2 Timoteo 2:25 - Kaqchikel Santo Domingo (Xenacoj)

²⁵ Ki-kiꞌ awánima takꞌutuꞌ ruchojmil ri rutzij ri Dios chikiwech ri ndikipabꞌaꞌ kiꞌ chuwech ri qetzij, kolopeꞌ ri Dios xtisamej pa kánima chin ndijalatej ri kinoꞌoj y keriꞌ ndikiyaꞌ yan chik pa cuenta ri qetzij,

နောက်ထပ်ဗားရှင်းများ

Kaqchikel Santa Maria de Jesus

²⁵ y akal tichꞌoꞌ chica ri vinak ri man otz ta niquiꞌan pensar chirij ri ruchꞌabꞌal ri Dios, chi tiquicꞌaxaꞌ quinoꞌj. Chi quireꞌ, xa ri Dios nrajoꞌ, can xtuꞌon chica chi xtitzalaj-pa cánima riqꞌuin ri Dios y xtiquiꞌan ri nrajoꞌ y xticatamaj ri ketzij,

Kaqchiquel Bible

²⁵ Y rik'in ch'uch'ujil tabij chike ri winaqi' ri man junan ta kich'obonik pa ruwi' ri ruch'abel ri Dios, chi tikijala' ri kich'obonik. Rik'in juba' rija' nuya' q'ij chike richin nikitzolij-ki' chikij y xtiketamaj ri qitzij.

Kaqchikel Central Guatemala

²⁵ Y riq'uin ch'uch'ujil tabij chique ri vinek ri man junan ta quich'obonic riq'uin ri ruch'abel ri Dios chi tiquijala' ri quich'obonic. Riq'uin juba' ri Dios xtuben chique re vinek re' chi can xtiquetamaj-vi ri kitzij y xtitzolej quic'u'x riq'uin.

Re C'ac'a Testamento pa Kach'abal

²⁵ Y riq'uin jun avánma ch'o'l tabij chique re vinak re man junan-ta niquinojij chij re ruch'abal re Dios, che tiquijala' re niquinojij. Riq'uin ba' re Dios xtuban chique re vinak re', che can xtiquitamaj-va re katzij ruch'abal y xtijalataj quic'aslen chach.

Kaqchikel Western Solola

²⁵ Y nic'atzin chi riq'ui ch'uch'ujil tubij chique ri winek ri xa itzel yech'o chrij ri ruch'abel ri Dios chi tiquijala' ri quina'oj. Riq'ui c'a juba' ri Dios xa xtuben na chique ri winek ri' chi xtitzolin pe quic'u'x y xtiquetamaj ri kitzij.

2 Timoteo 2:25 ပူးပေါင်းရင်းမြစ်များ

Gálatas 6:1

Hermanos, si ndilitej jun ri ndajin rikꞌin mak, rix ri ukꞌuan ri ikꞌaslen roma ri Espíritu Santo, rikꞌin loqꞌ iwánima tibꞌochiꞌij ránima ri jun riꞌ chin nduyaꞌ kan ri mak y nditzolij ránima rikꞌin ri Ajaw. Pero tibꞌanaꞌ cuenta iwiꞌ, ma kꞌateꞌ kixtzaq chuqaꞌ rix pa mak.

Hechos 11:18

Atoq ri israelitas ri kitaqin ri Jesucristo pa tinamit Jerusalén xkakꞌaxaj ri xubꞌij ri Pedro, ma jun chik achike xkichꞌojij chare, xa kin xkiyaꞌ ruqꞌij ri Dios rikꞌin ri kereꞌ xkibꞌij: ¡Wokami kin qetzij qetaman chi jajun chake ri ma israelitas ta, ri Dios ruyoꞌon qꞌij chi ndikijel kinoꞌoj y ndikiyaꞌ kánima rikꞌin, chin ndikil ri kꞌaslen ma ndikꞌis ta!

1 Timoteo 2:4

Porque rijaꞌ ndirajoꞌ chi konojel wineq ngekolotej y ndiketamaj utz-utz ri qetzij.

1 Pedro 3:15

Pa iwánima tinimrisaj ruqꞌij ri Cristo, rikꞌin ndibꞌen chare chi ja rijaꞌ rajaw ri ikꞌaslen. Kin jumul kꞌes inoꞌoj chin nditzolij ruwech kitzij ri ngekꞌutun razón chiwa chi achike roma kuqul ikꞌuꞌx iwoyobꞌen ri rusujun kan ri Dios.

1 Juan 5:16

Si jun ndutzꞌet jun ru-hermano ndajin rikꞌin mak, pero ri mak riꞌ ma ndukꞌuan ta pa kamik, tukꞌutuj chare ri Dios roma, y ri Dios nduchojmirisaj rukꞌaslen ri jun ri ndajin rikꞌin mak. Pero kꞌo mak ri ndukꞌuan pa kamik, y pa kiwiꞌ ri ngetajin rikꞌin ri mak riꞌ, ma nibꞌij ta chiwa chi tikꞌutuj koma.

Hechos 8:22

Tayaꞌ kan ri itzel noꞌoj ngatajin rikꞌin, takꞌutuj akamelal chare ri Dios. Kolopeꞌ rijaꞌ ndujoyowaj awech, y ngarukuy rikꞌin ri itzel ndanojij.

2 Timoteo 3:7

y jumul ndikajoꞌ ndiketamaj kꞌakꞌakꞌ teq tijonik, pero ma jumbꞌey ngetiker ndiketamaj rukꞌuꞌx ri qetzij.

San Mateo 11:29

Tiyaꞌ ri nu-yugo chirij iwiꞌ, y tiwetamaj ri nibꞌen riyin, porque riyin ma ninimrisaj ta wiꞌ y loqꞌ ok wánima, y keriꞌ rix ndiwil uxlanen chin ri iwánima.

Santiago 1:17

Chikaj rikꞌin ri Dios pataneq nojel ri utzulej teq achike y nojel ri loqꞌolej teq sipanik. Ja rijaꞌ bꞌanayon kichin nojel ri chꞌumilaꞌ ri ndujalalaꞌ riꞌ ri luz ndikiyaꞌ, pero rijaꞌ ma jumbꞌey ndijalatej ruwech y maneq qꞌequꞌ rikꞌin.

Tito 1:1

Riyin Pablo, yin rusamajel ri Dios y ru-apóstol ri Jesucristo y yin taqon chikitoꞌik ri echaꞌon roma ri Dios chin ndikitaqij ri Jesucristo. Yin taqon chuqaꞌ chin ndiketamaj utz-utz ri qetzij ri ndukꞌut chikiwech achike ndikibꞌen chin ndikikꞌuaj jun loqꞌolej kꞌaslen achel ndirajoꞌ ri Dios.

Hechos 20:21

Chake ri israelitas y ri ma israelitas ta, xinbꞌij chi tikijalaꞌ kinoꞌoj y tikiyaꞌ kánima rikꞌin ri Dios y tikitaqij ri Qajaw Jesús.

Hechos 5:31

Ri Dios xubꞌen chi pa rikiqꞌaꞌ rijaꞌ xbꞌekꞌojeꞌ ri Jesús rikꞌin nimalej ruqꞌij, y xubꞌen chare chi ndubꞌen mandar pa ruwiꞌ nojel y chi ja rijaꞌ ri Kolonel, chin keriꞌ roj israelitas nditzolij qánima rikꞌin ri Dios y ndikuyutej qamak.

Hechos 2:38

Ri Pedro xubꞌij chake: Tijalaꞌ ri itzel inoꞌoj ibꞌanun chare ri Jesús y titaqij pa iwánima, y pa rubꞌiꞌ rijaꞌ tibꞌanaꞌ bautizar iwiꞌ, chin ndikuyutej imak, y keriꞌ ndiyoꞌox pa iwánima ri Espíritu Santo, ri loqꞌolej sipanik sujun kan.

San Juan 5:34

Pero ma ndikꞌatzin ta chi kꞌa tipe ta na jun wineq ri ndichꞌaꞌa utz pa nuwiꞌ. Riyin nikꞌuxlaꞌaj chiwa ri qetzij ri xubꞌij ri Juan chin keriꞌ kolopeꞌ xkixkolotej.

Marcos 1:15

y ndubꞌilaꞌ: Ja xuqaqa ri tiempo rubꞌanun pe ruwech ri Dios, y ja qꞌij chik chi ri Dios ndutzꞌuk ndubꞌen reinar. Romariꞌ tiyaꞌ kan ri mak, titzolij pe iwánima rikꞌin ri Dios, y titaqij ri utzulej teq tzij chin kolotajik.

Tito 3:2

chi ma itzel kechꞌaꞌa chirij jun wineq, y ma tikibꞌen oyowal. Utz kinoꞌoj y loqꞌ kánima tikibꞌanaꞌ chikiwech konojel.

1 Timoteo 6:11

Pero rat Timoteo, rat jun achi rusamajel ri Dios. Katanimej chuwech nojel ri ngetajin rikꞌin rejeꞌ. Takꞌuaj jun chojmilej kꞌaslen, tabꞌanaꞌ ri ndiqaꞌ chuwech ri Dios, takuqubꞌaꞌ más akꞌuꞌx rikꞌin rijaꞌ, katojowan, kakochꞌon y loqꞌ awánima tabꞌanaꞌ chake konojel.

Hechos 5:21

Atoq xseqresan pe, ri apóstoles xeꞌok pa rachoch ri Dios achel xubꞌij ri ángel chake, y ngekitijoj ri wineq chiriꞌ. Jukꞌan chik apeꞌ, ri más nimalej ruqꞌij sacerdote y ri kachibꞌilan, xekoyoj ri chꞌaqa chik achiꞌaꞌ israelitas ri junan kikꞌin rejeꞌ kꞌo uchuqꞌaꞌ pa kiqꞌaꞌ. Ri chꞌaqa chik ri xeꞌoyox, ja ri intéra teq achiꞌaꞌ kꞌo kiqꞌij chikiwech ri tinamit. Y atoq kimolon chik kiꞌ, xkibꞌen mandar chi kekꞌamer pe ri apóstoles ri pa kitzij rejeꞌ kꞌa etzꞌapel pa cheꞌ.

San Mateo 21:32

Porque ri Juan ri Bautista xtaq pe chiꞌikajal chin xurukꞌutuꞌ chiwech rubꞌeyal ri chojmilej kꞌaslen ri ndirajoꞌ ri Dios, y rix ma xitaqij ta, pero ri moloy teq méra pa rubꞌiꞌ ri rey y ri ixoqiꞌ ri ndikikꞌayilaꞌ kiꞌ chake achiꞌaꞌ, kin xkitaqij ri xubꞌij. Y rix maske xitzꞌet ri xbꞌanatej, nixta keriꞌ ma xtzolij ta pe iwánima chin ta xitaqij.