2 Timoteo 2:24 - Kaqchikel Santo Domingo (Xenacoj)

²⁴ Y jun rusamajel ri Ajaw ma ndutzeq ta riꞌ pa oyowal, xa kin ndikꞌatzin chi utz runoꞌoj ndubꞌen chake konojel. Y ndikꞌatzin chuqaꞌ chi rijaꞌ jun utzulej tijonel y ngerukachꞌ ri altíra kinoꞌoj.

နောက်ထပ်ဗားရှင်းများ

Kaqchikel Santa Maria de Jesus

²⁴ Ruma jun ru-siervo ri Ajaf Dios, man otz ta nuꞌon ayoval. Can nicꞌatzin chi otz runoꞌj nuꞌon quiqꞌuin quinojiel. Y nicꞌatzin jeꞌ chi nicovin ncaꞌrutijuoj otz ri hermanos, y nucochꞌ ri niꞌan cha,

Kaqchiquel Bible

²⁴ Roma rat at jun rusamajel ri Ajaw, man ruk'amon ta chi naben oyowal. Jak'a kan nik'atzin chi utz naben kik'in konojel. Y nik'atzin chuqa' chi ye'atijoj chi utzil ri qach'alal, y chi yakoch'on chuqa'.

Kaqchikel Central Guatemala

²⁴ Roma jun rusamajel ri Ajaf Dios achi'el rat, man ruc'amon ta chi naben oyoval. Can nic'atzin chi utz naben quiq'uin conojel. Y nic'atzin chuka' chi ye'atijoj chi utzil ri kach'alal, y chi yacoch'on chuka'.

Re C'ac'a Testamento pa Kach'abal

²⁴ Roma jun rusamajel re Ajaf Dios ancha'l rat, man ruc'amon-ta che naban ayoval. Nic'atzin che otz naban quiq'uin conojel. Y nic'atzin chuka' che ya'tijoj otz re hermanos, y chuka' che yacoch'on.

Kaqchikel Western Solola

²⁴ Ruma jun rusamajel ri Ajaf Dios, ma utz ta chi nuben oyowal. Can nic'atzin chi utz runa'oj quiq'ui quinojel. Y nic'atzin chuka' chi nicowin yerutijoj jabel ri kach'alal, y nicoch'on.

2 Timoteo 2:24 ပူးပေါင်းရင်းမြစ်များ

Tito 3:2

chi ma itzel kechꞌaꞌa chirij jun wineq, y ma tikibꞌen oyowal. Utz kinoꞌoj y loqꞌ kánima tikibꞌanaꞌ chikiwech konojel.

Tito 1:7

Ri ndok ukꞌuey bꞌey kin ndikꞌatzin chi ma jun itzel ndilitej pa rukꞌaslen, porque pa ruwiꞌ rusamaj ri Dios ndiyoꞌox wi. Romariꞌ ndikꞌatzin chi ma nim kerunaꞌ chare, ma chaꞌanin ta ndipuꞌun royowal, nduqꞌet riꞌ chuwech rutijik yaꞌ, ma chꞌeyonel ta, y ma ndibꞌa ta ránima chirij méra ri ma pa ruchojmil ta ndichꞌak.

1 Tesalonicenses 2:7

Roj kꞌo ta cheꞌel xqabꞌen mandar chiwa chi kin nim qeqalen qojitzꞌetaꞌ, porque roj apóstoles chin ri Cristo, pero pa rukꞌexel riꞌ, xa kin xqabꞌen chare ri qánima achel ránima jun akꞌual chiꞌikajal, xixqajoꞌ achel jun teꞌej ri ngerilij y ngerukꞌiytisaj ri ral.

1 Timoteo 6:11

Pero rat Timoteo, rat jun achi rusamajel ri Dios. Katanimej chuwech nojel ri ngetajin rikꞌin rejeꞌ. Takꞌuaj jun chojmilej kꞌaslen, tabꞌanaꞌ ri ndiqaꞌ chuwech ri Dios, takuqubꞌaꞌ más akꞌuꞌx rikꞌin rijaꞌ, katojowan, kakochꞌon y loqꞌ awánima tabꞌanaꞌ chake konojel.

Colosenses 3:13

Tikochꞌolaꞌ iwiꞌ y tikuyulaꞌ iwiꞌ chiwech. Atoq kꞌo jun ndisujun chirij jun chik, kixkuyun achel xixrukuy ri Ajaw.

Filipenses 2:14

Y nojel ri ndibꞌen, ma tibꞌen rikꞌin wololenik, nixta tichꞌolilaꞌ iwiꞌ pa ruwiꞌ.

Filipenses 2:3

Atoq ndibꞌen jun achike, ma tibꞌen xe chin ndiwojoꞌ ngixqꞌalajin chi más kꞌo iqꞌij ke chuwech jun chik, nixta tibꞌen xe roma nim ndinaꞌ chare, xa kin tiqasaj iwiꞌ. Chiꞌijununal tinaꞌ pa iwánima chi más kꞌo keqalen ri chꞌaqa chik.

Efesios 4:2

Tiqasaj iwiꞌ, utz inoꞌoj tibꞌanaꞌ chake ri wineq, ma tikꞌo ikꞌuꞌx chupan ri ndiqꞌasaj, rikꞌin ajowabꞌel tikochꞌoꞌ iwiꞌ chiwech,

1 Pedro 3:8

Ri rukꞌuꞌx nojel re ngitajin chutzꞌibꞌaxik chiwa, jareꞌ: Xe jun iwánima tibꞌanaꞌ rix iwonojel, kixpoqonan, tiwojoꞌ iwiꞌ chiwech, utz inoꞌoj tibꞌanaꞌ y ma tinimrisaj iwiꞌ.

Santiago 3:17

Pero ri wineq ri kichajin ri nojibꞌel pataneq rikꞌin ri Dios, kin qetzij chi kikꞌuan jun chꞌajchꞌaj kꞌaslen, ndikiqꞌet kiꞌ chuwech ri oyowal, utz kinoꞌoj ndikibꞌen chake chꞌaqa chik, chaj ndikikꞌuaj kiꞌ kikꞌin chꞌaqa chik, ngepoqonan y jabꞌel ngetoꞌon, ma ngekichaꞌ ta kiwech wineq, y ma kaꞌiꞌ ta kipalej.

Tito 1:9

Ri ndok ukꞌuey bꞌey ndikꞌatzin chi ndukꞌut ri rutzij ri Dios achel ri qetzij kꞌutun kan chuwech, chin keriꞌ nditiker ndubꞌochiꞌij kánima ri hermanos rikꞌin utzulej teq tijonik, y nditiker chuqaꞌ ndubꞌen chake ri eyakatajneq chirij ri qetzij chi ndikiyaꞌ cuenta chare chi ma ja ta ri ngetajin rikꞌin.

2 Corintios 10:1

Riyin Pablo, rikꞌin ri loqꞌ ránima y jabꞌel runoꞌoj ri Cristo, kꞌo nukamelal niwojoꞌ nikꞌutuj chiwa, porque ekꞌo jujun chiꞌikajal ri ndikibꞌilaꞌ chi atoq yinkꞌo apu chiꞌikajal, xa niqasaj wiꞌ, pero atoq ma yinkꞌo ta chiꞌikajal, nim ninaꞌ chare.

Hechos 7:26

Chukan qꞌij ri Moisés xebꞌerilaꞌ ekaꞌiꞌ israelitas ndikichꞌeyelaꞌ kiꞌ. Rijaꞌ xrajoꞌ xeruqꞌil, y kereꞌ xubꞌij chake: Rix iwinaqul iwiꞌ. ¿Achike roma ndichꞌeyelaꞌ iwiꞌ? xchajeꞌ.

San Mateo 12:19

Rijaꞌ ma ndutzꞌen ta chaponik, nixta ndureq ruchiꞌ chi oyowal, Ma jun ndakꞌaxex chirij chi ndunimrisalaꞌ ta riꞌ pa teq bꞌey.

Santiago 4:2

Rix ngixjamem chirij kꞌiy achike, pero roma ma ndiwil ta, hasta ngixkamisan, y itzel ndinaꞌ chare roma utz rubꞌanun jun chik, y roma ma ngixtiker ta ndiwil ri ndiwojoꞌ, ndibꞌanalaꞌ kakaj y nimaꞌq teq oyowal chiwech. Rix maneq iwikꞌin ri ndiwojoꞌ, porque ma ndikꞌutuj ta chare ri Dios.

Santiago 1:1

Riyin Santiago, rusamajel ri Dios y rusamajel ri Ajaw Jesucristo, nitzꞌibꞌaj e re wuj reꞌ chiwa rix ri kiy-kimam kan ri kabꞌlajuj rukꞌajol ri Israel ri ikiran iwiꞌ chuwech ri rochꞌulew. Niteq e ruxunaqil iwech.

Judas 1:3

Rix ri tzꞌan ngixinwojoꞌ, riyin kin nutijon nuqꞌij chi nutzꞌibꞌan e jun wuj chiwa pa ruwiꞌ ri kolotajik yoꞌon chaqe. Pero xinnaꞌ pa wánima nitzꞌibꞌaj e re wuj reꞌ chiwa, chin ngixinpixabꞌaj chi tipabꞌaꞌ iwiꞌ chikiwech ri ndikajoꞌ ndikijel qa rubꞌeyal ri tijonik ri xe jumbꞌey y chin jumul ruyoꞌon kan ri Dios chaqe roj ri loqꞌolej rutinamit.

Hechos 23:9

Konojel ri kimolon kiꞌ santienta ngesikꞌin apu, y xeyakatej jujun fariseos tijonelaꞌ chin ri ley xyoꞌox chare ri Moisés. Rejeꞌ xkireq apu kichiꞌ chubꞌixik: Ma jun rumak ndiqil re achi reꞌ, kolopeꞌ qetzij xuqꞌalajrisaj riꞌ jun espíritu o jun ángel chuwech, ngechajeꞌ.

Tito 1:1

Riyin Pablo, yin rusamajel ri Dios y ru-apóstol ri Jesucristo y yin taqon chikitoꞌik ri echaꞌon roma ri Dios chin ndikitaqij ri Jesucristo. Yin taqon chuqaꞌ chin ndiketamaj utz-utz ri qetzij ri ndukꞌut chikiwech achike ndikibꞌen chin ndikikꞌuaj jun loqꞌolej kꞌaslen achel ndirajoꞌ ri Dios.

Gálatas 5:22

Pero atoq jun ukꞌuan rukꞌaslen roma ri Espíritu Santo, kereꞌ ndiqꞌalajin pa rukꞌaslen: Ndojowan, ndikikot, kꞌo uxlanen pa ránima, ma ndikꞌo ta rukꞌuꞌx ndiroyobꞌej jun achike, utz runoꞌoj chake ri wineq, utz ndubꞌen chake ri wineq, kin ndubꞌen ri ndubꞌij,

2 Corintios 10:4

Porque ri nimalej uchuqꞌaꞌ yoꞌon chaqe, ma richin ta ri rochꞌulew, xa kin rikꞌin ri Dios pataneq, y ja uchuqꞌaꞌ riꞌ ndiqakusaj chin ngeqakꞌis kiqꞌij nojel ri ngenojiloꞌox y ngebꞌiloꞌox chiqij.

Hechos 15:2

Riꞌ xubꞌen chi ri Pablo y ri Bernabé ndikichuquchaꞌ kiꞌ chi tzij kikꞌin rejeꞌ, y hasta xmeqꞌeꞌ qa chake ri ndikibꞌilaꞌ. Y roma keriꞌ xbꞌanatej, ri hermanos pa tinamit Antioquía xekichaꞌ ri Pablo y ri Bernabé y jujun chik hermanos chin xekiteq e pa tinamit Jerusalén apeꞌ ekꞌo ri apóstoles y ri eꞌukꞌuey bꞌey chikiwech ri hermanos, chin ndikikanoj rubꞌeyal nojel reꞌ.

San Juan 6:52

Ri israelitas atoq xkakꞌaxaj ri xubꞌij ri Jesús, xkitzꞌen kiꞌ chi tzij y ndikibꞌilaꞌ chikiwech: ¿Achike rubꞌeyal riꞌ chi re achi reꞌ nduyaꞌ ri ru-cuerpo chaqe chin ndiqakꞌux?

2 Corintios 6:4

Pa rukꞌexel riꞌ, ndiqatij qaqꞌij chi nditzꞌetetej pa qakꞌaslen chi qetzij roj rusamajelaꞌ ri Dios rikꞌin nojel ri ndiqabꞌen. Qakochꞌon ri qꞌaxomal ndiqaqꞌasaj pa kiqꞌaꞌ ri wineq, qakochꞌon atoq maneq ndutzꞌen qaqꞌaꞌ, qakochꞌon ri kꞌayew qaqꞌasan pe,