Apocalipsis 19:14 - Kaqchikel Santo Domingo (Xenacoj)

¹⁴ Y ri aj chikaj ejército koqan pe, kikusan tzieq bꞌanun rikꞌin lino jabꞌel ruwech, seq y chꞌajchꞌaj y etzꞌuyul pe chikij kej seq kij.

နောက်ထပ်ဗားရှင်းများ

Kaqchikel Santa Maria de Jesus

¹⁴ Y ri ejércitos richin ri chicaj i-bꞌanak riqꞌuin, quicusan tziak ri bꞌanun cha lino fino, ri can sak y asiada. Y quinojiel i-chꞌacol chiquij quiej ri sak quij.

Kaqchiquel Bible

¹⁴ Y rija' e rachibilan ri aj-chikajil banoy taq labal, ri kikusan tzieq lino ri kan seq-seq nitzu'un y re' ech'okol-el chikij seq taq kiej.

Kaqchikel Central Guatemala

¹⁴ Y ri aj-chicajil banoy tak oyoval ri e benek riq'uin, quicusan tziek ri nibix lino chire, tziek ri janíla jebel. Tziek ri can sek-sek y ch'ajch'oj-ch'ajch'oj. Y can conojel c'a re banoy-oyoval re', e ch'ocol-el chiquij sek tak quij quiej.

Re C'ac'a Testamento pa Kach'abal

¹⁴ Y re ejércitos chin chila' chicaj can je'binak riq'uin, quicusalon tziak re nibex lino cha, y re' jun utzulaj tziak y camas ch'ajch'oj y can bo'j. Y can conojel re ejército re', je'ch'ocol-a chiquij quiej sak quij.

Kaqchikel Western Solola

¹⁴ Y ri banoy tak ch'a'oj ri ye riche (rixin) chicaj can ye benak riq'ui, quicusan tziek ri nibix lino chare, tziek ri sibilaj jabel. Tziek ri sibilaj sek y ch'ajch'oj. Y can quinojel c'a ri banoy ch'a'oj ri', ye ch'ocol chiquij quiej ri sek quij.

Apocalipsis 19:14 ပူးပေါင်းရင်းမြစ်များ

Apocalipsis 19:8

Y xyoꞌox qꞌij chare chi xuweq riꞌ Rikꞌin tzieq bꞌanun rikꞌin lino jabꞌel ruwech ri kin chꞌajchꞌaj y nditzꞌintzꞌot. Y ri lino riꞌ, ja ri utz ri ekibꞌanaloꞌon Ri loqꞌolej ralkꞌuaꞌl ri Dios, xechajeꞌ.

Judas 1:14

Ri Henoc kꞌo xuqꞌalajrisaj kan chikij ri wineq riꞌ. Rijaꞌ jun chikikajal ri ruwuq tzaq wineq ri xekꞌojeꞌ chochꞌulew, ri xtzꞌukutej pe rikꞌin ri Adán. Y ri Henoc xubꞌij kan: Tiwakꞌaxaj kꞌa, riyin xintzꞌet chi ri Ajaw pataneq junan kikꞌin miles y miles loqꞌolej teq ru-ángeles,

Apocalipsis 7:9

Y atoq xbꞌanatej yan reꞌ, xentzꞌet santienta wineq ri nixta jun nditiker ndajilan kichin. Ri wineq riꞌ jalajaj kirochꞌulew, jalajaj katit-kimamaꞌ, jalajaj kitinamit y kichꞌabꞌel. Rejeꞌ kikusaloꞌon seq teq tzieq y kikꞌuan ruqꞌaꞌ teq palma pa kiqꞌaꞌ, epeꞌel apu chuwech ri trono y chuwech ri Alaj Karneꞌl.

Apocalipsis 17:14

Y ndikibꞌen guerra chare ri Alaj Karneꞌl, pero ri Alaj Karneꞌl nditiker pa kiqꞌaꞌ, porque rijaꞌ Rey pa kiwiꞌ konojel reyes y Ajaw pa kiwiꞌ konojel ajaw. Y ri ekꞌo rikꞌin ri Alaj Karneꞌl, jariꞌ ri eꞌoyon, echaꞌon y ma jumbꞌey kiyoꞌon kan rijaꞌ.

San Mateo 28:3

Ri ángel riꞌ ndiyikꞌan achel koyopaꞌ, y ri rutziaq kin seq achel ri chun tew.

Apocalipsis 19:11

Y xintzꞌet ri kaj jaqel, y kꞌateꞌ ruwech xqꞌalajin jun kej seq rij, y ri Jun ri tzꞌuyul pe chirij, ja ri kin ndubꞌen wi ri ndubꞌij y kin qetzij ri ndubꞌij. Rijaꞌ kin pa ruchojmil nduqꞌet tzij pa kiwiꞌ ri wineq y ndubꞌen guerra.

Apocalipsis 4:4

Chirij ri trono riꞌ, kisiriren kiꞌ 24 tronos, y pa kiwiꞌ ri tronos riꞌ etzꞌuyul 24 rijilej teq achiꞌaꞌ kiweqon kiꞌ rikꞌin seq teq tzieq y pa kijolon kikusan coronas ebꞌanun chare qꞌanapueq.

Apocalipsis 3:4

Pero kꞌa ekꞌo na jujun ralkꞌuaꞌl ri Dios pa tinamit Sardes ri ma kiseqꞌan ta ri kikꞌaslen rikꞌin ri ma utz ta. Rejeꞌ kin erukꞌulun chi ngebꞌiyaj wikꞌin kikusan puchupuj teq tzieq.

Apocalipsis 14:20

Y saqil e chin ri tinamit xeyeqꞌeloꞌox ri ruwech uva chi aqen chupan ri nimalej pitzꞌbꞌel, y chiriꞌ xel pe kikꞌ ri xjoteꞌ hasta apeꞌ kꞌo ki-frenos ri kej pa kichiꞌ, y jun laꞌeq 300 kilómetros xchemeꞌ ri kikꞌ riꞌ.

Apocalipsis 14:1

Atoq xitzuꞌun chi apu, kꞌateꞌ ruwech xintzꞌet ri Karneꞌl peꞌel pariꞌ ri juyuꞌ rubꞌiniꞌan Sión, y rikꞌin rijaꞌ ekꞌo 144 mil wineq ri tzꞌibꞌan ri rubꞌiꞌ ri Alaj Karneꞌl y ri rubꞌiꞌ ri Rutataꞌ Dios pa runikꞌajal kiwech.

2 Tesalonicenses 1:7

Y rix ri ndibꞌan itzel chiwa, ri Dios kin pa ruchojmil ndubꞌen chi nduyaꞌ uxlanen chiwa junan qikꞌin roj chupan ri qꞌij atoq ri Ajaw Jesús nduqꞌalajrisaj riꞌ chikaj chupan ruxaq teq qꞌaqꞌ, achibꞌilan pe koma ri ru-ángeles ri yoꞌon pe nimalej uchuqꞌaꞌ chake.

San Mateo 26:53

¿Pa atzij rat, maneq nditoꞌon wichin? Riyin kꞌo cheꞌel nikꞌutuj e chare ri Nataꞌ chi kerutaqaꞌ pe 72 mil ángeles, y rijaꞌ kin chaꞌanin ngeruteq pe chin nginikitoꞌ.

San Mateo 21:5

Tibꞌij chake ri israelitas ekꞌo pa tinamit Sión: Titzꞌetaꞌ chi ri i-Rey, ja pataneq, Y loqꞌ ránima tzꞌuyul pe chirij jun burro, Ral jun awej chin eqaꞌ, xchajeꞌ.