3 Juan 1:4 - Kaqchikel Santo Domingo (Xenacoj)

⁴ Ri más ndubꞌen chuwa chi ngikikot, jareꞌ: Niwakꞌaxaj chi ri kitaqin ri Jesucristo, ri kin eꞌachel walkꞌuaꞌl, kikꞌuan ri kikꞌaslen chupan ri qetzij.

နောက်ထပ်ဗားရှင်းများ

Kaqchikel Santa Maria de Jesus

⁴ Y antok nivaꞌxaj chi ri i-incheꞌl valcꞌual quicꞌuan ri ketzij, can incheꞌl nuꞌej ri ruchꞌabꞌal ri Dios, altíra nquiquicuot y man jun chic nibꞌano chuva chi nquiquicuot más incheꞌl va.

Kaqchiquel Bible

⁴ Y ronojel bey toq ninwak'axaj chi ri qach'alal ri e achi'el walk'ual kan qitzij kojqan ri ruch'abel ri Dios, yalan kikoten nuya' pa wánima.

Kaqchikel Central Guatemala

⁴ Y ronojel bey tok ninvac'axaj chi ri kach'alal ri e achi'el valc'ual, can kitzij cojkan ri ruch'abel ri Dios, yalan quicoten nuya' pa vánima. Roma can man jun chic c'a ri niyo'on ta más quicoten pa vánima.

Re C'ac'a Testamento pa Kach'abal

⁴ Y ronojel bey tak ninc'axaj che re hermanos re can je ancha'l vajc'ual, can katzij quiniman re ruch'abal re Dios, camas yinqui'cot pa vánma. Roma can man jun chic re nibano-ta cha re vánma che más-ta niqui'cot.

Kaqchikel Western Solola

⁴ Y can majun chic jun quicoten ri más rejkalen que chuwech re', tek nwac'axaj chi ri ye achi'el tak walc'ual jabel quitzekelben ri kitzij.

3 Juan 1:4 ပူးပေါင်းရင်းမြစ်များ

Gálatas 4:19

Rix ri kin achel rix walkꞌuaꞌl keriꞌ, iwoma ninaꞌ chik jumbꞌey qꞌaxon pa wánima, y nijunumaj re qꞌaxon reꞌ rikꞌin ri qꞌaxomal nduqꞌasaj jun ixaq atoq ndalan, y ndikꞌis e, hasta kꞌa tiqꞌalajin na ri utzulej runoꞌoj ri Cristo pa ikꞌaslen.

2 Timoteo 1:2

Nitzꞌibꞌaj e re wuj reꞌ chawa rat Timoteo, ri rat achel nukꞌajol ri tzꞌan ngatinwojoꞌ. Ri Tataꞌaj Dios y ri Qajaw Cristo Jesús kin ta xtikiyaꞌ ki-favor pa awiꞌ, xtikijoyowaj awech, y xtikiyaꞌ uxlanen pa awánima.

1 Timoteo 1:2

Nitzꞌibꞌaj e re wuj reꞌ chawa rat Timoteo, ri kin qetzij rat achel nukꞌajol roma ataqin ri Cristo. Ri Qatataꞌ Dios y ri Qajaw Cristo Jesús kin ta xtikiyaꞌ ki-favor pa awiꞌ, xtikijoyowaj awech, y xtikiyaꞌ uxlanen pa awánima.

Gálatas 2:14

Atoq xintzꞌet chi ma kikꞌuan ta ri kikꞌaslen achel ri qetzij ri ndubꞌij ri utzulej teq tzij chin kolotajik, chikiwech konojel xinbꞌij chare ri Cefas: Rat, rat israelita, y akꞌuan akꞌaslen achel man ta rat israelita keriꞌ. Si keriꞌ ndabꞌen rat, ¿achike roma ndabꞌen chake ri ma israelitas ta chi ndikikꞌuaj kikꞌaslen achel ri israelitas? xichajeꞌ chare.

Filemón 1:10

Yin nikꞌutuj kamelal chawa roma ri Onésimo. Porque rijaꞌ xutaqij ri Jesucristo chireꞌ apeꞌ yin tzꞌapel pa cheꞌ, y romariꞌ xok achel walkꞌuaꞌl.

2 Corintios 6:13

Romariꞌ, riyin ri yin achel tataꞌatz pa iwiꞌ, nikꞌutuj chiwa chi tijaqaꞌ ri iwánima chuwa, achel nubꞌanun riyin chiwa rix.

1 Tesalonicenses 2:11

Iwetaman chuqaꞌ chi xqayaꞌ ruchuqꞌaꞌ ri iwánima y xixqabꞌochiꞌij chiꞌijununal, achel ndubꞌen jun tataꞌatz chake ri eralkꞌuaꞌl. Xixqapixabꞌaj chi tikꞌuaj jun utzulej kꞌaslen, achel rukꞌulun chi ndikꞌuaj chuwech ri Dios ri xoyon iwichin chin ngixok pa ru-reino y ngixkꞌojeꞌ chupan ri nimalej ruqꞌij.

1 Juan 2:1

Rix ri kin achel rix walkꞌuaꞌl keriꞌ, nitzꞌibꞌaj e nojel reꞌ chiwa, chin ma ngixtzaq pa mak, pero si kꞌo jun ndubꞌen mak, kꞌo jun ndichꞌaꞌa pa qakꞌexel chare ri Tataꞌaj Dios, y riꞌ ja ri Jesucristo ri kin chojmilej rukꞌaslen.

2 Juan 1:4

Riyin tzꞌan xikikot chi xenwil jujun hermanos eꞌiwinaq rix chi kikꞌuan kikꞌaslen chupan ri qetzij, achel rubꞌanun kan mandar ri Tataꞌaj Dios chaqe.