2 Timoteo 3:3 - Kaqchikel Santo Domingo (Xenacoj)

³ Ma xkeꞌojowan ta, jumul xtikꞌuxkꞌut kánima, xtikiqꞌabꞌaj tzij chikij wineq, ma xtikiqꞌet ta kiꞌ chuwech ri mak, emachꞌikilik chikibꞌanik, y nojel ri utz xa itzel xtikitzꞌet chare.

နောက်ထပ်ဗားရှင်းများ

Kaqchikel Santa Maria de Jesus

³ Ijejeꞌ man xtiquijoyovaj ta quivach ri vinak, ni man xcaꞌcachꞌuon ta jubꞌaꞌ, xtiquikꞌabꞌaj tzij chiquij nicꞌaj chic, man niquikꞌil ta quiꞌ chi niquiꞌan pecado, can xtakꞌax ruveꞌ ri niquiꞌan chica ri nicꞌaj chic vinak, man xticajoꞌ ta ri otz.

Kaqchiquel Bible

³ man xtikijoyowaj ta kiwech ri ch'aqa' chik winaqi', ni man xkekuyun ta, xketz'uku tzij, xtik'o ruwi' ri itzel ri xtikiben chire xabachike wineq, jantape' xke'oyower, kan xtiketzelaj ri utz

Kaqchikel Central Guatemala

³ Rije' man xtiquijoyovaj ta quivech ri ch'aka' chic vinek, ni man xquecuyun ta. Xa xtiquibij itzel chique ri ch'aka'. Roma can e uc'uan roma ri etzelal, nic'o ruvi' ri itzel ri xtiquiben chique xabachique vinek. Can xtiquetzelaj-vi ri utz.

Re C'ac'a Testamento pa Kach'abal

³ Reje' man xtiquijoyovaj-ta quivach re nic'aj chic vinak, y chuka' man xtiquicuy-ta quimac. Xa itzel chuka' xque'ch'o chiquij. Roma camas re etzelal c'o pa tak cánma, y can xtak'ax rue' re etzelal re xtiquiban chique re vinak. Can xtiquitzelaj-va re otz.

Kaqchikel Western Solola

³ Riye' ma xtiquijoyowaj ta quiwech ri nic'aj chic winek, ni ma xquecuyun ta. Xa xtiquik'abaj tzij chiquij ri nic'aj chic. Ma niquik'il ta qui' chubanic ri mac, nik'ax ruwi' ri etzelal xtiquiben chique xabachique winek. Can xtiquetzelaj wi ri utz.

2 Timoteo 3:3 ပူးပေါင်းရင်းမြစ်များ

Judas 1:18

Rejeꞌ kereꞌ kibꞌiꞌin kan chiwa: Chupan ri rukꞌisibꞌel teq qꞌij, ngetuqaqa wineq ri ndiketzꞌabꞌelaꞌ ri rutzij ri Dios, wineq ri ukꞌuan kikꞌaslen roma ri itzel teq rayinik kꞌo pa kánima. Keriꞌ kibꞌiꞌin kan ri apóstoles.

Romanos 1:31

ma jun kinoꞌoj, ma ndikibꞌen ta cumplir ri kitzij ndikiyaꞌ, ma ngeꞌojowan ta y ma ngepoqonan ta chuqaꞌ.

San Mateo 10:21

Y ekꞌo kichaqꞌ-kinimal kiꞌ ri kin xtikijech kichaqꞌ o kinimal chin ngekamisex, ekꞌo chuqaꞌ teꞌej-tataꞌatz ngekijech ri kalkꞌuaꞌl y ekꞌo alkꞌualaxelaꞌ ngeyakatej chikij kite-kitataꞌ chin ngekijech pa kamik.

2 Pedro 2:14

Ma tikitzꞌet jun ixaq, kin ja paqiꞌ ndikirayij, ma ndikꞌo ta kikꞌuꞌx ndikibꞌen mak. Ngekibꞌochilaꞌ ri maneq ok ruchuqꞌaꞌ kánima rikꞌin ri Ajaw chin ndikibꞌen mak chuqaꞌ. Rukꞌamon chare ri kánima chi ndijamem chirij méra. Romariꞌ kin rukꞌulun chi ndiqaqa castigo pa kiwiꞌ.

1 Timoteo 3:11

Keriꞌ chuqaꞌ ri ixoqiꞌ ndikꞌatzin chi kereꞌ ndiqꞌalajin pa kikꞌaslen: Kikꞌuan jun chojmilej kꞌaslen chikiwech ri wineq, man ta chuqaꞌ eꞌixokiꞌ ri ma ndikiqꞌet ta kiꞌ rikꞌin ri kaqꞌ chikij wineq, ketaman ndikiqꞌet kiꞌ rikꞌin ri ngekibꞌanalaꞌ, y kuqul kikꞌuꞌx ri hermanos kikꞌin chi pa ruchojmil ndikibꞌen ri samaj.

San Mateo 4:1

Ja atoq riꞌ ri Jesús xukꞌuꞌex roma ri Espíritu Santo pa chaqiꞌj y tzꞌiran ulew, chin nditaqchiꞌix roma ri itzel ri ndirajoꞌ ndutzeq pa mak.

Apocalipsis 17:6

Y xintzꞌet chi ri ixaq riꞌ ruqꞌabꞌarisan riꞌ rikꞌin ri kikikꞌel ri loqꞌolej ralkꞌuaꞌl ri Dios y rikꞌin ri kikikꞌel ri ekamisan roma xkiyaꞌ rutzijol ri rubꞌiꞌin kan ri Jesús. Y atoq xintzꞌet ri ixaq riꞌ, santienta xsach nukꞌuꞌx.

Apocalipsis 16:6

Porque rejeꞌ xekikamisaj Ri loqꞌolej awalkꞌuaꞌl Y ri a-profetas, Y rat xabꞌen chake chi ndikitij kikꞌ, Kin achel rukꞌulun chi ndibꞌan chake, xchajeꞌ.

Apocalipsis 13:17

Y xubꞌen chi nixta jun nditiker ndikꞌayin o ndiloqꞌon, si ma kꞌo ta ri etal riꞌ chirij, y ri etal riꞌ, ja ri rubꞌiꞌ ri itzel chikap o ri número chin ri rubꞌiꞌ.

Apocalipsis 13:15

Y chare ri rukan itzel chikap xyoꞌox chuqaꞌ uchuqꞌaꞌ chin nduyaꞌ rukꞌaslen ri rachibꞌel ri nabꞌey itzel chikap, chin keriꞌ tichꞌaꞌa pe ri achibꞌel, y tubꞌij chi kekamisex konojel ri ma ndikiyaꞌ ta ruqꞌij.

Judas 1:16

Ri wineq ri eꞌokuneq chiꞌikajal, nojel achike ngechꞌaꞌa chirij, ma jun ndiqaꞌ chikiwech, xe ri itzel teq rayinik kꞌo pa kánima ngekibꞌanalaꞌ, kiyon ndikinimrisalaꞌ kiꞌ chikiwech, y ndikinimrisalaꞌ rubꞌiꞌ jun wineq rikꞌin jabꞌel teq tzij, xe chin kꞌo achike ndikelesaj chiruqꞌaꞌ.

2 Pedro 3:3

Ri nabꞌey niwojoꞌ chi rix ndikꞌoxomaj utz-utz, jareꞌ: Chupan re rukꞌisibꞌel tiempo rojkꞌo, ngebꞌeqꞌalajin pe wineq eꞌukꞌuan roma ri itzel teq rayinik kꞌo pa kánima, y ndiketzꞌabꞌej rutzij ri Dios.

Santiago 2:6

Pero rix maneq keqalen ndibꞌen chake ri maneq ok kichajin. ¿Ma nduqaqa ta kꞌa chiꞌikꞌuꞌx chi ja ri bꞌeyomaꞌ ri ngixkiyaꞌ pa kꞌayew chin ngewaꞌ chiwij, y ja chuqaꞌ ri bꞌeyomaꞌ ri rix kijororen ngixkikꞌuaj pa qꞌatbꞌel tzij chin ndikiqꞌabꞌaj tzij chiwij?

Tito 2:3

Keriꞌ chuqaꞌ, ri rijilej teq ixoqiꞌ ndikꞌatzin chi kereꞌ ndiqꞌalajin pa kikꞌaslen: Ndikikꞌuaj jun loqꞌolej kꞌaslen ri ndiqaꞌ chuwech ri Dios, ma ndikitzꞌuk ta aqꞌ, ndikiqꞌet kiꞌ chuwech rutijik yaꞌ, y ngekitijoj chꞌaqa rikꞌin ri utz.

Tito 1:8

Ndikꞌatzin chuqaꞌ chi jabꞌel ndukꞌen apu kiwech pa rachoch ri epataneq jukꞌan chik apeꞌ, bꞌaneq ránima chubꞌanik ri utz, ndunojij utz-utz ri ndubꞌen, rukꞌuan jun chojmilej kꞌaslen, chꞌajchꞌaj rukꞌaslen, y nditiker nduqꞌet riꞌ chuwech ri mak.

1 Tesalonicenses 4:8

Romariꞌ, si kꞌo jun ri ma ndirajoꞌ ta ndunimaj re tijonik reꞌ, ma chikiwech ta wineq nduyaꞌ kan roracheq, xa kin chuwech ri Dios ri yoyon pe ri Espíritu Santo pa iwánima.

1 Corintios 7:9

Pero si ma ndikikachꞌ ta chi ngekꞌojeꞌ kiyon, más utz ngekꞌuleꞌ pa rukꞌexel chi ngemuqumut pa kánima roma rurayinik ri ki-cuerpo.

1 Corintios 7:5

Ri achi kꞌo rixjayil y ri ixaq kꞌo rachijil, ma tikichꞌiquj kiꞌ chikiwech. Xaxe si ndikibꞌen ruwech chi ma ndikikꞌuaj ta qa kiꞌ jun kaꞌi-oxiꞌ qꞌij chin ndikibꞌen orar, y atoq xeꞌel chupan ri oración, tikikꞌuaj chik kiꞌ, chin ma ndikiyaꞌ ta qꞌij chare ri itzel chin ngerutzeq pa mak.

San Juan 6:70

Y ri Jesús xubꞌij chake ri ru-discípulos: Ja riyin ri xichaꞌon iwichin rix kabꞌlajuj discípulos, pero nibꞌij chiwa chi jun chiꞌikajal rix kin itzel wi.

San Lucas 16:14

Ri fariseos xkakꞌaxaj chuqaꞌ ri xubꞌij ri Jesús, y roma rejeꞌ xa kin bꞌaneq kánima chirij méra, romariꞌ xaxe ngetzeꞌen chirij.

San Lucas 10:16

Y ri Jesús xubꞌij chuqaꞌ chake ri ngeruteq: Ri xtirajoꞌ xtirakꞌaxaj ri rutzij ri Dios ri ndeꞌitzijoj rix, ja riyin ri ngirakꞌaxaj. Pero ri ma xtirajoꞌ ta xtirakꞌaxaj ri tzij riꞌ, ja riyin ri ma ndirajoꞌ ta ngirakꞌaxaj, y ri ma xtirajoꞌ ta xkirakꞌaxaj, ma ndirajoꞌ ta ndirakꞌaxaj rutzij ri taqayon pe wichin.

2 Pedro 2:19

Ndikibꞌij chake chi ngekelesaj pa ruqꞌaꞌ ri ma ndiyoꞌon ta qꞌij chake chi ndikibꞌen ri ndurayij ri ki-cuerpo, pero ri ngebꞌiꞌin keriꞌ ma ndikinaꞌ ta kiꞌ chi ekꞌo chuxeꞌ ruchuqꞌaꞌ ri itzel teq achike ndikirayij. Keriꞌ nibꞌij, porque atoq jun wineq kꞌo chuxeꞌ ruchuqꞌaꞌ jun itzel rayinik, kin pa ruqꞌaꞌ ri rayinik riꞌ kꞌo wi.

Romanos 1:29

Ri kánima nojneq rikꞌin ri ma chaj ta ndikibꞌanalaꞌ, eꞌitzel chikibꞌanik, ngejamem chirij xa achike na, itzel teq kinoꞌoj chi wineq, itzel ndikinaꞌ chare roma utz kibꞌanun chꞌaqa chik, ekamisanel, xe oyowal koma, tzꞌan ngechꞌakatin, ndikikusaj ri kinojibꞌal chin ndikibꞌen itzel chake chꞌaqa chik, ja ma ja teq tzij ndikibꞌilaꞌ chikij wineq,