞌ.

San Juan 3:35

Ri Tataꞌaj Dios santienta ndirajoꞌ ri Rukꞌajol, y nojel rujachon pa ruqꞌaꞌ.

2 Corintios 11:14

Pero rix ma tisach ikꞌuꞌx chirij ri ndikibꞌanalaꞌ rejeꞌ, porque iwetaman chi hasta ri Satanás nduqꞌabꞌaj riꞌ chi achel ta rijaꞌ jun ángel ri taqon pe roma ri Dios.

Efesios 5:5

Porque rix iwetaman chi pa ru-reino ri Cristo y ri Dios, ma ngeꞌok ta ri ndikikꞌamalaꞌ qa kiꞌ xa achoq na ikꞌin chin ndikibꞌen mak, nixta ri ndikibꞌanalaꞌ itzel teq achike ri nduchꞌabꞌaqrisaj ri kikꞌaslen, nixta ri ngejamem chirij méra, porque ri ngajamem chirij méra xa achel ndayaꞌ kiqꞌij tiox keriꞌ.