2 Timoteo 2:9 - Kaqchikel Santo Domingo (Xenacoj)

⁹ Y roma nitzijoj ri utzulej teq tzij riꞌ, niqꞌasaj kꞌayew, y hasta yin ximon pa cheꞌ achel yin ta jun itzel achi keriꞌ. Pero ri rutzij ri Dios ma qꞌaton ta rutzijoxik.

နောက်ထပ်ဗားရှင်းများ

Kaqchikel Santa Maria de Jesus

⁹ Y ruma nitzijuoj ri evangelio, niꞌan sufrir. Inreꞌ incꞌo vaveꞌ pa cárcel y bꞌanun chuva incheꞌl in itziel ache. Pero ri ruchꞌabꞌal ri Dios man cꞌo ta pa cárcel.

Kaqchiquel Bible

⁹ Y roma nintzijoj ri ch'abel ri', nintej poqon, inximon re pa cárcel, achi'el jun kamisanel. Jak'a ri ruch'abel ri Dios man ximil ta.

Kaqchikel Central Guatemala

⁹ Y roma nintzijoj ri utzilej ch'abel richin colotajic, nintej pokon. Yin xixim re pa cárcel y xban chuve achi'el jun itzel achin. Jac'a ri ruch'abel ri Dios man ximil ta.

Re C'ac'a Testamento pa Kach'abal

⁹ Y roma nintzijoj re utzulaj ch'abal chin re Dios, nintaj pokan. Yen yinximon pa cárcel y xban chua ancha'l jun itzel ache. Pero re ruch'abal re Dios man ximil-ta.

Kaqchikel Western Solola

⁹ Y ruma ntzijoj ri lok'olaj ch'abel ri', ntij pokon, y hasta xixim re pa tak cárcel. Y xban chuwe achi'el jun itzel achi. Yac'a ri ruch'abel ri Dios ma ximil ta.

2 Timoteo 2:9 ပူးပေါင်းရင်းမြစ်များ

Filipenses 1:7

Y kin utz chi riyin keriꞌ ninaꞌ iwoma, porque rixkꞌo pa wánima y jun iwánima ibꞌanun wikꞌin chupan ri nimalej favor ruyoꞌon ri Dios chuwa. Jun iwánima ibꞌanun wikꞌin re yinkꞌo pa cheꞌ, y jajun atoq niqꞌalajrisaj chi ri utzulej teq tzij chin kolotajik kin qetzij y utz chi nditzijox.

Hechos 28:31

Y rijaꞌ ndutzijoj chake ri achike rubꞌeyal chin ngeꞌok ri wineq pa ru-reino ri Dios, y ngerutijoj pa ruwiꞌ ri Ajaw Jesús ri taqon pe roma ri Dios chukolik ri rutinamit. Y nixta jun ndiqꞌato richin ri Pablo chi keriꞌ ndubꞌen.

2 Timoteo 1:8

Romariꞌ, ma kakꞌix ndayaꞌ utzulej rutzijol ri Qajaw, ma kakꞌix chuqaꞌ ndabꞌij chi awetaman nuwech riyin ri yin tzꞌapel pa cheꞌ roma nitzijoj ri utzulej teq tzij chin kolotajik. Pa rukꞌexel riꞌ, rikꞌin ri uchuqꞌaꞌ yoꞌon chawa roma ri Dios, takochꞌoꞌ junan wikꞌin ri kꞌayew ndipuꞌun pa qakꞌaslen roma rutzijoxik ri utzulej teq tzij chin kolotajik.

Colosenses 4:3

Tikꞌutuj chuqaꞌ chare ri Dios pa qawiꞌ roj chi nduyaꞌ qꞌij chaqe ndiqatzijoj ri rutzij, chin keriꞌ ndiqaqꞌalajrisaj ri ma kin ta qꞌalej rubꞌeyal ojer kan, ri ndichꞌaꞌa pa ruwiꞌ ri achike ri Cristo y ri rukꞌamon pe chaqe. Y riyin roma niyaꞌ rutzijoxik ri utzulej teq tzij riꞌ yin tzꞌapel pa cheꞌ wokami.

2 Timoteo 4:17

Pero ri Ajaw ma xiruyaꞌ ta kan, xa kin xirutoꞌ y xuyaꞌ wuchuqꞌaꞌ chin keriꞌ xintzijoj ri utzulej teq tzij chin kolotajik, y keriꞌ xkakꞌaxaj konojel ri ma israelitas ta ri utzulej teq tzij riꞌ. Y ri Ajaw xirukal chuwech ri kamik.

1 Pedro 2:12

Tikꞌuaj jun utzulej kꞌaslen chikikajal ri ma kitaqin ta ri Dios, chin keriꞌ maske ndikibꞌij chiwij chi rix bꞌanuy itzel teq achike, rejeꞌ roma ndikitzꞌet chi rix ndibꞌen ri utz chikitoꞌik ri wineq, kin xtikiyaꞌ ruqꞌij ri Dios chupan ri qꞌij atoq rijaꞌ nduyaꞌ qꞌij chake chi ndikitaqij ri utzulej teq tzij chin kolotajik.

1 Pedro 4:15

Man ta ndibꞌanatej chi jun chiꞌikajal rix nduqꞌasaj kꞌayew roma xubꞌen jun kamik, o jun eleqꞌ, o jun chꞌaꞌoj, o rujuꞌun apu riꞌ apeꞌ ma oyon ta.

2 Timoteo 1:12

Romariꞌ niqꞌasaj kꞌayew waweꞌ pa cheꞌ, pero ma ngikꞌix ta yinkꞌo chireꞌ, porque kin wetaman ri utzulej runoꞌoj ri achoq ikꞌin nukuqubꞌan nukꞌuꞌx y kin kuqul nukꞌuꞌx chi rijaꞌ kꞌo ruchuqꞌaꞌ chin nduchajij ri ruyoꞌon chuwa hasta kꞌa nduqaqa na ri qꞌij atoq nditzolij pe.

2 Tesalonicenses 3:1

Hermanos, jun chik achike niwojoꞌ nibꞌij chiwa, jareꞌ: Tibꞌanaꞌ orar qoma, chin keriꞌ chaꞌanin ndibꞌa rutzijoxik ri utzulej rutzij ri Ajaw chꞌaqa chik apeꞌ, y chi ri wineq ndikiyaꞌ nim reqalen ri utzulej teq tzij riꞌ, achel ndiyaꞌ reqalen rix.

Colosenses 4:18

Riyin Pablo rikꞌin nuqꞌaꞌ nitzꞌibꞌaj e ruxunaqil iwech. Tikꞌuxlaꞌaj chi yinkꞌo pa cheꞌ y tibꞌanaꞌ orar woma. Ri favor nduyaꞌ ri Dios kin ta xtikꞌojeꞌ pa iwiꞌ rix iwonojel.

Efesios 3:1

Riyin Pablo, yin tzꞌapel pa cheꞌ roma niyaꞌ rutzijol ri utzulej rutzij ri Cristo Jesús chiwa rix, ri ma rix israelitas ta.

Hechos 9:16

Y riyin nikꞌut chuwech janipeꞌ kꞌayew nderuqꞌasaj roma nderuyaꞌ utzulej nutzijol, xchajeꞌ.

1 Pedro 3:16

Pero atoq nditzolij ruwech kitzij, tibꞌanaꞌ rikꞌin jun iwánima ri nixta jun oyowal ndurayij y rikꞌin yalan teq tzij. Tikꞌuaj jun chꞌajchꞌaj kꞌaslen, chin ma itzel tunaꞌ ri iwánima, chin keriꞌ ri ngewalal chirij ri utzulej kꞌaslen ikꞌuan roma itaqin ri Cristo, xa kiyon ndikikꞌixbꞌisaj qa kiꞌ roma ri tzij ndikibꞌilaꞌ chiwij.

1 Pedro 2:14

Tinimaj kitzij chuqaꞌ ri ngebꞌanun gobernar, porque rejeꞌ yoꞌon uchuqꞌaꞌ pa kiqꞌaꞌ pa kiwiꞌ ri tinamit roma ri rey chin ngekibꞌen castigar ri ngebꞌanun itzel teq achike, y chin chuqaꞌ ndikinimrisaj kibꞌiꞌ ri ngebꞌanun ri utz.

2 Timoteo 1:16

Ri Ajaw kin ta xtujoyowaj kiwech ri ekꞌo pa rachoch ri hermano Onesíforo, porque rijaꞌ kꞌiy mul xuruyaꞌ ruchuqꞌaꞌ wánima waweꞌ apeꞌ yin tzꞌapel pa cheꞌ. Ma xkꞌix ta woma, maske xirutzꞌet chi yin ximon rikꞌin cadenas.

San Lucas 23:32

Eꞌukꞌuan e chuqaꞌ kaꞌiꞌ achiꞌaꞌ eꞌitzel chikibꞌanik chin ngekamisex junan rikꞌin ri Jesús.

Hechos 21:33

Atoq xbꞌeqaqa ri ukꞌuey kibꞌey soldados, xutzꞌen ri Pablo, xubꞌen mandar chi tiximox rikꞌin kaꞌiꞌ cadenas. Y ndukꞌutulaꞌ razón achike chi achi ri Pablo y achike xubꞌen.

Filipenses 1:17

Pero ri ndiququt kánima chuwij ndikiyaꞌ rutzijol ri Cristo, xe chin ndikajoꞌ ngeqꞌalajin chi más jabꞌel rutzijoxik ndikibꞌen chare ri rutzij ri Dios ke chinuwech riyin, y xa ma nojel ta kánima ndikibꞌen, y chuqaꞌ ndikajoꞌ chi ndiqꞌaxa ta qa ri wánima chikij waweꞌ pa cheꞌ.

1 Tesalonicenses 1:8

Porque iwikꞌin rix eleneq e chi bꞌaneq rutzijol ri rutzij ri Ajaw, ma xe ta pa irochꞌulew Macedonia y pa rochꞌulew Acaya, xa kin más nej bꞌaneq rutzijol. Y bꞌaneq chuqaꞌ rutzijol chi rix kuqul ikꞌuꞌx rikꞌin ri Dios, y ma ndikꞌatzin ta chi kꞌaja ta na roj ngojbꞌiꞌin keriꞌ.

2 Timoteo 2:3

Y jajun rat takochꞌoꞌ ri kꞌayew ndaqꞌasaj roma ndabꞌen rusamaj ri Cristo Jesús. Kin takochꞌoꞌ achel ndikochꞌon jun utzulej soldado.