Apocalipsis 19:12 - Kaqchikel Santo Domingo (Xenacoj)

¹² Ri runaqꞌ teq ruwech eꞌachel ruxaq qꞌaqꞌ, pa rujolon ekꞌiy coronas kꞌo, y kꞌo chuqaꞌ jun rubꞌiꞌ tzꞌibꞌan, ri nixta jun etamayon, xa kin xe rijaꞌ.

နောက်ထပ်ဗားရှင်းများ

Kaqchikel Santa Maria de Jesus

¹² Ri nakꞌaroch can i-incheꞌl ruxak-kꞌakꞌ. Y pa rujaluon rucusan qꞌuiy coronas, y tzꞌibꞌan jun bꞌiꞌaj ri man jun nibꞌano entender, xa joꞌc jajaꞌ.

Kaqchiquel Bible

¹² Ri runaq'-ruwech kan e achi'el ruxaq q'aq'. K'o k'a k'iy corona rukusan, y tz'ibatel-el ri rubi' chiri'. Y re bi'aj re', kan man jun achoq chuwech niq'ax-wi, xa kan xaxe chuwech rija'.

Kaqchikel Central Guatemala

¹² Ri runak'-ruvech can e achi'el c'a ruxak tak k'ak'. C'o c'a q'uiy coronas rucusan, y tz'ibatel-el ri rubi' chiri'. Y re bi'aj re', can man c'a jun achok chuvech nik'ax-vi, xa can xe c'a chuvech rija'.

Re C'ac'a Testamento pa Kach'abal

¹² Re nak'arach can je ancha'l rurep-k'ak. C'o q'uiy coronas rucusan, y chire' tz'iban-a re rube'. Y re be'aj re', can man jun anchok chach nak'ax-va, xa can xe chach reja' nak'ax-va.

Kaqchikel Western Solola

¹² Ri runak' tak ruwech can ye achi'el c'a ruxak tak k'ak'. C'o c'a q'uiy coronas rucusan, y chiri' chuka' tz'ibatal el jun bi'aj. Y ri bi'aj ri', can majun c'a achoj chuwech nik'ax wi, xa can xu (xe wi) c'a chuwech Riya'.

Apocalipsis 19:12 ပူးပေါင်းရင်းမြစ်များ

Apocalipsis 19:16

Chirij ri rutziaq y chirij ri raꞌ tzꞌibꞌan jun bꞌiꞌaj ri ndubꞌij: Rey pa kiwiꞌ konojel reyes, y Ajaw pa kiwiꞌ konojel ajaw.

San Lucas 10:22

Y xubꞌij chuqaꞌ: Nojel rujachon ri Nataꞌ Dios pa nuqꞌaꞌ, y nixta jun etamayon achike riyin ri Kꞌajolaxel, xa kin xe ri Tataꞌaj Dios, y nixta jun chuqaꞌ etamayon achike ri Tataꞌaj Dios, xa kin xe riyin ri Kꞌajolaxel, y ri achoq chake niwojoꞌ niqꞌalajrisaj.

Apocalipsis 1:14

Ri rusmal ruwiꞌ puchupuj achel rusaqil ri lana y ri saqbꞌach, y ri pa teq ruwech achel ruxaq qꞌaqꞌ keriꞌ.

San Mateo 11:27

Y xubꞌij chuqaꞌ: Nojel rujachon ri Nataꞌ Dios pa nuqꞌaꞌ, y nixta jun etamayon achike qitz méra riyin ri Kꞌajolaxel, xa kin xe ri Tataꞌaj Dios, y nixta jun chuqaꞌ etamayon achike qitz méra ri Tataꞌaj Dios, xa kin xe riyin ri Kꞌajolaxel y ri achoq chake niwojoꞌ niqꞌalajrisaj.

San Mateo 28:18

Ri Jesús xjel apu chikinaqaj y xubꞌij chake: Pa nuqꞌaꞌ riyin xjach nojel uchuqꞌaꞌ pa ruwiꞌ ri kaj y pa ruwiꞌ ri rochꞌulew.

Apocalipsis 3:12

Ri xtitiker ndubꞌen ri nubꞌiꞌin kan, riyin nibꞌen chare chi ndok columna chin rachoch ri nu-Dios y kin chiriꞌ rikꞌin ri Dios xtikꞌojeꞌ wi jumul. Riyin nitzꞌibꞌaj ri rubꞌiꞌ ri nu-Dios chirij, y keriꞌ chuqaꞌ ri rubꞌiꞌ ri rutinamit ri nu-Dios, ri kꞌakꞌakꞌ Jerusalén ri ndiqaqa pe chikaj apeꞌ kꞌo ri nu-Dios. Keriꞌ chuqaꞌ nitzꞌibꞌaj ri kꞌakꞌakꞌ nubꞌiꞌ yin chirij.

Hebreos 2:9

Pero ndiqatzꞌet chi ri Jesús xe chin jubꞌaꞌ teq qꞌij xbꞌan chare chi menos jubꞌaꞌ ruqꞌij ke chikiwech ri ángeles, y ndiqatzꞌet chuqaꞌ chi xnimrisex chik ruqꞌij y xnimrisex chik rubꞌiꞌ roma ri kamik xuqꞌasaj. Y roma ri Dios xrajoꞌ xuyaꞌ ru-favor pa qawiꞌ, ri Jesús xken qoma roj qonojel.

Apocalipsis 12:3

Y xtzꞌetetej chik jun etal chikaj, y ri etal riꞌ jun mama itzel kumetz keq rij. Ri kumetz riꞌ wuquꞌ rujolon, lajuj rukꞌaꞌ y pa teq rujolon rukꞌuan jujun corona.

Apocalipsis 6:2

Y atoq xitzuꞌun apu, xintzꞌet jun kej seq rij, y kꞌo jun ri tzꞌuyul pe chirij, rukꞌuan jun chꞌabꞌ, y xyoꞌox jun corona chare. Y achel jun chꞌakoyineq chik xel e, y chin ndichꞌakon bꞌaneq wi.

Apocalipsis 13:1

Riyin Juan xintzꞌet chi pa mar xel pe jun itzel chikap lajuj rukꞌaꞌ y wuquꞌ rujolon. Pa teq rukꞌaꞌ kꞌo jun corona, y pariꞌ teq ri rujolon tzꞌibꞌan jun bꞌiꞌaj ri nduyaqꞌ rubꞌiꞌ ri Dios.

San Mateo 21:5

Tibꞌij chake ri israelitas ekꞌo pa tinamit Sión: Titzꞌetaꞌ chi ri i-Rey, ja pataneq, Y loqꞌ ránima tzꞌuyul pe chirij jun burro, Ral jun awej chin eqaꞌ, xchajeꞌ.

San Juan 17:11

Loqꞌolej Nataꞌ, pa aqꞌaꞌ rat ngenjech kan ri xaꞌayaꞌ chuwa. Kaꞌachajij pa abꞌiꞌ, chin keriꞌ xe jun kánima ndikibꞌen chikiwech achel qabꞌanun roj awikꞌin. Kaꞌachajij kꞌa, porque rejeꞌ kꞌa ngekꞌojeꞌ kan chochꞌulew, y yin ngitzolij yan e chikaj chin ngibꞌekꞌojeꞌ e awikꞌin.

San Juan 17:12

Nojel teq qꞌij ri qachibꞌilan pe qiꞌ kikꞌin chochꞌulew, enuchajin pe pa abꞌiꞌ, y ma jun ri xel ta e pa abꞌey, xa kin xe ri jun ri kin chin wi ma ndikolotej ta, chin ndibꞌanatej ri ndubꞌij ri atzij tzꞌibꞌan kan.

Efesios 1:21

Ri Dios xubꞌen chare ri Cristo chi más nim ruqꞌij pa kiwiꞌ konojel ri espíritus ri ngebꞌanun gobernar, ri espíritus kꞌo nimalej uchuqꞌaꞌ pa kiqꞌaꞌ, ri kꞌo ruchuqꞌaꞌ kitzij pa kiwiꞌ chꞌaqa chik, ri kin enimalej teq ajaw, y pa kiwiꞌ konojel ri kin nimalej kibꞌiꞌ. Ri Cristo más nim ruqꞌij ke chikiwech rejeꞌ chupan re tiempo rojkꞌo y ri tiempo más chiqawech apu.