2 Timoteo 4:18 - Kaqchikel Santo Domingo (Xenacoj)

¹⁸ Wetaman chuqaꞌ chi xkirukal chuwech nojel itzel teq achike ri xtojowex chuwij y ngiruchajij chin ngirukꞌuaj pa aj chikaj ru-reino. ¡Tiyoꞌox nimalej ruqꞌij rijaꞌ chin jumul! Amén.

နောက်ထပ်ဗားရှင်းများ

Kaqchikel Santa Maria de Jesus

¹⁸ Y inreꞌ vataꞌn chi ri Ajaf xquirucol choch nojiel itziel. Vataꞌn chi xquiruchajij chi quireꞌ xquinuoc pa ru-reino chila chicaj. Jajaꞌ can tiyoꞌx rukꞌij richin nojiel tiempo. Amén.

Kaqchiquel Bible

¹⁸ Y yin wetaman chi ri Dios xtikolon wichin chupan ronojel etzelal. Chuqa' wetaman chi xkiruchajij richin keri' xkinok chupan ri ruq'atbel-tzij chila' chikaj. Rija' kan xtuk'ul ta ruq'ij-ruk'ojlen richin tibe-q'ij tibe-seq. Kan keri' ta k'a.

Kaqchikel Central Guatemala

¹⁸ Y yin vetaman chi ri Ajaf xticolon vichin chupan ronojel etzelal. Vetaman chi xquiruchajij richin queri' xquinoc chupan ri ruk'atbel-tzij chila' chicaj. Rija' can xtuc'ul-vi ruk'ij-ruc'ojlen richin jantape'. Que ta c'a ri'.

Re C'ac'a Testamento pa Kach'abal

¹⁸ Y yen ntaman che re Ajaf xticola vichin chupan ronojel etzelal. Ntaman che xquinruchajij chin xquinruc'uaj chila' chicaj anche' nuban-va gobernar. Reja' can-ta xtuc'ul ruk'ij chin nojel tiempo. Amén.

Kaqchikel Western Solola

¹⁸ Y riyin wetaman chi ri Ajaf xticolo wuche (wixin) chuwech ronojel etzelal ri nipe chuwij. Wetaman chi xquiruchajij riche (rixin) chi queri' xquinoc pa rajawaren chila' chicaj. Ri Ajaf can xtiya'ox (xtya') ta c'a ruk'ij ruc'ojlen riche (rixin) xtibe k'ij xtibe sek. Amén.

2 Timoteo 4:18 ပူးပေါင်းရင်းမြစ်များ

2 Tesalonicenses 3:3

Pero ri Ajaw kin ndubꞌen wi ri ndubꞌij. Rijaꞌ kin nduyaꞌ ruchuqꞌaꞌ ri iwánima y ngixrubꞌen cuenta, chin keriꞌ maneq ruqꞌaꞌ ri itzel chiwa.

San Mateo 6:13

Y ma ndayaꞌ qꞌij chi ngojtaqchiꞌix chin ngojtzaq pa mak, Xa kin qojatoꞌ chin ma ngojqaqa pa ruqꞌaꞌ ri itzel.

1 Pedro 1:5

Y roma kuqul ikꞌuꞌx rikꞌin ri Dios, rijaꞌ ngixruchajij rikꞌin ri nimalej ruchuqꞌaꞌ, chin keriꞌ ndiwil ri kolotajik ri runabꞌan chik chin nduqꞌalajrisaj chupan ri rukꞌisibꞌel teq qꞌij.

1 Tesalonicenses 5:23

Y ri Dios ri ndiyoꞌon uxlanen pa iwánima, kin ta xtuchꞌajchꞌojrisaj chi nojel ri ikꞌaslen. Y kin ta jumul xtuchajij ri i-espíritu, ri iwánima y ri i-cuerpo, chin nixta jun itzel ndilitej pa ikꞌaslen chupan ri qꞌij atoq nduqaqa chik jumbꞌey ri Qajaw Jesucristo.

Hebreos 13:21

Kin ta ja Dios riꞌ, ndiyoꞌon nojel ri ndikꞌatzin chiwa chin ngixtiker ndibꞌen ri utz pa ikꞌaslen, achel ndirajoꞌ rijaꞌ, y kin ta roma ri Jesucristo, ri Dios ndubꞌen chuqaꞌ chaqe chi ngojtiker ndiqabꞌen ri ndiqaꞌ chuwech. ¡Kin ta ndiyoꞌox nimalej ruqꞌij chin jumul! Amén.

2 Timoteo 1:12

Romariꞌ niqꞌasaj kꞌayew waweꞌ pa cheꞌ, pero ma ngikꞌix ta yinkꞌo chireꞌ, porque kin wetaman ri utzulej runoꞌoj ri achoq ikꞌin nukuqubꞌan nukꞌuꞌx y kin kuqul nukꞌuꞌx chi rijaꞌ kꞌo ruchuqꞌaꞌ chin nduchajij ri ruyoꞌon chuwa hasta kꞌa nduqaqa na ri qꞌij atoq nditzolij pe.

2 Corintios 1:10

Y ja ri Dios xkolo qichin chuwech ri kꞌayew chi kamik riꞌ, y keriꞌ chuqaꞌ xtubꞌen más chiqawech apu, kin kuqul qakꞌuꞌx rikꞌin rijaꞌ chi ngojrukal.

Romanos 11:36

Porque nojel ri ebꞌanun, ja rijaꞌ ri bꞌanayon kichin, ja rijaꞌ ri tzꞌamayon kichin, y chin ndikiyaꞌ ruqꞌij rijaꞌ erubꞌanun. ¡Kin ta jumul xtiyoꞌox ruqꞌij! Amén.

San Mateo 13:43

Y ri chojmilej kikꞌaslen, kin xkeyikꞌilan achel ri qꞌij pa ru-reino ri Kitataꞌ Dios. Ri nditiker ndukꞌoxomaj reꞌ, tukꞌoxomaj kꞌa.

San Juan 17:15

Riyin ma nikꞌutuj ta chawa chi kaꞌawelesaj e chochꞌulew, xa kin nikꞌutuj chi kaꞌachajij chin ma ketzaq pa ruqꞌaꞌ ri itzel.

San Lucas 12:32

Rix ri rix achel jun chꞌuti bꞌotzaj karneꞌl, ma tixibꞌij iwiꞌ, porque ri Itataꞌ Dios kin ndiqaꞌ chuwech chi rix ndibꞌen reinar junan rikꞌin.

1 Timoteo 6:16

Y ja rijaꞌ ri jumul kꞌo rukꞌaslen, y kꞌo pa jun lugar apeꞌ nojel ndiyikꞌan, apeꞌ nixta jun wineq nditiker ndeqaqa, y chuqaꞌ nixta jun wineq tzꞌeteyon richin y nixta xtitzꞌetetej. ¡Ja rijaꞌ ri tinimrisex rubꞌiꞌ y pa ruqꞌaꞌ rijaꞌ tikꞌojeꞌ jumul nojel uchuqꞌaꞌ! Amén.

1 Corintios 10:13

Nikꞌuxlaꞌaj keriꞌ chiwa, porque atoq ngixtojtobꞌex, ma tibꞌij chi xe rix ndiqꞌasaj keriꞌ, porque keriꞌ chuqaꞌ ndikiqꞌasaj konojel wineq. Pero ri Dios ri ma ndujel ta ruwech rutzij, kin ndubꞌen wi ri rubꞌiꞌin, romariꞌ ma nduyaꞌ ta qꞌij chi ndipuꞌun más ruchuqꞌaꞌ ri kꞌayew ndiqꞌasaj ke chuwech ri janipeꞌ ngixtiker ndikachꞌ, y atoq nduqaqa ri kꞌayew, rijaꞌ ndukꞌut ri bꞌey chiwech chin ngixel chuwech.

1 Pedro 5:11

Kin richin wi rijaꞌ ri uchuqꞌaꞌ pa ruwiꞌ nojel chin jumul. Amén.

1 Timoteo 1:17

Romariꞌ, ¡kin ta jumul xtiyoꞌox ruqꞌij ri Dios ri kin Rey wi chin jumul. Rijaꞌ ma nditzꞌetetej ta y jumul kꞌo rukꞌaslen y kin xe wi rijaꞌ Dios! Amén.

San Mateo 25:34

Y ja atoq riꞌ riyin ri Rey nibꞌij chake ri ekꞌo pa wikiqꞌaꞌ: Kixámpe rix ri kꞌo ru-favor ri Nataꞌ Dios pa iwiꞌ, kixok chupan ri reino bꞌanun ruwech chi ndok iwichin xe jampeꞌ xbꞌan pe ri rochꞌulew roma ri Dios.

Judas 1:1

Riyin Judas, rusamajel ri Jesucristo y qachaqꞌ-qanimal qiꞌ rikꞌin ri Santiago, niteq e ruxunaqil iwech rix ri rix oyon roma ri Tataꞌaj Dios ri kin ngixrajoꞌ, y rix chajin chuqaꞌ chin ngixjach chare ri Jesucristo atoq nduqaqa chik.

Gálatas 1:5

¡Kin ta xtiyoꞌox ruqꞌij rijaꞌ chin jumul! Amén.

Romanos 16:27

Y roma ri ndubꞌen ri Jesucristo qoma, ¡kin ta jumul ndiqayaꞌ ruqꞌij ri Dios ri kin xe wi rijaꞌ Dios, y kꞌo nojel nojibꞌel rikꞌin! Amén.

San Lucas 22:29

Y riyin niyaꞌ uchuqꞌaꞌ pa iqꞌaꞌ chin ndibꞌen reinar, achel rubꞌanun pe ri Nataꞌ chuwa riyin,

San Lucas 11:4

Takuyuꞌ ok ri mak qabꞌanun, Porque roj chuqaꞌ eqakuyun Konojel ri kꞌo itzel kibꞌanun chaqe. Y ma ndayaꞌ qꞌij chi ngojtaqchiꞌix chin ngojtzaq pa mak. Keriꞌ tibꞌij.

Santiago 2:5

Nu-hermanos ri tzꞌan ngixinwojoꞌ, tiwakꞌaxaj re nibꞌij chiwa: Ri Dios eruchaꞌon ri maneq ok kichajin chochꞌulew chin ndikitaqij rijaꞌ, y riꞌ kin nimalej bꞌeyomal, y eruchaꞌon chuqaꞌ chin ngeꞌok pa ru-reino ri Dios, reino ri sujun chake konojel ri ngeꞌojowan richin.

1 Corintios 1:21

Porque ri Dios roma ri santienta nojibꞌel ruchajin, kin rubꞌanun chik ruwech chi ri wineq ma roma ta ri aj rochꞌulew nojibꞌel kichajin xtiketamaj achike rijaꞌ. Xa kin xqaꞌ chuwech chi roma rutzijoxik rukamik ri Cristo cho cruz ngerukal ri wineq ri ngetaqin richin, maske chake chꞌaqa, ri tzij riꞌ xa chꞌujulej teq tzij.

1 Corintios 15:50

Nibꞌij chiwa hermanos, chi ri aj rochꞌulew qa-cuerpo maneq cheꞌel ndok pa ru-reino ri Dios, porque xa ndiqꞌey, y ri ndiqꞌey maneq cheꞌel ndikꞌojeꞌ junan rikꞌin ri ma ndiqꞌey ta.

2 Timoteo 4:1

Ri Ajaw Jesucristo ri nduqaqa chik jumbꞌey, y ndiqꞌalajin chi kin Rey wi, rijaꞌ nduruqꞌataꞌ tzij pa kiwiꞌ ri wineq kꞌa ekꞌes y pa kiwiꞌ ri ekamineq chi e. Chuwech rijaꞌ y chuwech ri Dios, nichilabꞌej chawa rat Timoteo,

Hebreos 11:16

Pero xkirayij jun lugar más yalan, y ri lugar riꞌ ja ri kꞌo chikaj. Romariꞌ ri Dios ma ndikꞌix ta ndubꞌij chi rijaꞌ ki-Dios, porque rubꞌanun rukꞌojlen jun kitinamit.

Hebreos 12:22

Pa rukꞌexel riꞌ, rix, rix jeleneq apu chunaqaj ri juyuꞌ rubꞌiniꞌan Sión, apeꞌ kꞌo rutinamit ri Kꞌaslik Dios, ri aj chikaj Jerusalén y rix jeleneq apu chikinaqaj millones chi ángeles ri junan ngekikot ndikiyaꞌ ruqꞌij ri Dios.

2 Pedro 1:11

Porque si ngekꞌiyer re utzulej teq noꞌoj reꞌ pa ikꞌaslen, kin jabꞌel ndikꞌan apu iwech chupan ri reino ma ndikꞌis ta chin ri Qajaw y Qakolonel Jesucristo.

2 Pedro 3:18

Pa rukꞌexel ri keriꞌ ndibꞌen, titijaꞌ iqꞌij chin ngixkꞌiy chupan ru-favor ri Qajaw y Qakolonel Jesucristo y tiwetamaj más runoꞌoj. ¡Kin ta xtiyoꞌox nimalej ruqꞌij rijaꞌ wokami y chin jumul! Amén.