Colosenses 1:10 - Kaqchikel Santo Domingo (Xenacoj)

¹⁰ Chin keriꞌ ndikꞌuaj jun kꞌaslen achel ndirajoꞌ ri Ajaw, y nojel ri ndibꞌen kin ta ndiqaꞌ chuwech, kin ta kꞌiy utz ngeꞌibꞌanalaꞌ chake chꞌaqa chik, kin achel jun cheꞌ ri yalan ndiwachin, y kin ta más ngixkꞌiy pa ikꞌaslen roma ndiwetamaj ri utzulej runoꞌoj ri Dios.

နောက်ထပ်ဗားရှင်းများ

Kaqchikel Santa Maria de Jesus

¹⁰ Quireꞌ nakacꞌutuj cha ri Dios, ruma nakajoꞌ chi ixreꞌ ntivucꞌuaj jun cꞌaslien incheꞌl ri cꞌaslien ri nicꞌatzin niquicꞌuaj ri quiniman chic ri Ajaf Jesucristo. Chi ixreꞌ siempre ntivucꞌuaj ta jun cꞌaslien ri nika choch jajaꞌ. Can ta más y más ntiꞌan ri otz, y ntivatamaj ta más chirij ri Dios.

Kaqchiquel Bible

¹⁰ Keri' xtik'uaj jun k'aslen ri kan niqa' chuwech ri Dios y kan ta niwachin; niben ta ronojel ri utzilej taq banobel y niwetamaj ta más chirij ri Dios.

Kaqchikel Central Guatemala

¹⁰ Queri' nikac'utuj chire ri Dios, roma nikajo' chi rix jantape' tic'uaj jun c'aslen utz; ri ruc'amon chi nic'uaj roma iniman chic ri Ajaf Jesucristo. Chi rix benek ta ruvech nic'uaj jun c'aslen ri nika' chuvech rija'. Can ta nivachin ri ic'aslen. Niben ta ronojel ri utzilej tak banobel, y nivetamaj ta más chirij ri Dios.

Re C'ac'a Testamento pa Kach'abal

¹⁰ Quire' nakac'utuj cha re Dios, roma nakajo' che yex can nojel tiempo tic'uaj jun c'aslen otz, re otz che nic'uaj roma iniman chic re Ajaf Jesucristo. Che yex can-ta nojel tiempo nic'uaj jun c'aslen re nika chach reja'. Y can-ta nivachin re ic'aslen. Niban-ta ronojel re utzulaj tak banabal, y nitamaj-ta más chij re Dios.

Kaqchikel Western Solola

¹⁰ Riyoj queri' nikac'utuj chare ri Dios, ruma nikajo' chi riyix nic'uaj ta jun c'aslen achi'el ri ruc'amon chi nic'uaj chuwech ri Ajaf, chi ma yixtane' ta chi nic'uaj jun c'aslen ri nika chuwech. Niwachin ta ri ic'aslen riq'ui chi nibanala' utzil, y yixq'uiy ta chiretamaxic ri Dios.

Colosenses 1:10 ပူးပေါင်းရင်းမြစ်များ

Efesios 4:1

Riyin Pablo, yin tzꞌapel pa cheꞌ roma nibꞌen rusamaj ri Ajaw. Ngixinpixabꞌaj chi tikꞌuaj jun chojmilej kꞌaslen achel rukꞌulun chi ndikꞌuaj chuwech ri xoyon iwichin.

Hebreos 13:21

Kin ta ja Dios riꞌ, ndiyoꞌon nojel ri ndikꞌatzin chiwa chin ngixtiker ndibꞌen ri utz pa ikꞌaslen, achel ndirajoꞌ rijaꞌ, y kin ta roma ri Jesucristo, ri Dios ndubꞌen chuqaꞌ chaqe chi ngojtiker ndiqabꞌen ri ndiqaꞌ chuwech. ¡Kin ta ndiyoꞌox nimalej ruqꞌij chin jumul! Amén.

1 Juan 3:22

Y ri Dios nduyaꞌ pe chaqe nojel ri achike ndiqakꞌutuj chare, porque ndiqabꞌen ri ndubꞌij ri ru-mandamientos y ndiqabꞌanalaꞌ chuqaꞌ ri ndiqaꞌ chuwech.

San Juan 15:16

Ma rix ta ri xixchaꞌon wichin, ja riyin ri xichaꞌon iwichin, y xixinchaꞌ chin ngixinteq chubꞌanik ri nusamaj chin más ngekꞌiyer ri ngetaqin wichin, y chin jumul ndikiyaꞌ kánima wikꞌin. Xixinchaꞌ chuqaꞌ, chin keriꞌ ri ndikꞌutuj chare ri Nataꞌ pa nubꞌiꞌ, rijaꞌ nduyaꞌ pe chiwa.

1 Tesalonicenses 4:1

Hermanos, jun chik achike niwojoꞌ nibꞌij chiwa, jareꞌ: Nikꞌutuj kamelal chiwa y ngixinpixabꞌaj pa rubꞌiꞌ ri Ajaw Jesús, chi achel ngixtajin chik rukꞌuaxik pa ikꞌaslen ri tijonik ri qayoꞌon kan chiwa pa ruwiꞌ ri achel rubꞌeyal ri kꞌaslen ndikꞌatzin ndikꞌuaj chuwech ri Dios chin ngixqaꞌ chuwech, wokami más titijaꞌ iqꞌij chi ndikꞌuaj ri ikꞌaslen chupan ri tijonik riꞌ.

Hebreos 13:16

Ma timestaj ndibꞌen ri utz chake ri wineq y ngeꞌitoꞌ ri ndikꞌatzin kitoꞌik, porque jariꞌ ri ndikikot ri Dios rikꞌin, pa rukꞌexel chi ngesuj awej teq chikap chuwech.

San Juan 15:8

Rikꞌin ri santienta ndiwachin ikꞌaslen, ri Nataꞌ ndiyoꞌox nimalej ruqꞌij, y keriꞌ nditzꞌetetej chi rix nu-discípulos.

Tito 3:14

Y ri hermanos tiketamaj ndikibꞌen ri utz chin ngekitoꞌ ri ndikꞌatzin kitoꞌik, chin ndiwachin jabꞌel ri kikꞌaslen chuwech ri Dios.

2 Pedro 3:18

Pa rukꞌexel ri keriꞌ ndibꞌen, titijaꞌ iqꞌij chin ngixkꞌiy chupan ru-favor ri Qajaw y Qakolonel Jesucristo y tiwetamaj más runoꞌoj. ¡Kin ta xtiyoꞌox nimalej ruqꞌij rijaꞌ wokami y chin jumul! Amén.

2 Pedro 1:8

Si nojel reꞌ kꞌo pa ikꞌaslen y ngekꞌiyer, ndubꞌen chiwa chi ma ngixqꞌoran ta pa rusamaj ri Dios y kin ndiwachin ri ikꞌaslen chiretamaxik ri utzulej runoꞌoj ri Qajaw Jesucristo.

Colosenses 2:6

Romariꞌ, achel xitaqij yan pa iwánima ri Cristo Jesús ri Qajaw, tikꞌuaj ri ikꞌaslen achel ndirajoꞌ rijaꞌ roma xe jun ibꞌanun rikꞌin.

Colosenses 4:5

Utz inoꞌoj tibꞌanaꞌ chikikajal ri wineq ri ma kitaqin ta ri Cristo, ma xetal keriꞌ teqꞌax ri tiempo pa iwiꞌ.

Efesios 5:15

Romariꞌ, titzꞌetaꞌ utz-utz ri ndibꞌanalaꞌ pa ikꞌaslen. Ma tibꞌen achel ndikibꞌen ri wineq ri xetal ngetajiyaj rikꞌin, xa kin tikusaj ri utzulej inojibꞌal chin ndibꞌen nojel.

Efesios 2:10

Porque ja ri Dios bꞌanayon kꞌakꞌakꞌ chare ri qakꞌaslen roj ri xe jun qabꞌanun rikꞌin ri Cristo Jesús, chin keriꞌ ndiqabꞌanalaꞌ ri utz ri runabꞌan pe ri Dios chin ndiqabꞌen.

2 Corintios 2:14

Pero matiox chare ri Dios ri roj rukꞌuan chupan ri desfile apeꞌ ndukꞌut chi xchꞌakon ri Cristo ri achoq ikꞌin xe jun qabꞌanun. Matiox chuqaꞌ chare ri Dios chi ngojrukusaj chin keriꞌ ri wineq ndiketamaj achike ri Cristo. Ri etamabꞌel riꞌ kin achel jun jubꞌulej aqꞌon ri nojel apeꞌ ndukiraj riꞌ ri ruxlaꞌ.

Romanos 6:4

Romariꞌ, roj achel xojmuq yan junan rikꞌin ri Cristo chin xojken chuwech ri mak atoq xojbꞌan bautizar. Y achel ri Cristo xkꞌastajbꞌex pe chikikajal ri animaꞌiꞌ rikꞌin ruchuqꞌaꞌ ri Tataꞌaj Dios ri kin nimalej wi ruqꞌij, keriꞌ chuqaꞌ roj achel xojkꞌastajbꞌex yan pe keriꞌ, chin ndiqakꞌuaj jun kꞌakꞌakꞌ kꞌaslen.

Efesios 5:10

Titijaꞌ iqꞌij chin ndiwetamaj utz-utz achike ri ndiqaꞌ chuwech ri Ajaw chi ndibꞌen.

Efesios 5:2

Tikꞌuaj jun kꞌaslen ri ndukꞌut chi ndiwojoꞌ iwiꞌ chiwech, kin achel xojrajoꞌ ri Cristo y xusuj riꞌ pa kamik chuwech ri Dios pa qakꞌexel, y keriꞌ xok jun ofrenda jubꞌubꞌ ruxlaꞌ ri kin xqaꞌ chuwech ri Dios.

Filipenses 1:27

Ri más ndikꞌatzin, ja ri rukꞌuaxik ri ikꞌaslen kin ta achel ndubꞌij ri utzulej teq tzij ri ndichꞌaꞌa pa ruwiꞌ ri kolotajik ri nduyaꞌ ri Cristo. Keriꞌ nibꞌij chiwa, chin keriꞌ si xkibꞌeqaqa o ma xkibꞌeqaqa chi ta chiꞌitzꞌetik, kin ta nduqaqa rutzijol wikꞌin chi kaw rixkꞌo chiraqen ri Ajaw, jumul jun iwánima ibꞌanun, junan ngixsamej chin nditaqix ri utzulej teq tzij chin kolotajik,

Filipenses 1:11

xa kin ngixuꞌilitej chi pa ruchojmil ibꞌanaloꞌon nojel, roma ri rubꞌanun ri Jesucristo pa ikꞌaslen. Y keriꞌ ndinimrisex y ndiyoꞌox ruqꞌij ri Dios.

1 Juan 5:20

Qetaman chuqaꞌ chi ri Rukꞌajol ri Dios xuqaqa chochꞌulew, y xuyaꞌ etamabꞌel chaqe chin ndiqetamaj runoꞌoj ri qetzij Dios. Y roj xe jun qabꞌanun rikꞌin ri qetzij Dios, porque xe jun qabꞌanun rikꞌin ri Jesucristo ri Rukꞌajol. Ja rijaꞌ ri qetzij Dios, y ja rijaꞌ ri ndiyoꞌon ri kꞌaslen ma ndikꞌis ta.

Tito 3:1

Takꞌuxlaꞌaj chake ri hermanos chi tikinimaj kitzij ri ngebꞌanun gobernar y kekinimaj chuqaꞌ ri chꞌaqa chik ri kꞌo uchuqꞌaꞌ pa kiqꞌaꞌ pa ruwiꞌ ri tinamit. Takꞌuxlaꞌaj chuqaꞌ chake chi ndikꞌatzin chi jumul tikꞌojeꞌ pa kánima chi ndikibꞌen jalajaj ruwech utz chake chꞌaqa,

Colosenses 3:20

Rix alkꞌualaxelaꞌ, tinimaj kitzij ri ite-itataꞌ rikꞌin nojel ri ndibꞌen pa ikꞌaslen, porque jariꞌ ri ndiqaꞌ chuwech ri Ajaw.

Efesios 4:13

Y ja samaj riꞌ jumul ndikibꞌen ri rusamajelaꞌ ri Dios hasta kꞌa xe na jun qánima ndeqabꞌanaꞌ roj qonojel roma kuqul qakꞌuꞌx rikꞌin ri Rukꞌajol ri Dios, y utz-utz ndiqetamaj runoꞌoj, y keriꞌ ri qakꞌaslen ndok achel rukꞌaslen ri Cristo ri kin tzꞌaqet wi.

Hebreos 11:5

Ri Henoc roma kuqul rukꞌuꞌx rikꞌin ri Dios, keriꞌ kꞌes xukꞌuꞌex e chikaj, ma xqꞌax ta pa kamik y xkanox pero ma xilitej ta, porque xukꞌuꞌex roma ri Dios. Y ri rutzij ri Dios ndubꞌij chi nabꞌey chi xukꞌuꞌex, xtzꞌetetej chi xubꞌen ri ndiqaꞌ chuwech ri Dios.

2 Timoteo 2:4

Ri soldado ri kꞌo pa cuartel ndikꞌatzin ndubꞌen ri ndiqaꞌ chuwech ri xoyon richin chin xok soldado, y romariꞌ ma ndubꞌen ta jun samaj ri ma chin ta pa cuartel.

Colosenses 2:19

Ri wineq riꞌ, ma jun ta kánima kibꞌanun rikꞌin ri Cristo ri ukꞌuey bꞌey qichin roj ri qataqin rijaꞌ y roj okuneq ru-cuerpo. Ri Cristo nduyaꞌ ri ndikꞌatzin chare ri qakꞌaslen chin ngojkꞌiy achel ndirajoꞌ ri Dios. Roj achel jun cuerpo ri kin jabꞌel rutunun y ruyuqen riꞌ ri rubꞌochꞌil chin ndikꞌiy utz-utz.

Filipenses 4:18

Wokami kꞌo chik wikꞌin nojel ri ndikꞌatzin chuwa, y hasta más chuwech ri ndikꞌatzin chuwa kꞌo wikꞌin roma ri achike xeꞌiteq pe chirij ri hermano Epafrodito. Y ri xiteq pe chuwa, jun ofrenda ndikikot ri Dios rikꞌin y kin ndiqaꞌ chuwech, kin achel jun ofrenda ri ndiporox chuwech rijaꞌ, jun ofrenda ri kin ndijubꞌubꞌ ruxlaꞌ.

Efesios 1:17

Nikꞌutuj chare ri Tataꞌaj Dios ri kin nimalej ruqꞌij, ri ru-Dios ri Qajaw Jesucristo, chi tusipaj nojibꞌel pataneq rikꞌin ri Espíritu Santo chiwa y tuqꞌalajrisaj chiwech ri utzulej runoꞌoj chin ndiwetamaj utz-utz achike rijaꞌ.

2 Corintios 9:8

Y ri Dios kin kꞌo ruchuqꞌaꞌ chin ndubꞌen chi ndikꞌiyer nojel ruwech favor pa iwiꞌ, chin keriꞌ jumul ndikꞌojeꞌ iwikꞌin nojel ri ndikꞌatzin chiwa y hasta más chuwech ri ndikꞌatzin chiwa, chin ngixtiker ngeꞌitoꞌ chꞌaqa chik rikꞌin nojel ruwech favor.

San Juan 17:3

Y ri kꞌaslen ma ndikꞌis ta kereꞌ rubꞌeyal: Tiketamaj anoꞌoj rat ri qetzij Dios ri kin xe wi rat jun, y tiketamaj nunoꞌoj riyin ri Jun taqon pe awoma rat chukolik ri atinamit.

2 Corintios 4:6

Porque ri Dios ri kereꞌ xubꞌij: Tiyikꞌiyoꞌ pe luz pa qꞌequꞌ, xubꞌen chuqaꞌ chi xyikꞌiyoꞌ pe luz pa qánima, chin keriꞌ roj rikꞌin ri luz riꞌ, ndiqayikꞌaj kánima chꞌaqa chik, chin ndiketamaj ri nimalej ruqꞌij ri Dios ri ndiyikꞌan chupalej ri Jesucristo.

Romanos 4:12

Y keriꞌ ri Abraham okuneq tataꞌatz ma xe ta pa kiwiꞌ ri bꞌanun ri circuncisión chake, xa kin tataꞌatz chuqaꞌ pa kiwiꞌ ri ndikitaqij ri Dios achel xubꞌen rijaꞌ, xutaqij ri xbꞌix chare roma ri Dios atoq kꞌajani tibꞌan ri circuncisión chare.

Romanos 1:13

Hermanos, riyin niwojoꞌ chi ndiwetamaj chi kꞌiy mul nubꞌanun ruwech chi yin ta bꞌaneq chiꞌitzꞌetik, pero kꞌo ta man kꞌo okuneq chupan. Nirayij chi kin ta ngixkꞌiy pa ikꞌaslen chiraqen ri Cristo, achel bꞌanatajneq rikꞌin ri nusamaj chikikajal ri chꞌaqa chik ma israelitas ta.

2 Corintios 5:9

Romariꞌ, ndiqatij qaqꞌij ndiqabꞌen ri ndurayij ri Ajaw chin ngojqaꞌ chuwech. Ndiqajoꞌ chi ngojqaꞌ chuwech atoq kꞌa kꞌo na ri qánima chupan re aj rochꞌulew qa-cuerpo, y atoq ma kꞌo ta chik chupan chuqaꞌ.

3 Juan 1:6

Rejeꞌ xukibꞌij chaqe roj ri ndiqamal qiꞌ pa rubꞌiꞌ ri Dios chi rat tzꞌan ngatojowan, y utz ndabꞌen chi ndayaꞌ chik e ri ndikꞌatzin chake chin ndikitzꞌen chi e kibꞌey apejeꞌ na ngebꞌa. Pero tabꞌanaꞌ achel kin ta ja ri Dios ndiyoꞌon e chake.