2 Timoteo 4:7 - Kaqchikel Santo Domingo (Xenacoj)

⁷ Jumul nutijon pe nuqꞌij chi nibꞌen chi ndichꞌakon ri qetzij richin ri Dios, y xinkꞌis yan rubꞌanik nojel ri samaj ri yoꞌon chuwa chi nibꞌen. Jumul nubꞌanun chi ri utzulej tijonik ri nutaqin ma jalatajneq ta.

နောက်ထပ်ဗားရှင်းများ

Kaqchikel Santa Maria de Jesus

⁷ Can xintej nukꞌij xinꞌan ri nrajoꞌ ri Dios, y xinꞌan nojiel ri samaj ri xuyaꞌ chuva, y siempre nucukubꞌan nucꞌuꞌx riqꞌuin jajaꞌ.

Kaqchiquel Bible

⁷ Yin kan xich'akon yan chirij ronojel, xink'is yan rubanik ri k'o chi ninben y kan jantape' nuchajin-pe ri nukuqubabel-k'u'x.

Kaqchikel Central Guatemala

⁷ Janíla nutijon nuk'ij chubanic ri rurayibel ri Dios, y nubanon ronojel ri samaj ri yo'on chuve roma ri Dios. Man nuyo'on ta can ri utz tak tijonic ri kaniman.

Re C'ac'a Testamento pa Kach'abal

⁷ Camas ntijon nuk'ij chubanic re nurayij re Dios, y nbanon ronojel re samaj re yi'on chua roma re Dios. Man nyi'on-ta can re otz ch'abal re kaniman.

Kaqchikel Western Solola

⁷ Sibilaj ntijon nuk'ij chubanic ri nrajo' ri Dios, y nbanon ronojel ri samaj ri ya'on chuwe ruma ri Dios. Y can ma nya'on ta ca ri cukbel c'u'x.

2 Timoteo 4:7 ပူးပေါင်းရင်းမြစ်များ

1 Timoteo 6:12

Rikꞌin ri kuqubꞌel kꞌuxlaj kꞌo pa awánima, tatijaꞌ aqꞌij chi jumul ndabꞌen pa akꞌaslen ri ndubꞌij ri rutzij ri Dios. Kin tiqꞌalajin utz-utz chi kꞌo chik awikꞌin ri kꞌaslen ma ndikꞌis ta, porque chin riꞌ xatoyox roma ri Dios. Y kin chikiwech ekꞌiy testigos xabꞌij chi akuqubꞌan akꞌuꞌx rikꞌin ri Ajaw.

Hechos 20:24

Pero riyin ma ja ta ri nukꞌaslen ri más kꞌo reqalen chinuwech. Ri kꞌo reqalen, ja ri ndikikot wánima nekꞌisaꞌ ri samaj ruyoꞌon ri Ajaw Jesús pa nuqꞌaꞌ, chi niyaꞌ rutzijol ri utzulej teq tzij chin kolotajik ri ndikꞌutu chiqawech chi roma ru-favor ri Dios ngojkolotej.

San Juan 4:34

Y ri Jesús xubꞌij chake: Ri rikil nuway riyin, ja ri nibꞌen ri rurayibꞌel ri taqayon pe wichin, y nikꞌis chuqaꞌ rubꞌanik ri samaj ruyoꞌon pa nuqꞌaꞌ.

San Lucas 11:28

Pero ri Jesús xubꞌij chare ri ixaq: Más jabꞌel rokiqꞌij ri ngeꞌakꞌaxan ri rutzij ri Dios y ndikibꞌen ri ndubꞌij.

Apocalipsis 3:8

Riyin wetaman ri ngaꞌabꞌanalaꞌ. Tatzꞌetaꞌ chi nujaqon jun puerta chawech ri nixta jun nditiker nditzꞌapin richin. Rat maske jubꞌaꞌ ok awuchuqꞌaꞌ, kin abꞌanun wi pe ri nubꞌiꞌin y ma awewan ta chi yin ataqin.

Apocalipsis 3:10

Y roma abꞌanun pe ri nubꞌiꞌin chawa chi takochꞌoꞌ ri ndaqꞌasaj pa akꞌaslen, riyin ngatinkal chuqaꞌ chuwech ri kꞌayew nduqaqa pa ruwiꞌ nojel ri rochꞌulew ri achoq chupan ngetojtobꞌex ri wineq.

San Lucas 8:15

Pero ri utzulej ulew apeꞌ xeqaqa jujun chik semilla, ja ri wineq ri ndikakꞌaxaj rutzij ri Dios y rikꞌin utzulej y chꞌajchꞌaj kánima ndikiyaꞌ qꞌij chare chi ndubꞌen qa ruxeꞌ pa kánima. Ri wineq riꞌ jumul ndikitij kiqꞌij chi ngebꞌiyin pa rubꞌey ri Dios y romariꞌ ndiwachin utz-utz ri kikꞌaslen.

1 Timoteo 6:20

Y rat Timoteo, tatijaꞌ aqꞌij ndabꞌen cuenta ri utzulej tijonik ri chilabꞌen chawa chi ndayaꞌ. Ma tatzeq awiꞌ chupan teq tzij ri ma jun rubꞌeyal. Y ma kaꞌawakꞌaxaj tzij ri ndibꞌix nimalej nojibꞌel chake, pero xa ma ke ta riꞌ, tzij ri eyakatajneq chirij ri tijonik ndayaꞌ.

2 Timoteo 1:14

Y rikꞌin ri toꞌonik nduyaꞌ ri Espíritu Santo ri kꞌo pa qánima, tabꞌanaꞌ cuenta ri utzulej tijonik ruyoꞌon kan ri Dios pa aqꞌaꞌ.

1 Timoteo 1:18

Y rat Timoteo, ri kin rat achel nukꞌajol roma ataqin ri Cristo, nichilabꞌej chawa chi tatzijoj nojel re nubꞌiꞌin chawa. Ma tamestaj ri tzij kibꞌiꞌin pa awiꞌ ri hermanos ri ngeqꞌalajrisan ri ndubꞌij pe ri Dios pa kánima. Rikꞌin ri tzij riꞌ tawilaꞌ ruchuqꞌaꞌ ri awánima chin ndabꞌen ri utzulej rusamaj ri Dios ri ruyoꞌon chawa chin ndabꞌen.

San Juan 17:6

Riyin xinqꞌalajrisaj achike rat chikiwech ri eꞌachaꞌon chikikajal ri wineq. Ri eꞌachaꞌon kin kiniman pe atzij y eꞌawichin rat y rat xaꞌayaꞌ chuwa.

Hechos 13:25

Atoq ri Juan yaméra ndukꞌis ri samaj bꞌiꞌin pe chare roma ri Dios, xubꞌij: ¿Achike chi achi riyin ndinojij rix? Riyin, ma yin ta ri Jun taqon pe roma ri Dios chukolik ri rutinamit. Ri Jun riꞌ chuwij riyin nduqaqa, y nixta rukꞌulun chi ja ok riyin ngikiro rukꞌamal ri ruxajabꞌ. Keriꞌ xubꞌij ri Juan.

Gálatas 2:2

Xibꞌa e pa tinamit Jerusalén roma ri Dios xuqꞌalajrisaj chinuwech chi ndikꞌatzin ngibꞌa e, y xaxe kikꞌin ri kꞌo kiqꞌij pa kiwech ri hermanos xinmal wiꞌ y xinqꞌasaj chikiwech ri achike rubꞌixik nibꞌen chare ri utzulej teq tzij chin kolotajik ri nutzijon chake ri ma israelitas ta, porque ma kꞌateꞌ xa ma pa rubꞌeyal ta ri nutzijon y romariꞌ xtiqasex reqalen ri samaj nubꞌanun.

Filipenses 1:30

Keriꞌ nibꞌij chiwa, porque rix y riyin junan ndiqaqꞌasaj kꞌayew achel xitzꞌet chi xinqꞌasaj kꞌayew atoq xikꞌojeꞌ chiꞌikajal, y wokami ndiwakꞌaxaj chi ri apeꞌ yinkꞌo, kin niqꞌasaj chuqaꞌ kꞌayew.

2 Timoteo 3:10

Pero rat, Timoteo, awoqan utz-utz ri tijonik ri rat nutijon rikꞌin. Awoqan rubꞌeyal ri utzulej kꞌaslen nukꞌuan. Kꞌo chuqaꞌ pa awánima ri achike roma ngitajin rikꞌin ri samaj nibꞌen, chi kin kuqul nukꞌuꞌx rikꞌin ri Dios, chi ma poyineq ta nukꞌuꞌx nibꞌen ri samaj, chi nginojowan y chi nukochꞌon nuwech chupan ri kꞌayew niqꞌasaj.

Apocalipsis 6:11

Xyoꞌox seq teq tzieq chake chikijununal y xbꞌix chake chi tikoyobꞌej chi na jubꞌaꞌ, hasta kꞌa ketzꞌaqet na ri ejarupeꞌ chik más chikikajal ri kitaqin ri Jesucristo y erusamajelaꞌ chuqaꞌ ri Dios ri ngekamisex achel xkikꞌulwachij e rejeꞌ.