Apocalipsis 9:20 - Kaqchikel Santo Domingo (Xenacoj)

²⁰ Ri wineq ri ma xeken ta pa ruqꞌaꞌ ri kꞌayew riꞌ, ma xkijel ta kinoꞌoj chin ta xkiyaꞌ kan ruyaꞌik kiqꞌij itzel teq espíritu y tiox ekibꞌanun chare qꞌanapueq, saqipueq, bronce, abꞌej y cheꞌ, tiox ri xa ma ngetzuꞌun ta, ma ngeꞌakꞌaxan ta y ma ngebꞌiyin ta.

နောက်ထပ်ဗားရှင်းများ

Kaqchikel Santa Maria de Jesus

²⁰ Pero ri vinak ri man xaꞌcon ta chupan ri sufrimiento reꞌ, man xquiyaꞌ ta can ri itziel tak kax ri ncaꞌquiꞌan y man xquiꞌan ta ri nrajoꞌ ri Dios; ruma cꞌa xaꞌquiyaꞌ quikꞌij ri itziel tak espíritus, xaꞌquiyaꞌ jeꞌ quikꞌij ri ídolos ri i-quibꞌanun cha oro, plata, bronce, abꞌaj, y chieꞌ, y ri ídolos reꞌ xa man ncaꞌtzuꞌn ta, man ncaꞌcꞌaxan ta y man ncaꞌin ta jeꞌ.

Kaqchiquel Bible

²⁰ Jak'a ri winaqi' ri k'a xek'ase' na kan man xtzolin ta pe kik'u'x. Xa xkiyala' na kiq'ij ri itzel taq espíritu y ri wachibel ri e kibanon rik'in q'anapueq, saqipueq, abej, che' y ri q'enq'oj-pueq. Jari' ri xkiya' kiq'ij ri winaqi' ri'; xa dios ri man yetzu'un ta, ni man ye'ak'ex ta y ni man yebiyin ta.

Kaqchikel Central Guatemala

²⁰ Jac'a ri vinek ri c'a xec'ase' na can y man xka' ta ri ruc'ayeval pa quivi', can man c'a xtzolin ta pe quic'u'x. Xa can c'a xequibanala' na ri itzel tak banobel. C'a xequiyala' na quik'ij ri itzel tak espíritu, xequiyala' na quik'ij ri vachibel ri e quibanon riq'uin k'anapuek, sakipuek, abej, che' y riq'uin ri ch'ich' nibix bronce chire. Jari' ri xequiya' quik'ij ri vinek ri', y xa e dios ri man yetzu'un ta, ni man ye'aq'uex ta y ni man yebiyin ta chuka'.

Re C'ac'a Testamento pa Kach'abal

²⁰ Jac'a re vinak re c'a xe'c'ase-na can re man xka-ta re tijoj-pokonal re' pa quive', cama-va xtzolaj-ta-pa quic'o'x riq'uin re Dios. Xa can c'a xe'quibanala' re itzel tak banabal. C'a xe'quiyala' quik'ij re itzel tak espíritu, xe'quiyala' quik'ij re imágenes re je'quibanon cha k'anapuak, cha sakapuak, cha aboj, cha che' y cha re jun ch'ich' nibex bronce cha. Jare' re xe'quiyala' quik'ij re vinak re', y re ye'quiyala' quik'ij reje', xa man ye'tzu'un-ta, man niquic'axaj-ta y chuka' man ye'biyin-ta.

Kaqchikel Western Solola

²⁰ Yac'a ri winek ri ma xecom ta astape' chi can xka ri ruc'ayewal ri' pa quiwi', riye' can man c'a xtzolin ta pe quic'u'x. Xa can c'a xequibanala' na ri etzelal. C'a xequiyala' na quik'ij ri itzel tak espíritu, xequiyala' na quik'ij ri dios ri xa ye banon cuma winek, ri ye quibanon riq'ui k'anapuek, sakapuek, abej, che' y riq'ui ri ch'ich' ri nibix bronce chare. Yeri' ri xequiya' quik'ij ri winek ri', y xa ye dios ri ma yetzu'un ta, ni ma ye'ac'axan ta y ni ma yebiyin ta chuka'.

Apocalipsis 9:20 ပူးပေါင်းရင်းမြစ်များ

San Mateo 21:32

Porque ri Juan ri Bautista xtaq pe chiꞌikajal chin xurukꞌutuꞌ chiwech rubꞌeyal ri chojmilej kꞌaslen ri ndirajoꞌ ri Dios, y rix ma xitaqij ta, pero ri moloy teq méra pa rubꞌiꞌ ri rey y ri ixoqiꞌ ri ndikikꞌayilaꞌ kiꞌ chake achiꞌaꞌ, kin xkitaqij ri xubꞌij. Y rix maske xitzꞌet ri xbꞌanatej, nixta keriꞌ ma xtzolij ta pe iwánima chin ta xitaqij.

Hechos 17:29

Y si roj ralkꞌuaꞌl ri Dios, ma utz ta ndiqabꞌij Dios chare jun achike ri xa wineq ebꞌanayon, maske bꞌanun chare qꞌanapueq, saqipueq o abꞌej, y santienta nojibꞌel kusan chin xebꞌan.

Hechos 19:26

Chuqaꞌ itzꞌeton rikꞌin iwech y iwakꞌaxan chi ri achi rubꞌiniꞌan Pablo rujalon kinoꞌoj ekꞌiy wineq, ma xe ta waweꞌ pa tinamit Éfeso, xa jubꞌama pa nojel teq tinamit chin ri rochꞌulew Asia. Porque ndubꞌilaꞌ chi ri achibꞌel ri ebꞌanun rikꞌin kiqꞌaꞌ wineq ma e-dios ta.

Hechos 7:41

Chupan teq ri qꞌij riꞌ, xkibꞌen qa rachibꞌel jun alaj wakx, y jariꞌ xkibꞌen qa ki-dios chare, y xekikamisaj chikap chuwech chin xkiyaꞌ ruqꞌij. Y xkibꞌen nimaqꞌij roma ri ki-dios xkibꞌen rikꞌin kiqꞌaꞌ.

2 Corintios 12:21

Riyin nuxibꞌin wiꞌ chi atoq xkixbꞌentzꞌetaꞌ, ri Dios xtubꞌen chuwa chi xkikꞌix iwoma, y xtubꞌen chuwa chi xkinoqꞌ komak ekꞌiy chiꞌikajal ri kꞌo chik tiempo ekꞌo pa mak y ma kiyoꞌon ta kan ri itzel teq rayinik ndurayij ri ki-cuerpo, ndikikꞌamalaꞌ qa kiꞌ xa achoq na ikꞌin chin ndikibꞌen mak, y chuqaꞌ ma kiyoꞌon ta kan ri itzel teq achike ngekibꞌanalaꞌ.

1 Timoteo 4:1

Pero kin qꞌalej ri rubꞌiꞌin pe ri Espíritu Santo chi chupan re rukꞌisibꞌel tiempo rojkꞌo, ekꞌo ri ndikiyaꞌ kan rokacheq chuwech ri qetzij tijonik ri xkuqeꞌ kikꞌuꞌx rikꞌin. Xa ngekinimaj tzij epataneq kikꞌin espíritu ri ngechꞌakatin kichin y tijonik epataneq kikꞌin itzel teq espíritu.

Apocalipsis 15:1

Riyin Juan xintzꞌet jun chik nimalej etal chikaj ri ndisach akꞌuꞌx ndatzꞌet: Ri etal riꞌ, wuquꞌ ángeles kikꞌuan wuquꞌ rukꞌisibꞌel teq kꞌayew. Y kikꞌin ri kꞌayew riꞌ nditzꞌaqet rukꞌusaxik ri royowal ri Dios pa kiwiꞌ ri wineq.

Apocalipsis 16:8

Ri rukaj ángel xbꞌa, y pa ruwiꞌ ri qꞌij xbꞌeruwoxij ri kꞌo chupan ri copa rukꞌuan, y ri qꞌij xkꞌojeꞌ ruchuqꞌaꞌ chin ngerukꞌatisaj ri wineq rikꞌin ruqꞌaqꞌal.

Apocalipsis 9:19

Ri kej riꞌ, pa kichiꞌ y chikijey kꞌo wi ri kuchuqꞌaꞌ; ri kijey kꞌo kijolon achel kijolon kumetz, y rikꞌin riꞌ ndikiyaꞌ qꞌaxomal.

Apocalipsis 9:21

Ma xkijel ta kinoꞌoj chin ta xkimalij kan ri ma utz ta ngetajin rikꞌin, achel ri ngekamisan, ri ngeꞌeleqꞌan, ri ndikibꞌen kiqꞌij wineq, y ri ndikikꞌamalaꞌ qa kiꞌ xa achoq na ikꞌin chin ndikibꞌen mak.